Aurora

[sgmb id=”1″]

Kur një lidhje mund të jetë po aq argëtuese dhe emocionuese sa duhet, nga ana tjetër mund të jetë edhe një sfidë që të strukeni në një botë të vogël tuajën dhe të harroni dhe injoroni miqtë tuaj më të mirë në këtë proces.

Kur ju bëni një partner të ri, dëshironi të kaloni shumicën e kohës me të, por rrezikoni miqësinë me miqtë tuaj që i keni qëndruar gjithnjë pranë kur nuk kishit fare partner.

Sigurisht që miqtë tuaj ua duan të mirën por mund të nevrikosen nga fakti se edhe ata duan të kalojnë kohë me ju. Këtu po ju paraqesim 7 gjëra kur miqtë tuaj mund të nevrikosen kur bëheni me partner të ri.

Kur nuk kujdeseni për veten

Pavarsisht faktit se a jeni në lidhje apo jo, ju gjithnjë duhet të kujdeseni për veten në radhë të parë. Përkushtimi ndaj partnerit është i rëndësishëm por jo të lini veten anash dhe ta harroni tërësisht.

Kur injoroni prioritete tjera

Megjithëse partneri juaj është pjesë shumë e rëndësishme në jetën tuaj, ai sërish nuk është gjithçka në jetë. Ju keni familjen, miqtë, karrierën dhe jetën tuaj personale që poashtu përbëjnë pjesë të rëndësishme të jetës suaj dhe është totalisht jo e drejtë nëse i anashkaloni këto përpjekje. Jepni vetes hapësirë dhe mos u mbyllni vetëm për partnerin.

Të prolongoni takimet me shoqet

Të papriturat ndodhin dhe mund të ju dalin shumë obligime që ju shtyejnë të prolongoni takimet me miqtë, por nëse kjo rutinë përsëritet çdoherë, atëherë gjërat marrin kahje tjetër.

Kur ju mungoni në shumë raste

Është e kuptueshme se partneri juaj dëshiron të kalojë kohë duke u përkëdhelur, biseduar, shkruar tekste dhe duke qenë bashkë, por e humbni tërë kohën vetëm për të. Mos e shëndrroni lidhjen në obsesion madje abuzim.

Të ndryshoni veten për partnerin tuaj

Nëse partneri ju inspiron të bëheni një person më i mirë, kjo është e mahnitshme, por nëse ai ju imponon të ndryshoni vetëm për të, në diçka që për juve është në kundërshtim, atëherë kjo lidhje duhet alarmuar.

Madje edhe nëse i mungoni miqve tuaj, ata duan gjithnjë t’ju shohin të lumtur, dhe nëse shohin ndryshime të tilla tek ju, nuk do të iu vie aspak mirë. Dëgjoni ndonjëherë ata, sepse ju duan dhe ju këshillojnë për të mirë.

I përjashtoni miket për këshilla

Të bisedosh me miket tuaja më të mira është gjëja më e shtrenjtë në botë sepse vërtetë ua duan të mirën dhe ju qëndrojnë gjithmonë pranë. Ka raste kur ju dëshironi të flisni për lidhjen dhe partnerin tuaj me ta, të ndani përvoja dhe këshilla të dobishme, gjë që nuk mund ta bëni çdoherë me partnerin, andaj mos rrefuzoni shoqërinë e tyre dhe bëhenu prezent edhe për ta.

Të jepni vendime rreth tij

Mund të paketoni rrobat e të shpërnguleni për të në ndonjë vend krejtsisht të panjohur për ju, larg familjes dhe miqve, por mos harroni të vlerësoni se a ia vlen kjo që po ndërrmerni me jetën tuaj dhe a është vendim me bazë! Mendoni mirë gjërat dhe mos u ngutni vetëm sepse keni bërë partner. Jeta juaj është edhe e juaja, mos e shuani për hir të tij, nëse edhe ai nuk rrezikon gjëra për ju.

Mbani mend, nëse ai është pjesë e rëndësishme e jetës suaj, sërish nuk mund të kontrollojë jetën tuaj dhe nuk duhet të jetë gjithçka që keni. Mendoni në radhë të parë për veten!

[sgmb id=”1″]

Nuk ka asnjë pilulë magjike e cila do t’ju ndihmojë të humbni kile, pa e dëmtuar shëndetin.

Megjithatë, ne po dëshirojmë të ndajmë një recetë të shijshme me ju e cila edhe është e shëndetshme, edhe do t’ju ndihmojë që të humbni peshë më shpejt.

Do t’ju duhet:

1 kërcell selino,

1 kastravec mesatar,

1 gotë majdanoz të prerë,

3 copë ananas të freskët.

Lani përbërësit dhe hiqjani lëkurën ananasit. Përzieni që të gjithë në blender. Mos shtoni kripë, sheqer, piper ose gjëra të tjera në pije.

Duhet ta pini këtë lëng brenda 15 minutave, pas përgatitjes, në mënyrë që të mos i humb vetitë e saja. Duhet ta pini në mëngjes para se të keni ngrënë ushqim.

Nëse e kombinoni këtë pije me një dietë të pasur dhe sport, do t’i shihni rezultatet brenda një jave – barku juaj dukshëm do të bëhet më i rrafshët.

[sgmb id=”1″]

Fjala “pushim” na kujton menjëherë qiellin e kaltër, plazhet me diell dhe të kristaltë, detin freskues.

Rrezet e detit dhe uji janë të mira edhe për shpirtin tonë edhe për trupin.

Grekët ishin të parët që mësuan për efektet e dobishme të detit.

Talassotherapia e famshme – trajtimi me ujin e detit, kjo ka origjinën nga Greqia.

Përdoret për trajtimin e sëmundjeve të tilla si ekzema, artrit, astma, psoiaza dhe dhimbjet në shpinë.

Hipokrati ka zbuluar aftësinë mjekësore shëruese me ujin e detit, duke parë efektin tek plagët. Ai vuri re se uji përshpejton shërimin e plagëve, parandalon infeksionin duke zvogëluar dhimbjet.

Çfarë të mira tjera mund të sjellë uji i detit?

1. Uji i detit përmban elemente të rëndësishme jetësore

Deti përmban të gjitha elementet e rëndësishëm në jetën tonë – natrium, magnez, kalcium, kalium, silic, argjend, madje edhe ar.

Uji i detit depërton thellë në lëkurë duke lejuar kështu funksionimin e mineraleve dhe elementeve tjera.

Deti gjithashtu përmban alga, të pasura me shumë minerale.

Algjet janë konsideruar gjithmonë si një burim i shëndetit dhe bukurisë. Stimulojnë rinovimin e qelizave, përmirësojnë pamjen e lëkurës, nxisin metabolizmin, forcojnë imunitetin, parandalojnë infeksionin, pastrojnë lëkurën dhe ndihmojnë në heqjen e celulitit.

2. Deti ndikon pozitivisht ndaj astmës dhe alergjisë

Kripa e detit ka veti antiseptike, ku edhe është e nevojshme ndaj reaksioneve alergjike të lëkurës.

Spitale të ndryshme pediatrike përdorin për shumë vite banja me kripë deti për të trajtuar dhe lehtësuar alergjitë e ndryshme.

Ajri i pastër i detit, i ngopur me jone negative, lehtëson frymëmarrjen dhe ka një efekt pozitiv tek personat që vuajnë nga astma.

3. Rrezitja furnizon trupin me vitaminë D

Rrezitja ju mundëson jo vetëm një lëkurë tërheqëse të nxirë, por edhe na furnizon me vitaminë D, e cila është aq e nevojshme për organizmin tonë. Veçmë i dimë përfitimet e vitaminës D, por është konfirmuar nga hulumtuesit se roli i tij kyç është në parandalimin e shumë sëmundjeve, duke përfshirë sklerozën e shumëfishtë dhe kancerin.

Që të merrni këtë vitaminë, nuk është e thënë të rreziteni në vapën më të madhe. Rrezitjen mund ta bëni në mëngjes apo në orët e vona të pasdites.

Keni kujdes se kremërat me faktor mbrojtës parandalojnë aftësinë e lëkurës për të prodhuar vitaminë D.

4. Relaksimi dhe qëndrimi në det ju heq stresin

Çfarë tjetër mund të ketë efekt më relaksues se dielli, një fllad i lehtë dhe valët e detit?

Pushimet në det të japin mundësinë për të harruar problemet e përditshme dhe plotësisht të relaksoheni. Magnezi, që e përmban uji i detit në përqindje shumë të lartë, mundtë luftojë stresin.

5. Deti është ideal për aktivitete sportive

Noti, zhytja, surfimi, gjimnastika e detit, volejboll plazhi…Pushimi në det është ideal për aktivitete sportive që janë të mira jo vetëm për formësimin e trupit, por edhe për shëndetin.

6. Ajri i detit është i pasur me jone negative

Ajri i detit përmban jone negative dhe ozon që nxisin frymëmarrjen e thellë dhe na mbushin me energjinë e jetës.

Jonet negative forcojnë imunitetin, përmirësojnë përqëndrimin, zvogëlojnë pagjumësinë, depresionin, dhimbjet e kokës dhe lodhjen, efekt i dobishëm për njerëzit me astmë dhe alergji.

Ajri i ngopur mund të gjendet në pyje dhe male, ujëvara, lumenj, oqeane dhe dete.

7. Deti shëron artritin dhe dhimbjet e shpinës

Falë vetive dhe përbërjes së ujit, ndihmon në lehtësimin e dhimbjeve, ul inflamacionin, relakson dhe stimulon lirimin e lëngjeve të tepërta nga trupi.

Prandaj noti në det sjell lehtësim për njerëzit që vuajnë nga reumatizmi, artriti, dhimbjet në shpinë dhe dhimbjet e muskujve.

8. Uji i detit ofron detoksifikim

Pse uji i detit është një zgjedhje e shkëlqyer për pastrimin e trupit?

Sepse sa më shumë not me ujë deti stimulon funksionin e organeve që filtrojnë dhe nxjerrin toksinat nga trupi, të tilla si mëlçi, veshka dhe lëkurë.

Larja në det stimulon metabolizmin dhe pastrimin e përbërësve të dëmshëm, jo vetëm të lëkurës dhe indeve lidhës, por edhe të gjithë trupit.

9. Deti shëron probleme të lëkurës

Kripa e detit është jashtëzakonisht e pasur me shumë përbërës. Ndër mineralet e ndryshme dhe sulfatet që gjenden, janë po ashtu të pranishëm edhe kaliumi, bromi, natriumi, kalciumi, mangani, magnezi, jodi, hekuri, fluori dhe silicë.

Për shkak të përbërjes së pasur, uji i detit ka një efekt pozitiv në lëkurë si dhe ndihmon në shumë probleme të lëkurës, të tilla si pezmatim i lëkurës, psoriazë dhe ekzemë.

10. Deti stimulon kreativitet dhe emocione

Deti në përgjithësi, dhe elementi i ujit kanë qenë të lidhura me kreativitetin dhe ndjenjat. Qëndrimi dhe relaksi në det, rrisin ndjesinë tonë dhe ngjallin emocion, intuitë, imagjinatë dhe kreativitet.

11. Deti ka efekt pozitiv në shëndetin e syve

Ngjyra e kaltër e detit duke e parë nga distanca, ka efekt pozitiv për sytë tanë. Nëse keni kaluar shumë kohë para kompjuterit, pushimet në det do të ju ndihmojnë të relaksoheni dhe ti pushoni sytë.

Nëse nuk mund të shkoni në det

Nuk keni mundësi për të shkuar në det? Pushimin vjetor mund ta realizoni në mënyrë perfekte edhe pa planifikime në pushime të shtrenjta, por thjeshtë duke e kaluar në shtëpi:

Kënaquni gjatë ecjeve dhe shëtitjeve në natyrë

Ushtroni

Rrezituni në kushte shtëpiake

Notoni në lum apo ndonjë pishinë të afërt