Shkolla Orikum

Diplomat të pavlefshme/ Një gabim i sekretares u ka kushtuar shtrenjtë studentëve të Universitetit të Vlorës

Arsim, Lajmi i fundit, Problematika / /

Të paktën 40 studentë të Universitetit të Vlorës i kanë diplomat të pavlefshme për shkak të gabimit të sekretares së Fakultetit

Një gabim i sekretares së Fakultetit të Shkencave Humane, në Universitetin e Vlorës, u ka kushtuar shtrenjtë 40 studentëve të diplomuar për anglisht.

Ata iu drejtuan për ndihmë medias dhe thanë dje në Tch se që nga 2019 e deri më sot nuk kanë mundur të punësohen në asnjë institucion për shkak se diplomat e tyre dalin të pavlefshme në sistem.

Numri i identifikimit së diplomës së maturës shtetërore nuk është i njëjtë me atë të diplomës së bachelor-it. Studentët kanë kërkuar disa herë zgjidhjen e këtij problemi nga Rektorati i Universitetit të Vlorës, i cili nuk ka arritur t’i japë asnjë zgjidhje brenda këtyre dy viteve.

Disa prej këtyre studentëve treguan se kur kanë aplikuar për punë, kanë mësuar që diploma e tyre në sistem dilte për infermieri, madje jo në pak raste i kishin ak uzuar edhe për falsifikim titulli universitar.

Zëvendës-rektorja për fushën arsimore, znj. Frosina Londo tha se ka urdhëruar kryerjen e e disa hapave, si për shembull verifikimin e ankesave dhe evidentimin e personave përgjegjës nga një komision i ngritur në Fakultetin e Shkencave Humane. /blerina/noa.al

Diplomat të pavlefshme/ Një gabim i sekretares u ka kushtuar shtrenjtë studentëve të Universitetit të Vlorës Read More »

Pr otesta e maturantëve për provimin e vështirë të matematikës, cfarë kërkojnë…

Arsim, Lajmi i fundit / /

Pr otesta e maturantëve

“Pr otestojmë sepse niveli i provimit nuk ishte ai që kishim pritur , ishte komplet ndryshe. Sepse ministria jonë kopjon provimet që bëhen në Cambridge në Angli. Pr otestojmë që niveli i pikëve nga 9 te 10 të ulet me 15 deri në 20 pikë.

Disa ushtrime të tjera nuk i kemi pasur fare gjatë orëve të mësimit, kemi kaluar 2 vite pandemi, të rmet. Mësimi për ne ka qenë në s tres, të trau matizuar.

Kërkesa specifike e jona është që:

Të ulet niveli i pikëve për të marrë notën.

Nxënësi më i mirë nuk merr dot notën e tij. Unë doja të studioja në Shqipëri por në këto rethana nuk mund t’a bëj këtë, është e pamundur. Nëse nuk plotësohet kërkesa jonë, do të bojkotojmë provimet me zgjedhje.”

Pr otesta e maturantëve për provimin e vështirë të matematikës, cfarë kërkojnë… Read More »

E pabesueshme/ Shikoni cfarë k ap zhytësi në 35 metra thellësi në zonën e gadishullit të Karaburunit (foto)

Te fundit nga zona / /

Një skafandër antike zhytjeje është gjetur nga një zhytës në 35 thellësi në zonën e gadishullit të Karaburunit.

Zhytësi Endri Gjomemetaj thotë se u zhyt për të k apur oktapod, por hasi në një skafandër që mund të jetë e L uftës së Dytë Botërore ose më herët. Ai thotë se kjo skafandër tashmë do i kalojë Qendrës së peshkimit në Radhimë pasi sipas tij turistët i pëlqejnë këto vlera nënujore.

“Isha zhytur në Karaburun për të gjetur ndonjë oktapod dhe rastësisht hasa në këtë skafandër. E mora për ta sjellë tek Qendra e Peshkimit”, tha Gjomemetaj.
Edhe për peshkatarin e vjetër Sherif Dyrmishi kjo gjetje është e vecantë. Sipas Dyrmishit është një gjetje që mbetet për tu vlerësuar nga specialistët. Ndërsa do i shtohet vlerave të tjera nënujore të Muzeut të Qendrës së peshkimit Radhimë.

“Jam i mahnitur me këtë gjetje të re. Kjo do i shtohet qendrës së peshkimit. Kjo është një skafandër, për më tepër në kohë dhe në verë, duhet të jenë specialistët ata që do e vlerësojnë, por siç tha dhe shoku jonë, duhet të jetë i luftës së dytë botërore, por nuk është e thënë. Duhet të jetë dhe më përpara. Shpresoj që të jetë një vlerë e shtuar për qendrën e peshkimit, për Vlorën dhe për vizitorët”, tha Dyrmishi.

E pabesueshme/ Shikoni cfarë k ap zhytësi në 35 metra thellësi në zonën e gadishullit të Karaburunit (foto) Read More »

Matura Shtetërore nis nesër, modelet e testeve

Arsim, Njoftime / /

Prej disa ditësh maturantët janë pushtuar nga ethet e provimeve.
Një ditë para nisjes së tyre ata ndihen të emocionar dhe mjaftueshëm të përgatitur për të hedhur hapin vendimtar atë të testimit të njohurive të 12 viteve shkollim.

Përgjegjësi i sektorit të kurrikulës në Drejtorinë Arsimore Sulejman Keta sqaron se në përmbyllje të orëve të konsultimeve dhe përsëritjes së lëndëve bazë maturantët i janë nënshtruar muajin e fundit dhe provimeve provë, ku dhe konfirmohet një nivel i mirë i përgatitjes së tyre.

Provimet e maturës këtë vit do të kene një niveli mesatar veshtiresie. Ato do të zgjasin nga 2 orë e gjysëm dhe do të përbëhen nga 60 pikë të mundëshme.

Matura Shtetërore nis nesër, modelet e testeve Read More »

Të mrekulluar nga bregdeti shqiptar/ Ukrainasit dhe bjellorusët ‘pu shtojnë’ Vlorën

Turizem / /

Vlora ashtu si çdo vit mbetet një ndër destinacionet më të frekuentuara gjatë verës si nga turistët vendas, por edhe nga të huajt.
Plazhet në zonën e Ujit të Ftohtë duket se janë ndër të preferuarit për vizitorët bjellorusë dhe ukrainas.

“Vij nga Ukraina. Jemi për herë të parë këtu. Çdo gjë është një mrekulli. Që nga deti, natyra, por dhe njerëzit janë shumë të sjellshëm.”
“Jam nga Ukraina. Kemi qenë në jug, Sarandë e Ksamil. Edhe plazhet e Vlorës janë të bukur. Do të vijmë përsëri, ndërsa nga COVID nuk kemi frikë.”
“Vijmë nga Bjellorusia. Jemi për herë të parë. Kemi ardhur me familjen, edhe me fëmijët të cilët po kënaqen. Çdo gjë është super. Do të vijmë përsëri vitin tjetër.”

“Këtu po kalojmë shumë mirë. Një eksperiencë e paharrueshme. Nuk kemi frikë nga COVID, pastaj Shqipëria është e vaksinuar.”

Ndërsa për pushuesit vendas problem mbeten plazhet publike. Me vaksinimin e operatorëve turistikë duket se pushuesit kanë më shumë siguri në Shqipëri.

Të mrekulluar nga bregdeti shqiptar/ Ukrainasit dhe bjellorusët ‘pu shtojnë’ Vlorën Read More »

Diploma Europiane në SHqipëri/ Rama mbledh drejtuesit e universiteteve: Si do të realizohet

Arsim / /

Në mandatin e tretë, kryeministri Edi Rama duket se do t’i kushtojë më shumë vëmendje arsimit, posaçërisht Arsimit të Lartë.

Në takim me drejtues të universiteteve ishin edhe ministrja Evis Kushi, si dhe zv.ministri Olti Rrumbullaku.

“Nisëm sot konsultimin me rektorët e universiteteve publike për ngjitjen e Arsimit të Lartë në një nivel tjetër dhe dakordësuam krijimin e Komitetit të Përbashkët për Politikat e Arsimit të Lartë”, tha kryeministri Rama.

“Do të punojmë ngushtësisht së bashku që ta kthejmë Mandatin e Tretë në fazën e një hopi të madh, drejt Objektivit Strategjik të Hapjes së Dyerve të universiteteve tona për Universitetet Publike Europiane dhe krijimin e kushteve, që studentët tanë të mund të marrin në të ardhmen diploma europiane këtu, në Shqipëri”, u shpreh kreu i qeverisë, Edi Rama.

Nuk dihet se çfarë hapash konkretë do të merren nga qeveria në këtë drejtim. Pas mbylljes së disa universiteteve private dhe miratimit të ligjit për Arsimin e Lartë, ka pasur shumë kontestime për këtë fundit edhe nga përfaqësues të vetë universiteteve.

Problemi më i madh është se Universitetet drejtohen prej 30 vitesh nga të njëjtit njerëz, disa prej të të cilëve u zgjodhën këtë vit për një mandat tjetër. Ata konsiderohen përgjegjës për degradimin e sistemit arsimor dhe kjo vë jo pak në pikëpyetje reformat e pretenduara nga qeveria. Është njësoj si t’ia besosh Reformën në Drejtësi, gardës së vjetër të sistemit për të realizuar reformat e pretenduara. /NOA.al

Diploma Europiane në SHqipëri/ Rama mbledh drejtuesit e universiteteve: Si do të realizohet Read More »

Kryeministri Edi Rama fton të rinjtë nga 16 vjeç deri më 26 vjeç që të regjistrohen në akademinë e re të lidershipit: Kur do flasim!

Aktualitet / /

Kryeministri Edi Rama ka ftuar të rinjtë nga 16 vjeç deri më 26 vjeç që të regjistrohen në akademinë e re të lidershipit.

Përmes një postimi në rrjetet sociale, kryeministri i ka bërë thirrje atyre që besojnë se nuk kanë miq dhe nuk e fitojnë dot të drejtën që duan të zhvillojnë aftësitë e tyre të komunikimit dhe vendimmarrjes, të aplikojnë.

Por, ka edhe një paralajmërim, se “kush aplikon duhet ta mbajë parasysh se ka më shumë gjasë të humbasë, se sa të fitojë”, shkruan Rama.

Kujtojmë se Rama gjatë protestave të studentëve, iu drejtua për disa ditë të rinjve me të njëjtën shprehje.

Postimi i plotë: KUR DO FLASIM

Në korrik do të hapim regjistrimet e Akademisë së Re të Lidershipit për vajza e djem ambiciozë, sfidues, kokëfortë. Të rinj që duan të lexojnë e që dinë të flasin, po dhe të dëgjojnë. Të pakënaqur me si shkojnë gjërat përreth, po edhe me veten e tyre. Individë që dëshirojnë të stërviten në grup, për të zhvilluar aftësitë e tyre të komunikimit dhe vendimmarrjes.

Për këdo që e gjen veten në këta rreshta, që nuk është më pak se 16 vjeç e më shumë se 26 vjeç, e që dëshiron ta provojë mundësinë e vet për një vend në Akademinë e Re të Lidershipit, kjo është adresa: https://liderakademi.al/

Kërkesa mund të ketë shumë, po vende janë pak. Prandaj kush aplikon duhet ta mbajë parasysh se ka më shumë gjasë të humbasë, se sa të fitojë! Por kush dëshiron dhe njëherësh ngurron, le të lexojë këto fjalë të Michael Jordan:

“Kam humbur më shumë se 9000 gjuajtje dhe thuajse 300 ndeshje. E kam humbur gjuajtjen e fitores 26 nga herët që ma besuan. Në jetën time kam dështuar herë pas here dhe përsëri. Dhe prandaj i’a kam dalë të kem sukses”.
/NOA.al

Kryeministri Edi Rama fton të rinjtë nga 16 vjeç deri më 26 vjeç që të regjistrohen në akademinë e re të lidershipit: Kur do flasim! Read More »

Çelja e sezonit turistik/ ‘Nis dezinfektimi i zonave turistike në Vlorë dhe Sarandë’

Turizem / /

Ndërsa jemi në pritjet të çeljes së sezonit turistik në vendin tonë, ministrja e Shëndetësisë dhe Mbrojtjes Sociale, Ogerta Manastirliu njofton se ka nisur procesi i dezinfektimit të zonave turistike në Vlorë dhe Sarandë.

Përmes një shënimi në facebook, ku ka postuar edhe fotot e punonjëse që janë ngarkuar për dezinfektimin, Manastirliu shton se në ditët në vijim ky proces do të shtrihet në të gjithë zonat e identifikuara nga ekspertët e shëndetit publik, për një sezon turistik të sigurt.
“Në Vlorë dhe Sarandë ka nisur procesi i dezinsektimit të zonave turistike, për t’u shtrirë në ditët në vijim në të gjithë zonat e identifikuara nga ekspertët e shëndetit publik, për një sezon turistik të sigurt”, shkruan Manastirliu.

Çelja e sezonit turistik/ ‘Nis dezinfektimi i zonave turistike në Vlorë dhe Sarandë’ Read More »