Mbremja e te henes ne emisionin “Studio e Hapur” ishte nje perballje e ashper mes ish kryeministrit Sali Berisha dhe gazetarit Artan Hoxha.
Berisha, si rrallë herë, ka ndërhyrë në emision live, dhe ka humbur kontrollin gjatë telefonates.
Shkak u bë një deklaratë e Artan Hoxhës, që kërkoi nga Prokuroria të nisë menjëherë hetimet për Berishën, pas akuzave të këtij të fundit për një nga negociatorët e marrëveshjes Shqipëri-Greqi.
“Në media filloi ky qarkullim informacioni, dhe u pa presioni i shtuar ndaj presidentit Meta.
Prokuroria duhet të nisi urgjentisht hetimin pas deklaratave të Berishës.
Dhe ose Berisha, ose Meçollari të gjejnë drejtimin.
Nuk mundet që një ish-kryeministër të lëshojë pufka të tilla,” tha Hoxha.
Menjëherë pas kësaj deklarate, Berisha ka marrë në telefon moderatoren Eni Vasili dhe i është vërsulur Artan Hoxhës me një sërë akuzash, ndërkohë që ky i fundit i është kthyer dhe i ka numëruar vrasjet për të cilat akuzohet.
Ish-kryeministri Sali Berisha është përplasur LIVE me gazetarin Artan Hoxha në emisionin e gazetares Eni Vasili në News24. Teksa në studio po diskutohej çështja e Artur Meçollarit, njërit prej anëtarëve të grupit negociator për kufirin me Greqinë, ka ndërhyrë me telefon ish-kryeministri i cili gjatë ditës tha se personi në fjalë është larguar nga detyra si spiun për palë të tjera.
Berisha u është përgjigjur akuzave të gazetarit Artan Hoxha se në 2009-ën grupi negociator u mbajt sekret. Ish-kryeministri e quajti Hoxhën “një gënjeshtar të paskrupullt” dhe që sipas tij “është i akuzuar se në Itali ka vrarë një dëshmitar”.
“Ai sjell në studio trillime dhe mashtrime të paskrupullta. Nuk ka asgjë të vërtetë përveç shpifjeve të tij. Grupi negociator ka dalë disa herë. Kur njerëz apo përfaqësues të organizatave kriminale dalin në TV dhe akuzojnë është e turpshme” – tha Berisha. Ka reaguar menjëherë gazetari që ka kujtuar nga çështje si “21 janari” deri te vrasjet në Tropojë.
Plas debati keq në studion e emisionit “Studio e Hapur” në News 24 mes gazetarit Artan Hoxha dhe ish-kryeministrit Sali Berisha.
https://dailymotion.com/video/x6fby3u
Akuza të forta për shpifje dhe gënjeshtra janë lëshuar nga të dyja palët e nuk kanë munguar akuzat e forta për implikime në krime dhe vrasje.
Debati:
Hoxha: Mbas marrëveshjes.
Berisha; Para marrëveshjes, gënjen dhe vetëm gënjen.
Hoxha: Të jap datat. Ashtu siç gënjen ti për atë dëshmitarin e kanabisit. Ke dy deklarata të partisë Demokratike në mbrojtje. Dhe aji nuk është vrarë 1 javë më mbrapa, por 4 muaj më mbrapa.
Berisha: Je një gënjeshtar
Hoxha: Je ti gënjeshtar. Je ti që në atë video thoje në Toropojë o gjallë o vdekur… që thoje nuk iki nga Tropoja pa e marrë këtë me vete.
Berisha: Je një gënjeshtar mjeran.
Hoxha: Je kapur ti në 21 janar duke manipuluar prova. Je ti që je kapur në Tropojë që ke kërkuar që të marrësh me vete Shkëlqim Haklajn, dhe shkëlqim Haklaj u vra në 5 janar të vilti 1998.
Dhe mbas asaj vrasje ke edhe 150 vrasje të tjera në Tropojë. Cdo shantazh dhe presino i yti nuk me tremb, nuk më ka trembur kurrë.
Ke qënë anëtar i
Berisha: Ti nuk ke as fytyrë, as moral as karakter.
Hoxha: Nuk më zhduk dot mua siç zhduke Remzi Hoxhën. Ti kam nxjerrë kufomat e tua nga varri. Më lë mua në kurriz vrasjen e një personi që unë kam akuzuar policinë e shtetit.
Berisha: Ti merresh me trillime dhe mashtrime…
Hoxha: I zgjidhim herës tjetër. Ti je hijeks i Azem Hajdarit… Berisha: Ti ke qenë bashkëpunëtor i Haklajve. Ai është bashkëpunëtor bandash, krimesh.
Familja e saj vuajti mjaft në kohën e regjimit komunist në Shqipëri, ku shumë anëtarë u burgosën.
Ajtanga Lubonja, sot aktiviste e njohur e shoqërisë civile, kushëri e analistit Fatos Lubonja, sot kalon ditë mjaft të vështira. Familja e saj dikur ishte e konsideruar “armike e popullit”, ku thuajse u burgosën të gjithë meshkujt e familjes Lubonja. Me një jetë të vështirë, e internuar, dhe gra që ju deshën tja dilnin vetë në jetë, sot Ajtanga Lubonja, në moshën 70-vjeçare, jo vetëm që vuan nga një sëmundje e rëndë, por është edhe e braktisur nga shteti.
Ajo jeton në një konvikt, pa ndihmë nga shteti, pa një pension për t’i shpërblyer sadopak vuajtjet që ajo ka kaluar në diktaturë, dhe pa i garantuar asnjë ilaç për sëmundjen e diabetit, që duhet theksuar se janë mjaft të kushtueshëm. Rritja e çmimit të energjisë elektrike dhe abuzimet që bëhen në kurriz të qytetarëve, fatkeqësisht. reflektohen më së miri në rastin e sa.
Një e moshuar që jeton e vetme, me pak mundësi për të gatuar, pasi jo gjithmonë i ka paratë për të blerë produktet, paguan gati 120 mijë lekë të vjetra në muaj energji elektrike. A mund t’i dilet në këto kushte?! Vetë Ajtanga Lubonja thotë se është e fortë. Ajo tashm,ë është 70 vjeç dhe vështirësitë më të mëdha i kaloi. Fatjorët për gjendjen e saj, ajo i di më së miri. Me gishin e akuzës, ajo zgjedh kryeministrin Edi Rama dhe kryebashkiakun Erion Veliaj. Shëndeti i saj është përkeqësuar dhe siç ajo thotë, rrezikon t’i pritet edhe këmba. Fjalët e ashpra nuk i mungojnë ndaj përgjegjësve të gjendjes së saj. Përgjegjës, për faktin e thjeshtë se e kanë lënë në baltë. Atë dhe shumë të msohuar të tjerë, në pamundësi të tilla për t’ia dalë të kontrollojnë të paktën shëndetin e tyre.
“Edi Rama….hë u ndjeve i lumtur se më në fund MUNDE NJë LUBONJE! Me mendjen tënde prej përbindëshi më dënove me vdekje të vuajteshme dhe ja Diabeti po më merr edhe këmbën…po ma prenë, se plagët e diabetit zor të mbyllen sidomos pa kuruar….e do të ta dërgoj këtë këmbë që ta vësh në muzeun tënd të kanibalit….ku ke vendosur të vesh një Popull të tërë që e ke dënuar me vdekje!
Thuaji edhe atij sozisë tënd në karakter Erjon Velisë ….se edhe ai ka bërë çmos që unë të vuaj sa më shumë! Unë të paktën u bëra 70 vjec me vuajtje po me nder e kokën lart,po ti si do tja bësh!Si ja bën kur vë kokën në jastëk…të dalin në ëndërr viktimat e tua! Një ditë do ta paguash!!!”, shkruan Ajtanga Lubonja në rrjetin social Facebook.
Ky rrjet social është vendi ku ajo shpesh zgjedh të flasë hapur. Në vend tjetër, nuk e dëgjonë.
Aty ka rrëfyer për kërcënimet që ka marrë, pas shkrimeve që bënte teksa sulmonte Gramoz Ruçin, apo aktorë të tjerë politikë. Mllefin më të madhe e ka me kryebashkiaun e Tiranës Erion Veliaj. E ka ndjekur së fundi teksa ishte i ftuar në Opinion. Gazetarët nuk i bënë një pyetje, të cilën ajo donte t’ja thoshte me ulërima.
“A e dini sa kollaj ësbtë të më vrasësh mua…edhe një fëmijë mund ta bëjë!! Po zgjodhën rrugën e torturës, tmerrit…bënë që sëmundjet të më avancojnë, më kërcënojnë me shtetin! Shikojeni këtë faturë energjie 120 mijë lekë! Më trembin që të hesht (faturimet i bëjnë në bazë të ca sahatëve të pa kolauduar që e dinë të gjithë, po dhe po ta ngresh zërin nuk pyet kush….a pyeti për njeri ERJON VELIA mbrëmë Hic! Prandaj nuk më vrasin edhe pse kërcënime me vdekje më kanë bërë…edhe pse me kanë shpërthyer derën, kanë vjedhur e kanë thyer (të gjitha këto janë të evidentuara ne polici….po fajtoret nuk janë gjetur kurrë)!Tani më kanë lënë varur në mëshirë të fatit! Mos kujtoni se i shkruaj kot këto radhë…në një anë a në një anë tjetër….populli vuan pasojat e pushteteve të koruptuara!
Në mëngjes mezi munda të mbledh kaq groshë, vaj nuk mu ndodh…jam mësuar tani me fukarallëkun! Ajo që më bëri të rënkoj thellë qe lajmi për ilacin e diabetit që ishte shumë efikas dhe me 4 shishe u fshika diabeti! Sa mirë do thoni Ju…merre! Po a e dini sa kushtonte 1 shishe…40 euro, po katër që është kura!? Kështu unë 70 vjecarja ,punuar 40 vjet në shtet e vuajtur dhe e torturuar nga diktatura…po e mbyll jetën në një konvikt !
Dhe mbrëmja erdhi…Opinionin nuk e shoh më, po qe Velija dhe u përqëndrova! Një teatër i ndyrë….ulërima sokëllima dhe asnjeri nuk ja përplasi “Ju pastroni PARA…jeni MAFJE”! Ketu cdo gje eshte e shitur e blerë! Të isha aty do ulërinja…po nuk me thërrasin mua! Jeta ikën sbpejt…LUFTONI në s’doni të mbeteni me një pjatë groshë e të vdisni në mjerim!!!|”, – shkruan ajo.
Edhe kohën e fundit, ish-gazetarja Ajtanga Lubonja ka qenë mjaft aktive, e vlen për tu theksuar lëvizja për të nënshkruar peticion për të marrë firmat për shkarkimin e ish-gurvernatorit të Bankës së Shqipërisë Ardian Fullani.
Në Berat ndodhet sonte qeveria. Ndërkohë Kryeministri Rama ka zhvilluar një takim në darkë me 250 studentë të Universitetit Bujqësor në një tur, të cilët do shkojnë në çdo fermë e sipërmarrjeje bujqësore, për të shpërndarë informacionin mbi programin e mbështetjes financiare të qeverisë për to.
“Në qarkun e Beratit me 250 studentët e Universitetit Bujqësor që na janë bashkuar për të çuar në çdo fermë e sipërmarrje bujqësore e blegtorale, informacionin e plotë mbi programin e ri të mbështetjes financiare të qeverisë për prodhimin e agropërpunimin. Ata sot kanë qenë qysh në mëngjes në tokat, serat, magazinat bujqësore e bizneset e përpunimit të produkteve të fshatit në këtë qark dhe nesër e deri në afatin e mbylljes së aplikimeve, do tëvazhdojnë të jenë pranë fermerëve”, shkruan Rama në rrjetet sociale.
Në takim kryeministri Rama nuk ka nguruar të bëjë humor me një nga të pranishmit, duke e krahasuar me një grenxë.
“Ti që je aty, mes bletëve dhe që bën grenxën, je i detyruar të më shikosh mua tani, jo ato bukuritë që ke rreth e rrotull. Je i hutuar komplet, vetëm do flesh sonte, mos kujto se ato bukuritë që ke rreth e rrotull do ta varin ty. Ti maksimumi mund të bëhesh një analist për bujqësinë”, tha Rama, batutë që shkaktoi të qeshura në sallë.
Në vijim Rama tha se problemi më i madh që kemi është uji, megjithëse renditemi pas Norvegjisë.
“Duam të kemi ujë, por duhet ta gjejmë rubinetin në humor, hapim rubinetin brrrrrrdhdhdhdh, kanalet e ujitjes janë të thara, por kur vjen uji ne përmbytemi”,ishte një tjetër batutë e Ramës.
“Pikaso thoshte frymëzimi ishte shumë i rëndësishëm, por kur të vjen duhet të të gjejë në punë”, vijoi Kryeministri. “Mos kujtoni se Ronaldo apo Messi do të zgjidhin hallin tonë, Interi hyn te kulturat që nuk subvencionohen”, u shpreh Rama.
Në foto: Berat, kryeministri gjatë darkës me studentët
Nje dite pas deklarates se forte te Presidentit Ilir Meta se nuk mund te firmose nje leter te bardhe, sa i takon negociatave mes Shqiperise e Greqise per kufirin detar, mediat greke jane hedhur ne mori akuzash.
Bombë” në kufijtë detarë greko-shqiptarë: Presidenti shqiptar bllokon negocimin. Me kete titull ka dale gazeta greke Eeleftheros typos
“Zjarr” në marrëdhëniet greko-shqiptare e vë presidentin e Shqipërisë, Ilir Meta, pas refuzimit të tij të tanishme për të dhënë leje për bisedime të mëtejshme me Greqinë në kufijtë detarë, duke kërkuar më shumë informacion rreth asaj se si për të negociuar qeverinë.
“Kërkesa nuk përcakton qartë çështjen e negociatave për të cilat kërkohet autorizimi”, tha sot Ilir Meta në një konferencë shtypi. Dhe ai shtoi: “Qëllimi i presidentit nuk ishte dhe nuk është lojëra politike me një çështje aq serioze dhe delikate”.
Idetë që të gjithë shqiptarët të jetojnë në një shtet dhe ta kenë në president janë dëshmi se të Shqipërisë së madhe dhe ato duhet të ndalen, thotë ministri serb i Mbrojtjes Aleksandar Vulin. “Shqipëria e madhe është kërcënimi më i madh për paqen në Ballkan”, ka thënë Vulin.
Duke komentuar deklaratën e kryeministrit shqiptar Edi Rama se Shqipëria e Kosova duhet ta kenë një politikë të jashtme e të sigurisë dhe një kryetar, Vulin thotë se zgjerimi i Shqipërisë së madhe duhet të ndalet Kosovë.
“Mu për këtë arsye kam propozuar dhe propozoj që kufiri ndërmjet nesh e Shqipërisë së madhe duhet të përcaktohet në Kosovë ku zgjerim i saj duhet të ndalet”, ka thënë Vulin.
“Nëse këtë bashkësia ndërkombëtare s’e ka guximin ta thotë këtë, e themi ne”, tha ai.
“Çdo kush duhet ta dijë e ta kuptojë se nëse shqiptarët flasin se do ta kenë një politikë të jashtme e një president, do të jetë shumë vështirë t’iu tregohet, sidomos serbëve, pse ata s’e kanë një president ose një politikë jashtme marrë para sysh se edhe ne jetojmë në disa shtete në hapësirën e Ballkanit”, ka theksuar Vulin duke shtuar se “Shqipëria e madhe duhet ndaluar”.
Kryeministri i Kosovës, Ramush Haradinaj ka reaguar menjëherë pas deklaratave të bëra nga Edi Rama, në lidhje më atë se demarkacioni ishte debat i shpikur nga politika e brendshme e Kosovës.
Ai në profilin e tij në Facebook ka shkruar se Edi Rama nuk ka çfarë të flasë për shpikjet politike në Kosovë.
“Le të merret me shpikjet e veta brenda Shqipërisë se i dalin boll”, ka shkruar Haradinaj.
Ndryshe, kryeministri i Shqipërisë, Edi Rama, ka thënë në emisionin “Zona e Pavarësisë” në “Klan Kosova”, se problematika rreth demarkacionit u shpik nga politika e brendshme e Kosovës.
Sipas Ramës, kjo ka rrezikuar seriozisht reputacionin e Kosovës në arenën ndërkombëtare.
Rama për demarkacionin:
“Unë kam preferuar gjithmonë që debatet me miqtë e mirë këtu në Prishtinë t’i bëj në mënyrë diskrete, sy me sy, por çështja e demarkacionit u kthye dhe është sot e gjithë ditën në një gur që rëndon mbi qafën e Kosovës dhe që ka krijuar një pështjellim jo të vogël, në mes atyre që janë fuqia që lindi shtetin e Kosovës, partnerët strategjikë ndërkombëtarë të shqiptarëve”, ka pohuar Rama, njofton Klan Kosova.
“Demarkacioni do të çlirojë më në fund popullin e Kosovës nga pengesa e tmerrshme e vendosur nga BE-ja për të lëvizur lirisht në Europë, pasi nuk ka qenë e drejt që kjo lëvizje të kushtëzohet me demarkacionin dhe është e turpshme për Bashkimin Europian. Këtë ua kam thënë në sy të gjithëve atyre që kam takuar në BE”.
“Por çështja e Demarkacionit ka edhe një komponentë tjetër; ka rrezikuar seriozisht reputacionin e Kosovës në arenën ndërkombëtare. Ka rrezikuar besimin dhe mbështetje e partnerëve strategjikë të Kosovës dhe shqiptarëve, pasi refuzimi për ta ratifikuar këtë marrëveshje është mungesë serioziteti nga Kosova”.
“Në ndërkohë që miqtë e mëdhenj të shqiptarëve janë të angazhuar në zgjedhjen e problemit real mes shqiptarëve dhe serbëve, demarkacioni është një problem i shpikur nga politika e brendshme e Kosovës që nuk ka asnjë bazë reale dhe që është një padrejtësi ndaj njerëzve të këtij vendi”.
“Por unë kam ndeshur një mur të shurdhër sa herë kam folur për këtë dhe sa herë kam përcjell këtu atë që kam dëgjuar në takimet me homologë në nivelet më të larta të marrëdhënieve ndërkombëtare”.
“Atëherë më është dashur që edhe publikisht të them atë që duhet të thënë dhe shpresoj shumë që Kuvendi i Kosovës të ratifikojë këtë marrëveshje dhe ta mbyllë këtë kapitull që duhet harruar një orë e më parë, pasi ka ngritur pikëpyetje në sytë atyre që e lindën shtetin e Kosovës pa asnjë arsye dhe është e pajustifikueshme nga pikëpamja strategjike të bësh gabim të kësaj natyre”.
