Dukati

Përjashtohet nga azili, institucioni i mban pensionin të moshuarit

Aktualitet / /

Një rast flagrant raportohet nga Shkodra, ku një i moshuar, denoncon se është përjashtuar nga Azili i qytetit, pasi gjatë kohës së karantinës ka dalë pa leje, për të bërë për një trajtim në shtyllën kurrizore.

Bazuar në urdhrin e kryeministrit, Bardhok Gegaj, 82-vjeç, shprehet se ka kërkuar leje për të dalë pasi lejohej një ditë në javë që të moshuarit të dilnin nga banesat në orare të caktuara.

Gegaj thotë për emisionin “Stop” se problemet i kanë nisur në fund të muajit mars dhe në fillimit prill, pasi drejtori e ka futur në karantinë dhe pse ai ka dalë negativ në testin e COVID-19. Këtu ka nisur edhe konflikti me drejtorin, që ka çuar në nxjerrjen jashtë azilit, të Bardhok Gegajt.

Nga ana tjetër, masa e pensionit 40 % i është mbajtur nga azili, edhe pse gjatë kësaj kohe duhet ta siguronte vetë ushqimin, fjetjen dhe gjithcka tjetër.

Në Sigurimet shoqërore të Shkodrës pohuan, se masa e pensionit është mbajtur deri në 1 korrik 2020, kohë, kur është dorëzuar shkresa e azilit, që provonte, se i moshuari ishte larguar.

Drejtoresha: Kjo është shkresa e Shtëpisë së të Moshuarve, ku ka thënë, që nga 01.07. ka ik nga institucioni. Këto janë pagesat, që i kanë kalu këtu -40% korrik-gusht, që ia kena dhënë shtesë kreditore në shtator.

Gazetarja: Pra ju më konfirmoni, që në periudhën mars-prill-maj-qershor, buxheti i ka kaluar Shtëpisë së të Moshuarve.

Drejtoresha: Ja prill-maj-qershor. -37,-37 pra -40% deri në 1 korrik, që na ka ardh shkresa, që zotëria ka ik. Nga 1 korriku ne ia kena bo të plotë.

Gazetarja: Sa e ka masën e pensionit? Drejtoresha: 95 (mijë lekë të vjetra).

Nga ana tjetër drejtori i shtëpisë së të moshuarve Shkodër, Fatjon Hoxha, thotë, se zotëria është larguar me dëshirë nga institucioni, edhe pse ai i është lutur të mos e bëjë.

“Ja ku është letra e tij që kërkon të largohet nga azili. Ai është larguar me dëshirë, i jam ulur të mos ikte. I kam thënë të mos ikte”, thotë Hoxha. Ndërkohë Gegaj shprehet se drejtuesi i azilit është një “palaço dhe mashtrues” dhe shton se do të kthehet sërish në azil.

Në Shërbimin Social Shtetëror, shpjegojnë, se i moshuari mund të rikomisionohet, duke mbledhur shumë dokumente paraprakisht. Por deri atëherë 82-vjeçari Bardhok Gegaj, do të jetë në rrugë të madhe.

Përjashtohet nga azili, institucioni i mban pensionin të moshuarit Read More »

Tjetër përforcim i bujshëm në radhët e PS-së, Veliaj prezanton një tjetër figurë nga bota e artit

Aktualitet, Lajmi i fundit, Politike / /

Erion Veliaj, kryetari i Bashkisë Tiranë, vazhdoi sot fushatën elektorale të PS-së, ku edhe prezantoi një tjetër figurë nga bota e artit.

Fushatës së PS-së iu bashkua Kastro Zizo. Këngëtari u shfaq me një “look” ndryshe krah Veliajt dhe deputetëve socialistë, me syze prej intelektuali.

“Ditë fantastike te Njësia nr. 4 me Kastro Zizon, Ninin dhe Sadriun”, tha Veliaj.

“Gjithmonë bashkë, për të ecur më tej për realizimin e projekteve të tjera në të mirë të komunitetit”, shtoi ai.

“Mirënjohje çdo banori për mbështetjen dhe durimin!” – u shpreh Veliaj teksa bëri publike edhe fotot, ku veç drejtuesve të PS-së së Tiranës ishte edhe Kastro Zizo, në podium me ta.

Valbona Selimllari, Noizy dhe Gaz Paja ishin ndër të fundit nga ekrani që i janë bashkuar në fushatë Veliajt, teksa kryebashkiaku po ndjek strategjinë për të tërhequr sa më shumë artistë para zgjedhjeve të 2021.

/NOA.al

Tjetër përforcim i bujshëm në radhët e PS-së, Veliaj prezanton një tjetër figurë nga bota e artit Read More »

Mjeku Kalo: Të gjithë bashkë kundër kësaj flame, evitojmë karantinën se pasojat i vuan populli e jo ‘ish-brekëgrisurit e djeshëm’

Aktualitet, Opinione / /

Mjeku Tritan Kalo shkruan se në këtë “kohë kovidiane” të gjithë duhet të solidarizohemi me armatën e mjekëve dhe njëri-tjetrin, për të zbatuar disa masa thelbësore që na mbrojne nga infektimi.

Sipas tij, ky solidarizim duhet për të shamngur dhe vendosjen e vendit në karantinë sepse atë do ta vuajë populli, dhe jo ata që ai i quan “ish-brekëgrisurit e djeshëm e milionerët e sotëm”.
“RËNDËSI PRAKTIKE për ne të gjithë ka fakti se, së bashku do të mundemi t’ja dalim mbanë përballjes me “flamën mbarëbotërore” të Sars-Cov2/Covid-19, DUKE evituar plotësisht dhe me shumë sukses një “QUARANTIN” = mbyllje 40 ditore/gjashtë javore të dytë të vendit…..”, shkruan mjeku.

Shkrimi i plotë:

Kohë kovidiane….7.10.2020….SOLIDARITET = SOLI-DARI-TET = Vetëm-guximtari-ja del në krye: Punës, Profesionit dhe Përkushtimit ndaj të tjerëve….Solidariteti ynë me ARMATËN e punonjësve të Shëndetsisë Publike dhe jo vetëm, për të respektuar: 1- Masat e mbrotjes individuale/Maskat që mbulojnë gojën dhe hundën njëkohësisht në mjediset e mbyllura apo aty ku ka shumë persona njëkohësisht, 2- Distancimin fizik kurdoherë kur një gjë e tillë është e mundëshme, 3- Higjenën individuale/larjen e duarve dhe higjenën kolektive të mjediseve ku punojmë, shkollohemi, shplodhemi, argëtohemi dhe jetojmë ishin, janë dhe do të mbeten tre elementë thelbësorë në vijimësinë e përballjes sonë me sfidën Sars-Cov2/Covid-19, POR edhe në solidaritet e mirëkuptim të PËRPJEKJEVE të çdominutëshme të kësaj Armate për të mbrojtur jetët tona….
A ËSHTË kjo vala e parë, e dytë, e tretë apo e katërt e Pandemisë, një gjë e tillë pak rëndësi ka në aspektin e EPIDEMIOLOGJISË FAKTIKE/REALE, rëndësi ka fakti se infeksioni nga Sars-Cov2/Covid-19 është ulur këmbëkryq prej shumë muajsh KUDO nëpër Botë, e me siguri një situatë e tillë do vijojë edhe për disa kohë …..Teorizimet le tua lëmë më shumë GJITHOLLOGËVE dhe kërkuesve të PROTAGONIZMIT përgjatë këtyre kohëve kovidiane….

RËNDËSI PRAKTIKE për ne të gjithë ka fakti se, së bashku do të mundemi t’ja dalim mbanë përballjes me “flamën mbarëbotërore” të Sars-Cov2/Covid-19, DUKE evituar plotësisht dhe me shumë sukses një “QUARANTIN” = mbyllje 40 ditore/gjashtë javore të dytë të vendit…..

JEMI vetëm NE, “il poppolo Albanese”, që do të vuajmë pasojat e saj sikundër ndodhi edhe në të shkuarën e afërt, DHE jo “ish-brekëgrisurit e djeshëm” dhe “milionerët/pasunarët e sotëm”, ndaj na takon NE dhe vetëm e vetëm NE, që të tregojmë shkallën më të lartë të KUJDESIT dhe të SOLIDARITETIT me dhe për njëri tjetrin në këtë përballje….MIRËKUPTIMI dhe BASHKVEPRIMI ndërmjet nesh janë të domozdoshme në këtë proçes….”Koha është e Maskarenjve, por Atdheu i Shqiptarëve” (A.A.)….PANIK jo dhe vetëm jo….KUJDES e DROJË po dhe vetëm po….TOGETHER for EVER!!!

Mjeku Kalo: Të gjithë bashkë kundër kësaj flame, evitojmë karantinën se pasojat i vuan populli e jo ‘ish-brekëgrisurit e djeshëm’ Read More »

Meta: ‘O me demokracinë ose me djalin e Kristaq Ramës’

Aktualitet, Debat, Politike / /

Presidenti Ilir Meta i ftuar në emisionin “Tempora” ka ngritur tonet kur ka folur për kryeministrin Rama, duke thënë se shqiptarët duhet të jenë “ose me demokracinë, ose me djalin e Kristaqit”.

Ai u shpreh se prej kohësh vendi ynë drejtohet nga oligarkë që nuk njohin atdhe, por marrin çdo vendim pa menduar për interesin e popullit.
Meta ka komentuar edhe shprehjen e Ramës se babai i tij ka qenë në anën e duhur të historisë, duke u shprehu se babai i kryeministrit nuk ka qenë partizan, por ka firmosur për vdekjen e një poeti kur po hapej bota.

“Nuk jemi ne një popull që sikurse thotë ai vagabondi se popullit tonë nuk i ngrehet. Ne jemi një popull i urtë dhe drejtë, por ne kur na vjen hasmi te dera, ne këndojmë pushkë në derë. Presidenti do të jetë në krye të popullit. O me demokracinë ose me djalin e Kristaq Ramës. Se thotë se babai ishte në anën e drejtë të historisë, por ai ka firmosur për të varur një poet në vitin ’88 kur po hapej bota.

Ky babain nuk e ka pasur partizan. Rama provokon rendin demokratik dhe duhet të mbajë përgjegjësi. Ose mbahet marrëveshje e 5 qershorit ose ka referendum. Nuk ka as liderë dhe as ndërkombëtarë që e çmendën popullin, por do të ketë epokë referendumesh për prekjen e kushtetutës. Se u bënë ka kohë që e qeverisin vendin disa oligarkë që nuk njohin atdhe dhe asgjë. Ata bëjnë politikën dhe drejtësinë. Paguajnë prokurorë, gjykatës dhe mediat. Nuk duhet të ishte prekur kushtetuta fare”, tha Meta.

Meta: ‘O me demokracinë ose me djalin e Kristaq Ramës’ Read More »

PS ndez motorët/ Valbona Selimllari zbukuron fushatën, artistët i japin zë

Aktualitet, Politike, Votime Sondazhe / /

PS ka gjetur një strategji të re para zgjedhjeve. Para mandatit të tretë, kjo forcë politike po përfshin më shumë artistë në gjirin e saj. Por edhe vajza dhe gra të bukura, si duket për të zbukuruar imazhin e saj.

Pas Land Hysit, Vikena Kamenicës, Monika Lubonjës, Arjola Demirit, Gaz Pajës, Alketa Vejsiut, edhe Valbona Selimllari ka vendosur zyrtarisht që të bëhet pjesën e familjes socialiste.

Po ashtu edhe Eneda Tarifa dhe Anxhela Peristeri janë bërë më herët pjesë e fushatës së PS dhe njihen gjerësisht si simpatizante të kësaj force politike.

Artistët në fjalë po tentojnë të tërheqin pas vetes dhe rrjedhimisht pas PS-së dhe kolegë të tyre.

Teksa shoqëroi kryebashkiakun Veliaj në Zall-Bastar, Selimllari e shpjegoi mbështetjen për të majtën me një thënie të vjetër përmetare: “Tek Partia Socialiste jam sepse ne kemi një thënie nga Përmeti. Unë jam përmetare me origjinë dhe themi: Ai djali dhe ajo vajza po janë punëmbaruar dhe kjo fjalë më ka mbetur gjithmonë në mendje se ma thoshte gjyshi dhe nëna:

“Punëmbaruari është gjithmonë i suksesshëm” dhe në fakt unë jam me punëmbaruarit, sepse për hir të së vërtetës nuk kemi kohë të humbim me ata që s’mbarojnë punë”.

Valbona Selimllari ka takuar së fundmi disa nga personazhët e botës së artit, edhe këngëtaren Eranda Libohova, apo Kejsi Tola. Disa muaj para zgjedhjeve PS-së ka ndezur “motorët”, duke vënë në lëvizje figura të njohura të artit dhe ekranit, teksa është parë që krah tyre të jetë vazhdimisht edhe kryebashkiaku Erion Veliaj.

Edhe Noizy, i promovuar gjerësisht nga Veliaj, nuk përjashtohet si mundësi, që t’i bashkohet fushatës së PS-së.

/NOA.al

PS ndez motorët/ Valbona Selimllari zbukuron fushatën, artistët i japin zë Read More »

Aktori i njohur i humorit Gaz Paja,zyrtarisht pjesë e fushatës së Partisë Socialiste/ Veliaj: Njerëzit e mirë dhe të ndershëm i duhen PS-së

Aktualitet, Politike / /

Aktori i njohur i humorit, Gaz Paja, është bërë zyrtarisht pjesë e fushatës së Partisë Socialiste.

Gaz Paja mësohet se ka ambicje të bëhet deputet. Madje në një nga rolet e fundit të “Portokallisë”, në rolin e Melamin Beratit, ai u propozua nga dy kolegët e tij për t’u bërë deputet.

Nuk duket se kjo ambicje e Gaz pajës është dëshirë, apo thjesht aludim.

Kryebashkiaku Erion Veliaj e prazantoi atë dje si një njeri të ndershëm, që i është bashkuar PS-së.

“Në Farkë me Gaz Pajën e gjithë njerëzit e mirë e të ndershëm që janë bashkuar me Partinë Socialiste”, tha Veliaj, krahas fotos me Gaz Pajën.

Kujtojmë se një kolegu i tij, Erion Isai, falë mbështetjes që mori nga ministrja Elisa Spiropali në fushatën e kaluar, u bë papritur kryebashkiak i Ersekës.

/NOA.al

Aktori i njohur i humorit Gaz Paja,zyrtarisht pjesë e fushatës së Partisë Socialiste/ Veliaj: Njerëzit e mirë dhe të ndershëm i duhen PS-së Read More »

Meta e mban fjalën, nxjerr 97 emrat që votuan dje në Parlament: Reflektoni para se të jetë vonë

Aktualitet, Opinione, Politike / /

Presidenti Ilir Meta mban fjalën e dhënë një ditë më parë, për publikimin e emrave të deputetëve të cilat votuan dje në parlament pro ndryshimeve në Kodin Zgjedhor.

“Kjo është lista e 97 emrave që kanë ngritur dorën për të bllokuar integrimin dhe të ardhmen europiane të Shqipërisë”, shkruan ai teksa ndan emrat e socialistëve dhe deputetëve të opozitës së re parlamentare, të cilët i quan me mandate antikushtetuese.

Ai ndan edhe reagimin e PPE, “pas këtij akti të turpshëm”: “Duke votuar shkeljen e Marrëveshjes së 5 Qershorit të negociuar nga Bashkimi Europian me opozitën, kryeministri shqiptar Edi Rama hodhi një hije të errët mbi zgjedhjet e ardhshme të prillit, të cilat duhet të ishin të lira e të ndershme, dhe më të mira se të mëparshmet.

Me këtë veprim Rama qartësisht pengon integrimin europian të Shqipërisë. Më saktësisht, shkelja e marrëveshjes së 5 Qershorit rrezikon të bllokojë dhe të shtyjë Konferencën e parë Ndërqeveritare si hapin e parë për fillimin e negociatave të pranimit në BE. Shqipëria meriton shumë më mirë se kaq. Ne i bëjmë thirrje Presidentit t’i kthejë ligjin e sotëm parlamentit. Ne i bëjmë thirrje Kryeministrit Rama të rishikojë pozicionin e tij për hir të së ardhmes europiane të popullit shqiptar”.

Në mbyllje të qëndrimit të tij Meta shkruan, “Koha për reflektim! Thellohuni para se të jetë shumë vonë!”.

Abazi Sadri Ahmetaj Arben Angjeli Anastas Balla Taulant Baraj Besnik Bello Vilma Beqaj Ilir Beqiraj Ismet Bici Dritan Bitri Robert Bode Edlira Braçe Erion Braho Spartak Bushaj Xhevit Bushati Ditmir Bushati Ervin Bushka Klotilda Çela Bujar Çuçi Bledar Çyrbja Jurgis Doshi Tom Dralo (Malo) Artemis Duzha Luan Dhima Antoneta Ekonomi Milva Fino Bashkim Gjermeni Eglantina Gjiknuri Damian Gjylameti Blerina Harusha Luan Hoxha Elona Hyseni Alket Hysi Vasilika Hysko Eljo Jaku Ardiana Kamami Arben Klosi Blendi Kodheli Mimi Koka Lefter Konomi Ardit Kumbaro (Furxhi) Mirela Kushi Evis Lala Reme Leka Edmond Majko Pandeli Manastirliu Ogerta Manja Ulsi Marto Andrea Meço Ervis Mesi Senida Nasufi Fadil Ndraxhi Ilir Nikolla Lindita Peleshi Niko Pendavinji Ilirian Pëllumbi Arben Piro (Nurçe) Tatiana Qefalia Xhemal Rama Edi Rista Adelina Roshi Enver Ruçi Gramoz Rraja Rrahman Sinaj Vullnet Spahiu Klodiana Spaho Florenc Spiropali Elisa Sterkaj Paulin Shalsi Eduard Shameti Adnor Ulqini Musa Valikaj (Felaj) Ermonela Velaj Fatmir Vorpsi Sadi Xhaçka Olta Xhafaj Fatmir Xhelilaj Rolant Xhembulla Almira Xhina Elena Xhindi Anduel Ylli Fidel

ME MANDATE ANTIKUSHTETUESE

1.Klajdi Qama

2.Majlinda Halilaj

3.Selami Jenishehri

4.Nimet Musaj

5.Aurora Mara

6.Edmond Rrushi

7.Krenar Rryçi

8.Nikolin Staka

9.Vasil Sterjovski

10.Edmond Stojku

11.Ylli Shehu

12.Ramazan Gjuzi

13.Eugen Bojaxhiu

14.Ediola Braha

15.Arlind Çaçani

16.Arben Elezi

Meta e mban fjalën, nxjerr 97 emrat që votuan dje në Parlament: Reflektoni para se të jetë vonë Read More »

Rama: Javën që vjen do të prezantohen ndryshimet për pagën progresive

Aktualitet, Politike / /

Kryeministri Edi Rama deklaroi në konferencën e sotme për mediat, se javën që vjen do të prezantohen ndryshimet për pagën progresive.

Teksa shigjetoi opozitën ai tha se, “Ata duan ta rikthejnë, për të bërë përsëri që infermierët, arsimtarët, punonjësit e shtetit me një pagë mesatare, të paguajnë më shumë sesa të pasurit e këtij vendi ose “oligarkët”. Të gabosh është njerëzore, por të insistosh në gabime është djallëzore”.

Ai tha se javën e ardhshme do të komunikohen ndryshime të tjera që lidhen me taksimin e ndershëm në funksion të lehtësimit të asaj pjese të shtresës së mesme që është në piramidën e taksimit për të ardhurat personale dhe për pagën minimale, 30 mijë lekë të reja që do të hyjë në fuqi në janar.

Rama: Javën që vjen do të prezantohen ndryshimet për pagën progresive Read More »