Dukati

Një faqe “Alternativa Civile” në Facebook, që i referohet fjalimit historik mbajtur në vitin 1653 nga gjenerali kontravers britanik Oliver Cromwell, në momentin e shpërndarjes së Parlamentit, që pasoi qeverijen e ngritur pas dënimit me vdekje të mbretit Çarli 1, e ka ndarë për publikun shqiptar, pasi 370 vjet më pas duket se është aktual sot për Shqipërinë.

“Ju jeni dërguar këtu nga populli për t’i lehtësuar problemet dhe fatkeqsitë, por u shndërruat vetë në problemin dhe fatkeqësinë e popullit”, thotë gazetari dhe publicisti Mentor Kikia, i cili ka bërë gjithqashtu publike fjalimin e plotë të gjeneralit.

Alternativa Civile: Një fjalim i shkruar në 1653 për politikanët shqiptarë

“Ju jeni një tufë përçarësish dhe armiq të çdo qeverisjeje të mirë. Ju jeni një bandë mjerane mercenarësh qo do ta shisnit vendin tuaj për një lugë çorbë, njësoj si Juda tradhëtoi Zotin për 30 aspra.

A ju ka mbetur më ndonjë thërrime virtyti?

A ka mbetur ndonjë ves që ju të mos e keni?

Ju nuk keni më shumë fe as se kali im. Paraja është Zoti juaj. Kush nga ju nuk e ka shitur ndërgjegjen për para?

Ju prostituta të ndyra, a nuk e keni përdhosur e njollosur këtë vend të shenjtë, duke e kthyer tempullin e Zotit në një vend hajdutësh me parimet tuaja imorale? Ju jeni bërë të urryer e të paduruar për të gjithë kombin. Ju jeni dërguar këtu nga populli për ti lehtësuar problemet dhe fatkeqsitë, por u shndërruat vetë në problemin dhe fatkeqësinë e popullit”.

Mendoni se ky fjalim i drejtohet parlamentit dhe politikës shqiptare?

E keni gabim, ky është një fjalim historik i mbajtuar në vitin 1653 nga gjenerali kontravers britanik Oliver Cromwell, në momentin e shpërndarjes së Parlamentit, që pasoi qeverijen e ngritur pas dënimit me vdekje të mbretit Çarli 1.

Përtej vlerësimit që historia ka për Cromwell, po mendoni që fjalimi i tij vlen edhe sot për Shqipërinë? Epo nuk është faji i gjeneralit”.

/Noa.al

Me rastin e ditës botërore të të moshuarve, Presidenti Ilir Meta shpreh mirënjohje, respekt dhe vlerësim ndaj tyre, ku thotë se kanë dhënë shumë për përparimin dhe begatinë e familjeve dhe atdheut tonë.

Kreu i shtetit ngre shqetësim se pavarësisht kontributeve dhe sakrificave të jashtëzakonshme në këtë drejtim, Dita Botërore e të Moshuarve, e gjen sot këtë kategori të margjinalizuar, në gjendje tejet të rënduar, pothuajse të braktisur nga shteti dhe të shkëputur nga fëmijët e larguar masivisht në emigrim.

Sipas tij, trajtimi me pensione të ulëta dhe indeksimet minimale, e bëjnë ende të papërballueshme jetesën e tyre në raport me çmimet e tregut dhe kostot e jetesës ndër më të lartat në rajon, aq sa të ardhurat mujore, nuk ju mjaftojnë as për të paguar ilaçet, energjinë elektrike dhe ujin.

“Me nivelin më të lartë të sëmundshmërisë, trajtimi i tyre shëndetësor nga institucionet shtetërore në raport me të ardhurat dhe nevojat që ka kjo kategori, është thuajse i papërfillshëm. Braktisja, vijon të jetë gjithashtu një plagë e rëndë. Vetmia që përjeton kjo kategori prej shpopullimit, dramës së madhe të popullit tonë dhe familjes shqiptare në vitet e fundit, është e papranueshme dhe kërkon një zgjidhje të menjëhershme duke rikthyer shpresën në radhë të parë për fëmijët e tyre për të ndërtuar të ardhmen në vendin tonë dhe pranë familjeve”, shkruan Meta.

Presidenti kërkon rritje të ndjeshme dhe të menjëhershme të pensioneve, ndihmë ekonomike të prekshme për përballimin e kostove të medikamenteve, energjisë elektrike dhe ujit dhe trajtim të veçantë shëndetësor e social, si disa nga masat efektive që meritojnë adresim të menjëhershëm.

Meta thotë se është koha për të kthyer në veprim shërbimin me përulje dhe vlerësimin e merituar ndaj tyre, jo vetëm me mbulimin e pagesës për blerjen e gjelit për Vit të Ri, por nëpërmjet masave konkrete që ofrojnë zgjidhje të qëndrueshme, solidaritet dhe përkrahje. /a.y/noa.al

Test për b ombë në aeroportin “Nënë Tereza” në Rinas.

Autoritetet e Aviacionit Civil, po bëjnë testime për të provuar gatishmërinë në rast alarmi për eksploziv në aeroportin ndërkombëtar “Nënë Tereza”.

Kjo ka bërë që të evakuohen punonjësit dhe për disa momente të krijohet kaos.

Fillimisht u fol për alarm real, por më tej u saktësua se bëhet fjalë për manovra testimi.