Aurora

Patëllxhan i mbushur me gjizë dhe krem domatesh, ja si ta gatuani në shtëpi në pak kohë

Kulinari / /

Një recetë shumë e shijshme për të gjithë familjen. Përbërësit për kremin: 1 kokërr qepë; 2 thelpinj hudhër; pak borzilok; Vaj ulliri; Kripë; piper.

Për mbushjen e patëllxhanëve duhen: 4 patëllxhanë të prerë në feta për së gjati; 2 thelpinj hudhër; 50 gr gjizë; 50 gr djathë të bardhë të thërmuar; Pak rigon, majdanoz, nenexhik, kopër; 1 kokërr vezë; 50 gr djathë parmixhano ose grana.

Receta dhe përgatitja: Fillimisht në një tenxhere të vogël kavardisim qepët me hudhrat në pak vaj ulliri. Më pas shtojmë domatet e grira me thikë dhe borzilokun. I lëmë të gatuhen deri sa domatet të treten.

Përgatisim mbushjen: Grini imët thelpinjtë e hudhrës, majdanozin, nenexhikun, koprën dhe i bashkojmë në një tas me gjizën, djathin, rigonin dhe vezën.
Fetat e patëllxhanit i marinojmë me vaj, kripë, piper dhe i pjekim në furrë sa të zbuten, vetëm pak minuta. Pasi të jetë gatuar domatja, e grimë në mikser dhe me ndihmën e një site heqim lëkurat dhe farat.

Pastaj mbushim fetat e patëllxhanëve të pjekur me përbërjen që përgatitem, duke i mbështjellë në formë roleje. E në një tavë balte që duron nxehtësinë, shtojmë kremin e domates dhe roletë e patëllxhanit, pak vaj ulliri dhe djathin parmixhano të grirë me rende. E vendosim tavën në furrë të nxehur në 200 gradë dhe e pjekim rreth 10 minuta, sa të shkrijë djathi parmixhano ose grana. E shërbeni me pak borzilok të freskët, të grirë përsipër. Ju beftte mire!/korrieri

Patëllxhan i mbushur me gjizë dhe krem domatesh, ja si ta gatuani në shtëpi në pak kohë Read More »

Kek me limon, ja si të gatuani në pak minuta ëmbëlsirën perfekte që nuk shëndosh

Kulinari / /

Mmm! Një kek qe mbart plot vlera ushqyese, ndaj mund ta konsumoni sa herë të doni. Kurse konsumimi i farave Chia ndikon në uljen e oreksit, përshpejton metabolizmin, dhe aktivizon glikogjenin i cili është shumë i rëndësishëm për djegien e yndyrës.

Ja përbërësit; miell i tipit 00; sodë buke; 1 lugë gjelle vanilje; pak kripë; 100 gr sheqer; 150 gr gjalpë (të shkrirë); 2 vezë; lëkurë limoni; 1 lugë gjelle vaj ulliri; 1 gotë kos; 2 lugë gjelle fara chia.

Receta dhe përgatitja: Fillimisht në një enë kombinoni 500 gram miell, pluhurin pjekës, vaniljen dhe kripën. Ndërkohë në një enë tjetër shtoni sheqerin, gjalpin, vezët dhe i rrihni mirë. Tani shtoni lëkurën e limonit dhe vajin e ullirit.

E tani i kombinoni të dyja masat në një enë të vetme. Shtoni dhe farat Chia ngaTeuta. E përzieni edhe njëherë derisa të krijohet një masë homogjene. Lyeni tavën e kekut me pak gjalpë. Shtroni me kujdes masën që përgatitët. Pastaj e E piqni për 30 minuta në temperaturë 180 gradë. Shtoni pak sheqer pluhur sipër! Ju befte mire!/korrieri

Kek me limon, ja si të gatuani në pak minuta ëmbëlsirën perfekte që nuk shëndosh Read More »

“Shqiperiaqeduam.al”, 13 000 ankesa të zgjidhura në 10 muaj

Aktualitet / /

Gjatë 10 muajve të fundit, platforma shqiperiaqeduam.al, ka zgjidhur 13 000 ankesa të qytetarëve ndaj dikastereve të ndryshme.

Në nivel qendror janë regjistruar në total 15 174 ankesa, të përfunduar 13 732.

Sa i i takon nivelit vendor, kemi 2 395 ankesa dhe 2 056 të zgjidhura. Po ashtu, mësohet se janë 235 ankimime të ndjekura nga vetë kryeministri, prej nga ku 227 janë të zgjidhura.

 

/atsh

“Shqiperiaqeduam.al”, 13 000 ankesa të zgjidhura në 10 muaj Read More »

Tatimet intensifikojnë kontrollet në Jug të vendit, bllokohen 9-të biznese

Aktualitet / /

Drejtoria e Hetimit Tatimor Rajoni Jugor, ka intensifikuar kontrollet dhe verifikimet për të reduktuar evazionin fiskal, në kuadër  të zbatimit të planit të masave për sezonin turistik, duke bllokuar 9 biznese.

Referuar të dhënave të kësaj strukture, inspektorët gjatë ushtrimit të kontrolleve kanë konstatuar subjekte që kanë qenë të paregjistruar në organet tatimore, si dhe nuk kanë lëshuar kupon tatimor, për të cilët u morën edhe masat si më poshtë vijojnë:Për subjektin Stavri Ndreca, me vendndodhje në rrugën Sarandë – Bistricë, i paregjistruar në organet tatimore, bllokim deri në regjistrimin si subjekt me TVSH. Për subjektin Hasie Bani, me vendndodhje në rrugën Sarandë – Gjirokastër, i paregjistruar në organet tatimore, bllokim deri në regjistrimin si subjekt me TVSH.Për subjektin Ridvan Malaj, me vendndodhje në Livadh, penalizim për mos lëshimin e kuponit tatimor për herë të dytë dhe bllokim i ushtrimit të aktivitetit për 30 ditë kalendarike.Për subjektin Lonidha Manaj, me vendndodhje Sarandë, penalizim për mos lëshimin e kuponit tatimor për herë të dytë dhe bllokim i ushtrimit të aktivitetit për 30 ditë kalendarike.Për subjektin Irineos Bello, me vendndodhje në Sarandë, i paregjistruar në organet tatimore, bllokim deri në regjistrimin si subjekt me TVSH.Për subjektin Dionis Likoka, me vendondodhje në Borsh, hotel i paregjistruar në organet tatimore, bllokim deri në regjistrimin si subjekt me TVSH.Për subjektin Vasilika Lapaj, me vendndodhje Sarandë, hotel i paregjistruar në organet tatimore, bllokim deri në regjistrimin si subjekt me TVSH. Për subjektin Thimjo Gjinuci, me vendndodhje Himarë, i paregjistruar në organet tatimore, bllokim deri në regjistrimin si subjekt me TVSH. Për subjektin Artjon Nika, tregti me shumicë dhe artikuj të ndryshëm, me vendndodhje Sarandë, i paregjistruar në organet tatimore, bllokim deri në regjistrimin si subjekt me TVSH.

Drejtoria e Hetimit Tatimor në DPT, tërheq vëmendjen e  tatimpaguesve që operojnë në zonat turistike të respektojnë detyrimet ligjore, për të siguruar një ecuri pozitive të sezonit veror. /atsh

Tatimet intensifikojnë kontrollet në Jug të vendit, bllokohen 9-të biznese Read More »

136 mijë turistë më shumë se në tre mujorin e dytë të 2017 në muze dhe parqe arkeologjike

Aktualitet, Turizem / /

Trashëgimia kulturore po kthehet në një nga pikat kyçe të ofertës turistike në vend.

Kjo vihet re në shumëfishimin e numrit të vizitorëve të huaj në kala, parqet arkeologjike dhe muzetë e vendit.

Gjatë tre mujorit të dytë të këtij viti, numri i vizitorëve drejt këtyre vendeve është rritur me 73% ose 136 mijë turistë më shumë se sa në tre mujorin e dytë të vitit të kaluar.

Numri i turistëve që kanë frekuentuar muzetë është rritur me 48 mijë, i atyre që kanë vizituar kalatë apo monumentet e tjera të kulturës është rritur me më shumë se 39 mijë, ndërsa i turistëve që kanë vizituar parqet arkeologjike është shtuar me 47 mijë. /atsh

136 mijë turistë më shumë se në tre mujorin e dytë të 2017 në muze dhe parqe arkeologjike Read More »

Durrësi, Kruja, Berati dhe Tirana, destinacionet e 659 turistëve të kroçerës “Sirena”/Foto

Turizem / /

Durrësi, Kruja, Berati dhe Tirana, janë destinacionet e turistëve që zbritën paraditen e së dielës nga kroçera “Sirena” në portin e Durrësit.

Turistët u nisën me autobuzë drejt qyteteve tona historike dhe muzeale.

659 turistë nga 24 vende të ndryshme ishin nisur mbrëmjen e kaluar nga Argostoli (Greqi) drejt Durrësit, ndërsa sot pasdite kroçera “Sirena” do të vijojë lundrimin drejt Kotorrit (Mali i Zi).

502 nga turistët janë nga SHBA, ndërsa nuk mungojnë udhëtarë nga Zelanda e Re, Britania e Madhe, Tailanda, Australia, Belgjika, Kanadaja, etj., të interesuar për vendin tonë.

Itinerari i kroçerës “Sirena” përfshin 12 porte në Itali, Shqipëri, Maltë, Greqi, Malin e Zi dhe Kroaci, ndërsa turi përfundon më 9 gusht në Venecia.
Kroçera me flamur të ishujve Marshall ka një gjatësi prej 181 metra dhe vjen për herë të dytë në Durrës. /atsh

Durrësi, Kruja, Berati dhe Tirana, destinacionet e 659 turistëve të kroçerës “Sirena”/Foto Read More »

Sezoni turistik, Xhafaj inspekton punën e policisë së Vlorës

Aktualitet, Lajmi i fundit / /

Ministri i Brendshëm, Fatmir Xhafaj zhvilloi një takim me strukturat drejtuese të Drejtorisë Vendore të Policisë në Vlorë.

Në fokus të takimit ishin masat e marra nga policia dhe trajtimi i problematikës që lidhet me mbarëvajtjen e sezonin veror.

Gjithashtu, u diskutua edhe mbi masat për parandalimin e ngjarjeve kriminale dhe mbajtjen nën kontroll të elementëve me precedentë penalë.

Gjatë takimit, u trajtua ecuria e hetimeve për goditjen e grupeve kriminale në këtë qark, në kuadër të operacionit “Forca e Ligjit”, ku ministri Xhafaj vlerësoi për punën me shumë përkushtim, Drejtorin Vendor të Vlorës dhe ekipin e ri drejtues.

Më pas, Xhafaj inspektoi edhe Portin e Vlorës, ku këto ditë ka fluks udhëtarësh për shkak të pushimeve verore.

Policia Kufitare edhe në Vlorë pritet të aplikojë lexuesit e lëvizshëm të pasaportave, për të shmangur radhët në hyrje e dalje në Port dhe lehtësuar lëvizjen e qytetarëve.

Ministri kërkoi nga autoritetet policore në Port, një shërbim më të mirë dhe komunikim më etik, marrë shkas nga disa njoftime të qytetarëve në Komisariatin Dixhital dhe mesazhe dërguar atij./atsh

Sezoni turistik, Xhafaj inspekton punën e policisë së Vlorës Read More »

Diçka shumë e tmerrshme po vjen në Shqipëri, bëni mirë ta lexoni që të jeni gati. Në Shkodër ka rrezik për…

Aktualitet, Problematika / /

Europa është në “zjarr” nga temperatura apokaliptike. Në Shqipëri janë regjistruar temperatura mjaft të larta, por sa i rrezikuar është vendi nga zjarret?

Instituti i Gjeoshkencave bën me dije se në qarqet Dibër, Elbasan, Korçë dhe Gjirokastër pritet rrezik i ulët. Kurse në qarqet e tjera pritet nivel “i moderuar”.

Por në zona të lokalizuara mund të ketë nivel më të lartë rreziku, konkretisht qarku Shkodër (Jugperëndim), qarku Kukës (Qendër), qarku Elbasan (Perëndim) dhe qarku Gjirokastër (Qendër). Rreziku do tё jetё mё i lartё gjatё ditës sё nesërme.

E sipas IGJEUM Sot pasdite dhe nesër mundësitë për reshje janë shumë të vogla, disi më të larta në qarkun e Kukësit, ku priten reshje lokale të dobëta (siç tregohet në tabelë, respektivisht për secilin qark). Në zona shumë të izoluara, mund të ketë reshje në formë shtrëngate, më të mundshme në zonat malore gjatë pasditeve.

Ditën e nesërme temperaturat minimale dhe maksimale të ajrit pritet të arrijnë: në bregdet: 22 / 34 °C, në vendet e ulëta: 21 / 35 °C dhe në vendet malore: 14 / 28 °C.

Diçka shumë e tmerrshme po vjen në Shqipëri, bëni mirë ta lexoni që të jeni gati. Në Shkodër ka rrezik për… Read More »