Nëse nuk je afër detit, temperaturat e larta janë një makth. Ushqimet pastaj, janë problem më vete. Duket sikur nuk mund të konsumosh asgjë, sepse vapa nuk të lë të shijosh asgjë.
Por, nëse nuk e dinit, disa ushqime duhen konsumuar pikërisht në këtë periudhë të vitit, për t’i përballuar shumë më mirë ditët e nxehta.
Ja disa prej ushqimeve për ditët e nxehta:
1. Kastraveci
2. Luleshtrydhja
3. Shalqiri
4. Ananasi
5. Mangoja
6. Portokalli
Pra, me pak fjalë, vetëm fruta dhe zarzavate. Përveç këtyre ushqimeve, mos harroni të pini sa më shumë ujë. Vetëm kështu do ta mbani trupin të hidratuar. /atsh
Nëse doni të humbisni peshë, pa hequr dorë nga ushqimet mes vakteve, ka disa mënyra për ta bërë këtë shëndetshëm. Këto ushqime do t’ju bëjë të ndiheni të ngopur edhe pse kanë shumë pak kalori. Ndjesa e ngopjes që ju japin, do bëjë të mos mendoni për ushqime të pashëndetshme dhe të konsumoni më pak ushqim se zakonisht, duke marrë kështu, më pak kalori.
– Kokoshka
Kokoshkat janë të lehta e të shëndetshme. Përmbajnë proteina dhe shumë vitamina e minerale, përfshirë kalciumin,kaliumin, vitaminën A dhe K. Përpiquni t’i konsumoni pa sheqer dhe pa kripë, pasi mund të përmbajnë më shumë kalori. Sugjerohet t’i zëvendësoni patatinat me kokoshka.
– Çokollatë e zezë
Çokollata e zezë, jo vetëm ndihmon në humbjen e peshës, por ka edhe shumë përfitime shëndetësore. Ajo mund të ndihmojë në uljen e kolesterolit dhe të ulë riskun e sëmundjeve të zemrës. Çokollata e zezë mund të ulë nivelin e ghrelinës në trup, një hormon që rrit oreksin.
– Frutat e thata
Përzieni lloje të ndryshme të frutave të thata. Ato janë të pasura më yndyrna të pangopura,omega-3, fibra dhe vitaminë. Përfshirja e tyre në dietën tuaj mund të nxisë humbjen e peshës. Konsumoni sasi të kontrolluara.
– Kos pa yndyrë
Kosi është një burim i mirë proteinash. Ju jep një ndjesi ngopjeje dhe ka pak kalori. Mund të përdorni edhe kos me pak yndyrë. Më e mira është të konsumohet thjeshtë, por mund t’i shtoni edhe fruta të thata, manaferra,boronica dhe fruta të tjera.
– Gjalp kikiriku
Gjalpi i kikirikut është burim i mirë proteinash dhe i pasur më fibra. Mund të ndihmojë në kontrollin e oreksit dhe sheqerit në gjak. Konsumojeni me bukë gruri, ose fruta.
– Vezë të ziera
Me vlera ushqyuese dhe proteina, një ose më shumë vezë të ziera mund t’ju japin idenë se keni ngrënë një vakt të plotë. Mund t’i vendosni në një tost, apo të bëni receta të tjera me to./atsh
Bllokimi i arterieve pengon furnizimin me gjak të organeve jetësore siç është zemra ose truri dhe një gjë e tillë mund të jetë kërcënuese për jetën.
Parandalimi i mpiksjes së gjakut shpesh arrihet nëpërmjet kurave natyrale. Ekspertët shpjegojnë se gjaku përbën rreth 8 përqind të peshës trupore.
Mpiksja e gjakut ka të bëjë me bashkimin e qelizave të kuqe dhe përbërësve të tjerë qelizorë dhe akumulimin e tyre në vendin e lëndimit për të parandaluar rrjedhjen e tepruar të gjakut. Holluesit natyralë të gjakut janë të rëndësishëm. Zakonisht, mpiksja e gjakut është e shëndetshme dhe ka një qëllim të vetëm; të parandalojë rrjedhjen e tepruar të gjakut. Por, në disa raste, mpiksjet e vazhdueshme janë tregues të një problemi më madhor shëndetësor. Shmangni mpiksjen e gjakut në mënyrë natyrale.
Pini ujë
Uji është një hollues mjaft efikas por i nënvlerësuar i gjakut. Dozat e mjaftueshme të ujit e mbajnë trupin të hidratuar dhe garantojnë një qarkullim të mirë të gjakut.
Xhenxhefili dhe hudhra
Janë dy prej përbërësve më të zakontë në kuzhinën tonë. Ata luftojnë inflamacionin dhe parandalojnë artereosklerozën ose trashjen e mureve të enëve të gjakut dhe formimin e pllakëzave.
Vitamina D
Në mjekësinë popullore tradicionale Vitamin D e marrë nga dielli pranohet të luajë një rol natyral në hollimin e gjakut.
Antioksidantët
Barishtet si spinaqi, zarzavatet si brokoli dhe arrorët parandalojnë oksidimin dhe prodhimin e radikaleve të lira, duke pakësuar rrezikun e mpiksjes së gjakut. Kivi dhe specat e kuq përmbajnë fitoushqyes të rëndësishëm dhe enzima që kanë vlera në hollimin e gjakut dhe largimin e toksinave prej tij. Ushqime të tjera të pasura me antioksidantë përfshijnë thjerrëzat, tërshërën dhe grurin.
Çaji jeshil
Çaji jeshil është një nga kurat më të mira natyrale kundër mpiksjes së gjakut falë përmbajtjes së lartë të antioksidantëve. Çaji jeshil luan rol në zgjerimin e enëve të gjakut dhe prodhimin e lëndës së njohur si oksidi nitrik.
Vitamina C
Vitamina C është një antioksidant i fuqishëm që gjendet tek agrumet, kivi, barishtet etj. Ushqimet e pasura me vitaminën C ndihmojnë në rimëkëmbjen e mureve të arterieve dhe garantojnë një shëndet optimal vaskular.
Çokollata e zezë
Një studim i publikuar në revistën e Shoqatës Amerikane për Zemrën nxorri në pah se çokollata e zezë përmirëson qarkullimin e gjakut, falë prodhimit të lëndëve të ndryshme kimike që zgjerojnë arteriet. Speci djegës, çaji jeshil, xhenxhefili dhe hudhra janë ushqime të tjera që përmirësojnë qarkullimin e gjakut.
Aktiviteti fizik
Aktiviteti fizik është parësor në përmirësimin e qarkullimit të gjakut dhe kundër mpiksjes së tij.
Rëndësia e mëngjesit
Vlerësojeni mëngjesin. Zgjohuni herët. Niseni ditën me një vakt të mirë dhe të shëndetshëm dhe përfitoni të gjithë ushqyesit e nevojshëm.
Duhani vret
Duhani vret në mënyra të ndryshme. Një prej tyre është dëmi që ai shkakton në enët e gjakut dhe problemeve me qarkullimin e tij./atsh
Djali i ish-udhëheqësit komunist Enver Hoxha ka rrëfyer amanetin e fundit që i dha babai i tij 9 ditë para se të vdiste.
Në një intervistë të dhënë për “Panorama”, Sokol Hoxha, burri i Lilianës tregon se ende nuk e di pse ishte i preferuari i të atit.
Sokol Hoxha thotë: Nuk di ta them me saktësi. Ndoshta për zgjedhjet e drejta që kisha bërë në jetë, gjë që ma ka thënë disa herë. Më vjen keq që nuk i jam hapur, madje kur ai më është hapur, unë i jam mbyllur”.
Po ashtu, Sokoli thotë se Enveri kishte pikë të dobët nusen e tij, Lilianën dhe kjo gjë kishte shkaktuar shqetësim në familjen Hoxha.
Ai thotë: Vërtet e ka pasur pikë të dobët. Këtë e them jo se është gruaja ime, por ai ma ka theksuar disa herë. Ndoshta se Liliana ishte vajzë populli me cilësitë e veta që ai ia vlerë sonte aq shumë, si ndjeshmëria, idealizmi dhe mospajtimi me padrejtësitë”.
Sokoli tregon amanetin qe i la Enveri 9 ditë para se te vdiste.
Sokoli thotë: Tetë apo 9 ditë para se të vdiste, amaneti i tij ishte të ruheshim dhe sidomos të ruaja Lilianën. Ma ka thënë troç: “Ruajuni dhe sidomos ruaj Lilianën”.
Pyetur se “ǒdo të thoshte me ruajunin”?, ai pergjigjet: Siç kishte kuptuar qëllimin kundër atij vetë muajt e fundit të jetës, kishte kuptuar sidomos qëllimin kundër nesh.
Me këtë donte të na bënte vigjilentë doemos pa u futur ai vetë në detaje, kur ishte evidente se pjesa tjetër e familjes, filluar nga mamaja, ishte totalisht e lidhur me Ramiz Alinë”.
Deputetja Rudina Hajdari ka dashur që të japë një mesazh sensibilizues, në kushtet e pandemisë së koronavirusit.
Ajo ka publikuar një fotografi ku shihet me të bijën, me masëk në fytyrë.
Nëpërmjet saj, bën apel që të tregohet kujdes, për të mos përhapur më tej virusin.
“Kujdesuni për veten dhe për njëri-tjetrin. Mendjet dhe zemrat tona janë me çdo person të prekur me COVID-19 që po kalon kohë të vështirë, dhe me familjarët që kanë humbur njerëzit e tyre të dashur”, shkruan Hajdari. /noa.al
Babë e bir nga Tirana janë përfshirë në një sherr në Radhimë.
Policia thotë se sherri mes tyre ka ndodhur për motive të dobëta, ndërsa djali i ka thyer të atit edhe xhamat e makinës. Policia e Vlorës ka ndërhyrë duke i arrestuar të dy.
NJOFTIMI I POLICISE
Policia ka arrestuar në flagrancë shtetasit A. R., 56 vjeç dhe A. R., 21 vjeç me banim në Tiranë.
Këta shtetas janë kapur dhe arrestuar në Radhimë, pasi në konflikt e sipër me njëri-tjetrin, 21 vjeçari i ka thyer xhamat e automjetit babait të tij 56 vjeçar, për motive të dobëta./lajmifundit
Enver Hoxha, momenti kur ulej “gju më gju” me popullin.
Kjo foto e rrallë e ish-diktatorit besohet se është realizuar gjatë viteve të fundit të jetës së tij.
Ai është rrethuar nga qindra njerëz të një fshati, që besohet të jetë Pogradeci, ku kalonte shpesh pushimet.
Pranë tij ndodhet Nexhmija e ulur, kurse Enver Hoxha në këmbë duket se udhëzon klasën punëtore për sukseset e arritura dhe vigjilencën, që duhet të tregohet vazhdimisht prej tyre.
Enver Hoxha thoshte se armiqtë, që ishin të shumtë, na kanë zili dhe gjithmonë kërkojnë të përfitojë nga një dobësi e jona.
Enver Hoxha, përmes propogandës që instaloi regjimi i tij, ia doli të qeveriste vendin për gati 40 vjet, duke mbetur udhëheqësi më jetëgjatë në tërë historinë e Shqipërisë.
Kryetari i bashkisë së Vlorës, Dritan Leli vizitoi sot Vasilin, një bletar nga Dukati i cili kujdeset për 110 kosheret e bletëve dhe është mbështetur me fonde nga qeveria për të vijuar me sipërmarrjen e tij.
Leli thotë se 110 kosheret e tij janë kthyer në një stacion turisitik, jo vetëm sepse udhëtarët blejnë mjaltë, por edhe sepse ai të tregon kuriozitete të jetës së bletëve.
‘Është një ndalesë interesante sepse shohim nga afër procesin e mbledhjes së mjaltit që bëhet gjatë këtyre ditëve. Për Vasilin, ky ka qenë një nga vitet më të mira të prodhimit dhe me mbështetjen tonë uroj që të gjitha vitet të jenë kështu”, thotë kryetari i bashkisë.
Leli theksoi se programet e qeverisë janë në favor të ngritjes së bizneseve dhe kryesisht në favor të bujqësisë dhe fermerëve, si një shtysë për të punësuar më shumë njerëz për të rritur kapacitetet. “Jam shumë i surprizuar nga mënyra sesi ti punon dhe mund të them që kjo është një eksperiencë fantastike. Njerëzit që merren me bletët janë njerëz me pasione të veçanta”, u shpreh Leli.
Nga ana e tij, Vasili vlerësoi mbështetjen me grante që i është bërë për të vazhduar me punën e tij teksa tha se këtë punë nuk do ta linte as për një punë tjetër që mund t’i siguronte më shumë të ardhura.
“Unë mund të gjej një vend pune me më shumë të ardhura, por dua të merrem me bletët. Unë mund të rri pa bukë edhe bletët nuk i lëshoj”, u shpreh ndër të tjera Vasili./atsh
