Dukati

Ambasadorja Kim viziton Muzeun Kombëtar të Pavarësisë në Vlorë

Art-Kulture, Lajmi i fundit / /

Ambasadorja e Shteteve të Bashkuara të Amerikës, Yuri Kim zhvilloi një vizitë në qytetin e Vlorës.

Gjatë vizitës së saj në Vlorë, ambasadorja Kim vizitoi Muzeun Kombëtar të Pavarësisë, bën të ditur Ambasada e SHBA-së në Tiranë.

Duke mësuar mbi ngjarjet që sollën shpalljen e pavarësisë së Shqipërisë, ambasadores i lanë mbresa veprimet e Ismail Qemalit, bashkimi i kombit dhe vendosmëria e tij për liri.

“Ndërsa vizitonte muzeun, ambasadorja Kim mësoi më shumë mbi ngjarjet që sollën shpalljen e pavarësisë së Shqipërisë. Asaj i lanë mbresa veprimet e Ismail Qemalit, bashkimi i kombit dhe vendosmëria e tij për liri”, bën të ditur Ambasada e SHBA-së në Tiranë./atsh

Ambasadorja Kim viziton Muzeun Kombëtar të Pavarësisë në Vlorë Read More »

Rama apel qytetarëve: Vendosni maskën për të mbrojtur veten dhe të tjerët

Shendetesi / /

Kryeministri Edi Rama u bëri apel sot qytetarëve që të përdorin maskën kur hyjnë në ambiente të mbyllura, si masë për parandalimin e përhapjes së COVID-19.

Në një aktivitet nga Bovilla lidhur me dyfishimin e furnizimit me ujë të pijshëm për banorët e Tiranës, Kryeministri Rama tha fillimisht se është shumë e rëndësishme që maska të vendoset për të mbrojtur veten dhe të tjerët.

“Po ashtu shumë e rëndësishme është që secili të mos e humbasë vëmendjen nga numrat që shikoni. Ishte e pritshme, po rriten, por ndërkohë ajo që është fare e qartë është që në kushtet e reja të krijuara ose do mësohemi të bashkëjetojmë me këtë armik të padukshëm që e kemi mes nesh, ose do të biem viktima të budallallëkut tonë. Dhe luftën me budallallëkun duhet ta bëjë secili. Qeveria dhe shteti ka bërë dhe do të bëjë maksimumin, por në luftën me budallallëkun është individi, secili prej nesh, që do të japë kontributin e tij, nëse nuk do të bjerë viktimë e budallallëkut të tij. Një shprehje thotë se virusi nuk ka këmbë, por përdor budallallëkun”, tha Rama. /atsh

Rama apel qytetarëve: Vendosni maskën për të mbrojtur veten dhe të tjerët Read More »

Nusja i bën “gjëmën” vjehrrit, i vjedh mbi 6400 dollarë

Kronike e zeze, Lajmi i fundit / /

Një 22-vjeçare është arrestuar ditën e sotme nga policia. 22-vjeçarja nga Vora ka vjedhur një shumë parash në banesën e vjehrrit të saj.

Policia njofton se shuma e vjedhur është 6400 dollarë.

Njoftimi i Policisë: Specialistët për Hetimin e Krimit në Komisariatin e Policisë Vorë arrestuan F. B., 22 vjeçe, pasi ka vjedhur shumën prej 6000 dollarësh amerikan, në banesën e vjehrrit të saj.

Nusja i bën “gjëmën” vjehrrit, i vjedh mbi 6400 dollarë Read More »

OFL u dërgon formularin vetëdeklarimit të pasurisë tre të dënuarve në Vlorë

Aktualitet, Lajmi i fundit, Problematika / /

Operacioni Forcat e Ligjit ka vijuar me hetimin e saj pasuror, duke u dërguar formularin e vetëdeklarimit të pasurisë tre të dënuarve në Vlorë.

OFL njofton se, në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve: R. O., banues në Vlorë, i dënuar për veprën penale “Vrasja me paramendim”, e mbetur në tentativë;E. B., banues në Vlorë, i dënuar për veprat penale “Prodhimi dhe shitja e narkotikëve” dhe “Grupi i strukturuar kriminal”; A. B., banues në Vlorë, i dënuar për veprën penale “Prodhimi dhe shitja e narkotikëve”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special. /atsh

OFL u dërgon formularin vetëdeklarimit të pasurisë tre të dënuarve në Vlorë Read More »

Presidenti Thaçi edhe sot vazhdon intervistimin në Hagë

Aktualitet, Lajmi i fundit, Politike / /

Presidenti i vendit Hashim Thaçi edhe gjatë ditës së sotme do të intervistohet nga Zyra e Prokurorisë së Specializuar në Hagë.

Për tri ditë me radhë, intervista e Thaçit ka zgjatur rreth 6 orë, teksa të martën dhe të mërkurën nuk u prononcua për media.

Thaçi është paraqitur në Hagë me ftesë të Prokurorit të Specializuar.

Zyra e Prokurorit të Specializuar ka njoftuar muajin e kaluar se më 24 prill ka propozuar një aktakuzë për kinse krime lufte dhe krime kundër njerëzimit kundër presidentit Thaçi, kryetarit të Partisë Demokratike të Kosovës, Kadri Veseli, dhe disa të tjerëve, emrat e të cilëve nuk janë bërë publikë.

Pas intervistimit të hënën, në ditën e parë, Thaçi ka thënë se është diskutuar për “çështje sqaruese, teknike” dhe për interesimin e prokurorëve për Ushtrinë Çlirimtare të Kosovës”.

Aktakuza e paraqitur ka kaluar tani në duart e gjykatësit të procedurës paraprake, i cili ka maksimum gjashtë muaj kohë, nga muaji prill, për ta konfirmuar ose hedhur poshtë.

Thaçi ka thënë më parë se do të japë dorëheqje nga posti i presidentit, nëse aktakuza kundër tij konfirmohet./KosovaPress/

Presidenti Thaçi edhe sot vazhdon intervistimin në Hagë Read More »

CNN: Shqipëria mikpret turistë amerikanë

Turizem / /

Dikur një nga dokumentet më të fuqishme të udhëtimit në botë, fuqia e pasaportës amerikane është ulur si pasojë e pandemisë së koronavirusit, shkruan sot rrjeti i njohur informativ amerikan, CNN.

Me rastet e koronavirusit në SHBA, kohët e fundit duke kaluar shifrën prej tre milionë, shumë kombe tani e shohin Amerikën pothuajse me frikë.

Pavarësisht se sa i duan fitimet nga turizmi, ata nuk janë të gatshëm të marrin përsipër rrezikun e hapjes së kufijve të tyre.

Ndër vendet që lejojnë turistët amerikanë për pushime është edhe Shqipëria.

”Vendi përgjatë Adriatikut, Shqipëria rifilloi fluturimet tregtare ndërkombëtare që nga 15 qershori i vitit 2020.

Nuk ka detaje specifike për sa i përket asaj që udhëtarët amerikanë mund të presin pas mbërritjes në Shqipëri, megjithatë, në faqen web të Ambasadës Amerikane thuhet se do të ketë personel mjekësor shtesë në të gjitha pikat e hyrjes si dhe ekzaminime dhe kërkesa të mundshme për karantinë.

“Udhëtarët duhet të jenë të përgatitur që kufizimet e udhëtimit të vihen në fuqi me pak ose aspak njoftim paraprak”, thuhet në të.

Ndër vendet që pranojnë turistë amerikanë janë edhe Kosova, Maqedonia e Veriut, Meksika, Serbia, Turqia, Tunizia, ndërkohë që ndër vendet që i pranojnë këta turistë me kushte janë Kroacia, Egjipti, BM dhe Ukraina./atsh

CNN: Shqipëria mikpret turistë amerikanë Read More »

“Shqipëria e bukur”/ Çajupi, destinacion i turizmit malor

Turizem / /

Mali i Çajupit, rreth 1200 metra mbi nivelin e detit dhe 25 km larg Gjirokastrës, është kthyer vitet e fundit në një destinacion turistik në të gjitha stinët e vitit.

Kryeministri Edi Rama në kuadër të rubrikës “Shqipëria e bukur” publikoi sot fotografi nga mali i Çajupit, duke ftuar të apasionuarit pas turizmit malor të vizitojnë këtë zonë.

Bukuritë turistike të Çajupit dhe Lunxhërisë i kanë dhënë një nxitje të madhe turizmit malor dhe etno-kulturor.

Qafa e Çajupit është një belvedere ku mund të shohësh dy pamje mahnitëse, në njërën anë nga lindja, Fusha e Çajupit dhe nga perëndimi, Lugina e Drinos me hiret e saj. Të apasionuarit pas natyrës dhe aventurës po zbulojnë gradualisht një destinacion për hiking dhe hipizëm. /atsh

“Shqipëria e bukur”/ Çajupi, destinacion i turizmit malor Read More »

Itali/ Më shumë të shëruar se sa të infektuar në 24 orë, ja të dhënat e fundit nga COVID-19

Bota, Shendetesi / /

ITALI

Rastet e reja me koronavirusi në Itali kanë pësuar ulje krahasuar me ditën e diel.

Autoritetet shëndetësore italiane kanë bërë të ditur se në 24 orët e fundit janë konfirmuar pozitivë 169 persona me Covid-19, ndërsa ditën e djeshme ishin 234 raste të reja.

Ndërkohë, në 24 orët e fundit kanë ndërruar jetë 13 persona, 4 më shumë se një ditë më parë ku ishin 9. Deri tani numri i të vdekurve në shtetin fqinj ka shkuar 34.967 persona.

Ndërkohë rastet aktive në mbarë Italinë janë 13.157 persona. Lajm i mirë është që në 24 orët e fundit janë shëruar 178 pacientë. Ndërsa të infektuarit me koronavirus që prej nisjes së pandemisë janë 243.230 persona.

Itali/ Më shumë të shëruar se sa të infektuar në 24 orë, ja të dhënat e fundit nga COVID-19 Read More »

WP2Social Auto Publish Powered By : XYZScripts.com