Dukati

Dikur një ndër këngëtaret e preferuara të publikut shqiptar, sot Luljeta Përbasha jeton në skamje dhe e harruar.

Këngëtarja hapi derën e shtëpisë për “Vizioni i Pasdites” duke na prezantuar me mjerimin dhe skamjen që e rrethon çdo ditë.

Ajo banon në një lagje periferike të qytetit të Bilishtit sëbashku me bashkëshortin, i cili prej vitesh është i paralizuar.

Realiteti për këtë familje është i trishtë.

60 vjeçarja tregon se jetojnë me fitimet e nxjerra nga mbledhja e lajthive ne fushat e Devollit dhe 27 mijë lekë nga kempi i bashkëshortit. Përbasha sqaron se për herë të parë këtë muaj ajo ka arritur të marrë një pension minimal.

“Unë tani kam filluar duke marrë një pension, 160 mijë lekë. Ja me këto jetoj. Kjo (shtëpi) për mua është stallë. Edhe stallë derri nuk është. Ku të përplasem?”, rrëfeu mes lotësh këngëtarja.

Ish këngëtarja mirditore, ka punuar si sanitare në shtëpi e hotele të ndryshme. Por jetesa e përditshme ka rezultuar e papërballueshme për ta.Përbasha mes lotësh u lutet të gjithëve, për një shtëpi ku të jetojë siç i ka hije, dhe mundësi punësimi për fëmijët e saj, tashmë të rritur.

“Kur isha në Mirëditë, isha drejtoreshë e bibliotekës së fëmijëve. Erdha këtu, mbarova… jeta ime ka mbaruar. Më mbetën fëmijët rrugëve. Më mbetën fëmijët pa punë. Më plasi zemra. Fëmijët nuk rrijnë në shtëpi se kanë frikë (nga ndërtesa)…”

Luljeta Përbasha është prezantuar për publikun shqiptar në Dhjetor të vitit 1977 me këngën “Qendrojme Si Malet”, pjesë e Festivali të 16-ë të Këngës. Para viteve 90, Përbasha ka punuar si drejtoreshë e bibliotekës së Rreshenit.

Historia e tij e pazakontë, teksa jeton në harmoni me dy gra dhe 7 fëmijë, bëri bujë në vendin tonë.

Në vitin 2001 Iliazi u martua me Anifën, por në vitin 2005 ai lidhi një kurorë të dytë me Manushaqen.
Ai ka 7 fëmijë dhe pret që së shpejti të bëhet baba për herë të tetë.

Iliazi tregoi se vendosi që të merrte gruan e dytë pasi e para nuk bënte fëmijë.

Madje Anifa u shpreh se ka shkuar së bashku me Iliazin për t’i kërkuar dorën Manushaqes, për të shoqin.

“Shkova bashkë me burrin për të kërkuar dorën e gruas së dytë. U ndjeva mirë”, – tha ajo.

Në emisionin “Shqipëria Live” ishte në një lidhje të drejtpërdrejtë Iliaz Laskaj nga Peshkopia, si dhe dy gratë e tij.

Manushaqja tha se ishte e dashuruar dhe nuk e kishte aspak problem se ai ishte i martuar.

-“Kur erdhën në shtëpi i prita mirë, edhe prindërit po ashtu. Prindërit e patën të vështirë në fillim, por pastaj u mësuan”, – shtoi ajo.

Nusja e dytë tregoi se nuk janë fare xheloze për njëra-tjetrën. Madke tha se ia kalon shumë mirë me Anifën. Kjo e fundit tregon se donte vetë që burri i saj të merrte grua të dytë, pasi nuk bënte fëmijë. “Unë i thashë që nuk dal nga shtëpia dhe pranova që ai të merrte një grua tjetër”, – vijoi ajo.

I pyetur se si e ndan kohën me dy gratë, Iliazi u përgjigj: “5 ditë me njërën, pesë me tjetrën. Po të sëmurët njëra nuk ka problem me kaluar kohë më shumë me tjetrën. Nuk mërziten”.

“Nuk janë zënë asnjëherë”, tha ai. – “I dua të dyja njësoj, të dyja janë të mira dhe nuk e mbajnë mendjen te xhelozia. Gratë nuk kanë telefon, nuk e duan”, – u shpreh Iliaz Laskaj.

/NOA.al

Në bashkinë e Dropullit dhe zonat rreth e saj vazhdon përpjekja që Gjuha Shqipe të konsiderohet dytësore, madje ajo po bëhet realitet.

Gjuha shqipe shkruhet pas asaj greke, madje në disa tabela orientuese, kur futesh në zonat të caktuara, ajo shoqërohet me gjuhën e tretë ndërkombëtare, anglishten.

Edhe pse territor shqiptar, “Mirësevini” është mes anglishtes dhe greqishtes.

Duket se minoriteti grek në Shqipëri, përkundrejt akuzave dhe ankesave nga Greqia zyrtare se ndihet i diskriminuar, ka edhe një privilegj të tillë, që çuditërisht kalohet në heshtje nga autoritetet tona.

Kudo ku ka shqiptarë, madje si shembull merret Maqedonia e Veriut ku ata nuk janë as pakicë, por përbëjnë mbi 40 për qind të popullsisë, Gjuha Shqipe vendoset e dyta, si në institucione, ashtu edhe në çdo tabelë oriontuese.

Por ndodh edhe më e çuditshmja: ka raste ku shqipja në Shqipëri nuk figuron fare.

Si shembull është busti i Lefter Millos, legjenda e Partizanit dhe e Kombëtares shqiptare, i cili pas rënies së komunizmit, për pa vite karrierën e zhvilloi në Greqi, ku edhe humbi jetën në një aksident tragjik.

Ai ishte me origjinë nga Dropulli dhe vetëm “legjenda e futbollit”, është shkruar në shqip e treta në radhë, në bustin e ngritur për nder të tij.

Po ashtu në nderim të Millos, është themeluar Akademia e Futbollit Lefter Millo, e cila filloi sezonin 2020-2021, në një stadium ku të gjitha tabelat janë vetëm në gjuhë greke.

“Një falenderim të veçantë për Bashkinë Dropull, për të gjitha bizneset, për të gjithë spordashësit e këtij komuniteti, të cilët e aprovuan anën ligjore të shoqatës”, thuhet në një mesazh nga Akademia që do të funksionojë ligjërisht edhe si “O.J.F”.

Teksa aktualisht mes dt vendeve diskutohet deti, Greqia edhe pse ende jo “de juro”, konsideron dhe po bën gradualisht të sajën edhe tokën në jug të vendit tonë, ashtu siç edhe ka pretenduar prej dekadash.

/NOA.al