Kreu i Partisë Demokratike, Lulzim Basha tha për Ilva Now në Euronews Albania se PD ka gati ligjin antimafia me anë të të cilit do të bëjë të mundur që të trajtohen të gjitha koncesionet apo tenderët korruptivë.
Basha shpjegoi se subjekt i këtij ligji do të jenë dy lloje, do të jenë zyrtarë të çdo niveli, nga i pari i qeverisë deri tek më i thjeshti që është përfshirë në kontrata publike abuzive dhe personat apo kompanitë private që janë përfitues abuzivë të fondeve publike.
Sipas tij, qëllimi i këtij ligji, që siç tha do të jetë i pari që do të miratohet në kuvend sapo qeveria e tij të vijë në pushtet, është që t’u kthejë shqiptarëve paratë që u janë vjedhur në mënyrë të padrejtë përmes aferave korruptive.
“Qëllimi përfundimtar është që qytetarëve t’u kthehen paratë e vjedhura. Ky është ligji që e bën të mundur. Vit më të errët se ky, kur në kohë pandemia mafia në bashkëpunim me qeverinë vjedhin shqiptarët, nuk ka, edhe pse i përditë i bëjmë thirrje SPAK të hetojë. Do përfshihet edhe biznesi në ligjin anitmafia.
Ligji antimafia që do të fillojë veprimin që në muajin e parë të qeverisë sime, i pari ligj që do të miratojmë në parlament. Nëse nuk ndalim këto miliarda euro që ikin, nuk mund të ulim taksat, të paguajmë pagat dhe pensionet”, tha kreu i PD.
I pyetur nëse ky ligj do të penalizonte biznesin e ndershëm, kryedemokrati tha se ky ligj do ta përmirësonte klimën e biznesit, pasi sipas tij bën të pamundur garën pa garë.
“Një nga efektet e këtij ligji është parandalimi i korrupsionit. Do të mendohet 2-3 herë çdo zyrtar që të fusë duart në buxhetin e shtetit.
Ligji antimafia s’ka të bëjë me burgun, ka të bëjë ne paratë e vjedhura nga shqiptarët. Gjykata do të marrë vendimin, por procesi do të nisë nga qeveria, me një drejtori ose Ministri Antikorrupsion, hetimi do të bëhet nga prokuroria dhe gjykata do të marrë vendimin”, shpjegoi Basha.
Gruaja më e bukur në botë e të gjitha kohërave është Fevzia Fuat Ali, vajza e mbretit Faruk dhe është me origjinë shqiptare.
Fawzia Fuad nga Egjipti, e njohur edhe si Muluk Fawzia e Iranit, ishte një princeshë egjiptiane që u bë Mbretëresha e Iranit si gruaja e parë e Mohammad Reza Pahlavi, Shah i Iranit. Fawzia ishte e bija e Fuad I, djali i shtatë i Ismailit.
Publicistja Nora Malaj duke komentuar faktin që femra më e bukur në botë është shqiptare, thotë:
“Kur e lexon ndjehesh krenare që jemi racë e bukur, me inteligjencë të lartë, me vitalitet, ndonëse jemi ende në terminal!
Malaj thekson se ne duhet të ndjejmë krenari për racën tonë të bukur e të pastër shqiptare.
Edhe pse vetë nuk donte të identifikohej si gruaja më e bukur në botë, Hollivudi ia ka dhënë këtë nder.
Kështu, është një shqiptare, gruaja më e bukur e të gjitha kohërave, duke lënë pas Marilyn Monroe apo Elizabeth Taylor.
Fevzia Fuat Ali, bija e mbretit Fuad të Egjiptit, ishte dhe grua e shahut të Iranit, Muhamed Reza Pahlavi.
Ajo konsiderohej si një figurë hyjnore në mesin e shekullit të shkuar.
Gazetat më të mëdha e kanë shpallur atë si Miss Bota e pashpallur.
Ajo u divorcua nga i shoqi në vitin 1948 dhe u martua me një kolonel me gjak shqiptar, Ismail Husein Shirin Bej.
Fevzia u lind në Aleksandri të Egjiptit më 5 nëntor 1921. Ajo vdiq në 2 korrik 2013 në moshën 92-vjeçare, në Aleksandri.
Gadishulli i Ballkanit po ndikohet po vijon të ndikohet nga presion i lartë atmosferik i pozicionuar në Europën Veri-lindore e cila po mban mot të qëndrueshëm në territorin e Shqipërisë dhe Kosovë.
E Mërkurë dt 21 Tetor 2020
Sot moti parashihet të jetë me kthjellime dhe vranësira të pakta në mesditë.
Era do të jetë me drejtim Veri-Perëndim (NW) me shpejtësi maksimale 8m/sek në bregdet.
Valëzimi do të jetë i forcës 3 me lartësi vale 0,5-1,0 metër në det të hapur. Temperaturat do të jenë rritje.
Temperaturat min dhe max:
Zonat malore 5/18°C
Zonat e ulëta 7/25°C
Zonat bregdetare 11/24°C
Kosova
Kosova për ditën e Mërkurë dt 21 Tetor 2020 moti do të jetë me mjegull në mëngjes dhe kthjellime me vranësira të pakta gjatë ditës.
Temperaturat do të regjistrojnë vlera nga 0°C në mëngjes, ndërsa vlerat maksimale do luhaten 16°C-18C° gradë Celcius.
E Enjte dt 22 Tetor 2020
Nesër moti pritet të jetë mbetet me alternime kthjellime dhe vranësira në përgjatë ultësirës Perëndimore.
Era do të jetë me drejtim Veri-Lindje (NE) me shpejtësi maksimale 6-8m/sek në bregdet.
Valëzimi do të jetë i forcës 3 me lartësi vale 0,5-1,0 metër në det të hapur.
Temperaturat do të jenë pa luahtje të konsiderueshme.
Temperaturat min dhe max:
Zonat malore 7/22°C
Zonat e ulëta 8/25°C
Zonat bregdetare 12/24°C
Moti gjatë javës
Kjo javë pritet të ndikohet nga kushte atmosferike të qëndrueshme.
Moti parashikohet kryesisht i kthjellët e vranësira të pakta kalimtare.
Era do të jetë nga veriperëndimi me shpejtësi mesatare 1-6m/sek, e cila hera-herës në mesditë përgjatë vijës bregdetare fiton shpejtësi deri në 10m/sek.
Mëngjeset do të jenë të ftohta, ndërsa orët me diell do të bëjnë që në mesditë temperaturat të pësojnë rritje.
Kalaja e Gjon Boçari është ndërtuar në një kodër dominuese midis fushës së Dukatit dhe fshatit Tragjas, duke kontrolluar bregdetin dhe rrugët që të çojnë drejt qafës së Llogarasë dhe Shën Gjergjit.
Kalaja e Gjon Boçari është ndërtuar në një kodër dominuese midis fushës së Dukatit dhe fshatit Tragjas, duke kontrolluar bregdetin dhe rrugët që të çojnë drejt qafës së Llogarasë dhe Shën Gjergjit.
Kjo kështjellë ka formën e një katërkëndëshi kënddrejtë, me dy kulla poligonale në qoshen veriore dhe lindore, ndërsa hyrja e vetme, ndodhet në mesin e njërës nga brinjët e ngushta të katërkëndëshit. Kurtinat kanë një trashësi prej 1,80 m dhe po aq është edhe gjerësia e mureve të kullave.
Lartësia e mureve, deri në shtegun e rojes, arrin 4 m, ndërsa parapeti i ruajtur vetëm si gjurmë, kishte një gjerësi prej 0,54 m. Në shtegun e rojes të çonin nga dy palë shkallë të ndërtuara brenda trashësisë së mureve veriperëndimore dhe juglindore. Kullat janë krejtësisht të hapura nga ana e brendshme e fortifikimit, duke qenë kështu më tepër një vazhdim i mureve rrethuese.
Në burimet historike Gjon Boçari mendohet se shfaqet që në shek. XVII. Një regjistrim osman në fund të këtij shekulli, shënon në Sanxhakun e Vlorës një qytet me emrin Gjoniqestra, i cili kish edhe një lagje hebraike me 61 kryefamiljarë.
Ky vendbanim mendohet të jetë kalaja e Gjon Boçarit, pasi emri Gjoniqestra, mund të përkthehet kështjella e Gjonit, që i përgjigjet mjaft mirë kalasë së Gjon Boçarit. Fshati Gjonboçar përmendet në letrën që Himarjotët i dërguan careshës së Rusisë, Elisabeta Petrovna, më 1759.
Sot në veri të kështjellës ruhen rrënojat e banesave të këtij fshati dhe janë pjesë e zonës së mbrojtur të monumentit. Kështjella vizitohet për herë të parë nga arkeologu austriak Carl Patsch, në vitin 1904. Nga vëzhgimet e kryera prej tij në brendësi të kështjellës nuk u gjetën rrënoja objektesh, për këtë arsye ai mendon se garnizoni që qëndronte në këtë kala, ka ndenjur në çadra ose ndërtime druri të lehta.
Vëzhgime të tjera janë kryer nga arkeologu shqiptar Damjan Komata, i cili kështjellën dhe rrënojat e vendbanimit jashtë saj i daton rreth shek. XV. Nga vëzhgimet arkeologjike të viteve të fundit, në kodrën ku ndodhet fortifikimi janë gjetur gjurmë të një varreze antike./atsh
Presidenti Ilir Meta ka pritur në takim ministrin e Jashtëm të Greqisë, Nikos Dendias.
Zyra e shtypit e kreut të shtetit njofton se Meta u shpreh se marrëdhëniet Shqipëri-Greqi janë ndër prioritetet kryesore të politikës sonë të jashtme dhe theksoi se këto marrëdhënie duhet të vazhdojnë të zhvillohen në frymën e fqinjësisë së mirë, të lidhura nga interesat strategjike, partneriteti i ngushtë në NATO, perspektiva e përbashkët europiane dhe interesat ekonomike të të dy vendeve.
Lidhur me marrëveshjen e detit mes dy vendeve, Presidenti ka sugjeruar që të zgjidhet në përputhje me Konventën për Detin të OKB-së dhe duke respektuar vendimin e Gjykatës Kushtetuese të Shqipërisë, të vitit 2009.
“Marrëveshja për këtë çështje të rëndësishme duhet të jetë në përputhje me Konventën e Kombeve të Bashkuara mbi Ligjin e Detit, me legjislacionin e të dy vendeve dhe Vendimin e Gjykatës Kushtetuese të Republikës së Shqipërisë”, nënvizoi Presidenti Meta.
Kreu i shtetit ka përshëndetur mbështetjen e vazhdueshme të Greqisë ndaj perspektivës europiane të Shqipërisë, si një qëllim kombëtar dhe strategjik të saj.
Ndërkohë, për pakicat greke në Shqipëri Meta ka theksuar se janë një urë e fortë për miqësinë, bashkë me shqiptarët që jetojnë dhe punojnë në Greqi.
Është shumë e njohur tashmë për mbarë publikun shqiptar, shprehja “me qetësi dhe dashuri” që ka për autor Ilir Metën. Ishte sllogani që simbolizonte jo vetëm atë vetë si lider politik, por edhe atë çfarë donte që të përfaqësonte LSI për qytetarët.
Ishte koha kur Ilir Meta u bë Kryetar i Parlamentit, gjatë mandatit qeverisës në aleancë me PS, në vitet 2013-2017. Ndërsa sot pas 4 vjetësh në opozitë, kur kanë mbetur vetëm 6 muaj nga zgjedhjet e 25 prillit 2021, qevetësia dhe dashuria janë prishur keqas në kampin e LSI.
Kjo tregon se Ilir Meta nuk është ndër ato lloj liderësh politikë, që sa më keq i ka punët, aq më shumë optimizëm e siguri reflekton përpara opinionit publik. Përkundrazi. Sa më mbroth që i shkojnë punët aq më shumë “qetësi dhe dashuri” transmeton. Sa më keq i ka ato, aq më shumë mungesë qetësie rrezaton dhe aq më shumë gjuhë “urrejtje” përdor.
Nisur nga ky përcaktim, kuptohet fare qartë se në këtë periudhë, duket që nuk i ka politikisht edhe aq mirë punët sa do të donte ti kishte si dikur. Ndaj, e shohim të reagojë me nervozizëm dhe është gati ti shpallë luftë gjithë botës, derisa të gjejë qetësinë e shprishur.
Nëse do të ishte një hall i përbashkët opozitar, me të njëjtën mënyrë si Ilir Meta i bie që të reagonte publikisht, edhe Kryetari i Partisë Demokratike Lulzim Basha. Por, krejt e kundërta është e vërtetë në këtë rast. Qasja e Lulzim Bashës duket të jetë në kontrast të thellë me diskursin dhe imazhin publik që përcjell Kryetari i Shtetit.
Në këtë rast, kemi të bëjmë me një Lulzim Bashë që duket se e ka marë fushatën elektorale pas 8 vjetësh në opozitë, “me qetësi dhe dashuri”. Shenjë e sigurtë kjo,- nëse e përkthejmë sipas qasjes së Ilir Metës,- se në këtë periudhë kryetarit të Partisë Demokratike po i shkojnë të gjitha punët fjollë.
Ndryshe nga Presidenti i Republikës që e përmend çdo ditë, Lulzim Basha nuk ka shfaqur asnjë shqetësim, në lidhje me marrëveshjen e 5 qershorit të arritur mes përfaqësuesit të PS dhe opozitës jashtëparlamentare në tryezën e Këshillit Politik. Lulzim Basha nuk duket të ketë madje ankesa as për ndryshimet kushtetuese të 30 korrikut, as për amendamentet që u reflektuan në Kodin Zgjedhor në lidhje me pragun kombëtar, me listat e hapura dhe koalicionet parazgjedhore.
Duke parë këtë kontrast kaq të thellë qëndrimesh publike, mes dy liderëve kryesorë politikë në opozitë në raport me Kryeministrin Edi Rama, pyetjet që shtrohen janë: A janë sot Lulzim Basha dhe Ilir Meta në të njëjtën gjatësi vale opozitare ndaj mazhorancës? A janë PD dhe LSI në sinkron me njëra tjetrën për gjithçka opozitare në këtë periudhë? A janë dy partitë më të mëdha të “Opozitës së Bashkuar”, në të njëjtën vijë të luftës politike, përballë sfidës së zgjedhjeve të pranverës?
Nëse do të merni tre përgjigje “jo”, kuptohet fare lehtë, se të treja pyetjet të çojnë tek një JO shumë e madhe. Çka tregon se Ilir Meta dhe Lulzim Basha kanë sot një problem mes tyre. LSI ka një problem aq të madh përballë PD, sa edhe ai që kanë përballë PS dhe Kryeministrit Edi Rama. Kjo u reflektua tek “një deklaratë që Metës i doli nga shpirti për Bashën”, kur foli për pengmarrjen e tij, duke e krahasuar me rastin e Izetbergoviç, Presidentit të parë të Bosnje Hercegovinës pas shpërbërjes së Jugosllavisë.
Kjo do të thotë se brenda opozitës nuk kemi një qëndrim të unfikuar kundër mazhorancës aktuale. Sot duket se kemi dy pole të ndryshme, në antagonizëm të thellë politik me njëra- tjetrën, po aq sa edhe PD e LSI bashkë përballë mazhorancës socialiste.
Pyetja e fundit që lind është: Përse Edi Rama si lider i PS është duke shkuar drejt zgjedhjeve “me qetësi dhe dashuri”, sikundër Lulzim Basha në krye të PD, ndërsa Ilir Meta është e kundërta e tyre? A reflekton kjo, frikën e LSI përballë rezultatit të zgjedhjeve të nesërme? Me siguri që po. Por përpara se të shkojmë atje, një rrethanë tjetër duket se e favorizon prishjen e kësaj klime, në kampin e LSI.
PD dhe Lulzim Basha duket se do të dalin me koalicion më vete në zgjedhje. Kjo detyron LSI që të krijojë koalicionin e saj. Kjo formulë nuk i garanton LSI pas 26 prillit me sa duket, pozicionin e kingmaker-it që ka patur në skenën politike shqiptare, si në periudhën e artë kur Presidenti i sotëm e udhëhiqte “me qetësi dhe dashuri”. Me këtë me sa duket shpjegohet “qetësia” e sotme e Bashës dhe mungesën e “dashurisë” së Metës!
Revista ‘Business Magazine’, ka një listë me 12 të rinj shqiptarë që kanë prekur suksesin përpara të 20-ve në shkencë, teknologji apo biznes. Në listën e revistës është edhe 22 vjeçari Xhon Norra, vetëm me një laptop ai ka krijuar kompaninë e tij të shitjeve online kur ishte vetëm 13 vjeç.
Agjencia e Xhonit ndihmon biznese jashtë vendit me qëllim sigurimin e fitimeve dhe shitjeve. I tërhequr pas teknologjisë Xhoni nisi punë që i siguronte të ardhura që në moshën 13 vjeçare. Në studion e emisionit “Rrugëtim me Anilën” Xhoni rrëfeu gjithë historinë e tij sesi arriti majat e suksesit duke përfaqësuar klientë të rëndësishëm në reklamat që shfaqen në rrjetet sociale, kryesisht nga Shtetet e Bashkuara të Amerikës.
I riu thotë se punon vetëm 2 orë në ditë, ndërsa 5 orë të tjera mëson të rejat e fundit që i duhen në punën që bën së bashku me ekipin që ka krijuar. Xhoni tha se zyrën do ta shtrije edhe jashtë Shqipërisë pasi suksesi i arritur është i madh
“Kur isha 13 vjeç isha fëmijë shumë kurioz, pashë se çfarë mund të arrija me FB në 2012, kur isha 13 vjeç kuptova si funksiononin gjërat. Gjithmonë i thoja vëllait tim që dua ta mësoj ta kuptoj këtë, unë e nisa me YouTube duke mësuar, nisa një komunitet të vogël dhe 50.000 është komuniteti im sot. E nisa me tregun shqiptar pastaj pata interes për tregun amerikan, shikoj që për aq kohë sa je në internet ti do kesh shumë ndjekës dhe audiencë të madhe. Kur isha i vogël për mes tutorials në YouTube atje po mësoja, po ndërtoja audiencë ishte një faqe për qejf por bizneset po reklamonin tek faqja ime.
Në atë kohë FB ishte primitiv, fillova të fitoja para të thjeshta, unë e bëja këtë me faqen. Unë isha 14 vjeç, kisha pagesat e mia të para. Isha i hapur ndaj internetit, babi im më shtynte dhe ishte i interesuar, faqja ime ishte 70.000 njerëz, babi më bënte të mendoja më shumë, edhe mami më mbështeste, dhe sot ata janë të parët që më suportojnë. Në moshën 18 vjeç m’u desh të largohesha nga platforma, e hodha poshtë networkun dhe nuk bëra gjë. Po kërkoja puna gjëta punë në call centre ishte një punë skandaloze, nuk e mendoja ashtu, punova tre muaj, ishte punë xhenerike. Isha më i mirë në repartin tim dhe thashë një sekondë, çfarë mund të bëj tani? U riktheva në platformë, gjërat kishin evoluar, isha unë primitivi.
Përsëri po mësoja si t’i bëja gjërat. U bënë 4 vjet që shikoj që vazhdimisht unë jam mbi gjithçka që po ndodh në facebook. Jo çdokush e bën këtë punë, të duhen set aftësish, duhet të jesh gjatë gjithë kohët i updateuar, vazhdimisht mëson gjëra të reja. Është dinamike puna ime. Unë kam krijuar një komunitet që mbledh njerëz që duan të zhvillohen në FB ads, ose marketing online. Nëse ju dalin reklama në FB mund të jetë kompania ime që ua nxjerr.
Kompania ime fiton në bazë të përqindjeve , mua kjo punë më merr 2 orë në ditë pasi menaxhoj ekipin, kam 3 persona që punojnë për mua. Besoj që 2 orë i bëj këto dhe 5 orë të tjera unë vetëm mësoj, më quajnë ekspert por kam shumë për të mësuar në fakt. Për punën i flas të dashurës dhe mikut tim. Sa për lodhjen fizike dhe mendërisht po më lodh kjo punë , gjendemi në ujëra të tronditur pasi diku ndodh një update apo të reja në platformë që afektojnë buxhetet e klientëve tanë, edhe në 11 të natës punoj, punoj me buxhete shumë të mëdha, duhet të jem i vëmendshëm.
Unë kam një smartphone, kam vetëm Whtasapp dhe telefonata kam, se nuk fokusohem atje ku duhet të fokusohem. Studimet e mia janë për biznes aktualisht. Unë shikoj që me ritmet e kompanisë sime shumë shpejt do zgjerohemi dhe mund të dalim me zyra jashtë Shqipërie. Ekipin që kam dua ta rafinoj, dua që ekipin ta bëj më të mirë, dua të investoj tek Shqipëria dhe shqiptarët. Unë jam listuar tek të rinjtë më të suksesshëm në biznes ndihem mirë, ka plotë që do donin të ishin këtu. Vështirësia më e madhe ishte kur menaxhoja vetëm klientë, nëse vazhdoj kështu i thashë vetes do çmendem, duhet të bëja këtë kërcimin e madh por më duhej të punësoja njerëz dhe nga momenti që bëja intervistat për të punësuar njerëz, ka qenë një tre mujor që intervistoja për të gjetur punë. Bëra ekipin por atje filloi, i trajnova për disa muaj të tjerë. Ne jemi në rrjetet sociale se 90% e njerëzve janë në rrjetet sociale”,-tha Xhoni Norra në emisionin “Rrugëtim me Anilën”.
Sipas Shërbimit Meteorologjik Ushtarak, kjo javë do të ndikohet nga kushte atmosferike të qëndrueshme.
Përgjatë 5 ditëve në vijim, moti parashikohet të jetë kryesisht i kthjellët me vranësira të pakta kalimtare.
Era do të fryjë nga veriperëndimi me shpejtësi mesatare 1-6m/sek, e cila hera-herës në mesditë përgjatë vijës bregdetare fiton shpejtësi deri në 10m/sek.
Mëngjeset do të jenë të ftohta, ndërsa orët me diell do të bëjnë që në mesditë temperaturat të pësojnë rritje.
