Aktualitet

[sgmb id=”1″]

Rënia e flokëve në vjeshtë është një problem shqetësues, jo vetëm i femrave, por edhe i meshkujve. Por si mund ta kuptosh që kjo rënie është sezonale dhe si rrjedhim, jo edhe aq shqetësuese.

Rënia e flokëve në këtë stinë është e ngjashme me rënien e gjetheve të vdekura të pemëve. Pra, edhe flokët bien, sepse përsërisin ciklin e tyre të përvitshëm (lindja e një floku të ri, rritja, faza e maturimit dhe vdekja).

Këtë proces e përshpejton një faktor kryesor: dielli. Kështu, gjatë pranverës dhe verës, rrezet e diellit rrisin sekretimin e hormoneve përgjegjëse për rritjen e flokut dhe shkaktojnë një reaksion të ngjashëm me atë të bimëve.

Një periudhë prej gati 4-6 javësh mund të fillojë në fund të gushtit dhe të zgjasë deri në fund të nëntorit. Pas kësaj periudhe, gjithçka kthehet në normalitet.

Por norma e rënies së flokëve ndryshon nga një person tek një tjetër, ndaj është e rëndësishme të kuptosh, nëse kjo rënie është sezonale apo duhet të shqetësohesh e të konsultohesh me mjekun për të marrë trajtimin e duhur.

Si ta kuptosh që është thjesht një rënie sezonale?

Për të kuptuar nëse është vetëm një rënie sezonale, bëj këtë test të thjeshtë:Mbaji flokët të palarë, të paktën për tri ditë. Kalo gishtat midis flokëve nga rrënja deri në majë. Vëri mënjanë flokët e rënë. Përsërite këtë veprim të paktën pesë herë, duke e kaluar dorën tek të gjitha pjesët.

Rezultati:

– Nëse në total të kanë rënë më pak se 10 fije floku, gjithçka është brenda normales.– Nëse të kanë rënë gjithsej 10-15 fije, nuk është thjesht një rënie sezonale, prandaj duhet të marrësh një trajtim shtesë me vitamina.– Nëse të kanë rënë më shumë se 15 fije, duhet të bësh patjetër një trajtim specifik për të parë nga se të shkaktohet kjo rënie.

Trajtimi për rënien sezonale

Para se të marrësh një trajtim, fillimisht duhet të bësh këtë test të thjeshtë (ose të konsultohesh me mjekun), për të kuptuar në ç’nivel të rënies së flokëve je.

Trajtimet e flokëve nuk veprojnë në mënyrë specifike tek flokët që bien, sepse ato tashmë janë të vdekur dhe rënia e tyre është e pashmangshme, por ato ndikojnë në rritjen e flokëve të rinj për t’i rikthyer densitetin normal.

Megjithatë, ke parasysh që jo gjithçka duhet justifikuar me sezonin e vjeshtës. Për flokët duhet të kujdesesh si për çdo pjesë tjetër të trupi.

Lyerja me bojëra me kimikate të ndryshme, tharja dhe krehja në temperaturë maksimale, kequshqyerja etj., janë faktorë të jashtëm, të cilët ndikojnë në dëmtimin dhe rënien e flokëve.

Në të tilla raste, përdor sa më shumë maska me produkte natyrore, si p.sh maska me vezë dhe vaj ulliri, 30 minuta para larjes, do të të ndihmojë shumë për eliminimin e rënies.

[sgmb id=”1″]

Rrika, lloj i rrepës, është burim i mirë i kalciumit, magnezit, zinkut dhe manganit.

Vendoseni rrikën në blender dhe përzieni mirë. Shtoni limon dhe përzieni derisa masa të bëhet kompakte. Shtoni mjaltë dhe përzieni të gjitha mirë e mirë.

Merrni nga një lugë të masës së formuar të pijes dy herë në ditë në periudhë tre javore.

Ky lloj i pijes ndikon po ashtu edhe në humbjen e kilogramëve të tepërt.

[sgmb id=”1″]

Vezët përmbajnë zink, i cili është shumë i rëndësishëm për potencën.

Ushqimet tjera janë kryesisht të varfra me këtë mineral, transmeton KosovaPress.

Afrozodiaku tradicional përmban edhe acid folik dhe vitamina B6 dhe B12, të domosdoshme për lirimin e histaminës, pa të cilën, siç thonë ekspertët, nuk ka potencë dhe as orgazëm.

Megjithatë, me vezën si ushqim afrozodiak, nuk duhet tepruar. Në javë duhet konsumuar tri deri në katër vezë.

[sgmb id=”1″]

Para fillimit të ushtrimeve me top patjetër duhet t’i ngrohni muskujt (me vrapim në ritëm të mesëm apo me ushtrime shtrirjeje) nga 12 deri në 15 minuta.

Forcimi i vitheve

Vëreni majën e shputës së majtë në top, ndërkaq të djathtën mbajeni drejt, por mos i shtrëngoni shumë gjunjët. Duart shtrijini para vetes në mënyrë që të mbani baraspeshën. Merrni frymë, ndërkaq me rastin e lirimit të frymës, vëreni këmbën e djathtë në gju, ashtu që pjesa e këmbës nën gju të rrëshqasë nëpër top. Pastaj kthehuni në pozitën fillestare. Bëjini tri seri nga 12 deri në 15 përsëritje në secilën anë.

Zgjatja dhe forcimi i shpinës

Shtrijuni mbi top ashtu që këmbët me pjesën e parë të shputave të mbështeten në bazë, ndërkaq duart lëshoni deri në bazë, por nuk duhet të prekin bazën, ndërkaq shuplakat bashkoni dhe ngrini lart, sikur doni diçka të kapni me to, shkruan Telegraf. Merrni frymë, ndërkaq derisa e lëshoni ajrin nga mushkëritë ngrihuni ashtu që gjoksi të qëndrojë mbi top, ndërkaq duart gjerë e gjatë tërhiqni anash. Kthehuni në pozitën fillestare dhe sërish bëni tri seri nga 12 deri në 15 përsëritje.

Ushtrimet për këmbë

Shtrijuni anash, ndërkaq duart vini para trupit. Topin vendoseni midis këmbëve dhe ngadalë ngrijeni dhe uleni, duke pasur parasysh që posaçërisht ushtrohen pjesët e brendshme të kofshëve. Përsërisni në secilën anë tri seri nga 12 deri në 15 herë.

Barkas me top

Shtrihuni në bark, duart shtrini para vetes, ndërkaq mes këmbëve vëreni topin. Ngrini njëkohësisht duart dhe këmbët derisa mundeni dhe kthehuni në pozitën fillestare. Bëni 2 seri nga 10 përsëritje.

Sërish barkas

Shtrijuni në shpinë dhe vëreni topin midis këmbëve. Ngrini këmbët lart dhe me duar priteni topin. Lëshojeni pas kokës, pastaj përsëriteni ushtrimin në drejtimin e kundërt, ngrijeni topin me duar dhe priteni me këmbë. Bëjeni këtë ushtrim 10 deri në 20 herë.

[sgmb id=”1″]

Kushtet atmosferike dëmtojnë lëkurën tonë gjatë gjithë vitit.

Në stinën e dimrit, i ftohti dhe era derisa gjatë stinës së verës rrezet e diellit e kështu bëhet më e vështirë për tu kujdesur për lëkurën tonë.

Kjo është arsyeja pse maska e mëposhtme me majdanoz është e përsosur dhe një mënyrë e shkëlqyer për të balancuar prodhimin e vajit dhe për të zbutur lëkurën.

Më e mira është që mund ta përgatitni këtë maskë në shtëpi dhe krejt çka ju duhet është majdanozi, uthulla e mollës dhe jogurti – një kombinim perfekt që ka aftësi të pastrimit të lëkurës, ashtu si edhe të ushqyerjes së saj me vitamina dhe minerale, transmeton Klan Kosova.

Majdanozi është shumë më tepër se një erëz dekorative. Është i pasur me një sasi mbresëlënëse të vitaminës K. Dy lugë me majdanoz përmbajnë 153 % të sasisë së rekomanduar ditore të vitaminës K, e njohur për aftësinë e saj për të rregulluar koagulimin e gjakut që është thelbësor për zvogëlimin e qeskave të errëta nën sy.

Por majdanozi është gjithashtu një burim i shkëlqyer i acidit folik, një nga vitaminat më të rëndësishme të kategorisë B, që është shumë e rëndësishme për kujdesin e lëkurës.

 Përbërësit që ju duhen:

Një grusht majdanoz të prerë

2 lugë gjelle uthull molle

3 lugë gjelle jogurt

Si ta përgatisni këtë maskë?

Përzieni të gjithë përbërësit e lartë përmendur derisa të krijoni një masë homogjene. Lëreni atë të qëndrojë në fytyrën tuaj për 20 minuta.

Më pas pastrojeni me ujë të vakët dhe shpejt do të shihni mrekulli në fytyrën tuaj!

[sgmb id=”1″]

Së paku një herë në jetën tuaj të gjithë kanë përjetuar djegie të stomakut, një shqetësim pak a shumë i zgjatur dhe tejet bezdisës. Ndjesia e djegies zakonisht ndodh në hyrjen e stomakut, në pjesën e poshtme të gjoksit.

Acidet e stomakut mund të irritojnë të gjithë organizmin, sidomos me rrezikun e arritjes së mureve të ezofagut apo fytit. AgroWeb.org ju sjell disa këshilla mjaft të vlefshme se çfarë duhet të bëni dhe çfarë të mënjanoni për të qetësuar stomakun tuaj sidomos gjatë verës.

Ushqime që duhen shmangur

Nëse e dini që vuani nga djegiet e stomakut, përpiquni të shmangni çrregullimet e vakteve sa më shumë që të jetë e mundur. Ata që mund të shkaktojnë djegie të stomakut janë kryesisht ushqime yndyrore dhe me erëza pikante, por edhe pije të tilla si kafe, pijet joalkoolike të sheqerosura dhe gazuara dhe alkooli.

Në rast gastriti dhe urthi, mjeku mund t’ju sugjerojë që të hiqni dorë nga disa ushqime ose pije për një periudhë nga dieta juaj, siç janë kafeja, djathrat yndyrore, madje edhe nga domatet.

Produktet që bëjnë mirë

Xhenxhefili

Xhenxhefili ose xhinxheri është një ilaç i vjetër tradicional për çdo lloj problemi të stomakut. Është një anti-inflamator i natyrshëm që mund të ndihmojë neutralizimin e djegies dhe të japë lehtësim. Xhenxhefili është një ilaç shumë i përhapur sidomos në formën e konsumimit si çaj bimor.

Kopër

Kopra konsiderohet e përshtatshme për djegie të stomakut për shkak të nivelit të pehashit në organizëm. Për një vakt të lehtë kur vuani nga urthi, përgatitni një pjatë sallatë me kopër të papërpunuar ose të gatuar.

Selino

Një ushqim i dobishëm në rast gastriti dhe urthi është selino, të cilin mund ta kombinoni me kopër të papërpunuar për një ushqim të lehtë që spërkatet me pak vaj ulliri ekstra të virgjër. Selino ndihmon sistemin e tretjes për të prodhuar lëngjet e duhura dhe për të neutralizuar aciditetin gjatë tretjes. Ajo është gjithashtu e pasur me ujë dhe fibra dhe ka konsum të ulët kalorifik.

Aloe Vera

Shumë prej nesh e njohin aloe vera si një ilaç natyral për djegie të vogla dhe djegie të lëkurës. Lëngu i Aloe Vera konsiderohet një ilaç i dobishëm për djegie të stomakut.

Lëngu i Nenxhikut

Një ilaç i konsideruar i dobishëm për djegien e stomakut është nenexhiku dhe mentja. Për të reduktuar djegiet e stomakut, mund të përtypni disa gjethe të freskëta ose të përgatitni një çaj bimor. Vetëm një lugë çaji me copa të thara të freskëta ose të thara, për çdo filxhan çaj bimor vlen shumë për t’u pirë një ose dy herë në ditë.

Bajame

Përtypja e disa bajameve pas ngrënies konsiderohet një ilaç i dobishëm për të parandaluar dhe zbutur djegiet e stomakut. Sugjerimi është për të përtypur bajame për një kohë të gjatë për t’i bluar ato me dhëmbë në mënyrë që të lëshojnë vajra të dobishme që mund ta zbusin shumë shpejt shqetësimet e bezdisshme të stomakut.