Debat

Një debat i madh ka mbi investimet turke, ka përfshirë ditën e sotme deputetin demokrat Dashamir Shehi dhe Kryeministrin Edi Rama.

Pasi Rama e quajti “pijanec që ha plons”, Shehi i ka komentuar deklaratat si e pjesë e llumit me të cilin merret kreu i qeverisë.

Deputeti ka sulmuar Ramën, duke deklaruar se aristokrati i madh dikur flinte poshtë urave të Parisit.

Në një reagim të ashpër, Shehi është shprehur se:

Janë muhabete për llumin, me të cilat merret Rama. Se kush jam unë më njeh gjithë Shqipëria. Ajo që them unë nuk jemi kundër investimeve por të mos e ekzagjerojmë me Turqinë. Vuajmë nga dëshira të kemi investitorë europianë, gjermanë e anglezë.
Turqve u jemi mirënjohësve, por në rradhë të parë jemi shqiptarë, duam të hyjmë në Europë. Duke e ekzagjeruar në këtë situatë me këtë turbulencë që ka Ankaraja, duhet të mendojë një burrë shteti: Do shkojmë drejt Europës apo drejt Anadollit.

Në sektorë strategjikë turqit janë gia prezentë. Duhet të tërhiqemi nga turbullirat e Anadollit. Aeroporti është një aferë korruptive. Nuk duhet t’u hapim dyert kujtdo që hedh 5 lekë para derës.

Vuan komplekset e një të padituri, ka një urrejtje ndaj komunitetit të Tiranës, thotë se çdo tirons ha plons, ky aristokrati i madh që ha haviar…

Frikë duhet të ketë Rama. Ai flinte poshtë urave të Parisit. Duhet t’u dalim për zot interesave të Shqipërisë. Me këto pilafrat dhe groshat, merret ai vetë. Mua në fakt më ka marrë malli për këto… “

Sot parlamenti debatoi për ekstradimin e Nazer Seitaj nga Shqipëria në Itali me urdhër të ministres se drejtësisë Etilda Gjonaj, e cila u kundërpërgjigj me ftohtësi e sulm kërkesës së Enkelejd Alibeaj nga PD në interpelancën e kërkuar. Që në fillim deputeti, ish-ministër drejtësie, u hodh në betejë me “raketa” ndaj ministres së drejtësisë. Përfaqësuesi demokrat akuzoi se ekstradimi i financierit të grupit Habilaj është bërë me urdhër te kryeministrit Rama, ndonëse firmën e ka hedhur ministrja e drejtësisë. Ekstradimi u firmos në mënyrë që financieri i drogës të mos ishte në Shqipëri, pasi kishte vendosur të fliste e të tregonte emra, ku pritej të dilte emri i Saimir Tahirit. Sipas deputetit demokrat ministrja e drejtësisë duhet të shkonte para drejtësisë, sepse nuk mund të ekstradohej një njeri i tillë pasi po hetohej nga prokuroria e krimëve të rënda të Shqipërisë, dosje e cila bashkohet me dosjen Tahiri.

Thelbi i kërkesës demokrate ishte se ekstradimi është në kundërshtim flagrant me ligjin dhe arësyeja ka qenë për ta hequr qafe nga Shqipëria se mos fliste për ish-ministrin e brendshëm Saimir Tahiri.

Në përgjigjen e saj ministrja Gjonaj, dukej se ishte instruktuar me kujdes, foli ngadalë e pa gabime si dhe duke përmbajtur emocionet para sallës së Kuvendit, sepse ishte hera e parë që fliste e dilte në një arenë ku ujqërit të shqyejnë. Bile në një moment ministrja simpatike, e shkujdesur, tha se “çka kërkoni nga unë?!”, një thirrje sikur ishte në një sallë leksioni si studente. Por e kapërdiu momentin delikat femëror dhe u hodh në sulm ndaj pjesës së opozitës duke i akuzuar se nuk duan reformën në drejtësi. Bile bëri edhe akuza ndaj ish-ministrave të drejtësisë. E hodhi një “plumb” dhe e la në sallë për disa ish-ministrja drejtësie para saj në atë ministri.

Nuk duroi dhe deputeti Alibeaj doli duke treguar firma e dokumenta te firmosura prej saj, sipas atij, dhe e përmblodhi sulmin në “Duam që ti të shkosh në burg te 313-ta!”.

313-ta është burg jo fort i mirë në Tiranë!

Në foto: Majtas ministrja e drejtësisë Etilda Gjonaj, ndërsa në të djathtë Nazer Seitaj kur ishte në burgun 313-të

Një përplasje virtuale ka ndodhur sot mes ish kryeministrit Sali Berisha dhe gazetarit të njohur Artan Hoxha, pas deklaratave të këtij të fundit në studion e “Opinion” mbrëmjen e djeshme ku flitej për arrestimet e “peshqve të mëdhenj”.

Berisha i ka kushtuar një analizë të gjatë shkruar në profilin e tij të FB Hoxhës, të cilin madje edhe e ofendon, duke e quajtur “mender gazetar”.

“Sqaroj këtu se vetëm një jave pasi i mori dëshminë e një të riu ai u ekzekutua, dhe ky i quajtur mender gazetar, si për të justifikuar apo bërë të parëndësishme jetën e një njeriu, përdhos për së vdekuri viktimën e tij duke thënë se edhe ai i ri ishte i malavites (dmth punë e madhe se u vra). Por me këtë rast dua ti përsëris edhe njëherë sharlatanit Artan Hoxha, që trillon së fundi se mbrohet nga CIA, se deri sa të gjejë vrasësin e të ndjerit, dëshmitarit, ai dhe vetëm ai është i dyshuari nr. 1 si hjekes, vrasjes së tij”.

Por menjëherë ka ardhur edhe reagimi i gazetarit Hoxha në FB, që thotë se shumë i paska djegur Berishës ajo që ka thënë ai në studon e Blendi Fevziut.

Por shikoni pak se cfarë i shkruajnë komentuesit Tan Hoxhës, në përgjigjen që i ka kthyer Berishës. Ndër të tjera bie në sy thirrja për kujdes teksa i kujtojnë se këtu në Shqipëri njerëzit vdesin në një aksident me 20 km në orë.