Dukati

Moti sot parashikohet i paqëndrueshëm. Hera herës kthjellimet do të pasohen nga zhvillime vranësirash.

Shërbimi Meteorologjik Ushtarak bën me dije se reshjet e shiut do të vijojnë me intensitet të ulët e mesatar. Lokalisht në orët e paradites reshjet do të marrin karakter shtrëngatash me shkarkesa elektrike.

Era do të fryjë me drejtim veriperëndim-jugperëndim e lehtë e mesatare, kryesisht në bregdet. Valëzimi në dete parashikohet i forcës 2-3 ballë.

Temperaturat parashikohen:

QYTETET Temperaturat në °C Sigla
Shkodër 17/23 re diell shi rrufe
Kukës 15/25 re diell shi rrufe
Lezhë 17/25 re diell shi rrufe
Dibër 12/25 re diell shi rrufe
Durrës 17/25 re diell shi rrufe
Tiranë 18/26 re diell shi rrufe
Elbasan 17/26 re diell shi
Berat 14/28 re diell shi
Vlorë 17/27 re diell shi
Korçë 12/22 re diell shi
Gjirokastër 12/28 re diell shi
Sarandë 15/26 re diell shi/atsh

Ministrja e Shëndetësisë dhe Mbrojtjes Sociale, Ogerta Manastirliu, deklaroi sot se shtimi i rasteve të reja nuk vjen si pasojë e shtimit të testimeve, por është pasojë e hapjes dhe mosrespektimit të protokolleve të sigurisë.

Në një intervistë televizive Manastirliu theksoi se “është një situatë që reflekton rihapjen dhe ekspertët e epidemiologjisë konsiderojnë disa faktorë, të cilët kanë shtuar rastet pozitive ditore që lidhen me mosrespektimin e protokolleve të sigurisë”.

“Aktualisht Komiteti i ekspertëve nuk ka vlerësuar si opcion kthimin mbrapa, por ne do të jemi në një vlerësim dinamik të situatës. Për momentin nuk mund të thuhet se ekziston ideja e kthimit mbrapa, pasi ky virus është i paparashikueshëm dhe do të jemi duke e vlerësuar dhe sipas shkallëve të vlerësimit do të marrim dhe masat”, u shpreh ajo.

“Testet nuk janë qëllim në vetvete, por janë një rrjedhojë dhe një arsye e domosdoshme për t’i bërë në rast se ka një hetim epidemiologjik për t’u bërë. Gjatë dy javëve kemi patur grumbullime, festa në familje, persona që kanë shkuar në ceremoni mortore, kemi vatra familjare dhe në institucione. Ne e kemi thënë, ky është një normalitet i ri në strategjinë e rihapjes, parashikon protokolle rigoroze për t’u respektuar. Duhet vijuar distancimi fizik, higjiena, mbajtja e maskave, të gjitha këto janë të vendosura në protokolle. A janë zbatuar këto protokolle? Këtu patjetër një pjesë e madhe e ka zbatuar, siç ka edhe protokolle që janë zbatuar pjesërisht, për të cilët ne duhet të tregojmë më shumë kujdes”, – nënvizoi Manastirliu.

Sipas saj, “përgjegjësia individuale jo vetëm në këtë epidemi, por në të gjithë epidemitë e ndodhura ndonjëherë ka shumë të bëjë kur flasim për ecurinë e saj”.

“Jemi në një transmetim komunitar sidomos në Tiranë, Shkodër, Durrës që janë bashki më të riskuara në raport me të tjerat lidhur me transmetimin komunitar. Përgjegjësia kryesore e strukturave të shëndetësisë dhe e jona gjatë gjithë epidemisë është sigurimi që personeli shëndetësor të jetë i mbrojtur, të ketë gjithë materialin e mbrojtjes personale, në mënyrë që të zbatojnë protokollet. Kur ne jemi të lirë, flasim për qytetarët, ekspozimi kundrejt virusit është më i madh, intensiteti i lëvizjes po ashtu, takimet dhe kontaktet. Por edhe në sistemin shëndetësor ndodhi e njëjta gjë, sepse ne e hapëm sistemin shëndetësor, nuk ishim më si në karantinë kur bëheshin ndërhyrjet e planifikuara, konsultat online. Jo vetëm kaq, por spitalet janë struktura ku nuk vijnë persona të shëndetshëm, por edhe me shumë patologji”, – tha ministrja.

Sipas saj, ky nuk është një fenomen që ka ndodhur vetëm në Shqipëri, por edhe në Itali në spitalin “San Rafaelo”, ka ndodhur e njëjta gjë në Spanjë, madje edhe në Gjermani.

“Ne do të jemi të rrezikuar, nëse nuk zbatojmë protokollet dhe vijojmë të mendojmë se virusi nuk është prezent dhe nuk ka ekzistuar”, – tha ajo.

Ministrja Manastirliu bëri të ditur se aktualisht në spitalin Infektiv janë rreth 50 të shtruar me COVID-19, kemi vetëm një pacient të intubuar dhe 6 pacientë në terapi intensive”.

E pyetur nëse rrezikojmë t’i kalojmë 80 të shtruar, ministrja tha se “nëse kjo ndodh, Spitali Infektiv ka 120 shtretër kapacitetet. Kemi COVID-2 tek Spitali Infektiv , COVID- 3 dhe COVID-4, që në total kanë kapacitet për 550 shtretër”./atsh

Kryetari i grupit parlamentar të Partisë Socialiste, Taulant Balla e konsideroi sot të turpshëm sulmin politik të Partisë Demokratike ndaj kompanisë “Rozafa”.

“Sulmi i turpshëm politik i Partisë Demokratike ndaj kompanisë Rozafa, është rast i përsëritur i politikës së haraçit të sojit “Lucky” Luçiano”, tha ai.

Në këto kohë të vështira kur çdo prodhim “Made in Albania” duhet mbrojtur, Balla tha se “kjo lloj qasje antishqiptare e lidershipit rrugëhumbur të PD-së që gënjen ditën për diell duhet të ndalojë menjëherë”.

Në 5 qershor, përfaqësuesi i Partisë Demokratike, Luçiano Boçi mbështeti protestën e banorëve në Labinot, të cilët pretendojnë se kompania Rozafa po grabit pasuritë e tyre. /atsh

“Turizmi për potencialin që ka vendi duhet trajtuar me prioritet”, tha sot kryetari i PD-së Lulzim Basha në takim e zhvilluar me operatorët turistikë në Vlorë, ndërsa premtoj uljen e taksave.

Basha u shpreh se Vlora është një nga qytetet me potencialin më të madh turistik të vendit, por sot është pa pushues e pa mbështetje.

“Qindra të punësuar direkt dhe indirekt janë në sektorin e turizmit. Shumë prej tyre e kanë humbur vendin e punës e të tjerë rrezikohen nëse situata vazhdon të ecë me këto ritme. Operatorët turistikë të qytetit të Vlorës më treguan shqetësimet e tyre. Pushues nuk ka, taksat e tatimet duhet t’i paguajnë, punonjësit gjithashtu”, u shpreh Basha.

Ai tha se sektori i turizmit punëson 93 000 persona dhe në zinxhir, pothuajse, 200 000 të tjerë. Qindra mijëra familje jetojnë me të ardhurat nga turizmi.

“Turizmi për potencialin që ka vendi duhet trajtuar me prioritet, duke u bazuar në praktikat më të mira botërore. Ne jemi duke hartuar një plan i cili do të konsultohet më pas me operatorët turistikë për të arritur në një produkt që ta ndihmojë këtë sektor, zhvillojë dhe njëkohësisht të rrisë punësimin me paga dinjitoze”, tha ai.

Po ashtu Basha tha se taksat e larta që sot shkojnë në xhepat e oligarkëve do të reduktohen.

“Ne do të çlirojmë qytetarët dhe biznesin në përgjithësi nga taksat e larta, duke vendosur taksën e sheshtë 9% që t’iu japim mundësi për të rritur punësimin dhe konsumin. Ne nuk premtojmë të pamundurën, por paketa ndihme e lehtësi fiskale krejtësisht të realizueshme siç bëjnë dhe vendet tona fqinje që të vendosim barazinë në treg dhe të mundësojmë zhvillim ekonomik për vendin”, tha ai. /atsh

Ministri i Shtetit për Diasporën, Pandeli Majko kujton në ditën e Çlirimit të Kosovës, kohën kur ishte kryeministër i Shqipërisë dhe rëndësinë e kësaj date.

Majko shprehet se “12 Qershori shënon Çlirimin e Kosovës. Për herë të parë në historinë kombëtare, Perëndimi u bë bashkë në krah të shqiptarëve. Së bashku me të, fituam një Luftë të Kosovës që u konsiderua “më e rëndësishmja pas Luftës së Dytë Botërore”.

“Kjo luftë pati heronjtë që ranë për lirinë kombëtare. Ne të tjerët, bëmë veç detyrën”, tha ai.

Po ashtu, Majko ka postuar një foto të asaj kohe me Sekretarin e Përgjithshëm të NATO-s, Havier Solanën. /atsh