Andueli

48 të shtruar në 2 spitalet COVID/ Ndërron jetë 90-vjeçari, viktima e 25-të në vend

Lajmi i fundit, Shendetesi / /

Mëngjesin e sotëm ka ndërruar jetë në Spitalin Infektiv një pacient 90-vjeçar nga Fieri, i intubuar prej 11 ditësh i cili vuante nga diabeti, astma bronkiale dhe hipertensioni.

Pavarësisht perpjekjeve te stafeve mjekesore, 25 qytetarë e kanë humbur betejën me këtë sëmundje.

Lajmi është konfirmuar nga ministria e Shëndetësisë dhe Mbrojtjes e cila ka bërë të ditur po ashtu se “gjatë 24 orëve të fundit, 3 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 251. Ju informojmë se, në shërbimin infektiv aktualisht janë 39 të shtruar. 5 pacientë janë në terapi intensive’.

Në spitalin COVID 2 “Shefqet Ndroqi”, janë 9 pacientë të shtruar. 7 pacientë janë në terapi intensive, ndërsa 4 prej tyre janë të intubuar.Në dy spitalet COVID aktualisht po marrin shërbim 48 pacientë.

Pavarësisht rritjes me 19 raste të reja në 24 orët e fundit, ka një numër të qendrueshëm të rasteve në spital raporton ministria e Shëndetësisë./atsh

48 të shtruar në 2 spitalet COVID/ Ndërron jetë 90-vjeçari, viktima e 25-të në vend Read More »

Shahini për testin e maturës: Jo pyetje për tema që nuk janë zhvilluar në shkollë

Aktualitet, Arsim / /

Ministrja e Arsimit, Sportit dhe Rinisë, Besa Shahini përmes një video-mesazhi ka adresuar çështjet e testit të maturës dhe tabletave në shkolla.

“Siç ju kemi njoftuar, në testin e maturës nuk do të ketë pyetje, të cilat janë mbuluar gjatë kohës që kemi mësuar në kushte shtëpie. Pra, në testin e maturës do të kemi pyetje nga klasa e 10-të, 11-të, si dhe nga klasa e 12-të për temat që janë zhvilluar sa kemi qenë ende duke mësuar në shkollë. Kjo për arsye se e kuptojmë që zhvillimi i koncepteve të reja në kushte shtëpie është i vështirë. Jo të gjithë nxënësit kanë mësuar mbi temat e reja në tempo dhe me të njëjtën cilësi. Ndaj që të jemi të drejtë, kemi vendosur që t’i heqim këto nga testi i matures”, ka thënë.

Shahini u shpreh se edhe “pse nuk po i përdorim tabletat që i kemi në disa shkolla, për t’u ardhur në ndihmë nxënësve që nuk kanë qasje në telefon smart, tabletë apo laptop që edhe ata të mund të zhvillojnë mësimin në kushte shtëpie”.

Në lidhje me këtë, shahini sqaroi se “janë rreth 60 shkolla që para shumë vitesh kanë filluar një projekt me disa tableta që kanë themeluar klasa digjitale. Pra, janë rreth 120 klasa digjitale dhe në ato shkolla nxënësit bëjnë lëndët e ndryshme duke përdorur edhe tabletin. Pra, është një formë tjetër e punës në kushte shkolle. Është e vështirë të nxirren ato tableta nga shkolla dhe t’u dërgohen nxënësve që nuk kanë një pajisje, sepse e para, ata janë pronë e shkollës dhe administrativisht është pak e vështirë, por këtë edhe do ta kishim tejkaluar disi. Praktikisht, është gati e pamundur sepse ato kanë një sistem që karikohen në një stacion brenda klasës, pra nuk kanë karikues mobil që ta çojnë në shtëpi. Dhe perderisa nxënësi nuk mund ta kthejë çdo ditë në shkollë për karikim, ai thjesht bëhet i papërdorshëm. Për fat të keq, kjo nuk është një mënyrë që mund t’u vijmë në ndihmë nxënësve që nuk kanë pajisje digjitale në shtëpi, por po bëjmë të pamundurën që në diskutim me kompani të ndryshme që janë ofruar edhe vullnetarisht të na vijnë në ndihmë, të gjejmë mënyrën më të mirë për të siguruar qasje në mësim digjital për të gjithë nxënësit”./atsh

Shahini për testin e maturës: Jo pyetje për tema që nuk janë zhvilluar në shkollë Read More »

16 të shëruar në 24 orët e fundit, rritet në 248 numri në total

Aktualitet, Lajmi i fundit, Shendetesi / /

Gjatë 24 orëve të fundit, 16 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 248.

Eugena Tomini, Shefe e Survejancës dhe Shërbimit të Inteligjencës Epidemike në ISHP ka njoftuar se është rritur në 248 numri i të shëruarve. “Gjatë 24 orëve të fundit, 16 pacientë të tjerë i janë shtuar listës së të shëruarve”,- tha Tomini.

“Është e rëndësishme që masat e kontrollit të infeksionit duhet të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye, për të parandaluar transmetimin e COVID-19. Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40”, tha Tomini.

“Ministria e Shëndetësisë dhe Mbrojtjes Sociale u kërkon qytetarëve të vijojnë të respektojnë masat e distancimit social. Në këto momente kërkohet përgjegjshmëri nga ana e qytetarëve për të respektuar distancën e nevojshme mes njëri tjetrit dhe ruajtjen e higjienës personale.”,- nënvizoi Tomini/atsh

16 të shëruar në 24 orët e fundit, rritet në 248 numri në total Read More »

15 pacientë të shëruar në 24 orët e fundit, 52 të shtruar në dy spitalet COVID

Aktualitet, Lajmi i fundit / /

Gjatë 24 orëve të fundit, 15 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 232.

Ministria e Shëndetësisë ka bërë të ditur se në shërbimin infektiv aktualisht janë 43 të shtruar. 7 pacientë janë në terapi intensive, ndërsa 2 prej tyre janë të intubuar.

Në spitalin COVID 2 “Shefqet Ndroqi”, janë 9 pacientë të shtruar. 7 pacientë janë në terapi intensive, ndërsa 5 prej tyre janë të intubuar.

Në dy spitalet COVID aktualisht po marrin shërbim 52 pacientë. Ndërkaq, betejën me këtë sëmundje e kanë humbur deri tani 23 qytetarë, megjithë përpjekjet e jashtëzakonshme të personelit shëndetësor./atsh

15 pacientë të shëruar në 24 orët e fundit, 52 të shtruar në dy spitalet COVID Read More »

Harta e të prekurve me COVID-19 zgjerohet në Tiranë, Shkodër, Durrës e Has

Aktualitet, Lajmi i fundit, Shendetesi / /

Harta e të prekurve nga COVID-19 është zgjeruar në Tiranë me 6 raste, Shkodër 13 raste, Durrës me 1 rast dhe Hasi me 1 rast.

Ministria e Shëndetësisë dhe Mbrojtjes Sociale ka informuar se rastet e identifikuara në 24 orët e fundit janë kontakte të rasteve të mëparshme të prekura me COVID-19, ndërkohë që vazhdon procesi i hetimit epidemiologjik në terren.

Ministria e Shëndetësisë dhe Mbrojtjes Sociale u ka kërkuar qytetarëve të vijojnë të respektojnë masat e distancimit social. Zgjerimi i fashës orare të lëvizjes është një lehtësim që kërkon përgjegjësi nga ana e qytetarëve për të respektuar distancën e nevojshme mes njëri tjetrit, ruajtjen e higjienës personale.

“Është e rëndësishme që masat e kontrollit të infeksionit duhen të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye, për të parandaluar transmetimin e COVID-19. Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40”,-u shpreh drejtoresha e Institutit të Shëndetit Publik, Albana Fico./atsh

Harta e të prekurve me COVID-19 zgjerohet në Tiranë, Shkodër, Durrës e Has Read More »

“Heronj shqiptarë”, Albi Rema me orë të zgjatura në vijën e parë të frontit kundër COVID-19

Aktualitet, Shendetesi / /

Albi Rema nga Njësia 9 punon Operator Koordinator pranë Urgjencës në QSUT, në vijën e parë të frontit të luftës kundër COVID-19.

Deputeti i Partisë Socialiste, Ervin Bushati, përmes rubrikës “Heronj shqiptarë”, ndau sot shembullin e Albi Remës, i cili punon me orë të zgjatura në shërbim të pacientëve.

Bushati tha se me korrektësinë e tij ai bën një punë me 3 turne dhe më këto detyra funksionale: hedhjen e të dhënave të pacientit në sistemin online të punës; bëhen shtrimet, transferimet e pacientëve në pavione të ndryshme sipas diagnozës së tyre; jep informacione për vendndodhjen e pacientit; hedh në sistem terapitë online; bën kostot dhe fletë daljet nga spitali, e shumë të tjera.

“Për luftën me COVID-19, deri tani në Urgjencën 1 e kemi menaxhuar në mënyrë shumë mirë situatën duke marrë masat e përcaktuara nga Protokolli Mjekësor. Ne, si Urgjenca e Zemrës dhe Tensionit, rastet me COVID-19 i transferojmë direkt në Infektiv apo Sanatorium. Për mua është kënaqësi kur i jap informacion familjarëve kur pyesin pacientët”, shprehet Albi./atsh

“Heronj shqiptarë”, Albi Rema me orë të zgjatura në vijën e parë të frontit kundër COVID-19 Read More »

“Bukuri njerëzore”/ Rama ndan historinë frymëzuese të kryeinfermieres Ana Luca, që la postin e administratores së spitalit dhe u kthye në detyrë

Aktualitet, Shendetesi / /

“Bukuri njerëzore”, kështu e cilësoi Kryeministri Edi Rama historinë e Ana Lucës, kryeinfermieres në Spitalin Infektiv, e cila la me dëshirë postin si administratore e spitalit polivalent në QSUT dhe shkoi drejt e në zemër të Covid -19.

Ana Luca u rikthye në profesionin e saj, duke zëvendësuar kolegen që u prek nga koronavirus. “Isha me leje të zakonshme, kur mora vesh lajmin për rastet e para të infektuar në Shqipëri . Të nesërmen u ktheva menjëherë në punë dhe kërkova të rikthehesha në profesionin tim, atë të infermieres në spitalin Infektiv”, shprehet Ana”.

“Unë besoj në Zot”, kjo është thënia që Ana nuk harron asnjë ditë ta shkruaj te maska e saj, kur futet për të kryer shërbimin në ambientet e Spitalit Infektiv.

Orët e gjata të punës, 12 por ndonjëherë edhe 14 orë, nuk ja kanë zbehur shpresën se çdo gjë do kalojë shpejt e do takojë sërish të birin, të cilin nuk e ka parë prej 1 muaji nga frika se mos sëmuret dhe infekton edhe atë.

Momenti kur flet për merakun e të birit, është i vetmi kur heq buzëqeshjen nga fytyra dhe përlotet.

Brenda ambienteve të spitalit ku kurohen të prekurit me COVID, Ana nuk harron të shpërndajë edhe optimizmin dhe pozitivitetin e saj, pasi siç thotë ajo ai staf mjekësor është e vetmja familje për të prekurit nga COVID-19.

Ana Luca e mbyll rrëfimin me fjalët: “Dalshim të gjithë faqebardhë”./atsh

“Bukuri njerëzore”/ Rama ndan historinë frymëzuese të kryeinfermieres Ana Luca, që la postin e administratores së spitalit dhe u kthye në detyrë Read More »

Mjeku shqiptar në SHBA: Pastërtia dhe higjiena, të rëndësishme për t’u mbrojtur nga COVID-19

Aktualitet, Shendetesi / /

“Kujdesi kurrë nuk është i tepruar; pastërtia dhe higjiena janë të rëndësishme për t’u mbrojtur nga COVID-19”

Mjeku kardiolog Sulejman Çele në një intervistë televizive nga Neë York tregon për betejën profesionale me Covid-19.

I veshur me veshjen speciale, ai u shpreh se ka frikë edhe për familjen kur shkon në shtëpi, duke u ndërruar në garazh.

“Po kemi frikë, pasi frika është një ndjenjë humane, është e vërtetë që frikë kemi të gjithë. Do të bëjmë ç’është e mundur për pacientët. Siç e shihni tani jam me uniformë dhe po mbrohem siç e kërkojnë të gjitha standardet, por kemi frikë, por edhe kujdes me pacientët. Kujdesi kurrë nuk është i tepruar, pastërtia higjiena. Kam frikë kur shkoj në shtëpi, për familjen, ndërrohem në garazh, bëj dush, që të mbrohem” u shpreh mjeku.

Çele shpreson që situata të mbarojë sa më shpejt dhe sipas tij në zona e New York është në momentin e kulmit. Por Amerika është një kontinent dhe nuk mund të thuhet se do e kalojë shpejtë COVID-19./atsh

Mjeku shqiptar në SHBA: Pastërtia dhe higjiena, të rëndësishme për t’u mbrojtur nga COVID-19 Read More »