Andueli

Konsullata e Përgjithshme e Republikës së Shqipërisë në Selanik ka ofruar plot 354 shërbime.

“Shifra që nuk kërkojnë koment këtë të diel të datës 14 qershor. Së bashku me asistencën e stafit konsullor në shërbim të moshës së tretë si dhe qytetarëve me aftësi të kufizuara. 79 aplikime për pajisjen me Pasaportë dhe Kartë ID. 147 shpërndarje pasaportash dhe 128 ID për qytetarët që kanë aplikuar deri më 24 maj 2020. Plot 354 shërbime”, theksoi Konsullata në Selanik.

“Shkurtim i kohës së pajisjes me dokumenta identifikimi. Falenderim i veçantë stafit por sidomos qytetarëve për respektimin e radhës, rregullave dhe distancimit fizik”, u shpreh Konsullata.

Konsullata thekson, “vlerësimin special për “ALEAT”, Kompaninë e prodhimit të Pasaportave si dhe për strukturat e Ministrisë për Evropën dhe Punët e Jashtme për bashkëpunimin dhe angazhimin me hallet e qytetarëve shqiptarë për prodhimin në kohë rekord të dokumentave të identifikimit”.

Dhe bashkë me këtë vlerësim, Konsullata jep edhe njoftimin e radhës. Për mbërritjen e Pasaportave dhe Kartave ID për të gjithë qytetarët që kanë aplikuar deri më 31 maj 2020, shpërndarja e tyre do të bëhet, çdo ditë, E hënë – E premte ora 13:00-17:00, ditën e shtunë nga ora 9.00 deri 15.00, dhe ditën e diel nga ora 9.00 deri 13:00 si dhe me postë./atsh

Sipas Shërbimit Meteorologjik Ushtarak, për ditën e diel moti parashikohet i kthjellët me vranësira mesatare më tepër prezente në orët e mesditës deri në pasdite.

Parashikohen reshje shiu të izoluara në alpe dhe veri në orët e nxheta të ditës.

Era do të fryjë me drejtim veriperëndim 1-10 m/sek, kryesisht në bregdet në orët e mesditës deri në pasdite. Valëzimi i forcës 2-3 ballë.

Temperaturat parashikohen:

QYTETET Temperaturat në °C Sigla
Shkodër 17/29 re diell
Kukës 15/28 re diell
Lezhë 19/28 re diell
Dibër 13/27 re diell
Durrës 17/29 re diell
Tiranë 17/30 re diell
Elbasan 16/30 re diell
Berat 12/30 re diell
Vlorë 17/29 re diell
Korçë 11/26 re diell
Gjirokastër 11/30 re diell
Sarandë 16/29 re diell/atsh

Ministrja e Financave dhe Ekonomisë Anila Denaj, e vijoi edhe sot turin e komunikimeve të drejtpërdrejta me biznesin për të qenë pranë tyre me mbështetjen financiare të Qeverisë për punonjësit, me zbatimin e Garancive Bankare dhe për të dëgjuar nevojat për të ardhmen.

Kryeministri Edi Rama publikoi pamje nga vizitat e ministres Denaj me biznesin, ndërsa bëri të ditur se jemi gati të vëmë në lëvizje planin kombëtar “Shqipëria 2030”, për rimëkëmbjen dhe zhvillimin e ri ekonomik e social të Shqipërisë.

Ministrja Denaj i njohu përfaqësuesit e biznesit me mundësitë për të përfituar nga garancitë sovrane të akorduara nga qeveria në ndihmë të biznesit për pagat, por edhe për investimet, si dhe me urdhërin e firmosur nga Kryeministri dhe Banka e Shqipërisë për shtyrjen edhe me tre muaj të tjerë të pagesës së kësteve të kredive

Një nga përfaqësuesit e biznesit i komunikoi ministres Denaj se Banka i kishte kërkuar të niste pagesën e këstit të kredisë për muajin qershor.

Denaj e informoi atë se Kryeministri dhe Guvernatori i Bankës së Shqipërisë kanë firmosur për ndërprerjen edhe për një tremujor tjetër pagesën e kësteve të kredive.

“Përpiquni të negocioni me bankat për tre muaj të tjerë. Përfitoni, sepse kjo marrëveshje është realizuar dhe këmbëngulni. Sigurisht ai është detyrim dhe si i tillë duhet paguar. Por ngrirja e kësteve të kredive, pagesa e pagave dhe garancia sovrane për paga dhe investime ju ndihmojnë“, u shpreh ministrja Denaj.

Sipas Denaj, e gjithë përpjekja për tu ringritur do të kërkojë pak kohë, e durim. Sikurse e kapërcyem mbylljen, vijoi ministrja, duhet të jemi të kujdesshëm edhe gjatë kësaj periudhe kohe për të ruajtur veten me maska e doreza, sepse asnjë nga ne nuk do të dëshironte të mbyllej.

“Paralelisht duke respektuar masat të kthejmë mbrapa edhe klientelën”, tha ajo.

Ministrja u ndal edhe në një tjetër biznes i cili kishte përfituar bonusin prej 40 mijë lekësh për punonjësit e tij.

“Kemi vënë re nga disa vizita që jo të gjitha bizneset e dinë që qeveria shqiptare ka mundësuar një garanci për kredi që bankat e nivelit të dytë mund të ju a japin me risk më të ulët sepse kanë garancinë“, tha Denaj.

Nëse ju e shikoni se vështirësia operacionale nuk përballohet em nivelin e xhiros, tha Denaj, shkoni në bankë adresoni nevojën për garancinë e dytë e cila është një garanci e mundësuar që prej muajit maj

“Është një garanci ku bankat vënë 40 % të riskut dhe qeveria vendos 60% të riskut. Për 6 muaj biznesi nuk paguan interes dhe kjo mundëson që për këtë periudhë ti nuk ke presionin e shlyerjes. Do të thosha që janë mundësi që duhet ti shfrytëzojmë“, deklaroi ministrja./atsh

Programi IPARD II i bashkëfinancuar nga qeveria shqiptare dhe BE, me një total financimi prej 94 milionë euro ka transformuar zhvillimin e sektorit të bujqësisë në vendn tonë në shumë drejtime biznesi dhe ka nxitur punësimin e të rinjve.

Mnistria e Bujqësisë dhe Zhvillimit Rural, po përgatitet të hapë thirrjen e tretë në programin IPARD II, pas realizimit me sukses të dy thirrjeve të para të këtij programi që financon nga 50-70% të vlerës së investimit për tre masa mbështetëse: Investime në fermë, agropërpunim dhe agroturizëm.

Aktualisht Agjencia e Zhvillimit Bujqësor dhe Rural, (AZHBR) zbatuese e këtij Programi po punon krahas shqyrtimit të e 371 aplikimeve me një kërkesë për fond prej 82.4 milionë euro, edhe për hapjen e një thirrje tjetër, përtej pritshmërisë pozitive të zbatimit të IPARD për thirrjen e Tretë në mbështet të masave të reja mbështetëse për fermerët.

Aktualisht në thirrjen e Dytë për Masa 1 janë kryer 148 aplikime, me 23.25 milion euro; Masa 3: 93 aplikime me 34.53 milionë euro dhe Masa 7: 130 aplikime me 24.62 milionë euro.

Programi synon të mbështesë fermerët, shoqëritë e bashkimit bujqësor, stabilimentet e përpunimit ushqimor, personat fizikë, juridikë, mikro-sipërmarrjet dhe sipërmarrjet e vogla private jo bujqësore që kryejnë investime në sektorin bujqësisë.

Investimet përfshijnë prodhimin dhe përpunimin në sektorin e qumështit, mishit, fruta perimeve, vreshtave, investime mund të kryhen në akuakulturë, si dhe në lidhje me shërbimet për popullsinë e zonave rurale, turizmin natyror, si dhe prodhimin e energjisë së rinovueshme./atsh

Ministri i Turizmit dhe Mjedisit, Blendi Klosi informoi sot gjatë një takimi të zhvilluar me hotelierët e Sarandës se banorëve të qytetit bregdetar po iu rikthehet plazhi kryesor i qytetit.

Klosi tha se në këtë plazh publik, bashkia do të marrë përsipër sigurimin e higjienës dhe ruajtjen e jetës së qytetarëve.

“Po zbatojmë një nga premtimet e tij elektorale për të rikthyer plazhin kryesor të qytetit qytetarëve dhe plazhi kryesor i Sarandës këtë vit do të jetë pa pagesë për qytetarët e Sarandës dhe për pushuesit në këtë zonë, dhe bashkia do të marrë përsipër higjienën për plazhin, por edhe ruajtjen e jetës së njerëzve. Pra, një premtim i mbajtur dhe një plazh i afruar 100% qytetarëve të thjeshtë e të zakonshëm të këtij qyteti fantastik”, tha Klosi.

Nga ana e tij, kryetari i bashkisë së Sarandës, Adrian Gurma u shpreh se “është kjo hapësirë të cilën do t’ia dedikojmë qytetarëve. Është një premtim që ua kemi dhënë edhe gjatë fushatës elektorale, edhe në daljet e mia. Kështu që, nga sot e tutje, ky plazh do të jetë vetëm për qytetarët pa vendosje shezlongësh, kushdo mund të vijë dhe të akomodojë e të pushojë në këtë plazh. Është një vijë lineare rreth 500-600 metra, por nuk është vetëm, por edhe një pjesë tjetër që është në pjesën tradicionale të plazhit të ashtuquajtur ‘Pllakat’ që është monument natyre”.

Gjithashtu ministri Klosi gjatë këtij takimi shpjegoi dhe rregullat e sezonit turistik 2020 në kushtet e reja të pandemisë. Mënyrën si aplikohet te e-Albania për stacione të private plazhi dhe hartën dixhitale në funksion të një menaxhimi më të mirë të vijës bregdetar./atsh