Dukati

Katër zv.kryeministra dhe 16 ministra, ja kabineti i Hotit

Aktualitet, Lajmi i fundit, Politike / /

Me 61 vota pro, 1 abstenim dhe 24 vota kundër deputetët e Kuvendit i thanë “po” qeverisë së re të udhëhequr nga Avdullah Hoti i LDK-së.

Në seancën e jashtëzakonshme kandidati për kryeministër, Avdullah Hoti ka paraqitur kabinetin e tij qeverisës. Vartës të tij priten të jenë 4 zëvendëskryeministra dhe 16 ministra.

Zëvendëskryeministër i parë, Besnik Tahiri, zëvendëskryeministër Driton Selmanaj, zëvendëskryeministre Albulena Balaj-Halimaj, zëvendëskryeministër dhe ministër i Pushtetit Lokal Goran Rakiq.

Sa i përket ministrave, Infrastruktura i është besuar Arban Abrashit. Agim Veliu serish do të jetë ministër i Punëve të Brendshëm. Armend Zemaj ministër i Shëndetësisë, Selim Selimi ministër i Drejtësisë, Blerim Kuqi ministër i Ekonomisë dhe Ambientit, Hykmete Bajrami ministre e Financave, Besian Mustafa ministër i Bujqësisë, Anton Quni ministër i Mbrojtjes, Vlora Dumoshi ministre e Kulturës.

Meliza Haradinaj-Stublla ministre e Punëve të Jashtme dhe Diasporës, Ramë Likaj ministër i Arsimit dhe Shkencës, Skender Reçica ministër i Punës dhe Mirëqenies Sociale, Vesel Krasniqi ministër i Tregtisë dhe Industrisë. Dalivor Jetiq ministër për Kthim dhe Komunitete. Enis Kervan ministër i Zhvillimit Rajonal./KosovaPress/

Katër zv.kryeministra dhe 16 ministra, ja kabineti i Hotit Read More »

Klosi: Përgatitjet kanë filluar gjerësisht, këtë vit menaxhim ndryshe i vijës bregdetare

Aktualitet, Turizem / /

Ministri i Turizmit dhe Mjedisit, Blendi Klosi, deklaroi sot se “të gjitha strukturat hoteliere janë aktive, ndërsa përgatitjet për sezonin turistik kanë filluar gjerësisht”.

Në një intervistë televizive, Klosi theksoi se “ditët e fundit kam qenë në të gjithë zonën bregdetare. Këtë vit në plazhet shqiptare do të ketë një menaxhim krejt ndryshe të vijës bregdetare. Zona e bregdetit është një pasuri kombëtare dhe nuk mund të uzurpohet”.

Sipas tij, ajo që ka ndodhur në vite ka qenë uzurpim, ku çdo qytetar që shkonte për të bërë plazh duhet të gjendej përballë një njeriu që e shiste shezlongun dhe çadrën.

“Ajo që kërkohet këtë radhë është që të rriten më shumë hapësirat publike si dhe të garantohen të gjitha standardet si dushet, tualetet, rojet bregdetare”, – tha Klosi.

I pyetur nëse do të ketë rritje çmimi, Klosi tha se “jo nuk ka logjikë, është debat shterpë sepse nuk ka arsye të ketë rritje çmimesh, pasi edhe kërkesa do të jetë më e ulët. Për sa kohë do të kemi me pak vizitorë, më pak turistë është e pamundur që të rriten çmimet”.

“Shqipërinë e kemi 400 km vijë bregdetare, nga e cila më pak se 13% uzurpohet. Pra mbi 85 % është zonë e lirë. Ne shikojmë shumë plazhe si ai Dhërmiut që kanë hapësira të mëdha publike. Por edhe ata që do të marrin zonat e plazhit para hotelit do të kenë detyrimin që brenda kontratës që lidhin 80% do ta menaxhojnë me shezlongë, ndërsa 20 % do t’ia lënë publikut”, – nënvizoi Klosi.

“Në muajin qershor do të kemi turizëm tokësor, prandaj ftojmë shqiptarët e Kosovës, Malit të Zi, Maqedonisë së Veriut të vijnë në Shqipëri”, – tha Klosi.

Në lidhje me çarterat që do të vijnë në vendin tonë, ministri Klosi tha se “brenda dy javëve të para do vijën çartera nga Ukraina, Bjellorusia dhe Polonia”./atsh

Klosi: Përgatitjet kanë filluar gjerësisht, këtë vit menaxhim ndryshe i vijës bregdetare Read More »

Rama: Autoritetet e Kosovës të lehtësojnë kalimin e shtetasve shqiptarë, siç është pa asnjë kusht hyrja në Shqipëri e shqiptarëve të Kosovës

Aktualitet, Problematika / /

Kryeministri Edi Rama deklaroi sot se “beson se autoritetet e Kosovës i kanë të gjitha mundësitë ta lehtësojnë procesin e lëvizjes në kufi për qytetarët shqiptarë që shkojnë në Kosovë, siç është pa asnjë kusht dhe kërkesë të tepërt, veç ardhjes me targa të rregullta, hyrja në Shqipëri e qytetarëve shqiptarë të Kosovës”.

Rama tha se “ne nuk kemi në Shqipëri një shërbim tamponimi privat”.

“Ne nuk mendojmë, dhe kur them ne, jemi ne që e kemi marrë përsipër këtë vendim, por janë ekspertët që e kanë sugjeruar, që çështja e tamponit është si analizat e gjakut. Tamponimi bëhet mbi bazën e strategjisë së gjurmimit. Vlera e tij është shumë, shumë relative kur bëhet kot, ose si analizë gjaku sepse mund ta bësh sot dhe ende nuk ke shenja të kapshme se është në inkubim dhe nesër të shfaqen shenjat”, tha Rama.

Kryeministri theksoi se “është diçka që nuk e kemi si shërbim”. /atsh

Rama: Autoritetet e Kosovës të lehtësojnë kalimin e shtetasve shqiptarë, siç është pa asnjë kusht hyrja në Shqipëri e shqiptarëve të Kosovës Read More »

“Nuk fitohen zgjedhjet me ligjin e reformës apo me sistem”/ Rama: I hapur për çdo gjë mbi bazën e rekomandimeve të OSBE-ODIHR

Opinione, Politike, Votime Sondazhe / /

Kryeministri Edi Rama tha sot se jam i hapur për gjithçka për të arritur përfundimin e Reformës Zgjedhore.

Në lidhje me Reformën Zgjedhore, Rama tha se “përsa i përket reformës unë i kamë thënë ato që kam pasur për të thënë. Është shumë e thjeshtë nga një sugjerim të kthyer në një kërkesë që nga Bundestagu është përfshirë në dokumentin e Këshillit për një reformë zgjedhore mbi bazën e rekomandimeve të OSBE/ODIHR që do votohet në parlament”.

“Kjo është korniza. Dhe mbi bazën e e rekomandimeve të OSBE/ODIHR ku ajo më e përsëritura shpesh është depolitizimi i administratës zgjedhore. Ne jemi të hapur deri në fund për çdo gjë, por duke qenë se në këtë proces për të ndihmuar janë përfshirë dhe partnerë miq të Shqipërisë, unë nuk dëshiroj të bëjë komente përpara sa të flasin dëshmitarët. Sigurisht unë kam diturinë e plotë dhe këndvështrimin tim mbi ecuritë e procesit dhe të ngjarjeve, por besoj ajo që na duhet është të bëjmë sa më pak polemika e lagu se lagu dhe të përpiqemi për produktin më të mirë. Nga ana jonë besoj se produkti është aty, i plotëson të gjitha kushtet mbi bazën e rekomandimeve të OSBE/ODIHR, sigurisht në një proces zgjedhorë të gjitha palët kërkojnë gjithçka. Ka palë mendojnë se me ligjin e reformës fitohen zgjedhjet, s’është e vërtetë. Zgjedhjet fitohen me zgjedhjet e popullit. Apo që mendojnë se një ky sistem apo ai sistem bëjnë ata që i mendojnë si mrekullira, s’është e vërtetë. Është thjeshtë respektimi standardesh dhe garantimi standardesh. Ne kjo na intereson, për këtë kemi punuar, për këtë kemi dhënë kontributin tonë dhe besoj se e kemi bërë detyrën tonë”, tha Rama.

Rama shtoi se “nuk dua të merremi me fjalë sepse e thashë, ka dëshmitarë. Më vjen keq që në Shqipërinë e 2020 të ketë ambasadorë që dalin në seli partish për të bërë një marrëveshje, apo një negociatë, apo një diskutim në interes të përbashkët siç është diskutimi për rregullat e lojës. Mendoj se do të duhet prej kohësh ta kishim bërë vetë këtë por meqenëse palët e tjera kanë nevojë për këtë element edhe për të pasur garanci, unë jam mirënjohës miqve që janë përpjekur të ndihmojmë. Të bëjmë më të mirën duke lehtësuar procesin e komunikimit, por s’dua të bëjë koment sot për këtë pasi ka akoma të tjerë që do të flasin”.

Kryeministri Rama i pyetur nga gazetarët gjatë konferencës për shtyp për tu ulur në një takim me kryetarin e PD-së, Lulzim Basha tha se, “jam gati të ulem me liderin e opozitës Lulzim Basha për Reformën Zgjedhore”.

Rama thekson se “unë kam qenë në opozitë vetë dhe disa herë i ka kërkuar kryeministrit të kohës që të uleshim për gjërat që duhet diskutuar, tani kanë ndërruar pozicionet. Kur isha në opozitë kërkoja të uleshim, tani unë jam kryeministër kërkojë të ulemi”.

Po ashtu, Rama tha se do ishte normale të uleshim për Reformën Zgjedhore. “Gjynah, humbasim kohë humbasim energji, lodhim njerëzit, i lëmë hapësirë gjithë gënjeshtrave, sajesave dhe fantazive të pushtojnë mediet përmes informacionesh të dhëna qëllimisht për dezinformuar dhe duket se çfarë po ndodh. Në fakt është më e thjesht se kaq, do ishte normale të uleshim. Këto janë gjëra që bëhen bashkë, megjithatë nuk jemi ende aty”, u shpreh Rama.

Në vijim, Rama tha se “mendoj se në Shqipërinë e vitit 2020 nuk është e hijshme për ne që për çështje të brendshme që lidhen me vendosjen e rregullave të lojës, siç është reforma zgjedhore ku palët janë dy skuadra a më shumë që zhvillojnë një ndeshje apo një finalë ulen dhe bien dakord, sa është fusha, sa është porta, çfarë quhet faull, penallti dhe të bëhet me ambasadorë që hynë nëpër dyer. Megjithatë është për të thënë faleminderit se përderisa nuk e bëjnë dot hapin për ta bërë vetë, duhet ndihmë”./atsh

“Nuk fitohen zgjedhjet me ligjin e reformës apo me sistem”/ Rama: I hapur për çdo gjë mbi bazën e rekomandimeve të OSBE-ODIHR Read More »

1 Qershori/ Delegacioni i BE-së: Mbështetja e fëmijëve dhe e të rinjve, prioritet

Aktualitet / /

Në Ditën Ndërkombëtare të Fëmijëve, delegacioni i BE-së në Tiranë tha sot se mbështetja e fëmijëve është prioritet kryesor i BE-së.

Delegacioni i BE-së në Tiranë u shpreh se zëri i fëmijëve duhet të dëgjohet.

“Gëzuar Ditën e Fëmijëve! Ne duhet të punojmë të gjithë së bashku që zëri i tyre të dëgjohet dhe të drejtat e tyre të respektohen dhe plotësohen! Mbështetja e fëmijëve dhe të rinjve është një përparësi kryesore për Bashkimin Europian”, shprehet delegacioni i BE-së.

Po ashtu, delegacioni i BE-së sjell në kohë punën e bërë për fëmijët.

“Pas në kohë në festimin e Ditës Botërore të Fëmijëve ku fëmijë nga e gjithë Shqipëria u mblodhën në Korçë për të festuar 30-vjetorin e Konventës për të Drejtat e Fëmijëve”, shprehet delegacioni i BE-së, duke përcjellë pamjet festive. /atsh

1 Qershori/ Delegacioni i BE-së: Mbështetja e fëmijëve dhe e të rinjve, prioritet Read More »

Meta viziton Shtëpinë e Fëmijës “Fillime të Reja”: Të investojmë dhe të mbështesim fëmijët pa kujdes prindëror

Aktualitet / /

“Të investojmë dhe të mbështesim fëmijët pa kujdes prindëror dhe të familjeve në vështirësi ekonomike, duke i përgatitur për sfidat e së ardhmes”.
Me rastin e Ditës Ndërkombëtare të Fëmijëve, Presidenti i Republikës, Ilir Meta vizitoi sot Shtëpinë e Fëmijës “Fillime të Reja” në Tiranë, ku u uroi përzemërsisht festën e tyre.

I shoqëruar nga bashkëthemeluesi i Shtëpisë së Fëmijëve, pastori i Kishës Ungjillore Paulin Vilajeti, Kreu i Shtetit u dhuroi libra dhe fletore vizatimi fëmijëve, duke theksuar se në këtë ditë feste të gjithë fëmijët, veçanërisht ata pa kujdes prindëror dhe të familjeve në vështirësi ekonomike kanë nevojë për më shumë dashuri, mbështetje, mirëkuptim, kujdes shëndetësor, edukim falas, dhe mbrojtje nga të gjitha format e shfrytëzimit.

“1 qershori i këtij viti vjen në një atmosferë shumë të ndryshme nga vitet e tjera për shkak të situatës së krijuar nga COVID-19. Në Shqipëri, mijëra fëmijë nuk frekuentojnë prej gati tri muajsh shkollat, një situatë kjo që, ka vështirësuar jetën e tyre, të prindërve dhe të mësuesve dhe ka sjellë vështirësi të mëdha sociale dhe psikologjike. Kjo situatë është më e vështirë veçanërisht për fëmijët pa kujdes prindëror, apo fëmijët e familjeve në nevojë të cilët më shumë se kurrë kanë nevojë për përkujdesje dhe mbështetje të veçantë”, vuri në dukje Presidenti Meta.

“Vlerësoj institucione të tilla si Shtëpia e Fëmijës ‘Fillime të Reja’, që në 25 vitet e punës së saj, ka ndihmuar rreth 200 fëmijë të braktisur, jetimë apo jetimë social, që vijnë nga familje me problematika të mëdha sociale apo financiare. Misioni juaj ka qenë, gjatë gjithë këtyre viteve që të ndihmojë, mbështesë e investojë te kategoria e fëmijëve me probleme të mëdha sociale, në mënyrë që të edukohen dhe dalin nga varfëria ekonomike dhe ajo shpirtërore, duke i përgatitur për sfidat e së ardhmes”, tha Meta.

“Këtyre fëmijëve iu është ofruar jo vetëm një strehë dhe edukim, por mbi të gjitha dashuri, që fatkeqësisht disa prej tyre nuk e kanë njohur më parë në jetën e tyre të re”, nënvizoi Presidenti Meta.

“Siç ka thënë Shenjtorja Nëna Tereza: ‘Varfëria më e madhe nuk është të mos kesh çfarë të hash, por të mos jesh i kërkuar, i dashur nga të tjerët; të mos kesh dikë që të kujdeset për ty. Kjo është varfëria më e madhe’. Shtëpia e Fëmijës ‘Fillime të Reja’ dhe institucionet e kujdesit social nuk mund të ndryshojnë të kaluarën e këtyre fëmijëve, por qëllimi i tyre fisnik e human është që përmes gjuhës së dashurisë të kontribuojnë e të investojnë për të ardhmen e këtyre fëmijëve, duke kontribuar në këtë mënyrë për të gjithë shoqërinë dhe të ardhmen e vendit tonë, investim për të cilin u jemi të gjithë mirënjohës”, u shpreh Presidenti Meta./atsh

Meta viziton Shtëpinë e Fëmijës “Fillime të Reja”: Të investojmë dhe të mbështesim fëmijët pa kujdes prindëror Read More »

Klosi mbledh Komitetin e Turizmit, prezanton masterplanin për funksionimin e vijës bregdetare këtë sezon veror

Turizem / /

Ministri i Mjedisit dhe Turizmit, Blendi Klosi mblodhi sot në Kavajë Komitetin e Turizmit ku u diskutua me përfaqësues të hoteleve dhe njësive akomoduese mbi mënyrën se si do të funksionojë dhe se si do të menaxhohet plazhi këtë vit.

Ministri i informoi ata se Këshilli i Ministrave ka miratuar Hartën dixhitale të plazheve, apo masterplanin e ndarjes së plazheve, ku përcaktohet qartë se cilat sipërfaqe do ju jepen për menaxhim privatit dhe cilat plazhe do të jenë publike.

“Kemi bërë një masterplan të gjithë vijës bregdetare duke ndarë në mënyrë të plotë zonat që ne mendojmë se do ti kemi zona të gjelbërta. Ka zona që do ti ofrohen më qartë njerëzve që nuk duan të shkojnë në zona të menaxhuara nga pikëpamja e shezlongëve dhe çadrave. Po ashtu kemi ndarë në të gjithë territorin nga veriu në jug me një hartë shumë të detajuar me njësi, të gjithë zonën që do të menaxhohet nga operatorët turistik, për të garantuar që të mos kemi një situatë si ajo e vjetshmja ku megjithëse kishim shfrytëzim 100% të rërës dhe një uzurpish 100% të sipërfaqes të rërës e plazhit kishim të ardhura shumë të cunguara në bashki, pasi kontratat ishin shumë larg realitetit”, bëri të ditur ministri.

Ministri Klosi theksoi gjithashtu se do të adresohet një tjetër çështje e ngritur nga komuniteti hotelier, të cilët e kishin të pamundur që të gjenin hapësira për të çuar klientët e tyre dhe logjika e “tokës së zënë” që dikush e kishte dhe pastaj ja rishiste biznesin hoteleve do të duhet të marri fund.

Klosi shpjegoi dhe se si do të funksionojë plazhi publik, që është zona e verdhë në hartë, apo në ato zona ku nuk ka hotele dhe sipërfaqja do ju jepet për menaxhim restorante me mbi 20 tavolina.

“Vendimi i Këshillit të Ministrave përcakton prioritetet. Të parët që do të përzgjidhen janë hotelet e vijës së parë, duke kërkuar që të menaxhojnë sipërfaqen para hotelit të tyre, jo pse janë në vijë të parë të kenë gjithë sipërfaqen e plazhit, do të zënë vetëm sipërfaqen që kanë para hotelit të tyre”, tha Klosi.

Pas hoteleve të vijës së parë, bëri të ditur ai, do t’u kërkohet hoteleve të tjera që të gjejnë veten në zonat e menaxhuara sipas ndarjes që kemi bërë rreth 10 metra ballore për ]do njësi.

“Në zonat ku nuk ka hotele, ku nuk ka struktura akomoduese, si në zonën e Gjirit të Lalëzit vija bregdetare e menaxhuar do të menaxhohet nga strukturat që ofrojnë shërbim që kanë një numër të konsiderueshëm tavolinash, mbi 20”, bëri të ditur ministri.

Sipas tij, zonat që do të merren nga restorantet apo strukturat menaxhuese, duhet të garantojnë higjienën, baywatch-in, vijëzimin e detit, garantojnë rregullat e pastërtisë në zonën që posedojnë do të mbeten zona publike.
Këto zona nënvizoi Klosi, do te jenë për qytetarët që nuk duan të zgjedhin plazhin privat.

“Realizojmë 2 objektiva kryesore, rritjen e hapësirave për njerëzit dhe respektimin e protokollit shëndetësor”, tha Klosi.

Sipas tij, subjektet duhet të aplikojnë në e Albania me numrin e niptit, certifikatën e higjienës.

“Subjektet do të caktojnë zonën që dëshirojnë të marrin më menaxhim, sipas kodit që do të ketë në hartë. Pastaj do të mblidhet komiteti me përfaqësues nga Ministria e Turizmit dhe Shëndetësisë që do të diskutojë një për një kërkesat dhe do ju kthejë përgjigje subjekteve. Gjithë ky proces nga data 1 qershor do të zgjasë deri më 14 qershor”, tha Klosi./atsh

Klosi mbledh Komitetin e Turizmit, prezanton masterplanin për funksionimin e vijës bregdetare këtë sezon veror Read More »

Shqipëria në moment historik për integrimin/ Tryezë mes të gjithë aktorëve për bashkërendim

Aktualitet, Politike / /

Kryetari i grupit parlamentar të PS-së Taulant Balla tha se Presidenti Meta ka patur një sjellje korrekte gjatë periudhës së pandemisë.

Duke folur për situatën e pandemisë, i ftuar në një emision televiziv, Balla vlerësoi kontributin e Presidentit Meta.

“Përgjatë pandemisë ka patur një qasje institucionale nga ana e Presidentit të Republikës në ato pak kompetenca që ka Presidenti i Republikës dhe komunikimi me ekzekutivin, me ministrat e linjës së parë të përballjes me COVID-19. Ndërkohë mendoj se në një situatë të vështirë do duhej që të gjithë të silleshin njëlloj në mbështetje të qeverisë dhe modeli më i mirë ishte modeli i opozitës në Portugali, ku kryetari i opozitës i shprehu mbështetjen kryeministrit. Ndërkohë se çfarë bëri opozita këtu, qytetarët e dinë më mirë”, tha ai.

Balla shtoi se ndryshe nga Presidenti, opozita nuk pati qasje pozitive gjatë pandemisë.

“Opozita në periudhë të pandemisë ka patur një sjellje të pashoq, me histori denoncimesh të panevojshme. Kur ne po mbylleshim, opozita thoshte ‘pse po mbyllemi’. Kryeministri shfrytëzoi çdo mundësi të komunikimit publik për t’u bërë thirrje shqiptarëve për t’u ruajtur nga virusi, opozita bërtiste pse kryeministri përdor telefoninë celulare për të bërë këtë apel, ndërkohë kur po hapeshim, thoshte ‘pse po hapemi’”, tha ai.

Në vijim, Balla tha se shqiptarët sot kanë nevojë për mesazhe pozitive. “Jemi në një moment historik të Shqipërisë për integrimin europian, sepse përgjatë ditëve të betejës me COVID-19 kemi marrë një lajm të mirë, atë të konfirmimit për anëtarësim në BE. Mendoj se në fillim të qershorit Komisioni Europian do ta ketë përgatitur kuadrin e negociatave më Shqipërinë, që është dokumenti me të cilin do punojmë, ndërkohë dhe ne si Shqipëri do kemi gati dokumentin e strategjisë tonë të negociatave. Qershori duhet të jetë një muaj intensiv i të gjithë institucioneve që duhet të kontribuojnë, dhe këtu në këtë kontekst, edhe opozita merr një rol të rëndësishëm. Ne i kemi besuar opozitës drejtimin e Këshillit Kombëtar të Integrimit, drejtohet nga Rudina Hajdari, por dhe opozita joparlamentare duhet të kontribuojë në këtë proces dhe është e lutur të kontribuojë”, tha ai.

Kryetari i grupit parlamentar të PS-së Taulant Balla tha se Komisioni Hetimor për Shkarkimin e Presidentit përfundon brenda këtij sesioni parlamentar.

“Përmbyllja nga Komisioni i Venecias edhe i opinionit që lidhet me betimin apo me çështjen e emërimit në Gjykatën Kushtetuese, përmbyll dhe dokumentin e fundit që pret Komisioni Hetimor Parlamentar për t’u konkluduar mbi çështjet në hetim si shkelje kushtetuese nga ana e Presidentit të Republikës. Unë nuk dua t’i paraprij raportit të këtij Komisioni Hetimor”.

Balla tha se “kur ndodhin hetime të tilla parlamentare, përveç gjetjeve që lidhen me shkarkimin ose jo të presidentit të Republikës rekomandohen një sërë ndryshimesh të nevojshme qoftë kushtetuese, apo ligjore, për të shmangur situata të ngjashme në të ardhmen.

“Prandaj Komisioni Hetimor e ka vazhduar punën, jurisprundenca e nevojshme e vendosur në dispozicionin e dy opinioneve të Venecias që kanë lindur si nevojë e këtij hetimi duhen përkthyer në gjetje të raportit përfundimtar të këtij komisioni dhe për të qenë korrektë, në fund të këtij sesioni parlamentar përfundon dhe ky komision hetimor”, tha ai.

Në lidhje për një bashkëpunimin me opozitën, Balla tha se “Kryeministri Rama në mënyrë të vazhdueshme i ka bërë thirrje opozitës joparlamentare që drejtohet nga Basha dhe nevoja në këtë proces të rimëkëmbjes ekonomike, nevoja në këtë fazë të procesit të integrimit për të qenë bashkë me të gjithë aktorët politikë, nevoja për të pasur sa më shpejt një tryezë të madhe të të gjithë aktorëve, në nevojën e bashkërendimit të të gjitha forcave në dobi të vendit dhe kurrë nuk ka munguar dora e shtrirë e Kryeministrit”.

Balla duke iu referuar marrëveshjes së 2017, tha se ka qenë një marrëveshje e përkohshme për të risjellë në sistem PD, e cila nuk donte të hynte në zgjedhjet e 2017-s.

“Pra nuk ka qenë një marrëveshje afatgjatë, por e përkohshme, e cila nuk duhet dhe nuk ka për t’u ripërsëritur asnjëherë. Historia se një parti politike nuk hyn në zgjedhje, vë kushte të hyjë në qeveri me ty, mendoj se nuk është e nevojshme dhe besoj se PD dhe Basha janë maturuar, se që të qeverisësh duhet të fitosh zgjedhjet. Ne do të marrim një mandat të tretë për të qeverisur vendin”, tha ai./atsh

Shqipëria në moment historik për integrimin/ Tryezë mes të gjithë aktorëve për bashkërendim Read More »