Arsim

Vetëm 2 javë larg nga fillimi i vitit të ri akademik, zgjedhja e studentëve edhe për këtë vit vazhdon të jenë konviktet. Shkak bëhet rritja e çmimit të shtëpive me qira.

Ndryshe nga shumë fusha që pandemia COVID-19 preku, në konvikte nuk ka ndryshuar asgjë. Studentët e ardhur nga qytete të ndryshme të Shqipërisë nuk e braktisin strehën në dhomat e konvikteve gjatë kohës së studimeve.

“Kemi 3230 studentë të regjistruar në të 22 konviktet funksional në Qytet Studenti”, shprehet drejtoresha e RSU1, Anila Shehu.

Ndërkohë më tej ajo tha se pandemia nuk ka ndikuar në pakësimin e regjistrimeve të studentëve në konvikte.

“Ne kemi të njëjtat kërkesa. Nuk shoh ndonjë ndryshim nga viti i kaluar që të kemi ndonjë rënie në numrin e kërkesave që bëjnë studentët këtu” shton Shehu.

Studentët preferojnë të zgjedhin të jetojnë në konvikte për shkak të gjendjes ekonomike. Ata shprehen se në konvikte shpenzojnë më pak se në një shtëpi me qira, pasi çmimi i këtyre të fundit ka gjithmonë një tendencë në rritje.

“Kam një vit që kam ardhur në Tiranë për shkak të studimeve dhe jetoj në konvikt që prej këtij viti. Për arsye financiare kuptohet pasi shtëpitë me qira janë shumë të shtrenjta, të pa përballueshme nga ana financiare nga ana jonë. Duke patur parasysh çmimet të cilat po rriten akoma më shumë, mendoj që në të ardhmen akoma do vazhdoj të jetoj në konvikt”, shprehet studenti.

Pavarësisht çmimeve të larta të qirasë së shtëpive, ky vit, ka sjellë edhe një risi.

“Një fenomen që është vënë re së fundmi, është dhe fakti që shumë prindër po kërkojnë të vijnë në Tiranë nga rrethet për të qëndruar me fëmijët e tyre studentë për arsye ekonomike. Shumë prindër mund të kenë dy fëmijë në universitete dhe i leverdis më shumë që të shpërngulen në Tiranë”, tha agjentia imobiliare, Xhulia Leka.

Interesi i studentëve te agjencitë imobiliare për shtëpi me qira është i lartë, por kur prezantohen me çmimet ata stepen pasi nuk mund t’i përballojnë ato çmime.

/NOA.al

Pak ditë para se të nisë viti i ri akademik, duket se janë marrë edhe masat.

Më datë 2 nëntor studentët do të nisin vitin e ri akademik, ndërsa konviktet jkanë duke u bërë gati për pritjen e studentëve gjatë periudhës pandemike.

Drejtoresha e Rezidencës Studentore Universitare nr.2 në kryeqytet, Zhanina Dapi tregon se në këto ambjente maska do të jetë e detyrueshme dhe se që në hyrje studentëve do tu matet temperatura.

“Në ambientet e përbashkëta studenti mban maskën të detyruar, mban distancën e detyruar të përcaktuar diku tek 1 metër largësi. Në momentet që ndodhen në dhomat e tyre personale mbetet në dëshirë të studentit mbajtja apo e jo e maskës. Kemi një staf të përhershëm që bën matjen e temperaturës”- u shpreh drejtoresha e RSU nr.2.

Ndarja e studentëve në dhoma do të bëhët në bazë të distancës që përcaktohet sipas sipërfaqes së dhomës, tha ai për Report tv.

“Numri i studentëve nëpër dhoma përcaktuar nga kushtet teknike, distanca sipas sipërfaqes së dhomës është minimizuar. Ka dhoma ku janë të akomoduar 2 studente dhe dhoma ku janë të akomoduar tre studente. Kanë një ambient të përbashkët që është tualeti bashkë me dushet”- tha Zhanina Dapi.

Në rast se një prej studentëve shfaq shenja apo rezulton i prekur me covid-19, atëherë studenti/ja do të izolohet në dhomë bashkë me shokët ose shoqet e dhomës.

“Në momentin që evidentohet një student ne bëjmë distancimine tij, e izolojmë ne dhomën ku është. Pas simptomës njoftohet mjeku i familjes që na orienton nëse duhet bërë tamponi apo jo. Nën momentin që do bëhet tamponi, studenti do të qendrojnë i izoluar derisa të vijë përgjigjia. Bashkë me studentin do të izolohen dhe studentët e tjerë që janë dhomë. Stafi jonë është në pritje dhe ndjekje të studentit duke qendruar jashtë apartamentit të studentit duke e ndihmuar për cdo nevojë personale që ka”- shpjegoi Dapi.

Rezidenca Studentore Universitare numër 2 ka kapacitet për 270 studentë në një godinë.

Aktualisht në konvikte janë studentët që po vazhdojnë sezonin e provimeve, ndërsa kanë nisur regjistrimet e tyre për vitin e ri akademik.

Zhanina Dapi më herët ka mbajtur post të lartë në Ministrinë e Financave, kur kjo ministri drejtohej nga Arben Ahmetaj.

/NOA.al

Të gjithë të interesuarit që dëshirojnë të vazhdojnë studimet në Itali, tashmë mund të aplikojnë për bursa deri në datën 2 tetor, ora 14:00.

Njoftimin e ka bërë Ambasada e Italisë në Tiranë, ku sqaron të interesuarit që të aplikojnë në kohë.

Në kategorinë përfituese të këtyre bursave përfshihen dhe shqiptarët, për vitin 2020-2021.

Njoftimi i plotë:

Thirrja për bursat MAECI 2020-2021 është tani e hapur.

Thirrja parashikon ekskluzivisht rinovimin e bursave tashmë të vendosura dhe vetëm për kurset e mëposhtme:

– diplomë master;

– kurse AFAM;

– doktoratura kërkimore;

– përfundimi i kurseve trevjeçare të ndërmarra tashmë.

Thirrja e plotë për aplikime, që përmban dispozitat për prezantimin e aplikacioneve dhe udhëzimet në lidhje me procesin e përzgjedhjes së aplikimeve, është në dispozicion në studimin në portalin Itali kushtuar bursave (https://studyinitaly.esteri.it).

Kjo platformë përmban, në italisht dhe anglisht, të gjithë informacionin e dobishëm për mbajtësit e bursave, duke përfshirë udhëzimet për regjistrimin në institucionin e zgjedhur, metodat e pagesës tremujore të pagesave mujore të bursës dhe mbulimin e sigurimeve.

Thirrja do të jetë e hapur deri në orën 2.00 të pasdites (me kohën italiane) në 2 Tetor 2020. Aplikimet e marra pas afatit do të konsiderohen të papranueshme (përveç për arsye të jashtëzakonshme që justifikohen rast pas rasti).

Ministria e re e Arsimit, Evis Kushi, e cila sot nis javën e parë të punës si pjesë e qeverisë, para se të shkonte në zyrë ka shoqëruar të bijën për në shkollë.

Ajo ka ndarë një fotografi, duke shkruar se para nisjes së një jave intensive me angazhimet dhe sfidat e reja, e kishte të pamundur të mos bënte një copëz rrugë deri tek shkolla e saj me një shoqe shumë të mirë të sajën, vajzën e madhe Ana.

“Bisedova sërish me të mbi rëndësinë e mbajtjes së maskës, ruajtjen e distancës me shoqet dhe shokët e klasës dhe zbatimin e çdo rregulli që ruan shëndetin e saj, nxënësve, mësuesve e gjithë të tjerëve.

Koha që po kalojmë është e pazakontë në çdo aspekt, e në këtë kuadër, nevojitet kujdes shumë më i madh dhe respektim i çdo mase që frenon përhapjen e koronavirusit. Vetëm në këtë formë do të arrijmë të gjithë së bashku ta kalojmë këtë sfidë aspak të lehtë për çdo njeri. Javë të mbarë të gjithëve!”, shkruan Kushi. /noa.al