Aktualitet

[sgmb id=”1″]

Anti-perspirantët ose ndryshe të njohur si deodorantët janë një ndihmë e madhe kundër djersitjes.

Megjithatë, ato gjithashtu mund të jenë shkak i problemeve sepse ato lënë gjurmë në rrobat tona.

Por mos u ngutni për të hedhur rrobat tuaja ose për t’i dërguar në pastrim kimik/ Klan Kosova.

Më poshtë janë disa truqe që do t’ju ndihmojë të hiqni njollat e dedodorantit nga rrobat tuaja.

E rëndësishme: Para se të aplikoni ndonjë nga këto metoda në rrobat tuaja, provoni ato së pari në një pjesë të vogël të rrobave.

Kripa

Kjo metodë ndihmon për të hequr njollat e vjetra nga rrobat dhe është e sigurt si për rroba të bardha ashtu edhe ato me ngjyrë.

Merrni pak kripë, lagni pjesën e rrobës e cila është njollosur dhe shpërndani kripën mbi të. Lëreni atë të qëndrojë kështu për 8-12 orë ose gjatë gjithë natës. Pastaj lageni atë përsëri, dhe shtoni pak më shumë kripë.

Fërkoni pak pëlhurën. Pas kësaj, vendosni rrobat brenda makinës larëse dhe zgjidhni ciklin e nevojshëm të larjes.

Uthulla

Lageni njollën me uthull dhe leni rrobën e njollosur të qëndrojë kështu brenda natës.

Në mëngjes, lani rrobat si zakonisht. Kjo metodë mund të  jetë efektive për rrobat me ngjyra, ato të leshta si dhe pëlhurat e tjera natyrore.

Sidoqoftë, është më mirë të shmangni aplikimin e uthullës në rroba të bardha, pasi mund të bëhet me ngjyrë të verdhë.

Lëngu i limonit

Me ndihmën e lëngut të limonit, ju mund të hiqni njollat e freskëta nga deodorantët.

Shtrydhni disa pika të lëngut të limonit mbi njollën. Lëreni atë të qëndrojë kështu për 5-10 minuta, dhe pastaj lani me dorë rrobën me ujë të ngrohtë.

Vodka

Vodka është me të vërtetë e mirë në heqjen e njollave të bardha nga rrobat e errëta.

Për të hequr njollën, vendosni pak vodka mbi të dhe pritni disa minuta. Efekti do të shihet pothuajse menjëherë.

Ndonjëherë ia vlen të lëni vodkën të qëndrojë në pëlhurë për një periudhë më të gjatë kohore, por jo më shumë se një orë.

Më pas lajeni rrobën e caktuar.

Bonus: Çorapet ose getat e vjetra

A keni veshur ndonjëherë një rrobë të re dhe e keni prishur atë në të njëjtën kohë me njolla të bardha?

Lajm i mirë është se ju mund të hiqni këto njolla të deodorantëve shpejt. E gjitha që ju duhet  janë një palë çorape sintetike ose çorape e vjetër. Kushti kryesor: duhet të jenë të pastra.

Bëjeni si një top të vogël, dhe fërkojeni njollën me të. Mrekullia do të ndodhë. Njolla do të zhduket sikur të mos ekzistonte kurrë!

[sgmb id=”1″]

Në çdo lidhje, vjen një moment kur ndien se gjërat nuk janë më si më parë dhe se gjithnjë e më tepër po largoheni nga partneri juaj. Por e vërteta është se romanca juaj ka humbur shkëlqimin, thjesht sepse ju e keni lënë pas dore.

Por përse ndodh kjo?

Njerëzit tentojnë të bëhen pasivë me kalimin e kohës. Por, nëse dëshira dhe qëllimi është që ju të dy të jeni bashkë, bëni mirë të mos thoni fjalën e fundit të parën dhe të përpiqeni të dashuroni sërish si herën e parë.

Më poshtë janë disa nga mënyrat që ekspertët sugjerojnë për t’i dhënë një tjetër shans atij dhe vetes.

1- Bëj diçka pa partnerin tënd

Kur dy njerëz e ndiejnë se lidhja e tyre nuk është më si më parë, gjëja e parë që mendojnë është: kaq ishte! Por në fakt, problemi i vërtetë qëndron tek menaxhimi.

Ndjesia e parë që të jep të qenit e dashuruar është ideja se do të njohësh dikë krejtësisht të ri dhe ndryshe nga ty. Dhe ky duhet imagjinuar si një udhëtim interesant. Por në momentin që bëheni çift kurrsesi nuk duhet të harroni se në fillim jeni dy njerëz të ndryshëm dhe krejtësisht të pavarur.

Nuk duhet që për asgjë në botë të hiqni dorë nga gjërat që doni vërtetë. Ky është gabimi i parë dhe më i madh. Bëni diçka që ju pëlqen, edhe nëse ai e urren. Kështu do t’ju njohë më mirë dhe do dijë vërtetë kë ka përballë.

2- Largohuni diku bashkë

Nuk ka terapi më të mirë se një udhëtim së bashku. Largohesh nga stresi i përditshmërisë, puna, familja dhe afrohesh më tepër me partnerin tënd.

Të ndash eksperienca dhe aventura të ndryshme, apo të vizitoni bashkë vende romantike mund t’ju rikujtojë se sa mirë kalonit bashkë.

3- Lëreni punën në punë

Të kontrollosh e-mailin teksa hani darkë nuk është aspak e këndshme. Aq më tepër të marrësh telefonin teksa shtriheni të dy në shtrat. Është më shumë se e vërtetë kur thuhet se streset e punës të lihen në zyrë dhe të dini të bëni mirë ndarjen e këtyre prioriteteve.

I dashuri juaj nuk është shumë i interesuar të dijë për historinë e trishtë të koleges tënde. Shpenzojeni atë energji diku tjetër.

4- Mëso të dëgjosh

Para se të fillosh me 1001 ankesat e tua merr frymë thellë dhe dëgjo. Është një nga elementët kyç për të rënë sërish në dashuri me partnerin.

Thjesht dëgjo! Do ta kesh pak të vështirë në fillim, por do ta kuptoni se ja ka vlejtur kur të gjeni sërish veten si dy zogj të dashuruar.

5- Kushtoji më shumë vëmendje atij!

E dimë që mund të jeni shumë të zënë me punë dhe gjithçka tjetër, por nëse doni vërtetë të shpëtoni lidhjen e cila për pak mund të shuhet njëherë e mirë, kushtoji vëmendje.

Të interesohesh dhe të kalosh shumë kohë me të dashurin ndihmon të biesh sërish në dashuri. Po janë pikërisht ato detajet që kishe harruar t’i shihje prej kohësh.

Duhet me patjetër t’i tregosh atij se sa mirë flirton, para se dikush tjetër ta bëjë apo jo?!

[sgmb id=”1″]

DASHI 21. mars – 20. prill

Mundësia për të përfunduar me sukses kontrata të favorshme pune sot është e madhe, sidomos në qoftë se ndiqni intuitën tuaj dhe sugjerimet që ju jep Hëna gjatë mëngjesit. Në sektorin profesional do të jeni më të disponueshëm e të kujdesshëm se zakonisht ndaj partnerit dhe personave që keni për zemër.

DEMI 21. prill – 21. maj

Sot do të ndiheni mjaft nervozë si shkak i Diellit, Hënës dhe Marsit në kundërshtim. Edhe marrëdhëniet sentimentale mund të pësojnë një krizë, si shkak i këtyre ndikimeve negative. Gjithsesi mos e humbisni qetësinë, sepse problemet dhe tensioni do të zhduken si një flluskë sapuni në pak ditë. Në qoftë se e shikoni veten në vështirësi, kërkojuni ndihmë miqve ose familjarëve.

BINJAKET 22. maj – 21. qershor

Bëni projekte të mëdha, sepse ky është një moment i jashtëzakonshëm dhe jo vetëm për mundësitë e mira që do ju paraqiten, por edhe për qartësinë në mendime dhe mënyrën e shkëlqyer organizative në punë. Në sferën sentimentale do të diskutoni mbi disa gjëra, por më pas tërheqja fizike do t’i vërë në vend këto konflikte.

GAFORRJA 22. qershor – 22. korrik

Jeta profesionale sa vjen e vështirësohet, kështu juve do ju duhet të punoni shumë për të përfunduar me sukses detyrat e ngarkuara. Lajme të mira vijnë edhe në sektorin sentimental, ku mbrëmja do ju ofrojë momente romantike, të cilat do t’i shijoni nën shoqërinë e njeriut të zemrës.

LUANI 23. korrik – 22. gusht

Diçka do ju pengojë të përfundoni me sukses një biznes të favorshëm, gjithsesi fati është në anën tuaj. Mundohuni ta konsideroni gjithçka me objektivitet. Me Afërditën në anën tuaj, sektori i dashurisë do ju dhurojë momente të këndshme. Kushtojini më shumë kohë familjes dhe administroni më mirë të ardhurat tuaja.

VIRGJERESHA 23. gusht – 23. shtator

Hëna në kundërshtim nuk ju lejon ta filloni mirë ditën e sotme: tregoni kujdes në gjërat që thoni dhe në sjelljen tuaj. Nuk do të mungojnë tensione e pakënaqësi në shtëpi, edhe pse paqja do të kthehet së shpejti. Tensionet në çift mund të shpërthejnë si shkak i sjelljes së pazakontë që po mbani karshi partnerit.

PESHORJA 24. shtator – 23. tetor

Përpikmëria dhe saktësia duhet të jenë rregulli që duhet të ndiqni në qoftë se nuk dëshironi të humbisni mundësitë që keni për të arritur rezultate të kënaqshme. Duke filluar që sot, Saturni kalon në shenjën tuaj, duke ju detyruar t’i jepni një kuptim më autentik dhe të thellë jetës. Siguria në vetvete do t’ju ndihmojë për të zgjidhur shumë situata konfuze.

AKREPI 24. tetor – 22. nëntor

Konfigurimet e favorshme në qiellin tuaj do t’ju ndihmojnë të kaloni çdo vështirësi që do të hasni në rrugën tuaj drejt suksesit. Duhet të tregoheni të shpejtë në propozimin e një projekti pune, sepse edhe për pak kohë, Hëna do të jetë në favor me shenjën tuaj. Kush është i dashuruar mund të kalojë një mbrëmje romantike në intimitet total me partnerin.

SHIGJETARI 23. nëntor – 21. dhjetor

Disa tensione në sektorin profesional do të shuhen falë sjelljes suaj paqësore. Brenda mureve të shtëpisë as ju dhe as familjarët tuaj nuk do të jenë në humorin e duhur, kjo ndoshta vjen si shkak i Hënës në kundërshtim. Për fat, në dashuri, me Afërditën në favor do të pushtoni zemrën e një personi që ju intereson.

BRICJAPI 22. dhjetor – 20. janar

Keni shumë raste për të shfaqur aftësitë tuaja profesionale, do të shikoni se si do të realizohen idetë tuaja më të guximshme dhe do të propozoni me energji inovacione. Po dashuria? Jeta në çift gjatë këtyre ditëve është një parajsë e vërtetë, sidomos në qoftë se keni lindur në janar. Në mbrëmje, Saturni kalon në shenjën tuaj: mund të bëni programe për të ardhmen ose të merrni vendime të rëndësishme.

UJORI 21. janar – 19. shkurt

Përfitimi i një shume të papritur do t’ju vlejë për të bërë një udhëtim në fundjavë, përveç kësaj, borxhe të vogla mund të mbulohen me lehtësi. Për sa i përket dashurisë, qielli juaj do të tregohet i mirë karshi jush: komunikim, mirëkuptim e tërheqje fizike do të jenë pikat tuaja më të forta në marrëdhënien sentimentale.

PESHQIT 20. shkurt – 20. mars

Një situatë yjore e shkëlqyer do t’ju lejojë të sistemoni një çështje personale ose profesionale, të lënë pezull prej kohësh. Le të flasim për dashurinë: nga një takim i rastësishëm mund të lindë një miqësi e këndshme, e cila më vonë do të kthehet në dashuri. Ju presin çaste të bukura me miqtë tuaj dhe raste për t’u argëtuar, të cilave nuk mund t’i thoni jo.