Andueli

Policia e Komisariatit Fier, ka marrë informacion se në një banesë private tre katëshe në pronësi të shtetasit Piro Bare në lagjen “Kastriot” Fier, mund të zhvillohej veprimatri e paligjshme në fushën e kultivimit të bimëve narkotike.

Mbi bazën e këtij informacioni policor, menjëherë u hartua një Plan Masash për ezaurimin e informacionit dhe njëkohësisht u organizua puna për të bërë të mundur vëzhgimin në mënyrë të fshehtë dhe të pa ndërprerë të banesës e më pas ndërhyrjen në të.

Pas verifikimit të plotë të informacionit, më datë 14.04.2017, rreth orës 17:00, nga ana e shërbimeve të Komisariatit të Policisë Fier dhe të Sektorit Kundër Narkotikëve dhe Trafiqeve në Drejtorinë Vendore të Policisë Fier u realizua me sukses operacioni i koduar “Llampa”.

Si rezultat u bë e mundur kapja ne flagrancë e 8 personave, 6 burra dhe 2 gra, të cilët gjendeshin në ambientet e banesës tre katëshe në pronësi të shtetasit Piro Bare në lagjen “Kastriot”, ku në katin e dytë dhe të tretë të saj ishin duke kultivuar bimë narkotike.

Në momentin e ndërhyrjes, u kapën në kushtet e flagrancës dhe u arrestuan shtetasit:

1.Hiqmet Borova, 50 vjeç, banues në lagjen Liri Fier.
2.Fisnik Gorani, 27 vjeç, banues në fshatin Hoxharë, Fier.
3.Pajtim Muka, 53 vjeç, banues në lagjen Mbrostar Ferko Fier.
4.Florenco Cera, 24 vjeç, banues në lagjen Çelepias Berat.
5.Erald Buzi, 27 vjeç, banues në lagjen 15 Tetori Fier.
6.Klaudjo Borova, 27 vjeç, banues ne lagjen Liri Gero Fier.
7.Rozana Borova, 37 vjeçe, banuese në lagjen Liri Gero Fier.
8.Selvie Muka, 52 vjeçe, banuese në lagjen Mbrostar Ferko Fier.

Gjithashtu, në vazhdim të veprimeve proceduriale u bë ndalimi i shtetasëve:

-Alesio Hajderaj, me detyrë lexues i matësit të energjisë elektrike në ndërmarrjen OSHEE, Fier përgjegjës për lagjen Kastriot.

Ylli Kostandini me detyrë përgjegjës grupi elektriçistësh në ndërmarrjen OSHEE Fier.

Këta shtetas u ndaluan për veprat penale Moskallëzim krimi dhe Shpërdorim i detyrës vepra këto të parashikuara nga Nenet 300 dhe 248 të Kodit Penal.

Gjithashtu u bë shpallja në kërkim e shtetasit E. F i cili është personi që ka marrë me qera banesën për këtë aktivitet kriminal.

Gjatë kqyrjes së vendit të ngjarjes u konstatuan se në 6 dhoma me siperfaqe prej 220 metra katror, u gjetën të kultivuara 2784 bimë cannabiss sativa me lartësi që varjon nga 30 deri 80 cm.

U gjetën 2820 kubik ku në shumicën prej tyre kishin mbirë fidane të dyshuar si bimë narkotike të dyshuara Cannabis Sattiva.
Gjithashtu u gjetën edhe 167 bimë në proces tharjeje.

U sekuestruan nga ana jonë dhe shumë sende të tjera si bidona plastik, tuba uji të përdorur për vaditje, llampa të posatshme për rritjen e bimës, gërshërë që shërbenin për kryerjen e kësaj veprimtarie kriminale etj.

Po vazhdon kryerja e veprimeve proceduriale bashkë me Prokurorinë e Rrethit Gjyqësor Fier për të bërë të mundur dokumentimin e plotë ligjor të kësaj veprimtarie kriminale.
Po në vijim të punës për parandalimin dhe goditjen e veprimtarisë kriminale të kultivimit të bimëve narkotike, në bazë të trajtimit dhe verifikimit të informacionit policor të marë nga qytetarët, më datën 15.04.207, u organizua kontrolli i banesës dhe u bë arrestimi në flagrancë i shtetasit Sokol Memushaj.

Ky shtetas u arrestua për arsye se në oborrin e banesës së tij të ndodhur në fshatin Frakull e Madhe, Fier, kishte mbjellë 16 bimë Cannabis Sativa.

Gjatë kontrollit të banesës së këtij shtetasi u gjetën dhe u sekuestruan në cilësinë e provës materiale 5091 fara bime Cannabis Sativa, një sasi prej 50 gr lëndë narkotike e dyshuar Cannabis Sattiva e tharë e ndarë në 16 qese e përgatitur për shitje, 7 fishekë pistolete dhe 16 fishekë automatiku.

Materialet i’u kaluan Prokurorisë së Rrethit Gjyqesor Fier mbi bazën e Neneve 278, 283 dhe 284 të Kodit Penal.

Struktruat Vendore të Policisë Fier po vijojnë punën me përkushtim dhe profesionalizëm duke bashkëpunuar edhe me agjensitë e tjera ligjzbatuese, për të bërë të mundur parandalimin dhe goditjen e veprimatrisë kriminale kudo që ajo do shfaqet.

Falënderoj të gjithë qytetarët, shoqërinë civile, pushtetin vendor, kryepleqësitë e fshatrave , mediaa e cila i ndihmon transparencës së procesit e këdo që na bashkohet për të kontribuuar në arritjen e këtij vizioni për një Shqipëri të çliruar nga kanabisi.

Këta të dy që shihni në foto janë vëllezërit Ekonomi, të cilët rrahën për vdekje Agim Arapin, personi i cili kerkonte leket e qirase, por perfundoi i pajete. Gjykata e Durresit vendosi sot që të lërë në “arrest me burg” duke e konsideruar të ligjshëm arrestimin e tyre.

Vëllezerit Konstandin dhe Kujtim Ekonomi rrahën per vdekje Agim Arapin, me te cilin kishin konflikt pronesie.

Ngjarja ndodhi mbremjen e se martes ne lagjen 1 te qytetit bregdetar ne Bulevardin Epidam.

Avokati kerkoi mase sigurie “arrest shtepie” dhe garanci pasurore, por gjykata teksa e vleresoi te ligjshem kerkesen e prokurorise, vendosi arrest me burg.

Fansi i çmendur i Luana Vjollcës doli sot në gjyq dhe Gjykata caktoi masen e sigurise ‘arrest ne burg’ per akuzat e “perndjekjes” dhe “armembajtje pa leje”.

Sipas avokateve të tij: Lila nuk e ka kryer vepren penale. Ka pasur vetem simpati dhe dashuri per Luanen, por nuk e ka kercenuar ne asnje moment. Vetem i ka shprehur dashurine.

Lila vetë u shpreh në gjyq se ishte dakord me ato çka thanë avokatët, teksa për armën që mbante me vete në momentin e incidentit që ndodhi në Unazën e Re, u shpreh se nuk kishte ndermend ta perdorte per te vrare ndokend.

NGJARJA

Besmir Lila është arrestuar mbrëmjen e 12 prillit pas një sulmit fizik me të dashurin e Luana Vjollcës. Ngjarja ndodhi rreth orës 19:00 të ditës së mërkurë, ndërsa Luana Vjollca gjatë deklarimeve që ka dhënë në komisariatin nr.6, ka shpjeguar se Krenar Çoçaj ishte i dashuri i saj, ndërsa Besmir Lila është personi që e përndjek prej rreth 8 muajsh. Të njëjtin fakt ka shpjeguar në polici edhe Çoçaj, që po ashtu ka bërë kallëzim ndaj personit që tashmë është arrestuar pas incidentit që u shkaktoi. Burimet thanë se Çoçaj ka pësuar dëmtime në fytyrë, në hundë dhe në njërin sy, pas konfrontimit fizik që pati me fansin që i shqetësonte të dashurën. Nga ana tjetër, edhe personi i arrestuar ka pësuar disa dëmtime fizike, pasi po ashtu është goditur nga Çoçaj. Sipas policisë, në momentin e arrestimit, 32-vjeçarit i janë gjetur edhe armë në makinë, madje njërën prej tyre ishte duke e marrë ndërsa përballej me Krenarin, gjë që linte dyshime se mund ta përdorte atë.

Ka përfunduar takimi mes kryeministrit Edi Rama dhe kreut të Kuvendit Ilir Meta, takim i cili zgjati një orë e gjysëm.

Pas përfundimit të takimit, ishte kryeministri Rama i cili u largua i buzëqeshur nga hotel “Tirana” i shoqëruar nga ministri i Drejtësisë Petrit Vasili, Gramoz Ruçi dhe Luan Rama.

Pak momente më vonë, doli edhe kreu i LSI Ilir Meta i shoqëruar nga Klajda Gjosha.

Ndryshe nga Rama, meta dhe një deklaratë për shtyp ku citoi 3 pikat kryesore ku u bazua takimi mes tij dhe kryeministrit.

Ndryshe nga atmosfera e hyrjes në takim Meta shfaqet me serioz dhe çështjen e koalicionit duke e konsideruar jo të rëndësishëm në krahasim me dialoguan me opozitën apo me zgjedhjen e presidentit.

“Diskutuam për të garantuar paprekshëmrinë e votës së shqiptarëve. Vullnetin për të nisur një dialog pa kushte me opozitën dhe dialogun e saj, i cili është legjitim.

Kemi vendosur të vazhdojmë procedurat kushtetuese për zgjedhjen e presidentin por nuk kemi paraqituar asnjë emër apo kanditaturë, kjo maxhorancë ka 90 vota në parlament.

Duke e kuptuar vështirësinë e opozitës për të pasur besim, kemi vendosur ti drejtohemi zyrtarisht partisë popullore evriopiane që të asistojë sa më shpejht të jetë e mundur në këtë dialog në mënyrë që ky ngërc politik të marrë fund sa më shpejt dhe vendi të shkojë drejt zgjedhjeve”-, tha Meta.

Ndërsa në pyetjen mbi koalicionin PS-LSI, Meta u shfaq gati oi nervozuar duke kërkuar që fuqitë dhe vëmëndja të fokusohet në gjetjen e një dialogu dhe zgjidhjen e krizës.

“Kjo nuk është cështja më e rëndësishme, më e rëndësishm është ajo që thashë për dialogun politik dhe mbajtjen e zgjedhjeve të lira e të ndershme”-tha Meta.

Në nisje të takimit, kreu i Kuvendit Ilir Meta në një intervistë për median u shfaq me marrëveshjen e vjetër të koalicionit PS-LSI, dhe u shpreh që mbi këtë marrëveshje do të ngrihej edhe marrëveshja e re duke theksuar se mbi marrëveshjen ka pika të cilat duhen diskutuar dhe korigjuar.

Por si duket takimi mes tyre ka dështuar, duke ngritur sërish dilemën nëse PS-LSI do të vazhdojnë koalicionin edhe për një mandat tjetër.

Revista prestigjioze “The Revue” e cila shpeshherë nxjerrë sondazhe të tilla si ai për femrat më seksi e të tjera; kësaj radhe nxori listën me meshkujt më seksi shqiptar.

Artikulli i “The Revue” kushtuar meshkujve tërheqës shqiptar, u publikua më 13 prill dhe ka renditur 17 emra të njohur të fushave të ndryshme, shkruan lajmi.net.

Listën e kryeson Capital T, ndërsa e përfundon Seven Saraqi.

Shpesh herë ai vjen në Shqipëri për të trajnuar edhe repartet speciale të Policisë së Shtetit.

“Close combat, ose luftim në distancë të afërt, është një domosdoshmëri sepse bart njëfarë sigurimi tek polici dhe shpëton jetën e tij, të kolegut dhe të personave të tjerë pranë”, thotë Gjonaj.

Por çfarë mendimi ka instruktori Gjonaj për policinë shqiptare?

“Policia shqiptare është shumë e përgatitur, por jo vetëm ajo por gjithë policitë në mbarë botën kanë nevojë për trajnime të ndryshme për të rritur nivelin e profesionalizmit dhe shkallën e sigurisë. Unë tani jam instruktor i instruktorëve, trajnoj dhe certifikoj instruktorët e policive dhe shoh se programet e reja janë shumë të rëndësishme dhe të nevojshme për çdo polici, edhe për atë shqiptare”,- nënvizon Gjonaj.

Përveç Forcave të Ndërhyrjes së Shpejtë, instruktori Gjonaj ka zhvilluar trajnime edhe me repartin RENEA dhe njësinë Shqiponja.

Gjykata e Tiranës ka deklaruar fajtor për “korrupsion” një ish-mjek të spitalit “Shefqet Ndroqi” në kryeqytet, i njohur edhe si Sanatoriumi.

Sipas Gjykatës, ai kishte marrë shuma nga 1-6 mijë lekë nga pacientë, të cilëve u kishte ofruar shërbim mjekësor, në zbatim të detyrës së tij funksionale, shkruan “Panorama”.

Hetimi ndaj mjekut Albert Leka nisi në shkurt të vitit 2015, pas një denoncimi të bërë në postën elektronike të Kryeministrit, Edi Rama, nga ana e një ish-mjekeje të këtij spitali.

Sipas vendimit të shpallur pak ditë më parë, i pandehuri Leka, i gjykuar në gjendje të lirë, u fajësua për akuzën e “korrupsionit pasiv të personave që ushtrojnë funksione publike” dhe u dënua me 2 vjet burg, dënim që u ul në 1 vit e 4 muaj burg për shkak të gjykimit të shkurtuar.

Leka nuk do të shkojë në qeli, pasi përfundimisht gjykata vendosi pezullimin e ekzekutimit të dënimit me burg, duke e lënë në Shërbimin e Provës për një periudhë 3-vjeçare. Referuar vendimit, në shkurt të vitit 2015, në e-mailin e Kryeministrit është përcjellë një ankesë e një ish-mjekeje të spitalit “ShefqetNdroqi”, ku denoncohej një rast korrupsioni nga mjekë të këtij spitali. Pas këtij momenti, e-maili i është dërguar Seksionit Kundër Korrupsionit, në rrugë elektronike, në Drejtorinë e Policisë së Qarkut Tiranë, për veprime të mëtejshme hetimore.

Nga deklaratat e ish-mjekes, ka rezultuar se: Shtetasit P. H. dhe Albert Leka, me profesion doktorë të imazherisë në spitalin “Shefqet Ndroqi” Tiranë abuzojnë me detyrën, pasi kryejnë dhe ofrojnë shërbimin e skanerit, grafisë dhe ekos, duke përfituar shuma të konsiderueshme parash nga qytetarë të ndryshëm, të cilët në të vërtetë duhet të paguajnë për këtë shërbim në buxhetin e shtetit, me mandatpagesat përkatëse.

Në lidhje me këtë fakt, Gjykata e Tiranës, më 25 shkurt 2015, ka pranuar kërkesën e prokurorisë për lejimin e përgjimit të bisedave me mjete teknike, audio ose video, në ambientet e Imazherisë në spitalin “Shefqet Ndroqi”, Tiranë, me afat 15 ditë.

“Nga procesverbalet e transkriptimit të përgjimit, pamjeve filmike të personit nën hetim, Albert Leka, është provuar se pacientët nxirrnin kartëmonedhat e prerjeve të ndryshme dhe ia linin në tavolinë të pandehurit, që më vonë ky i fundit i fuste në sirtar, pastaj në xhepin e tij.

Po sipas këtyre procesverbaleve të transkriptimit, ka rezultuar se në këto ambiente janë zhvilluar vizita nga doktori, i pandehuri Albert Leka, dhe në përfundim të tyre, qytetarët kanë paguar shuma të ndryshme parash nga 1000 deri në 6000 lekë, secili rast”, thuhej në vendimin e gjykatës. Më tej, gjykata arsyetonte se nisur nga këto të dhëna, rezulton se i pandehuri Albert Leka u ka kërkuar përfitime të paligjshme në funksion të detyrës së tij pacientëve të ndryshëm, të cilëve u ofron shërbimin.