Kryeministri Edi Rama i përgjigjet kryedemokratit Lulzim Basha, i cili nga Durrësi kërkoi që të vihet në zbatim plani me pesë pika i Partisë Demokratike për rimëkëmbjen pas pandemisë së koronavirusit.
Me një gjuhë ironike, Rama shigjeton Bashën, Presidentin Ilir Meta, Monika Kryemadhin dhe Sali Berishën.
“Programi i Lulit është një tramvaj me shalqin që nuk piqen kurrë, me Ilirin makinist, Monikën fatorino, Saliun shkarkues gazrash dhe vetë Lulin pasagjer VIP”, shkruan Rama.
Kushulla Banaj ka treguar historinë fatkeqe të djali të saj, për të cilin pretendon se është dënuar padrejtësisht me bùrgim të përjetshëm për një k rim që ajo thotë se nuk e ka kryer.
Në vitin 1997, gjatë një gr abitje në një familje në Patos, mbeti e vd ekur gruaja e shtëpisë dhe fëmija e saj. Pasi është kapur njëri nga autorët e kësaj ngjarje, ai ka përmendur emrin e Eduardit, si një ndër grabitësit, por pa i cilësuar mbiemrin.
Kështu pretendoi e ëma e tij, e cila është bërë sot pjesë e emisionit “Historia ime” në Tv Klan.
Policia ka arrestuar dhe burgosur djalin e Kushullës, që quhet Eduard, i cili sipas saj, ka qenë në Greqi ditën e grabitjes dhe për këtë gjë ajo thotë se ka prova të mjaftueshme, por nuk i vjen në ndihmë asnjë gjykatë.
Ajo ka treguar se pronari në Greqi ku ka punuar djali i saj, është i gatshëm të dëshmojë, e ka vërtetuar me një dokument që ai në atë periudhë kohe ka qenë në Greqi, dhe ditën e vrasjes Eduardi ishte i shtruar në spital.
Një nga këto prova nuk është marrë ende nën shqyrtim nga gjykata, – thotë znj.Kumbulla, – prandaj ajo iu drejtua studios “Historia Ime”, për të kërkuar ndihmë. Ajo shprehet se djali i saj ka qenë një nxënës me nota të larta dhe ia ka dërguar të gjitha librat e Juridikut në bùrg për t’i lexuar.
Ju e çuat çështjen në shkallë të dytë.
Kushulla Banaj: Po në Apelin e Vlorës. Apeli i Vlorës as nuk e çau kokën fare. Nuk thirri asnjë dëshmitar. Avokati i Eduardit kishte biseduar dhe i kishte thënë që mund të sillnin edhe pronarin e Eduardit nga Greqia, ata nuk pranuan. Më pas e çova tek Gjykata e Lartë dhe ajo pranoi dy shkallët e gjyqësorit më pas e çoj në Gjykatë Kushtetuese.
Çfarë vendimi mori Gjykata Kushtetuese për këtë rast?
Kushulla Banaj: E ka rikthyer tek Gjykata e Lartë për rishikim të çështjes.
Sa vite ke që endesh gjyqeve?
Kushulla Banaj: Që 8 vite, i kam kërkuar të flas me Kryeministrin, Presidentin dhe nuk më kanë hapur derën. Në të gjitha institucionet i kam dërguar provat e çdo gjëje. Asnjë nuk e çan kokën.
Eduardi e ka pranuar ndonjëherë, apo asnjëherë nuk ka firmosur asnjë gjë që ka qenë pjesëmarrës në atë ngjarje?
Kushulla Banaj: Djali im nuk njeh asnjë nga ata që kanë qenë pjesëmarrës në ngjarje, e ka thënë edhe në gjyq edhe nëpër shkresat. Ai ka qenë në emigrim, e kam çuar në shkollë jashtë sepse ka qenë me dhjeta tek motrat e mia. Aty nuk u rregullua dot me dokumente dhe punonte ku gjente punë.
Kanë kaluar plot 22 vite nga vrasja e liderit të studentëve dhe ish-deputetit Azem Hajdari. Edhe pse kanë kaluar shumë vite, vrasja e Hajdarit ende nuk është zbardhur plotësisht.
Thuhet se deputeti asokohe është vrarë nga Fatmir Haklaj, pasi ky i fundit mendonte se Hajdari kishte gisht në vrasjen e vëllait të tij të vogël Shkëlqimit. Ndërkaq, në lidhje me këtë ngjarje para disa ditësh ka folur dhe ish-kryeministri Sali Berisha.
Zakonisht, ka ndodhur që Berisha të flasë rreth kësaj çështje më 12 shtator, pikërisht në përkujtimoren e vrasjes së ish-deputetit, por këtë herë ndodhi ndryshe dhe ai zgjodhi të flasë disa ditë më pas. Por përse kjo zgjedhje? Kjo gjë u komentua në studion e emisionit “Top Talk”. Hoxha tha se të premten (datë 2. 10. 2020) do të zhvillohet seanca gjyqësore për ish-truprojën e Sali Berishës, Izet Haxhia, i cili dyshohet se është i implikuar në vrasjen e bujshme të vitit 98-ë.
Hoxha ndërkaq, mendon se në këtë seancë do të thërritet edhe Sali Berisha dhe nëse prokurori ia kërkon një gjë të tillë, ai nuk mund të refuzojë, pasi nuk është më imun për shkak se nuk është as deputet në parlament. Ai thotë se dalja publike e Berishës lidhet pikërisht me këtë fakt, pra në prokurori ai do të deklarojë se ka bërë një deklaratë publike dhe në këtë rast prokuroria do të sekuestrojë deklaratat publike që ish-kryeministri bëri.
Artan Hoxha: Në fakt gjëja që më tërhoqi vëmendje që në momentin e parë dhe më lindi kjo pyetje, ishte pse tani. Berisha zakonisht kur jep mesazhe për këtë ngjarje e shfrytëzon përvjetorin që ndodh çdo vit në 12 shtator, është ceremonial që është bërë traditë tashmë, shkojnë tek memoriali vendosin kurora shkojnë tek shtëpia e Hajdarit dhe kjo është e gjitha. Sigurisht Berisha atë ditë nuk doli për të folur e rrëfyer ngjarjen, ajo ishte më tepër një prezencë me mesazhe brenda.
Brenda asaj dalje të Berishës, që unë e kam quajtur bosi i bosëve po rrëfehet. Nëse ti je bosi i bosëve nuk mund ta bësh të penduarin. Për herë të parë Berisha foli dhe dha disa elementë shumë interesant. Edhe pse në aq kohë sa foli ai dhe ngaqë kishte shumë informacion, ato mbushën njëra-tjetrën dhe duket në fund kur mbaron dhe duket sikur ky e ka thënë, por nuk është ashtu.
Për herë të parë Berisha ka folur kaq shumë gjerë brenda një minutazhi të caktuar për ngjarjen e 12 shtatorit 1998. Berisha foli në këtë moment sepse pasnesër, në gjykatën e Tiranës do të zhvillohet seanca ku gjykata do të marri provat e prokurorin dhe listën e dëshmitarëve të prokurorit të çështjes, në lidhje me gjykimin e Izet Haxhisë. Berisha nuk foli thjesht se ne jemi në prag të fushatës elektorale, por foli se aktualisht po zhvillohet një proces, i cili është zvarritur për një vit rresht, kanë dhënë dorëheqjen pesë prokurorë aty, për shkak të interesave. Kjo është një çështje që më ka bërë përshtypje sepse aty herë pas here ka munguar avokati.
Denis Dyrnjaja: Në këtë listë është Sali Berisha si dëshmitar?
Artan Hoxha: Gjykata është në momentin ku po shqyrton kërkesën dhe provat e prokurorit dhe prokurori e jo i pandehuri. Kur të thërret prokuroria nuk mund ta shmangësh, nuk ka më imunitet, nuk është më deputet, nuk ka asnjë pengesë që prokurori ta thërrasë. Berisha këtë radhë nuk ka imunitet dhe është i detyruar nëse prokurori e ka kërkuar dhe Berisha është i detyruar të shkojë në proces të deklarojë dhe të thotë atë që di.
Denis Dyrnjaja: Isha shumë i kujdesshëm kur e dëgjova dhe vetë zotin Berisha dhe tha dhashë një dëshmi, më pas tha nuk është një dëshmi por deklaratë. Ka detaj këtu?
Artan Hoxha: Kjo është një gjë që unë e kam praktikuar dhe vetë. Për ngjarje ku unë e di që ka një hetim nga prokuroria dhe e di që prokuroria do të më thërrasë, unë bëj një dalje publike, pra dhe deklarimet e mia praktikisht janë të bëra publike dhe kur të kërkon prokurori dhe gjykata i them merr deklarimet e mia.
Por në rastin konkret çështja është shumë sensitive. Fakti që Berisha foli para të premtes, katër ditë para, është bërë me qëllimin e plotë që ai do të evitojë dhe shmangë flaktin që do të shkojë në gjykatë dhe do të deklarojë për çështjen.
Një 53 vjeçar ka gjetur vdekjen teksa punonte për ndërtimin e Rrugës së Arbrit.
Policia e Dibrës bën me dije se shtetasi Astrit Alla, ishte duke punuar me një automjet të rëndë vinç për ndërtimin e një prej urave në zonën e Klosit kur është aks identuar.
Ngjarja është regjistruar mëngjesin e sotëm rreth orës 09:40 minuta.
Vikt ima punonte për kompaninë “Gjoka construction”.
Njoftimi:
Rreth orës 09.40, në rrugën e Arbrit, shtetasi A. A., rreth 53 vjeç, duke punuar me një automjet të rëndë (vinç) në urën e fshatit Fshat, Klos, është aksidentuar dhe për pasojë ka humbur jetën.
Grupi hetimor ndodhet në vendngjarje dhe vijon hetimi për zbardhjen e shkaqeve të ngjarjes.
Është shoqëruar me debate të forta diskutimi në studion e emisionit “Real Story” të gazetarit Sokol Balla, në News24, ku përballë Dorjan Telitit të PD ishin analistët Shpëtim Nazarko dhe Fatos Çoçoli.
Shkak për debatin e fortë është bërë programi i PD për rimëkëmbjen ekonomike, ku ndërsa Teliti po fliste me shifra, ka ndërhyrë Nazarko, duke i thënë se nuk ka birë nëne që t’i kuptojë shifrat e tij.
Debati: Teliti: Rama ka autorizuar veten e tij dhe qeverinë e tij të shpenzojë 4.5 miliardë euro. Ne po i themi që një pjesë të mirë të kësaj shume ta vërë në dispozicion të bizneseve të vogla, pensionistët dhe njerëzve që kanë humbur vendet e punës.
Çoçoli: Ju e keni parasysh sa është sot numri i bizneseve të vogla të regjistruara? Nëse bëjmë një llogari të thjeshtë, e dini sa shkon vlera për pagesën për këto biznese? Rreth 100 milionë euro.
Teliti: Këto llogari kemi bërë dhe ne në PD. Ne kërkojmë që bonusi të mos jetë vetëm për mjekët dhe infermierët që punojnë te spitalet Covid, por për të gjithë mjekët në Shqipëri, sepse të gjithë janë të rrezikuar. Ne i kemi propozuar qeverisë që t’i japë çdo muaj, në gjashtë muajt e ardhshëm, 1 mijë euro për mjekët dhe 500 euro për infermierët.
Nazarko: Në televizor duhet të kujdesesh kur flet për shifra, sepse ajo gjyshja nuk kupton asgjë. Nuk ka bir nëne që e kupton. Kur s’e kuptoj unë që e di matematikën më mirë se ti, si mund ta kuptojë një popull i tërë. Nga kjo që thoni jo më del që Rama është budalla i madh. Unë jam më i vjetër se ju në moshë. A mund të ma shpjegojë ndonjë se si Tirana e Enver Hoxhës me 2 milionë banorë, merrte ujë 6 orë në ditë, dhe tani kur në Tiranë janë 1 milion banor dhe nuk kanë ujë. Pse? Sepse është bërë një batërdi e madhe, ku ka vetëm një rrugë, të hidhet në erë Tirana. Koncepti juaj është i shtrembër deri në infinit. Po të isha unë politikan do merrja, do varja gjithë klasën politike. Ju jeni shkaktarët.
Teliti: Ore bëre pyetje apo koment? Nazarko: Prit se të dëgjova gjysmë ore. Qoftë PS, qoftë PD, kanë marrë një zanat dhe dalin nëpër televizione… Teliti: Ky është shërbimi më i mirë që i bëni qeverisë. Nazarko: Jo tttttt, se ke folur gjys ore. Unë jam më i madh se Luli jot dhe se Rama. I kam përcjellë të gjithë, unë jam më i rëndësishëm se ata, jo t’iu shërbej. Jam më i rëndësishëm se Basha, Rama e Berisha. Teliti: Mos të diskutojmë marrëdhëniet personale. Meqë fole për ujin…
Një ngjarje e pazakontë ka ndodhur në një fshat të vogël në perëndim të Australisë.
Në një fermë ka lindur një qengj i rrallë me pesë këmbë.
Ky fenomen aspak i zakontë ka ndodhur në fshatin Kojonup.
Fermeri Marshall Bowey ka folur edhe për mediat në lidhje me këtë rast.
“Ne ishim duke pritur lindjen e qengjave, kur pamë se njëri prej tyre ishte me pesë këmbë. Nuk kam asnjë ide se çfarë e shkakton një gjë të tillë, nuk jam hasur asnjëherë me një gjë të tillë më parë”, tha Bowey.
Më tej Bowey tha se qengji ka lindur në një peshë normale dhe është në gjendje të mirë shëndetësore. /noa.al/
Një letër e shkruar 77 vjet më parë nga fizikanti Albert Einstein (1879-1955) – laureati i shquar i Nobelit, teksa dënonte me vendosmëri racizmin dhe ndarjen racore në Shtetet e Bashkuara – ka dalë në shitje, përmes një lloj ankandi, nga nj ë librari e Nju Jorkut, për një çmim 85,000 dollarë.
Letra është dërguar me 22 shtator 1943 dhe i drejtohet Walter F. White, një udhëheqës me ndikim i të drejtave civile afrikano-amerikane, që drejtoi Shoqatën Kombëtare për Përparimin e Njerëzve me Ngjyrë nga 1929 deri në 1955.
Ajnshtajni vlerësoi White për betejën e tij kundër racizmit dhe paragjykimeve shoqërore.
“I nderuar z. White, më bëri shumë përshtypje fjalimi që ju mbajtët disa vjet më parë në një takim të Shoqatës Kombëtare për Avancimin e Njerëzve me Ngjyrë, në Princeton”.
“Unë e di se sa e vështirë është të zgjosh ndërgjegjen e njerëzve edhe me zemër të mirë, dhe me qëllime të mira, kur atje Përfshihen paragjykimet e rrënjosura,” – shkroi Ajnshtajni. – “Ajo që ju po bëni pandërprerë për përmirësimin e kushteve të jetesës së bashkëqytetarëve tanë me ngjyrë, për drejtësi dhe për realizimin e unitetit kombëtar të popullit amerikan, është me të vërtetë një punë e shkëlqyeshme”.
Ajnshtajni, kur shkoi letrën më 1943, tha se e dëgjoi White duke folur “disa vjet më parë”.
Diçka duhet t’i ketë bërë përshtypje të thellë për fjalimin e White, që ai të shkruante këtë letër të zhytur në mendime për White më shumë se tre vjet pas leksionit në Princeton,” shpjegoi Michael DiRuggiero i biblotekës së Manhattan “Rare Book Company”.
Ai tha se gjithashtu kjo është një nga disa letrat e shkruara me dorë nga Ajnshtajni në anglisht. Gjermanishtja ishte gjuha e tij e preferuar.
Më 28 Prill 1940, Walter White ishte folësi kryesor në “një takim ndër-racor të sponsorizuar nga Shoqata Kombëtare për Avancimin e Njerëzve me Ngjyrë”, ku tema ishte “Çfarë Ndodh me Demokracinë kur Ndërthuren Ngjyrat”.
Ky është fjalimi që frymëzoi letrën e Ajnshtajnit tre vjet më vonë.
Në atë kohë, Universiteti Princeton nuk pranonte studentë Afrikano-Amerikanë dhe komuniteti akademik po debatonte nëse duhej t’i jepte fund veçimit racor në universitet.
Princeton pranoi studentin e saj të parë afrikano-amerikan në vjeshtën e vitit 1947, shtatë vjet pas fjalimit të White dhe katër vjet pas letrës së Ajnshtajnit.
