Një aksident me dy shqiptarë të vdekur dhe një tjetër person të plagosur rënde ka ndodhur pasditen e sotme në Italinë fqinje.
Siç raportojnë mediat lokale, rreth orës 18, në kryqëzimin e rrugëve “Melona” e “Capannaguzzo” në Cezena, janë përplasur dy automjete: një furgon dhe një kamion me rimorkio.
Viktimat janë një 37-vjeçar dhe një 39-vjeçar, identiteti i të cilëve nuk bëhet i ditur.
Një person i tretë, shtetësia e të cilit nuk bëhet e ditur nga raportimet e mediave lokale, është në gjendje të rëndë.
Më datë 18.07.2017, në numrin e Emergjencave 112, rreth orës 21:13, ka ardhur një telefonatë se në rrugën “Arkitekt Kasemi” është hedhur nga ballkoni një shtetase.
Në vendngjarje kanë mbërritur shërbimet e policisë dhe ambulanca.
Nga verifikimet e bëra ka rezultuar se nga kati i 3 – i pallatit, është hedhur shtetasja, R. P., 48 vjeç, e cila ka gjetur vdekjen e menjëhershme.
Nga hetimet paraprake dhe deklarimeve të familjarëve, është mësuar se shtetasja R.K., vuante nga depresioni.
Vazhdon puna nga ana e grupit hetimor për zbardhjen e rrethanave të ngjarjes.
Arrestohet pak orë pas ngjarjes autori i vrasjes së shqiptarit Demir Hyseni në Itali. Ishte në Bari gati për t’u nisur, por nuk pati kohë për të hipur në bordin e tragetit, pasi vrasësi i muratorit shqiptar u arrestua mbremjen e të martës nga policia në kryeqytetin rajonal të Ternit. Arratia i zgjati pikërisht dymbëdhjetë orë.
Mediat italiane shkruajnë duke cituar policinë italiane se autori i dyshuar është një shqiptar që kishte mbërritur në Itali në datën 10 korrik dhe që si mision kishte vetëm vrasjen e Hysenit dhe kthimin më pas në Shqipëri. Mësohet se shqiptari i arrestuar, emri i të cilit nuk dihet ende, ishte duke tentuar të kthehej me tragetin e Durrësit dhe në momentin e arrestimit shoqërohej nga një tjetër bashkatdhetar i tij, i cili gjithashtu është ndaluar.
Një aksident i tmerrshëm ka ndodhur në Durrës por po aq i tmerrshëm është edhe reagimi i të plagosurës e cila në mënyrë tërësisht të papërgjegjshme nuk ka pranuar të shoqërohet në spital duke vazhduar rrugën e mbuluar në gjak.
Newsbomb.al raporton se në afërsi të Urës së Dajlanit një makinë tip “Fiat” që drejtohej nga një i ri ka përplasur këmbësoren. Ndonëse me shpejtësi, mjeti ndaloi për t’i dhënë ndihmë gruas por ajo refuzoi, aspak e ndërgjegjshme për rëndësinë e jetës së saj dhe situatën e krijuar.
Ndonese e mbuluar nga gjaku ajo nuk ka pranuar që të shoqërohet për në spital. Menjëherë në vendngjarje kanë mbërritur forcat policore të cilat po hetojnë lidhur me shkaqet dhe rrethanat e këtij aksidenti.
DVP Vlorë, Policia Policia ka arrestuar në flagrancë nje shtetas për lidhje energjie elektrike të paligjshme.
– Durim Sinaj, 41 vjeç, banues në Vlorë
Policia ka bërë të mundur arrestimin e tij në flagrancë pasi gjatë një kontrolli të ushtruar nga OSHEE, në banesën e tij 4 katëshe në lagjen “Pavarsia”, kanë konstatuar një linjë të dytë të energjisë elektrike e cila furnizonte një tjetër objekt (garzoniere) në pjesën e pasme të kësaj banese në pronësi të shtetasit V.S..
Materialet u referuan në Prokurorinë e Rrethit Gjyqësor Vlorë për veprën penale “Vjedhja e energjisë elektrike ose impulseve telefonike”, parashikuar nga neni 137 i Kodit Penal.
Vlorë. Vijon operacioni masiv antidrogë. Finalizohet operacioni “JAVA”. Sekuestrohen 300 kg lëndë narkotike e dyshuar Cannabis Sattiva. Arrestohet në flagrancë poseduesi i lëndës narkotike.
Në vijim të operacionit masiv antidrogë të zhvilluar nga Policia e Vlorës e mbështetur edhe nga FNSh gjatë gjithë javës në territorin e Llakatundit për goditjen e prodhimit dhe shitjes apo trafikimit të lëndëve narkotike, më datë 17.07.2017, Seksioni për Hetimin e Narkotikëve në Drejtorinë Vendore të Policisë Vlorë në bashkëpunim me strukturat e Drejtorisë së Kufirit dhe Migracionit, kanë zhvilluar dhe finalizuar një tjetër operacion policor në fshatin Grabian, Vlorë.
Si rezultat i operacionit në një pjesë toke (ullishte) u gjetën të fshehur dhe u sekuestruar 24 thasë të mbushur me lëndë narkotike të dyshuar Cannabis Sattiva, me peshë totale 300 kilogramë.
Nga hetimet e para të kryera nga Specialistët e Seksionit për Hetimin e Narkotikëve ka rezultuar që sasia e lëndës narkotike dyshohet se i përkiste shtetasit Agron Danaj, 52 vjeç, banues ne fshatin Grabian,Vlorë, i cili është arrestuar në flagrancë për veprën penale ” Prodhim dhe shitja e narkotikëve” , parashikuar nga neni 283 i Kodit Penal.
Policia e Vlorës po vijon kontrollin e territorit në të gjithë territorin me qëllim evidentimin dhe goditjen e shitjes dhe trafikimit të lëndëve narkotike.
Një 28-vjeçar ka mbetur i plagosur pas një sherri të ndodhur mbrëmjen e djeshme në Tiranë. Burime nga Policia bëjnë me dije se mëngjesin e sotëm kanë mundur të vënë në pranga një të dyshuar për plagosjen me thikë.
Ngjarja ka ndodhur në rrugën “Mihal Grameno”, ku gjatë një konflikti të çastit Ervis Mateli ka goditur me thikë 28-vjeçarin me inicialet I. K., i cili aktualisht ndodhet jashtë rrezikut për jetën.
Pas ngjarjes, mëngjesin e sotëm policia ka mundur të arrestojë të dyshuarin Ervis Mateli, 33 vjeç.
Dosja i ka kaluar Prokurorisë së Tiranës për akuzën e ‘Plagosjes së rëndë me dashje’ dhe ‘prodhimi, mbajtja blerja apo shitja pa leje e armëve të ftohta’.
Një person u mor peng në Spille, u fut forcërisht në makinë dhe u dhunua. Lajmin e bën me dije policia, e cila njofton se ka mundur të arrestojë tre pengmarrësit.
“Më datë 17.07.2017, në plazhin e Spilles, 3 shtetas në bashkëpunim me njëri-tjetrin, kanë marrë në mjetin tip “Rover”, pa targa, shtetasin A. D., 54 vjeç, të cilin e kanë dhunuar fizikisht dhe më pas e kanë mbajtur jashtë vullnetin të tij, në vende të ndryshme”- njofton policia.
Sipas saj, nga specialistët për hetimin e krimit Kavajë u ngrit puna për kapjen e këtyre shtetasve të cilët më datë 18.07.2017 bënë të mundur arrestimin e tre personave. Në pranga u vunë shtetasit Z.Xh., 31 vjeç. B.Ç., 32 vjeç. B.M., 25 vjeç. Materialet u referuan në Prokurorinë e Rrethit Gjyqësor Kavajë, për veprën penale ” Heqje paligjshme e lirisë”, parashikuar nga neni 110/2 i Kodit Penal.
