Andueli

Në kuadër të “Ditëve Letrare të Razmës” që organizohen në Razëm më 26-28 maj 2017, Departamenti i Komunikimit dhe Marrëdhënieve Publike në Universitetin Europian të Tiranës organizon konferencën Kombëtare Shkencore “Kujtesa dhe Letërsia” dhe Institucioni Europian PASHKO jep çmimin “KADARE” 2017 për prozën shqipe.

Çmimi “Kadare” në letërsinë shqipe, i kthyer tashmë në traditë, këtë vit vjen me disa risi.

Dhënia e çmimit për prozën më të mirë shqipe, që mbështetet nga Institucioni Europian PASHKO në UET, bëhet gjatë organizimit të “Ditëve Letrare të Razmës” që mbahen në Razëm më 26-28 maj 2017.

Po gjatë këtyre ditëve do të zhvillohet edhe konferenca Kombëtare Shkencore “Kujtesa dhe Letërsia”, organizuar nga Departamenti i Komunikimit dhe Marrëdhënieve Publike në Universitetin Europian të Tiranës.

Konferencë shkencore për letërsinë

Ditët letrare të Razmës në vitin e tretë do të kthehen në një konferencë shkencore të mirëfilltë, të organizuar nga Departamenti i Komunikimit dhe Marrëdhënieve Publike në Universitetin Europian të Tiranës me temë “Kujtesa dhe Letërsia”.

Shefja e këtij departamenti Dr.Belina Budini, thotë se “kjo është një risi që tenton që përveç promovimit të letërsisë shqipe të vendosë përballë edhe kritikën dhe studimin e kësaj letërsie”.

“Ne ftojmë të gjithë studiuesit e letërsisë që të bëhen pjesë e kësaj konference duke aplikuar pranë këtij departamenti”.

Në fund të konferencës, referimet do të përzgjidhen nga bordi shkencor për t’u botuar në revistën Polis”. Kjo nismë e UET-it vjen në kuadër të zgjerimit të tij dhe me një degë të veçantë për letërsinë që pritet të hapet vitin tjetër akademik.

Ndryshon juria e çmimit “Kadare”

Çmimi “Kadare” me vlerë 10 mijë euro, që akordohet nga Instituti Europian PASHKO në UET për prozën më të mirë, shënon këtë vit edicionin e tretë.

Ai është marrë nga shkrimtari Rudolf Marku dhe Shkëlqim Çela në dy edicionet e shkuara.

Juria vjen me një përbërje të re dhe me kryetar të ri.

Shkrimtari Bashkim Shehu i është bashkangjitur kësaj jurie duke marrë dhe kryesimin e saj.

Më tej në përbërje të saj janë studiuesi dhe shkrimtari Agim Baçi, shkrimtari Ylljet Aliçka, studiuesja dhe gazetarja Mirela Oktrova dhe Ledia Dushi, poete, përkthyese e studiuese e letërsisë.

Juria është mbledhur disa herë që pas lançimit të çmimit “Kadare” 2017 dhe deri më tani ka marrë në dorëzim 15 dorëshkrime për këtë konkurs.

Deri më datë 10 maj juria mirëpret shkrimtarët shqiptarë nga të gjitha trevat shqiptare që të dorëzojnë dorëshkrimet e tyre në emailin: [email protected].

Një shpërthim i fuqishëm ka tronditur mesditën e sotme vendin ku qëndrojnë autobusët e evakuimit në Alepo të Sirisë.

Siç raportojnë mediat ndërkombëtare janë dhjetëra presona të vdekur si pasojë e këtij sulmi tragjik të ndodhur në Alepo të Sirisë.

Televizioni sirian ka bërë të ditur se janë shumë njerëz të vdekur, ndërsa lajmi është konfirmuar edhe nga Observatori sirian për të Drejtat e Njeriut.

Një 63-vjeçar nga Përmeti i dha fund jetës në mënyrë tragjike mëngjesin e sotëm, duke u hedhur nga dritarja e dhomës në spitalin rajonal “Omer Nishani”, në Gjirokastër.

Dëshmitarët në vendngjarje, të cilët kanë parë gjithë skenën e tmerrshme janë shprehur se i ndjeri ndodhej i shtruar në spital në pritje për tu operuar nga hernia diskale prej disa ditësh, ndërsa operacioni i tij ishte shtyrë për shkak të mungesës së anestezistëve.

Momentin që vendosi të kryente vetëvrasjen duke u hedhur nga ballkoni i dhomës, siç shkruan Jugu News, Gëzim Malkaj ka ngritur zërin disa herë dhe ankohej për dhimbje të mëdha në zonën e poshtme në rrëzë të kofshës dhe kërkonte që të ndërhyhej sa më shpejt.

Pas një situate shumë të rënduar dhe depresionit të madh mendor, Gëzimi, është dëgjuar të thotë: “Unë po shkoj se vetëm kështu do më pushojnë dhimbjet”.

Shokët e dhomës kanë nxituar të ndalojnë aktin e Gëzimit por e kanë pasur të kotë pasi 63 vjecari, ka kapërcyer kangjellat e hekurta të ballkonit të dhomës ku akomodohej dhe u hodh poshtë me kokë.

Familjarët e të ndjerit, mësohet se direkt pas ngjarjes, kanë tërhequr dosjen mjekësore të Malkajt me pretendimin se do ta bënin problem shkakun që solli vdekjen e njeriut të tyre.

Malkajt i është komunikuar dje se do të hynte në sallën e operacionit mëngjesin e të martës pasi e hëna si pushim nuk do të kryheshin operacione të planifikuara.

Policia e Gjirokastrës ka shkuar në vendngjarje dhe ka marrë në pyetje pacientët e dhomës ku akomodohej viktima, por edhe kirugët e spitalit. Sipas grupit hetimor, vdekja ka ardhur si pasojë e hedhjes nga ballkoni me lartësi 13 metra në kushtet e depresionit mendor.

Gjatë ditëve të fundit është folur shumë për fundin e botës dhe për Luftën e Tretë Botërore. Këto dy problematika nuk duhet të na kapin në befasi, nëse i referohemi gjithmonë skenarit aktual politik botëror, i cili është mjaft i ashpër e i acaruar  nëse kujtojmë presionet e situatës mes Rusisë, SHBA-ve e Koresë së Veriut.

Kohë më parë u bë viral lajmi se Nostradamusi parashikonte shumë shpejt nisjen e Luftës së Tretë Botërore. Por gjërat kanë ndryshuar edhe më shumë pas profecive të Horacio Villegas,  i cili e përshkruan veten e tij si “i dërguari i Zotit”. Ai është një mistik i vetëshpallur që parashikoi se Trump do të zgjidhej president dhe tani pretendon se e ka një datë për Luftën e Tretë Botërore.

Duke folur për Trump në vitin 2015, Horacio kishte shkruar se ai do të zgjidhej president dhe do të bëhej “mbreti i illuminatit” para se ta fusë botën “në një luftë të tretë botërore”. Por ai është edhe më specifik se kaq. Ai parashikoi edhe sulmin e Trump në Siri para se të ndodhte javën e kaluar, ku 60 raketa Tomahavk u lëshuan kundër regjimit të Asadit. Horacio shtoi se ky sulm do ta fuste Rusinë, Korenë e Veriut dhe Kinën në një konflikt.

Por kur do të nisë lufta botërore? Ai thotë se data është 13 maj – në përvjetorin e 100-të të vizitës së Virgjëreshës Mari, nënës së Jezusit, në Fatima, Portugali. Pretendohet se Virgjëresha Mari vizitoi Fatiman, në gjashtë raste të ndryshme. Rasti i fundit ishte më 13 tetor, 1917 kur ajo njoftoi se “lufta do të përfundojë dhe ushtarët së shpejti do të kthehen në shtëpitë e tyre”.

Horacia, që ka përdorur profetë të ndryshëm, filozofë dhe referenca nga bibla në studimet e tij, mendon se 100 vjetori i paraqitjes së fundit të Virgjëreshës Mari shënon fillimin e luftës botërore. Ai shpjegoi: “Mesazhi kryesor që njerëzit duhet ta dinë në mënyrë që të jenë të përgatitur është se mes 13 majit dhe 13 tetorit 2017, do të ndodh luftë me një shkatërrim të madh, tronditje dhe vdekje”.

Shtypi grek  sot ka zbardhur të tjera detaje për trafikantët e përfshirë në këtë veprimtari kriminale.

Mediat shkruajnë se biznesmenë grekë janë të lidhur me mafien shqiptare të trafikut të drogës.

Mes shtetasve grekë të arrestuar janë një avokat nga Pireu dhe dy vëllezër, anëtarë të një familje të njohur të biznesit në Athinë. Ndërsa në pranga kanë rënë edhe shqiptarë.

Kjo spirale droge funksiononte në trekëndëshin Greqi-Shqipëri-Itali. Autoritetet greke kanë dyshime të forta se organizata ka lidhje me grupin e zbuluar pak muaj më parë, që kontrabandonte të ashtuquajturën “drogë për xhihadistët”.

Sipas mediave greke, dy vëllezërit biznesmenë kanë mbajtur një profil të ulët, nuk shfaqeshin shumë në publik dhe nuk kanë prapavijë kriminale. Gjithashtu, edhe avokati i njohu grek, identiteti i të cilit nuk bëhet publik, raportohet se nuk bëri rezistencë dhe ishte jashtëzakonisht i qetë në momentin e arrestimit.

Përfaqësuesja e Shqipërisë në Eurovision, Linda Halimi ka shkëlqyer në performancën e mbajtur në Spanjë.

Ajo ka interpretuar këngën e saj “World” me të cilën përfaqëson Shqipërinë në Eurovision, Koha.net.

Linda Halimi përmes një postimi në Facebook ka falënderuar publikun e kryeqytetit spanjoll për atmosferën e krijuar.

“E kam dhënë maksimumin që të mos emocionohem, por Madridi ka pasion dhe ndjeva çdo brohoritje atje. Faleminderit Madrid, nuk më pritet të kthehem”, është shprehur ajo.

Lajmi i fundit ka tronditur botën e futbollit. Futbollisti i kombëtares së Panamasë, Amilcar Henriquez është qëlluar për vdekje në vendin e tij Colon, njoftojnë zyrtarët e policisë,

Autoritetet thonë se mesfushori 33-vjeçar po largohej nga shtëpia e tij kur një person i armatosur qëlloi atë disa herë. Në këtë atentat kanë mbetur të plagosur edhe dy persona të tjerë, ndërkohë që ende nuk janë të qarta arsyet e këtij ekzekutimi mafioz.

Henriquez u dërgua në një spital aty pranë publik ku ai më vonë vdiq.

Vrasja e mesfushorit u konfirmua të shtunën nga Didacio Camargo, shefi i shtypit për Policinë Kombëtare të Panamasë.