Dukati

Kreu Partisë Demokratike Lulzim Basha dhe ekipi i tij i ekspertëve prezantuan platformën e arsimit para zgjedhjeve të 25 prillit. Platforma përfshin 5 gjuhë të huaja falas dhe trajnimin e dyfishtë profesional në 20 disiplina të ndryshme për shqiptarët.

Prezantimi u bë në një takim online te organizuar nga ambientet e universitetit Modul të Vienës, me pjesëmarrjen e Komisioneres së BE-së për Inovacionin, Arsimin dhe Rininë, Mariya Gabriela, dhe të rektorëve nga universitetet më të mëdha austriake si dhe përfaqësues dhe ekspertë shqiptarë dhe të huaj në këto fusha.

“Dua t’iu falënderoj ju dhe kolegët tuaj për organizimin e kësaj ngjarje. Falënderime dhe mirënjohje të posaçme për Komisioneren Maria Gabriel për praninë e saj dhe prezantimin e saj sot, për mbështetjen e saj të fortë për Ballkanin Perëndimor dhe të Rinisë, dhe Dixhitalizimin, Inovacionin, Agjendën e Kërkimit Shkencor në Evropë dhe Ballkanin Perëndimor”, tha Basha.

“Për të pasur një politikë të mirë duhet të keni një diagnozë të mirë të problemit dhe më pas të kemi vendosmërinë për ta zgjidhur atë me zgjidhjet e duhura. Ne e dimë se ku qëndrojnë problemet në vendin tonë. Të rinjtë po largohen nga Shqipëria me një ritëm të paparë për 30 vitet e fundit, madje me një ritëm më të shpejtë krahasuar me vendet e tjera të Ballkanit. Po t’i krahasojmë, për çdo të ri serb që po largohet nga Serbia, 12 është numri i të rinjve shqiptarë që largohen nga Shqipëria. Shumica e tyre po largohen drejt Bashkimit Evropian”, u shpreh Basha më tej.

“Ne po humbasim me një ritëm shumë të shpejtë njerëzit që na duhen më shumë, në mënyrë që të ndërtojmë ekonominë tonë, në mënyrë që të ecim përpara, në mënyrë që të bëjmë të mundur që Shqipëria të përqafojë mundësitë dhe standardet e Bashkimit Evropian. Si ta zgjidhim këtë problem? Sigurisht që ne jemi dhe kemi qenë ato të cilët kemi mundësuar lëvizjen e lirë. Partia Demokratike ishte në qeverisje dhe unë isha Ministri i brendshëm kur arritëm të fitojmë Liberalizimin e Vizave që bëri të mundur që të rinjtë të lëviznin lirshëm”, – u shpreh kreu i PD-së.

Basha dha edhe një shembull si një produkt i lirisë për të shkuar në Evropën Perëndimore dhe për të marrë një arsimim atje.

Gjithashtu folën edhe ekspertët e huaj, të cilët thanë se arsimi kërkon një qasje vizionare dhe bashkëpunim në nivel ndërkombëtar.
/NOA.al

Nga Fieri ku ishte sot, kryeministri Edi Rama ironizoi takimet elektorale të kryedemokratit Lulzim Basha.

Rama prezantoi sot kandidatët për deputetë në qarkun e Fierit.

Kryeministri shtoi se ndryshe nga rregullorja anti-Covid, ka mbledhur shumë njerëz.

Rama i bëri thirrje Bashës që të heqë dorë nga dëshira për të mbledhur njerëz, pa marrë parasysh rr ezikun. – “Virusi nuk njeh të majtë e të djathtë, por g odet nga të katër anët”, tha Rama.

Kryeministri tha se nga partitë mund t’i bëhet një kërkesë Komitetit Teknik të Ekspertëve që të rritet numri i grumbullimeve, para se të shkelet rregullorja. “Ne mund të shkojmë në zgjedhje me vetëm 10 vetë në çdo takim”, tha Rama duke shtuar se si ndryshim, “PD mbledh shumë njerëz për fitore imagjinare”.

“Ngjitur e ngjitur me njëri tjetrin për të përshëndetur karvanin e fitores imagjinare e atyre që pasi e hu mbën çdo shans të shkuarën, kërkojnë një shans të ri që nuk kanë për të marrë. Shqiptarët nuk duan më të eksperimentojnë rikthimin e PD në pushtet dhe të çfarë PD-je. Që sot është e përfaqësuar nga skuadra më e keqe, më e dobët, më absurde e 30 viteve”, u shpreh Rama.

Kryeparlamentari prezantoi emrat e kandidatëve ku konfirmoi se dy prej tyre mungonin, përfshirë edhe ish-kryeministrin Bashkim Fino, i cili është aktualisht i infektuar me Covid.

Drejtuesi politik i PS në Fier, Gramoz Ruçi, ka zbuluar se veç Bashkim Finos edhe një tjetër kandidat i socialistëve për deputet është infektuar me Covid. Bëhet fjalë për Nimet Musaj, aktualisht deputet në Kuvend nga opozita e re. Ruçi iu uroi shërim të shpejtë të dy kandidatëve, ndërsa prezantoi një e nga një të gjithë kandidatët e tjerë.

Listën e PS-së në qarkun e Fierit e kryeson zv.Kryeministri, Erion Braçe.
/NOA.al

Kryetari i PD-së Lulzim Basha ka zhvilluar sot takime të shumta me qytetarë të Shkodrës.
:
Basha është ulur në kafe me aktorin e madh të humorit, Zef Deda, dhe me bashkëshorten e tij. Ndërsa jashtë lokalit brohorisnin me qindra qytetarë për fitoren e madhe.

Duhet theksuar se pavarësisht entuziazmit, Basha u tregua i kujdesshëm, duke mbajtur maskë ashtu si edhe të pranishmit që i takoi, por edhe në thirrjet drejtuar të pranishmëve.

“Faleminderit nga zemra Shkodrës për këtë mikpritje të jashtëzakonshme. Nga Shkodra ka nisur gjithmonë dita e bardhë për Shqipërinë. Sa herë vijë këtu mahnitem me bujarinë, mençurinë e shkodranëve. Ju falënderoj nga zemra për këtë sinjal të fuqishëm.

“Ju lus merrni masa e distancës dhe maskat për pandeminë. Duhet të kujdesemi se në fillim do të mp oshtim Covidin e madh”, iu drejtua Basha qytetarëve.

“Do të jem jo vetëm kryeministër i ekonomisë. Edhe i arsimit dhe dijes, artit, kulturës dhe sportit” tha Basha në takim me Zef Dedën dhe bashkëshorten e tij.

Kryedemokati shtoi se programin e hartuar nga ekspertët për artin dhe kulturën do ta prezantojë shumë shpejt.
/NOA.al

“Vlora është kthyer në polin më të fuqishëm të zhvillimit pas kryeqytetit dhe do të arrijmë objektivin 9 mandate”, deklaroi sot Drejtuesi Politik i fushatës elektorale për Qarkun e Vlorës, Damian Gjiknuri.

Në fjalën e tij, Gjiknuri tha se “ky ekip që ka Vlora do veprojë shpejt sepse Vlora nuk ndalet, Vlora është kthyer në polin më të fuqishëm të zhvillimit pas kryeqytetit, poli jugor dhe me aeroportin, një kurorë që i jep gjithë Vlorës dhe gjithë bregdetit shqiptar atë që e kanë dëshiruar të gjithë, kështu që ky ekip do të vazhdojë shumë shpejt drejt objektivit që i kemi vënë vetës 9 mandate”.

“Mund të duket objektiv shumë i fortë, shumë i lartë për t’u arritur, por për herë të parë shkojmë me gjëra të realizuar e jo me fjalë, sepse shpesh herë nga konsumimi i mandateve, përgjithësisht mateshin dhe mbaheshin vetëm te pjesa politike kam pushtetin, por kur qytetarëve u ke vajtur me produktet e duhura janë i bindur se dita ditës po na thonë se po e mirëpresim këtë mesazh. Nga ana tjetër ky ekip, ka marrë vetë përgjegjësinë më të madhe politike për përzgjedhjen e një ekipi që Vlorës i thotë Vlorë. Një ekip tamam përfaqësues të të gjitha komuniteteve të këtij qarku të larmishëm. Këtu mund të them mund të jemi i vetmi qark, përfshirë he kryeministrin që është kapiteni i Shqipërisë që kemi lidhje me qarkun, se ky ka origjinën këtej, unë e kam nga Vlora, dy-tre të tjerë janë me orgjinë nga Vlora por banojnë në Tiranë, ndërsa të terët banojnë në Vlorë”, tha ai.

Duke prezantuar kandidatët, Gjiknuri tha se “doktor Niko Gurin që e njeh gjithë Saranda, mjeku që ka shkuar në çdo familje që gëzon një respekt të madh nga qytetarë. Pranvera shërbyesja e mirëfilltë e administratës shtetërore, që të gjitha bizneset sot thonë se është drejtues që ka shërbyer. Kemi një ekip që nuk ka rëndësi hierarkia, kryeministri dhe drejtuesi politik janë si ata që mbrojnë gardhin në fund dhe luftojnë. Kemi ministren që është më poshtë në listë se është pjesë e një ekipi. Pastaj për t’u kthyer në Vlorë, Vullnet Sina, përfaqësues i denjë i Lumit të Vlorës, një njeri që i ka ndenjtë punëve mbi kokë, njeri që u përgjigje qytetarëve për çdo hall, njeri që ka rrënjë të forta në komunitet. Ke kemi vënë në listë ne, Anduel Tahiri, kryetarin e PS-së, qytetarë i Vlorës, njeri që ka sakrifikuar për partinë, njëri që s’ka pasur as rrogë shteti, njëri që ka kontribuuar. Ervis Muçkën, vlonjat. Ilir Metaj, bankier, njeri me shumë autoritet, edhe publicistik, njeri që ka dhënë kontribut dhe në sektorin priva. Dhe Teuta, pasi komuniteti çam ka qenë i nëpërkëmbur nga pikëpamja e përfaqësimit. Kohët e fundit flitet në emër të PDI-së dhe në emër të tyre, por e vërtet është se nuk patën asnjëherë vlerësimin e duhur, është vënë e 9-ta në listë pikërisht për t’u thënë dhe të tjerëve se ne rezultatin e 9-të do ta kapim se nuk bënë. Laura, profesioniste në Tiranë, por banuese dhe me origjinë nga Vlora. Lonard Beqiri, emigrant në Gjermani, i suksesshëm, kontribuues në Partinë Social Demokrate Gjermane, edhe atje me aktivitet politik. Pra është një ekip me lidhje të forta në qarkun e Vlorës, që jam i bindur që do të ketë një rezultat të mirë”.

Ai shtoi se “ky ekip është një mozaik i këtij qarku dhe ndihemi krenar dhe ndihemi mirë kur shohim kundërshtarë përballë të cilët nuk janë në gjendje të bëjnë dhe një listë, madje arrin deri aty që me skuthllëk fusin në listë më shumë emra se sa i lejon ligji, si në rastin e Vlorës”.

“Në Vlorë kanë futur 17 emra, kur 12 i lejon ligji. Kjo është të listash me skuthëllëk në elektoratin tënd prandaj ka zhgënjim në elektoratin e PD-së, ka zhgënjim se nuk janë qytetarët të Vlorës, janë makinacione partish, shto dhe skuthëllëkun e Lulit që të gjithëve u thotë po, po dhe në fund u çon një listë q nuk e di, dhe ju e dini se çfarë rezultati marrin, ata do bëjnë përpjekjet e tyre dhe janë të djathtët vetë që përditë p[o shikojnë ndryshimin në Vlorë. Ne do të votojmë vlonjatshe, që do të thotë të votosh për veten tënde. Të votosh për PS, që i ktheu Vlorës dinjitetin, jo me fjalë po me vepra. Ekipi i Vlorës është një ekip shumë përfaqësues, shumë mirë i orientuar politikisht dhe jam i bindur se qytetarët shkojmë ballëhapur për të kërkuar votën se u kemi vënë njerëzit që duhet. Natyrshëm një rol të veçantë do kenë dhe deputetët aktual, pasi kontributi i tyre në fushatë do jetë një vlerë e shtuar. Objektivat i kemi të realizueshme. Ky tren nuk do të ndalet, Vlora nuk ndalet, mandati i tretë Vlorës do i kthejmë lavdinë që meriton”, tha ai./atsh