Moti i keq ka mberthyer vendin dhe pritet qe edhe ditet ne vijim te kete mot te paqendrueshem. Ja parashikimi sipas IGJEUM
ZJARRET NË PYJE
————————–
Sot pasdite (e martë, dt.14) dhe nesër (e mërkurë, dt.15) pritet nivel “I MODERUAR” i rrezikut në të gjitha qarqet e vendit (siç tregohet në tabelë, respektivisht për secilin qark). Përsëri, në zona të lokalizuara mund të ketë nivel më të lartë rreziku, konkretisht qarku Shkodër (Jugperëndim).
Rreziku do tё jetё mё i lartё gjatё ditёs sё sotme.
PARASHIKIMI METEO
———————————
RESHJET
Sot pasdite (e martë, dt.14) dhe nesër (e mërkurë, dt.15) mundësitë për reshje janë të pakta, në përgjithësi, të dobëta, deri lokalisht mesatare ne 2 qarqe (siç tregohet në tabelë, respektivisht për secilin qark). Në zona shumë të izoluara, mund të ketë reshje në formë shtrëngate me kohëzgjatje të shkurtër, më të mundshme në terrenet malore (dhe ato pranë tyre) gjatë pasdites së nesërme.
TEMPERATURAT
Nesër (e mërkurë, dt.15) temperaturat minimale dhe maksimale të ajrit pritet të arrijnë:
në bregdet: 21 / 32 °C
në vendet e ulëta: 20 / 35 °C
në vendet malore: 15 / 27 °C
ERA
Sot pasdite (e martë, dt.14) dhe nesër (e mërkurë, dt.15) era do të vazhdojë të fryjë e lehtë deri mesatare në orët e pasdites.
Olta Xhaçka Ministria e Mbrojtjes flet për herë të parë për jetën dhe familjen e saj. Por jo vetëm edhe për përjetimet e saj në krye të një institucioni me disiplinë të fortë dhe rregulla strikte. Teksa ka marrë disa ditë pushimesh në shtëpinë e pushimeve të ushtarakëve në Jalë, Xhaçka ka folur për herë të parë për vajzën e saj Hana dhe bashkëshortin, ish-deputetin socialist Artan Gaçi.
Zonja ministre si ndodhi që gjete pak kohë për të pushuar?
Ndodhi që Kryeministri i dha kabinetit qeveritar dy javë leje. Sigurisht që nuk kanë qenë javë të plota leje dhe realisht nuk është se pushohet me kohë të plotë, pasi puna sido që të jetë mbartet pak edhe gjatë ditëve të pushimeve. Megjithatë ka qenë një periudhë relaksuese këto 3-4 ditë që kam qenë këtu, një periudhë e kaluar me time bijë që ma ka bërë edhe më të këndshme edhe më të bukur. Sigurisht pushimet të tilla janë, por fakti që pas një viti po kaloj një kohë shumë më cilësore dhe dedikuar për të është një kënaqësi shumë e madhe për mua.
Zgjodhët Jalën, për shkak se edhe Kryeministri tha se të gjithë ministrat duhet të pushojnë në Shqipëri, apo ishte edhe dëshira juaj?
Është padiskutim dëshira ime. Është shtëpia e pushimit e ushtarakëve. Këtu pushojnë stafi i Ministrisë së Mbrojtjes dhe stafi i Shtabit të Përgjithshëm. Është një ambient shumë i bukur që i ofron të gjitha kushtet për të bërë pushime shumë të bukura dhe nuk ka asgjë më pak se sa ambientet e tjera jashtë vendit apo diku tjetër. Kështu që është padiskutim zgjedhja ime. Është edhe një politikë e qeverisë për të promovuar turizmin dhe për të shpenzuar sa më shumë kohë në këto vende të mrekullueshme që Shqipëria ofron për të pushuar.
A nuk është pak e lodhshme që edhe në punë keni të njëjtin staf, edhe me pushime keni po ata? Ndoshta duhet ndonjëherë ndonjë shkëputje nga njerëzit e punës…
I takon ose i shikon në një mënyrë tjetër. Nëse më përpara jemi parë të kollarisur dhe duke diskutuar për punë, tani është pak më ndryshe, sepse takohesh në një ambient shumë më të relaksuar edhe për të konsumuar një bisedë apo kafe miqësore përtej atyre kornizave profesionale që ndonjëherë të dikton zyra apo ambientet shumë serioze të Ministrisë së Mbrojtjes. Është për mua një mundësi shumë e mirë edhe për t’i takuar njerëzit në pjesën tjetër më familjare.
Në fakt është hera e parë që na jepet mundësia që të kemi Ministren e Mbrojtjes në aspektin familjar, teksa pushon e zhveshur nga detyra. Si ka qenë për ju si eksperiencë ministria, një ambient kryesisht me meshkuj?
Për mua për hir të së vërtetës ka qenë një eksperiencë shumë e bukur. Kam mësuar ta dua shumë këtë punë që bëj dhe këtë institucion që drejtoj. Nuk mund të them se e kam njohur shumë më përpara sepse puna apo kontributi im në politikë dhe formimi im më kanë orientuar në të tjera gjëra që s’kanë qenë të lidhura me çështjet e sigurisë dhe të mbrojtjes. Por unë jam studente e marrëdhënieve ndërkombëtare dhe Ministria e Mbrojtjes, padiskutim ka edhe një komponent diplomatik të përfshirë në të. Është edhe një ministri që, për hir të së vërtetës nuk është fort e dukshme, ka kaq shumë dimensione. Disa thonë që është një shtet brenda shtetit. Kështu që të jep mundësinë që të shikosh dhe të drejtosh në shumë aspekte e dimensione. Është një punë jashtëzakonisht e bukur.
Ju keni qenë ministre edhe në Ministrinë e Çështjeve Sociale dhe kaloni në Ministrinë e Mbrojtjes. A ju duket se janë dy skaje të kundërta? Cila ishte vështirësia juaj, pasi edhe profili juaj duket që është më social?
Ndoshta ekzaktësisht kjo mund të thuhet se ishte vështirësia e parë, pjesa që disiplinën e ushtrisë ose dukjen e pamjes së rreptë unë nuk e mishëroja në natyrën time, duke qenë pak më e ndjeshme nëse mund të jetë kjo fjala siç e cilësuat ju. Por, nga ana tjetër kuptova që nuk është e nevojshme për të ndryshuar natyrën për të drejtuar institucionin. Unë sigurisht respektoj të gjitha rregullat e ushtrisë, linjën e komandimit, disiplinën, por kujdesem personalisht për gjithçka dhe gjithkënd që ka nevojë për vëmendjen e titullarit. Dhe në këtë kuptim bëj çmos që edhe ata që nuk do të ishin tradicionalisht në vëmendjen e ministrit të jenë dhe le të themi kjo ndjeshmëri e imja është reflektuar kështu.
E vështirë të përshtateshit me një formë tjetër përshëndetjeje?
Do jem shumë e sinqertë me ju, ende më vë pak në siklet ajo përshëndetja. Megjithatë është pjesë e punës, disiplinës së Forcave të Armatosura. Sigurisht e respektoj, por nga ana tjetër unë i përshëndes ashtu njerëzisht siç kam bërë gjithmonë.
Tashmë ju jeni edhe nënë dhe dedikimi ndaj familjes, vajzës, besoj kjo i ka ndryshuar disi raportet qoftë në përfshirjen politike, por edhe në detyrën si ministre..
Padiskutim. Koha për të, marrëdhënia me të është padiskutim një sfidë përsa kohë që koha e lirë është e kufizuar, por është edhe meraku kryesor që kam sa i takon një impenjimi ndoshta pak më të madh timin në kohën e lirë për ta shpenzuar me të. Nuk kam aq kohë sa ç’do të doja të kisha, por atë kohë që ja dedikoj është tërësisht cilësore, që do të thotë jam 110 përqind me të, pas saj. Deri më tani, pavarësisht kufizimeve gjykoj që nuk e ka ndjerë mungesën time cilësisht, pasi kam qenë gjithë kohën me të dhe pas saj, edhe kur nuk kam qenë aty fizikisht. Por ç’është më e rëndësishmja, dhe ky është një konstatim i imi për çdo grua në karrierë që për sa kohë që i dedikohen shumë cilësisht apo atë kohë që harxhojnë me fëmijët e tyre duke patur një vëmendje të dedikuar çdo gjë kompensohet.
Është vajza e babait, e përkëdhelur?
Është vajza e mamit totalisht. Babai është pakëz xheloz që ajo vazhdon të jetë ende gocë mami, sepse nuk e ka bërë ende atë kapërcimin. Do bëhet eventualisht gocë babi, se ka filluar të tregojë shenjat e para po për momentin është ende gocë mami.
Për ministren vetë si ka qenë? Keni qenë vajza e babit apo e mamasë?
Unë kam qenë vajza e babit me thënë të drejtën. Dhe e mbaj mend babin me shumë gjallëri kur kam qenë unë e vogël. Ma ka zbukuruar shumë fëmijërinë me vëmendjen që ka treguar dhe ndoshta është edhe një model se si unë dua të rris time bijë.
Ndoshta mund ta kesh thënë gjatë jetës se nuk do të kishe dashur që bashkëshorti të ishte pjesë e të njëjtës fushë, punë dhe për më tepër në politikë aty ku ke qenë aktive. Tashmë ka ndryshuar ky mendim, pasi Artani është bashkëshorti yt, jeni të dy në të njëjtën fushë dhe nuk e di sa jeni edhe partnerë në vendimmarrje, në këshillim, në politikëbërje?
Kam idenë që jemi njohur në rrethana të tilla që na kanë bërë sigurisht partnerë, bashkëshortë, por edhe miq realisht shumë të mirë. Konsultohem gjithmonë me të. Nuk mund të them se vendimet tona janë gjithmonë të njëjta, por kemi një dialog shumë të shëndetshëm dhe shumë miqësor në prag të çdo sfide apo vendimmarrjeje. Fakti që sot nuk është në politikë, paçka se është shumë i angazhuar në sensin e të qenit aktiv me aktualitetin, mbështetës për gjithë sa bëj unë dhe gjithë sa bën kjo qeveri dhe kjo mazhorancë, duke qenë se ka qenë edhe deputet i Partisë Socialiste, por sot më i dedikuar pranë familjes, një ndihmë shumë e madhe për Hanën si edhe një mik e partner të pazëvendësueshëm për mua dhe për marrëdhënien tonë, të paktën kështu e ndiej unë.
Çfarë ka ai në pjesën politike që ju do t’ja kishit pak zili?
Ka një intuitë që unë ja kam shumë zili. Ka një aftësi për të parë përtej asaj që duket…
Siç e do politika…
Siç e do politika, padiskutim, por edhe për të qenë pak më largpamës, më vizionar, për çfarë duhet bërë për të mbërritur disa qëllime shumë të mëdha dhe shumë të mira, kuptohet për punën që ne bëjmë, për të zhvilluar vendin, për të ofruar një standrat më të mirë jetese, për të përmirësuar cilësinë e jetës, që është puna e çdo qeverie dhe e çdo mazhorance.
Do doja t’ju ngacmoja për një ngjarje të madhe madhe që pritet, pikërisht për bazën ushtarake të Kuçovës që është diskutuar mjaft dhe ka marrë vëmendjen e të gjithëve…
Jam shumë e sigurt që ata që na ndjekin nuk duan të dëgjojnë shumë për bazën, por duan më shumë për detin dhe për plazhin. Megjithatë dua t’ju them diçka që është shumë e rëndësishme që mua më ka gëzuar si drejtuese e këtij institucioni pa masë. Është vendimi i Këshillit të Atlantikut të Veriut për ta kthyer Shqipërinë nga një vend anëtar në infrastruktrë të NATO-s dhe për ta kapërcyer ose për t’i shtuar standartit tonë me NATO-n këtë stad. Kjo është një gjë shumë pozitive, jo vetëm për komunitetin ku do të ngrihet, pra për Kuçovën, përmes investimit që do të bëhet atje dhe të gjitha benefitet që vijnë nga invetsimet, por kjo është një gjë pozitive për të gjithë vendin, për faktin se është një velrësim nga ana e Aleancës për kontributin e Shqipërisë, për rolin e saj për sigurinë dhe për paqen por edhe në projektimin e paqes përtej vendit tonë. Dua t’ju them që Shqipëria është sot një nga vendet që angazhohet më së shumti me kontributin e saj, me trupat e saj në të gjitha operacionet ndërkombëtare të Aleancës dhe ky është një fakt shumë i vlerësuar prej tyre. Shqipëria është një faktor stabiliteti për të gjithë Ballkanin Perëndimor dhe sërish ky rol është vlerësuar në vendimin e tyre për të sjellë bazën.
Zonja Xhaçka, sa do të qëndroni për pushime? Do të kesh mundësi të rrish disa ditë të paktën të shijosh edhe Hanën?
Po shpresoj shumë. Kam marrë pushime deri në datën 15. I kam sytë nga parashikimi i motit, sepse jemi gjatë gjithë kohës edhe me emergjencat civile, me prefekturat, me bashkitë, për të marrë masat sa mund të marrim përpara që të mos kemi probleme me zjarret apo me këto që janë emergjenca sezonale. Fatmirësisht deri tani nuk kemi pasur dhe kjo po më lejon edhe mua të pushoj e qetë. Shpresoj të vazhdojmë kështu deri në fund.
E shijoni detin të dyja? E ka qejf Hana?
E ka shumë qejf dhe unë e kam shumë qejf.
E ka trashëguar nga mamaja…
Po patjetër
Ditën që erdhët në Jalë kishit vajzën në krahë dhe po ecnit me bashkëhsortin të tre qetë-qetë. Po a është e bezdishme kur vijnë dhe ju takojnë njerëz dhe ju jeni me vajzën në krah, në rolin e nënës. Ishte një detaj që më tërhoqi vëmendjen? Sa e vështirë është?
Kam përshtypjen që edhe njerëzit janë të përmbajtur. E respektojnë privatësinë. Nuk do ta kisha problem, ndoshta se nuk ndodh kaq shpesh, saç mund ta imagjinoni juve dhe nuk është se përbën ndonjë lajm që po ecën një ministër tek Lungomare me bashkëshortin. Sigurisht ka njerëz që kur të njohin të përshëndesin, jo duke të ndërhyrë në qetësinë tënde familjare, por të përshëndesin. Po një pjesë e madhe edhe nuk të njohin, sepse nuk e mendojnë që mund të kalojë një ministër krejt sportiv me një kapele me syze dhe ndoshta edhe nuk të njohin për hir të së vërtetës.
Mua më bëri përshtypje. …. imagjino që është ministre që mund të ngrejë shtetin në këmbë…
Edhe e mitizojnë pak figurën e ministrit, por natyrisht që jemi si gjithë të tjetër dhe jemi aty si gjithë të tjerët.
Ama diferenca bëhet, edhe teksa pushon nuk është se ti pushon dhe duket sikur puna të shoqëron ashtu siç na the..
Fatkeqësisht po. Në mos në telefon, me mesazhe jam gjithmonë duke korrodinuar një gjë, jam gjithmonë duke bërë një punë aq sa jo më larg se dje iu ankova shefes time të kabinetit se s’po më linte rehat dhe mund të merrte edhe disa vendime të vogla pa më thënë, por në fakt sigurisht titullari duhet të jetë në dijeni.
Po Forcat e Armatosura marrin leje, çfarë ndodh me ta?
Fatkeqësisht Emergjencat Civile janë të gjithë në gatishmëri. Kemi 6000 oficerë, 6000 efektivë të FA që janë sot në gatishmëri dhe nuk mund të marrin pushime derisa të kalojë ky sezoni i nxehtë që mund të na paraqesë edhe problematika siç janë edhe zjarret. Duke alternuar dhe duke parë mundësinë që edhe puna të mos pengohet, edhe gatishmëria jonë si Forcë e Armatosur të mos cenohet, të kemi mundësinë që të alternojmë pushimet e njerëzve.
Bashkëshorti
“Kam idenë që jemi njohur në rrethana të tilla që na kanë bërë sigurisht partnerë, bashkëshortë, por edhe miq realisht shumë të mirë. Konsultohem gjithmonë me të. Nuk mund të them se vendimet tona janë gjithmonë të njëjta, por kemi një dialog shumë të shëndetshëm dhe shumë miqësor në prag të çdo sfide apo vendimmarrjeje”, tha Xhaçka për bahskëhsprtin e saj, ish-deputetin socialist Artan Gaçi.
Baza e NATO-s/ “Është vendimi i Këshillit të Atlantikut të Veriut për ta kthyer Shqipërinë nga një vend anëtar në infrastruktrë të NATO-s dhe për ta kapërcyer ose për t’i shtuar standartit tonë me NATO-n këtë stad. Kjo është një gjë shumë pozitive, jo vetëm për komunitetin ku do të ngrihet, pra për Kuçovën, përmes investimit që do të bëhet atje dhe të gjitha benefitet që vijnë nga invetsimet, por kjo është një gjë pozitive për të gjithë vendin”, tha dje, ministrja Xhaçka.
Ministria
Sipas Xhaçkës, ministria që ajo drejton, “është edhe një ministri që, për hir të së vërtetës nuk është fort e dukshme, por ka kaq shumë dimensione. Disa thonë që është një shtet brenda shtetit. Kështu që të jep mundësinë që të shikosh dhe të drejtosh në shumë aspekte e dimensione. Është një punë jashtëzakonisht e bukur”./korrieri
Revista angleze e specializuar në marrëdhëniet ndërkombëtare, “Monocle”, i ka kushtuar një artikull planit të NATO-s për të ndërtuar bazë ajrore në Kuçove. Revista zbulon se NATO nuk do të investojë për Shqipërinë por për një depozitë karburanti.
“Të shtunë kryeministri i Shqipërisë Edi Rama ndau një status në ‘Facebook’, për një investim të Aleancës së Atlantikut të Veriut në Bazën Ajrore të Kuçovës”, kështu e ka nisur shkrimin e saj revista angleze, Monocle e cila i ka kushtuar një artikull kësaj teme dhe mënyrës se si është interpretuar nga kryeministri ky lajm.
Prestigjozja angleze shkruan se pas lajmit që ndau në ‘Facebook’, kryeministri për bazën ajrore në Kuçovë, aleanca u detyrua të jepte një sqarim lidhur me këtë çështje. “Aleanca dha një deklaratë të shkurtër që duket se konfirmon lajmin e Ramës, por me një paralajmërim. Paratë për Kuçovën, 50 milion dollar do të vijnë nga ‘Programi i Investimeve të Sigurisë së Aleancës’, i cili rregullisht u jep ndihmë shteteve anëtare.
Ndërkohë që hamendësimi është se paratë do të shkojnë për avionë luftarakë, trajnim pilotësh dhe armë të teknologjisë së lartë, nuk është kështu, sqarohet në shkrim. Të ardhurat do të shërbejnë për atë që NATO quan ‘rifreskim infrastrukture’, apo më specifikisht për një depozit petroli. Reputacioni i Ramës merr një goditje dhe NATO merr një vendim të furnizojë avionët”, thuhet në shkrimin e revistës.
Sot pasdite (e mërkurë, dt.15) dhe nesër (e enjte, dt.16) priten reshje në të gjitha qarqet. Ato do të jenë të dobëta, përjashtuar Korçën, ku do të jenë mesatare, deri lokalisht intensive.
Në zona shumë të vogla të çdo qarku mund të ketë reshje në formë shtrëngate me kohëzgjatje të shkurtër, më të mundshme në terrenet malore (dhe ato pranë tyre) gjatë pasdites së sotme.
TEMPERATURAT
Nesër (e enjte, dt.16) temperaturat minimale dhe maksimale të ajrit pritet të arrijnë:
në bregdet: 22 / 32 °C
në vendet e ulëta: 20 / 33 °C
në vendet malore: 14 / 25 °C
ERA
Sot pasdite (e mërkurë, dt.15) dhe nesër (e enjte, dt.16) era do të vazhdojë të fryjë e lehtë deri mesatare në orët e pasdites.
Formularin A2 e kanë plotësuar rreth 25 mijë maturantë, aq sa parashikoi Ministria e Arsimit, ndërsa 7 mijë maturantë kanë aplikuar për të ndjekur studimet jashtë Shqipërisë.
Edhe në maturën 2018-2019 të dhënat tregojnë se trendi mbetet i njëjtë. Rreth 90% e maturantëve kanë aplikuar për të ndjekur studimet e larta në universitetet publike, ndërsa 10% do të studiojnë në universitetet private. Sa i takon zgjedhjeve të maturantëve, burime në qendrën e shërbimeve arsimore thonë se degët më të kërkuara janë: Drejtësia, Ekonomiku, Mjekësia, Shkencat Sociale dhe Universiteti Bujqësor.
Kjo sa i takon degëve më të kërkuara në universitetet publike, pasi në universitetet private maturantët kanë bërë zgjedhje të tjera. Në privat, të parat në listë renditen degët e arteve, për të vijuar me Mjekësinë, Ekonomikun dhe Drejtësinë.
Qendra e Shërbimeve Arsimore raporton për Top Channel një statistikë interesante: maturantët djem kanë zgjedhur më së shumti degët shkencore, ndërsa vajzat degët me profil shoqëror.
Sipas rregullores së maturës, fituesit e fazës së parë shpallen më datë 30 gusht./medial
Instituti Kombëtar i Shëndetit Publik ka bërë me dije se në laboratorët e tyre sot është detektuar prania e virusit të Nilit Perëndimor tek dy pacientë në Klinikën Infektive të QKUK.
IKSHP thotë se është në vazhdimësi në kontakt me Klinikën infektive, QKUK.
Ekipet e Departamentit të Epidemiologjisë prej fillimit të korrikut në nivel qendror dhe periferik janë në gjendje gatishmërie për të identifikuar dhe raportuar ndonjë rast individual të sëmundjes.
Laboratorët e Institutit Kombëtar janë të gatshme të pranojnë mostra dhe të diagnostikojnë rastet e sëmundjes.
Virusi i Nilit Perëndimor përcillet nëpërmjet thumbimit të mushkonjës së infektuar, e jo nga njeriu në njeri, por duhet përcjellë situatën epizootologjike te kafshët me aksent të veçantë te kuajt dhe duhet shikuar mundësinë e hulumtimit aktiv të rasteve gjatë muajve të verës dhe vjeshtës.
Deri tani 17 persona kanë vdekur si pasojë e virusit të Nilit perëndimor në gjithë Evropën brenda një jave, e në Kosovë një person i moshuar me sëmundje kronike të cilit ia ka rënduar gjendjen virusi i Nilit Perëndimor.
IKSHPK thotë se është duke hulumtuar burimet e këtij infeksioni dhe situata është nën kontroll, ndërsa thekson se aktualisht nuk ka vend për panik.
“Nga qytetarët kërkohet që të kenë kujdes këtyre ditëve ku vërehet numër i shtuar i mushkonjave. Nga departamentet komunale kërkohet të bëjnë dezinsektimin në komunat e veta sipas rekomandimeve të OBSH-së. Edhe pse në rreth 80 për qind të rasteve, pacientët e infektuar nuk tregojnë asnjë simptomë, virusi i Nilit perëndimor mund të shkaktojë përfundim fatal te njerëzit. Virusi transmetohet tek njerëzit kryesisht nëpërmjet pickimit të mushkonjave, të cilat janë të infektuara”, thotë IKSHPK.
Deri pak vite më parë, ne mund të shkonim në port të njëjtën mbrëmje, pa rezervim. Tani, vendet në tragetet nga Brindisi në Vlorë nuk janë as nëse i paguan me peshën e arit: ato janë shitur prej një kohe të gjatë dhe ata që duan të nisen mund të gjejnë vetëm disa vende në këmbë në tragetin Bari-Durrës.
Në një reportazh të transmetuar nga televizioni i Leçes, telenews, realizuar nga gazetarja Tiziana Colluto, theksohet se “Shqipëria ia kalon Salentos dhe mund konkurrencën e afërt, duke konfirmuar parashikimet që ishin në ajër: është destinacioni i vërtetë për verën e vitit 2018. Ajo ka thithur edhe fluksin me destinacion Puglia-n, veçanërisht ato të të rinjve”.
Sepse, deri para pak vitesh ishte një destinacion i ngrohtë sidomos për entuziastët dhe të dashuruarit anglezë, austriakë dhe japonezë, tani vendi i Shqiponjave është hapur edhe për turizëm masiv me të gjitha pro-të dhe kundër. Receta? Deti i pabesueshëm, peizazhe që të lënë pa frymë, çmime të ulëta dhe shumë argëtim. Vlora dhe Saranda, mbi të gjitha, janë bërë Rimini dhe Gallipoli nga ana tjetër.
Konfirmimi vjen gjithashtu nga kryebashkiaku i Vlorës, Dritan Leli, i cili ditët e fundit ishte mysafir në San Dana, një qytet i vogël i Gagliano del Capo, për të bërë homazhe për shenjtorin origjinal të qytetit të tij, gjatë ngjarjes “Salento – Shqipëri”. Një urë mes dy brigjeve “.
“Ne kemi një qytet krejtësisht të ri, por edhe një natyrë fantastike – thotë ai – dhe një gji fantastik me qendrën e ishullit Sazanin, plazhe të bukura, një tregim për të treguar dhe zbuluar, si dhe ushqime të shkëlqyera dhe të ngjashme me kuzhinën italiane. Shumë italianë që vijnë në Vlorë thonë se edhe makaronat tek ne janë më të mira!”.
Shpenzimet: një natë në destinacionet turistike më të njohura, si Orikumi, Ksamili, Himara, përgjatë bregut të Adriatikut, mund të kushtojë vetëm 25 euro për një natë (për një çift), nëse ju prenotoni përmes një portali online jo dhe shumë kohë më parë. Darka të bollshme dhe dreka të bazuara në peshk të freskët ose mish – qengji dhe derra të egër – kanë çmime më të larta deri në 30 euro. Biletat për anijet arrijnë në rreth 90 euro.
Do ta tejkalojë turizmin salentin? “Nuk jam në konkurrencë me asnjeri, shprehet kryebashkiaku i Vlorës, por vetëm me veten time, për të mirën e qytetarëve të mi. Kam ardhur në San Dana edhe për të zhvilluar lidhjet tona historike. Kur u tregoj shqiptarëve fotografitë që ju bëni nga këtu maleve tona, ata mendojnë se bëhet fjalë për fotomontazh.Dy vendet tona janë kaq afër”.
Të dhënat e publikuara nga Instituti Shqiptar i Statistikave (INSTAT) për katër muajt e parë të këtij viti kanë treguar tashmë se krahasuar me të njëjtën periudhë të vitit të kaluar ka pasur një rritje totale prej 7% me +5.6 % të turistëve italianë, pas të cilëve vijnë polakët (+ 33%) dhe kosovarëve (5.9%). Në vitin 2017 kishte mbi 5 milionë turistë të huaj.
Një industri e pushimeve që gjithashtu bën dëmin e saj, përsërit gabimet tona, me rrjedhat e mëdha të betonit pranë plazheve. Një risi që përparon kudo, një turizëm i ri, por i arratisur, midis klubeve të modës dhe hoteleve të reja kudo. Për Salenton, duke u përballur me ekzaminimin e saj të ndërgjegjes, një tjetër spunto për të menduar./atsh
Keqardhja sa vjen dhe shtohet kur sheh se femrave të sotme i ka humbur pastërtia dhe dlirësia shpirtërore e fizike.
Kanë humbur gjithçka.
Të gjitha gati njësoj.
Të mbushura me botokse e ndërhyrje kirurgjikale me qëllimin e vetëm për të qenë moderne dhe të pranuara nga kjo shoqëri që me keqardhje po i kthen femrat në imituese të shëmtuara të ashtuquajturave femra seksi.
Janë aq shumë njësoj sa hera-herës të krijohet përshtypja se i ka lindur e njëjta nënë.
Në imitimin më të shëmtuar të buzëve si patë apo si viç, me takat 12 pond, të lyera rëndë që në pikë të mëngjesit, nisin ditën e tyre.
Të merr malli të dëgjosh një femër që flet qartë dhe pastër për një problem aktual të shoqërisë ku jetojmë.
Mjafton t’i bësh një pyetje të thjeshtë dhe ato nuk do dinë të hapin gojën.
I pyet se ç’mendim kanë për modën e kësaj vere të nxehtë dhe ato të përgjigjen: E pe atë që doli te Çani dje?
I pyet se ç’libër do të lexojnë këtë verë dhe ato të përgjigjen: Të shohim ç’po ndodh tani në facebook.
A kanë ideal?
Patjetër që kanë?
Të bëjnë një jetë si nëpër videoklipet e Noizyt dhe Stresit.
Dëshira e madhe e tyre për të qenë të ashtuquajtura moderne i kthen në skllave të shëmtimit shpirtëror dhe fizik.
Plastike jashtë dhe plastike brenda, ato nuk zgjedhin më djalin inteligjent dhe punëtor, por djalin që duket i fortë dhe i pushtetshëm në këtë shoqëri me lekët dhe makinën e babit.
Harrojnë këto femra se njeriu ka një staturë të vetën dhe e krijon atë në mënyrë individuale dhe kështu me dashje apo pa dashje, veshjen dhe sjelljen e kthejnë në diçka kolektive.
Në kolektive kthejnë dhe ndjenjat e tyre.
Jetojnë për të tjerët.
Nuk quhesh më vajzë trendy nëse nuk nxjerr në rrjetet sociale foto me tufën e luleve, mundësisht më të madhe se shoqja, ushqimet nëpër restorante dhe pushimet në jug.
Të përvillet kur sheh se sa shumë femra dalin nga vetja e tyre dhe krijojnë këtë vetveten “në thonjëza” që nuk ka lidhje fare me prejardhjen dhe formimin e tyre.
Intrigojnë pafundësisht për të arritur atë që duan.
Madje dhe puthjen dhe përqafimin e të ashtuajturës dashuri e japin të mirëprojektuar me plan pune të paracaktuar.
Shiten si të vërteta, kur në fakt janë thjesht një falsë e dhimbshme e shoqërisë.
Janë gati të ndyjnë çdo njeri që u del parpara vetëm e vetëm për të arritur aty ku duan.
Lyhen dhe zhgërryhen për të shkëlqyer, por në fakt vetëm shtojnë pisllëkun.
Zhyten në pisllëk dhe harrojnë normat e shoqërisë.
E ç’ rëndësi kanë normat dhe etika për to?
Rëndësi ka të duken bukur dhe të ngulen fort diku, por këtë herë me këmbë në makinën lluksoze dhe jo me këmbë në tokë.
A ka femra të mençura që nuk bien pre e papastërtive shoqërore?
Sigurisht që ka, por janë pak.
Meshkujt sot…
Nëse do të kthejmë kokën disi pas në kohë, do të shohim se figura e burrit ka ndryshuar shumë.
Dikur një mashkull i vërtetë ishte ai punëtori, zjarrfikësi, makinisti kasapi etj me duar të pista dhe gjithë djersë.
Një mashkull i vërtetë nuk binte pre e thashethemeve të grave dhe fliste shumë pak.
Sot?
Me dhimbje ndihet se gjërat kanë ndryshuar.
Dashtë zoti të mos bëhesh pjesë e thashethemeve të një mashkulli se të bëhet një analizë që as ti vetë nuk do ta kishe menduar.
Mashkullit të sotëm i mungojnë mustakët dhe të qenurit leshtor.
Madje sot ai është edhe më i kuruar, me vetulla të hequra dhe më i depiluar se vetë femrat.
Mashkullit të sotëm i mungon fraku dhe veshja mashkullore.
Ato janë zëvendësuar me streçe dhe këmisha mëndafshi me lule.
Pantallonat e kostumit janë bërë treçerekëshe dhe këpucët fosforescente si balerina.
Ti nuk arrin të kuptosh se ku dallon femra nga mashkulli i ditëve të sotme nëse do t’i shohësh nga koka tek këmbët.
Për të nuk ka më rëndësi se si ndihet personalisht me femrën që ka në krah, por se si e shohin të tjerët.
Sa më e zhveshur dhe e stukuar të jetë femra e tij, aq më i pushtetshëm duket ai përpara të tjerëve.
Nuk kam asgjë kundër modës, por edhe modernizmi ka kufij.
Nuk mundesh ti që nuk di të lidhësh dy fjalë të jesh i mirëpranuar nga shoqëria vetëm se lekët e babit të bëjnë me një makinë luksoze.
Nuk mundesh ti të jesh mashkulli ideal kur nuk investon për veten me shkollim dhe me punë.
