Arsim

[sgmb id=”1″]

AKP ka ka publikuar kuotat për Universitet publike, se sa student do të pranojnë Universitetet publike këtë vit. E si gjithmonë sytë janë drejt universiteteve të Tiranës.

Sipas Agjencisë Kombëtare të Provimeve, Universiteti i Tiranës do të pranojë 6000 student, e ndërsa pas nuk ngelet as Universiteti Politeknik dhe ai i Mjekësisë. Edhe këtë vit duket se dega që do të pranojë më shumë student është Drejtësia ndërsa vihet re një rritje të degët e mësuesisë.

Ministria e Arsimit u bën apel maturantëve që të shikojnë pikët e fituesit të fundit të vitit të kaluar, për të krahasuar nivelin e tyre. Gjatë gjithë muajit gusht qendra shtetërore e arsimit do të përpunojë të dhënat e maturantëve, duke filluar nga mesatarja, notat e provimeve dhe degët që ata kanë zgjedhur për të konkuruar në Universitet. Edhe këtë vit kriteri kryesor do të jetë mesatarja e shkollës së mesme, ndërkohë që do të merren për bazë notat e provimeve me zgjedhje, apo notat e gruplëndëve të caktuara.

[sgmb id=”1″]

Adelajda Matuka, ka lindur në Vlorë, dhe sapo është diplomuar pranë Universitetit të Vlorës ‘Ismail Qemali’ në degën Master i Shkencave në Financë. Ka mbaruar studimet Bachelor në Kontabilitet dhe ka kryer një vit studime master në Universitetin e Varshavës në Poloni.

Aktualisht, po ndjek studime master të dyta e zgjedhur si përfituese e një burse në degën Master i Shkencave në Psikologji Biznesi në një ndër universitetet më të mira angleze dhe po synon të vazhdojë doktoraturën në Financë ose Mardhënie Ndërkombëtare.

I pëlqen që të marrë pjesë në trajnime apo konferenca të ndryshme brenda Shqipërisë dhe jashtë vendit.

E zgjedhur nga shkolla më prestigjoze në Indi për një shkëmbim kulturor ndër 10 studentët më të mirë në Europë dhe e ftuar nga zyra e EU për të prezantuar historinë e saj të suksesit. E dashuruar me konferencat Model United Nations ku ka marrë pjesë si drejtuese në shtete të ndryshme dhe e qartë dhe e saktë për ate c’ka do të arrijë në jetë. ‘E njoh mirë punën në organizata dhe më pëlqen shumë ideja e Balkan Youth Council’.

Mendoj se ka ardhur koha që të rinjtë shqiptarë të kenë të njëjtat mundësi ashtu si të rinjtë europianë dhe shpresoj se do të jem njeriu i duhur për të kontribuar dhe përçuar zërin e të rinjve.’

[sgmb id=”1″]

Në portalin e maturës shtetërore mund të aplikojnë të gjithë maturantë, por në varësi të mesatares portali bën diferencime.

Të gjithë maturantët me mesatare nën 6 mund të aplikojnë për studimet e larta, por atyre u shfaqen vetëm 21 programe studimi që janë programe dy vjeçare. si asistent ligjor, administrativ, stomatolog. etj.

Aplikimet e maturantëve vijojnë dhe sipas kalendarit gjatë ditës së hënë aplikojnë maturantët e Elbasanit, Korçës dhe Pogradecit ku procesi ka ecur mirë ndryshe nga dita e shtunë ku për shkak të fluksit të aplikimeve u bllokuan serverat.

Në 28 gusht dalin rezultatet e raundit të parë dhe në 29 nisin regjistrimet në universitete.

[sgmb id=”1″]

Këtë vit, është folur për shkollën më të dobët në Shqipëri, ku nga 67 maturantë kaluan vetëm 15 prej tyre.

Bëhet fjalë për shkollën profesionale tregtare në Vlorë. Rezultatet e maturantëve të kësaj shkolle kanë shokuar, duke u cilësuar si një situatë aspak normale, duke vënë edhe njëherë tjetër në pah nivelin tepër të dobët të shkollave profesionale, të cilat prej kohësh tashmë po tentohet të ringrihen nga qeveria për t’i mbushur me nxënës pasi janë braktisur.

Kjo tregon se këto shkolla duket të ndërgjegjësohen.

[sgmb id=”1″]

Mësuesit e rinj nuk mund të aplikojnë për t’u punësuar, nëse më parë nuk marrin testin e licensës, provimin e shtetit.

Agjencia Kombëtare e Provimeve ka filluar testimin e të gjithë mësuesve të rinj.

Çdo mësues duhet të marrë 51 pikë, nga 100 që ka testi, për të qënë kalues dhe për të marrë licensën.

“Ditën e provimit kandidati duhet të jetë i pajisur me: Letërnjoftim për pjesëmarrje në provimin e shtetit. Kopje të Kartë ID ose Pasaportë. Në rast ndryshimi të mbiemrit, kandidati të paraqesë certifikatën përkatëse që vërteton këtë ndryshim. Kopje të diplomave të programeve të ciklit të parë dhe të dytë të studimeve të përfunduara prej tyre. Për paraqitjen në qendrat e provimit kandidati duhet të ketë parasysh rregullat e mëposhtme: Ndalohet marrja me vete dhe përdorimi i celularëve dhe mjeteve të tjera të komunikimit gjatë zhvillimit të provimit, pasi kjo vlerësohet si kriter s ‘kualifikimi. Ndalohet duhani dhe konsumimi i ushqimit në mjediset e provimit. Ndalohet komunikimi gjatë zhvillimit të provimit”, njofton Agjencia Kombëtare e Provimeve.

LSITA emërore e mësuesve që japin provimin për sezonin Korrik-Gusht

[sgmb id=”1″]

Gjimnazi “Naim Frashëri” në Durrës ka të drejtë të krenohet me maturanten e tij, pasi ajo është më e mira e 5 provimeve të Maturës Shtetërore.

Rezultatet e llogaritura nga Qendra e Shërbimeve Arsimore e rendisin të parën, e cila edhe pse nuk është absolute, ajo ka marrë rezultatin më të lartë.

Nga kalkulimet që bëmë nga rezultatet e shpallura të notave të provimeve, ndër shkollat më të dobëta është edhe Shkolla Tregtare Vlorë, e cila përgatit profesionistë në fushën e hoteleri-turizmit dhe jo vetëm. Kjo shkollë profesionale ka një numër të lartë ngelësish në lëndën e Matematikës.

[sgmb id=”1″]

Vetëm gjatë katër ditëve të para të shpalljes së konkursit për pranim në vitin e parë akademik, në Universitetin e Prishtinës “Hasan Prishtina” kanë konkurruar mbi 12 mijë maturantë, derisa është planifikuar të pranohen rreth 6800 studentë. Konkursi është i hapur deri të hënën e ardhshme.

Mbi 12 mijë kandidatë kanë aplikuar për studime në Universitetin e Prishtinës (UP) “Hasan Prishtina”. Ky numër është paraqitur në konkurrencë vetëm në katër ditët e para të hapjes së konkursit për pranimin e studentëve të rinj në studimet bachelor për vitin akademik 2017/18.

Kurse në këtë universitet në afatin e parë të konkursit UP-ja do t’i regjistrojë 6869 studentë, prej të cilëve 5969 studentë të rregullt dhe 900 studentë me korrespondencë.

Interesim më i madh për të studiuar vërehet në Fakultetin e Edukimit, në të Mjekësisë, në Fakultetin Ekonomik, në Filozofik dhe në atë të Filologjisë.

Drejtori i Zyrës për Teknologji të Informacionit në UP, Isak Shabani, ka bërë të ditur për gazetën “Zëri” se sipas statistikave të grumbulluara deri të enjten, në orën 13:00, për regjistrim në programet e studimeve në UP janë paraqitur 12202 kandidatë, prej të cilëve 10723 veta janë verifikuar, ndërsa 1479 pritet të verifikohen. Sipas këtyre statistikave, me kërkesa për studim prin Fakulteti i Mjekësisë, me gjithsej 1772 kandidatë, prej tyre 779 vetëm në drejtimin e Mjekësisë së Përgjithshme…