Andueli

Mjeku Gjata: Laboratori i dytë gati prej kohësh, të rinjtë të ndërgjegjësohen për situatën e COVID

Shendetesi / /

Mjeku kirurg njëherazi edhe anëtar i Komitetit Teknik të Ekspertëve, Arben Gjata deklaroi se laboratori i dytë ishte gati prej kohësh dhe me rritjen e numrit të të infektuarve me COVID-19, u vu në dispozicion për kryerjen e testimeve.

Gjatë një interviste, Gjata tha se “që në fillim ka qenë gati i gatshëm laboratori në QSUT. Madje ne si universitet mjekësie kemi kontribuar pasi një nga këto pajisjet PCR që janë aty, janë pikërisht të vëna në dispozicion nga universiteti i mjekësisë për COVID-19. Problemi ka qenë i thjeshtë, që numri i testimeve që bëheshin dhe kapacitetet që kishin ISHP mjaftonin, ose komiteti mendonte që mjaftonin për situatën COVID që kishim ne në atë periudhë. Me rritjen e rasteve dhe me përhapjen në formë pandemike të kësaj sëmundje lindi nevoja që të vihet në punë edhe laboratori dytë, që po ju them që ai laborator ka disa kohë që ka qenë i gatshëm për t’u vënë në punë’.

“Ne kaluam një fazë shumë të mirë të karantinimit ku kishim shifra shumë të mira përsa i përket lockdown të shpejtë që u ndërmor, edhe masat të shpejta që u ndërmorën dhe pikërisht solli një relaksim total të shoqërisë dhe shumë njerëz menduan që COVID është një shaka, është një sëmundje që mori fund në Shqipëri dhe hapja, megjithëse të gjithë prisnim rritjen e shifrave me hapjen e aktivitetit social, ekonomik, kulturorë etj, u shoqërua me një pakujdesi totale të publikut për të respektuar masat antiCOVID. Nuk besoj se këtu ka qenë e pamjaftueshme sensibilizimi që është bërë për nga ana jonë publikut. Sensibilizimi që është bërë sepse mediat luajnë një rol shumë të rëndësishëm në këtë mes dhe sidomos hapja e studiove për lloj-lloj gjithollogësh të cilët edhe sot vazhdojnë të thonë që COVID nuk eKziston dhe shpeshherë janë edhe ata shkaktarë që sëmundja përhapet edhe që njerëzit pësojnë ato dëme të rëndësishme deri në vdekje që ka ndodhur deri tani”, tha ndër të tjera Gjata.

Ai shpjegoi se më tepër sesa rihapja e transportit publik, në rritjen e numrit të të infektuarve po luan një rol edhe pjesëmarrja e të rinjve në bare, kafene apo klubet e natës, të cilët sipas tij, refuzojnë të kuptojnë që i gjithë vendi ndodhet në një situatë pandemie.

“Nëse ne do të dalim në Tiranë dhe do të bëjmë një shëtitje nëpër lokale, nëpër klube ose nëse do të ikim nëpër klubet e natës sidomos në zonën e Bllokut, do të shohim me dhjetëra, me qindra djem e vajza të reja që nuk mbajnë asnjë maskë, që kërcejnë, këndojnë, vallëzojnë dhe kjo histori është edhe në zonat e jugut ku kam parë disa fotografi të party-ve që janë bërë ku janë me qindra njerëz që festojnë dhe që harrojnë që jemi në periudhë COVID. Nëse do të kishte një lloj afeksioni mbi numrat e të prekurve transporti urban, unë besoj që është më i ulët sesa këto që të them të drejtën kur i shoh më rrënqethet mishi, kur shoh ata të rinj e të reja që nuk mendojnë as për veten e tyre, as për familjet e tyre dhe jo më të mendojnë për shoqërinë”, tha Gjata. /atsh

Mjeku Gjata: Laboratori i dytë gati prej kohësh, të rinjtë të ndërgjegjësohen për situatën e COVID Read More »

Modernizimi i Emergjencave Civile me bazë logjistike të standardeve më të mira ndërkombëtare

Aktualitet / /

Modernizimi i Emergjencave Civile po vijon me pajisjen e këtyre strukturave me bazë logjistike të nivelit të parë të standardeve më të mira ndërkombëtare.

Kryeministri Edi Rama ndau sot disa foto nga pajisjet e reja dhe stërvitja në bazë të protokolleve të reja me të gjitha standardet ndërkombëtare.

“Vijon modernizimi i forcës sonë të Emergjencave Kombëtare, të cilat po plotësohen me një bazë logjistike të nivelit të parë dhe kanë nisur edhe stërvitjet në bazë të protokolleve të reja me të gjitha standardet ndërkombëtare”,- tha Rama.

Në muajin prill Emergjencat Civile u pajisën me flotën e re të autoambulancave, të cilat erdhën nga Turqia./atsh

Modernizimi i Emergjencave Civile me bazë logjistike të standardeve më të mira ndërkombëtare Read More »

Keto jane 2 shenjat e horoskopit që e kanë gjithmonë fatin me vete

Aktualitet / /

Astrologët thonë se shenjat e Horoskopit që vijojnë si më poshtë, e kanë gjithmonë fatin me vete.

Akrepi

Njëlloj si insekti me të njëjtin emër, edhe akrepi i horoskopit duket sikur pickon fatin dhe lumturinë. Edhe pse shquheni për qasjen tuaj jo fort pozitive, në situatat më të vështira duket sikur fati troket pikërisht në derën tuaj. Kjo gjë ju ka ndihmuar t’ua hidhni paq shumë situatave pa u sforcuar. Epo kot nuk thoni, është fati s’ke ç’i bën.

Shigjetari

Është një ndër shenjat më të përkëdhelura të fatit, edhe pse nuk është kurrë në kërkim të tij. Ia dilni të kaloni me sukses çdo sfidë, çdo situatë të vështirë pa u munduar fare. Duket sikur fati është gjithmonë në anën tuaj dhe ju mbron gjithmonë.

Keto jane 2 shenjat e horoskopit që e kanë gjithmonë fatin me vete Read More »

Takimi me të rinjtë/ Soreca: Vlora, qytet i projektuar drejt së ardhmes

Aktualitet / /

Lungomare, një nga projektet më të rëndësishëm të financuara nga BE-ja në Shqipëri, e ka rigjallëruar qytetin e Vlorës. Ai ka ndryshuar jetën dhe biznesin të shumë banorëve, si dhe ka krijuar mundësi të reja për të rinjtë.

Ambasadori i Bashkimit Europian në Tiranë, Luigi Soreca ishte në vlorë të mërkurën para fillimit të fushatës Europa është këtu, së bashku me kryebashkiakun e Vlorës, Dritan Leli. Ata u takuan gjithashtu me një grup të rinjsh që ishin të interesuar të dinin më shumë rreth Erasmus+ dhe programeve të tjera të financuara nga BE-ja për të rinjtë.

“Vlora është një qytet i projektuar drejt së ardhmes. Dhe roli i të rinjve është më i rëndësishëm se kurrë. Programet e shkëmbimit janë një nga mënyrat më të mira që ju të njihni Bashkimin Europian dhe pastaj të sillni përsëri në Shqipëri atë që keni mësuar”, tha ambasadori Soreca gjatë takimit./atsh

Takimi me të rinjtë/ Soreca: Vlora, qytet i projektuar drejt së ardhmes Read More »

Veliaj: Edi Rama do të fitojë më thellë në zgjedhjet e ardhshme, nuk diskutohet që PS është forcë e parë

Aktualitet, Opinione, Politike / /

Kryebashkiaku i Tiranës, Erion Veliaj shprehet i sigurt se mazhoranca do të fitojë edhe mandatin e tretë në zgjedhjet e ardhshme parlamentare.

Duke folur për emisionin “Pa protokoll” në Report tv, kryebashkiaku Veliaj deklaroi se Rama do të arrijë një tjetër fitore në 2021 për të vijuar bashkëpunimin edhe me pushtetin vendor.

“Unë mendoj se Edi Rama do të fitojë më thellë në zgjedhjet e ardhshme sepse mendoj se puna titanike për menaxhimin e pasojave të tërmetit, s’besoj se ka nevojë për fushatë. Unë mendoj për fitoren që të kemi një superfitore. Unë jam në këtë punë deri në vitin 2023. Edi Rama do ta fiillojë mandatin e tij në 2021 dhe do ta mbarojë në 2025. Për fitoren këtu nuk diskutohet që PS është forcë e parë. Ne do të synojmë 71 që është fitorja minimale apo 74- 75 që është fitorja komode. Jo komode për të qenë Edi Rama rehat, por komode për punë. Bovilla nuk do ishte inauguruar dje nëse ne do të ishim me atë koalicion që mua më tradhëtoi ditën kur ne miratonim atë investim”, tha Veliaj.

Duke folur për projektet në Bashkinë e Tiranës, Veliaj deklaroi se, në zonat me 24 orë ujë do nisë çmontimi i depozitave.

Veliaj tha se, sot 62 % e Tiranës furnizohet me ujë 24 orë dhe në këto zona do të nisë dhe çmontimi i depozitave në pallate.

“Kur unë mora bashkinë asnjë lagje nuk kishte ujë 24 orë. Sot ka 62% e Tiranës si Xhamlliku, rruga e Durrësit, Tregu çam, Myslym Shyri, Tirana e Re e shumë të tjera. Në zonat ku ka 24 orë ujë do të filloj pak nga pak dhe çmontimi i depozitave në pallat. Zonat e tjera që nuk kanë ujë 24 orë kanë një përmirësim në 15-16 orë furnizim me ujë”, tha Veliaj.

Sa i përket transportit urban, Veliaj tha se rritja e çmimit të biletës së autobusit me 10 lekë bëri që flota e tyre të shtohet me 50 %.

“Kemi pasur në Tiranë 200 autobusë me 30 lekë dhe sot kemi 300 autobusë me 40 lekë pra kemi një rritje të flotës me 100 mjete”, tha ai.

Veliaj tregoi edhe sesi se si po përballohet situata me pandeminë dhe projektet e reja për kryeqytetin.

Veliaj tha se në lidhje me pandeminë Bashkia ka bërë gjithçka që qytetit të mos i mungojë asgjë duke u adaptuar me situatën e re.

“Pandemia ka një kosto të paevitueshme si shtim i pastrimit, dezinfektimit, shtim i kostove për maskat e doreza në institucionet që në menaxhojmë, një ndryshim i buxhetit kur bëhet fjalë për të ardhura që prisje nga turistët, një situatë e vështirë. Çdo fundjavë bëhet dezinfektimi në kopshte e çerdhe që të jenë gati për javën kur rikthehen fëmijët. Tashmë kjo u bë një praktike punë dhe po adaptohemi dhe krahasuar me fillimin, tani po bëhet pjesë e një rutine. Për buxhetin është dashur që të shtyjmë disa investime në një apo dy rrugë dhe se shpenzimet janë fokusuar më shumë tek dezinfektimi dhe çështjet që lidhen me pandeminë. Kostoja ndryshon sa herë shtyhet pandemia dhe çdo gjë është në vazhdim, duhet të presim fundin e vitit për të bërë faturimin e saj. ndryshime dhe reflektime në buxhetë ka pasur vazhdimisht në varësi të situatës me pandeminë, por ndihem mire që qytetit nuk i ka munguar asnjë nga shërbimet”, tha Veliaj./atsh

Veliaj: Edi Rama do të fitojë më thellë në zgjedhjet e ardhshme, nuk diskutohet që PS është forcë e parë Read More »

Vija bregdetare, jo më një aksesor i ekonomisë sociale, por një nga shtyllat e forta të zhvillimit të vendit

Aktualitet, Turizem / /

Masterplani i zonës së bregdetit do të bëjë që plazhi të mos ketë vetëm detin dhe rërën, por t’i hapë rrugë dhe zhvillimit të shumë aktiviteteve të tjera, duke e kthyer vijën tonë bregdetare të konkurueshme me simotrat e saj europiane.

Kështu theksoi sot ministri i Turizmit dhe Mjedisit, Blendi Klosi në dëgjesën publike me grupet e interesit të zhvilluar në Spille.

“Një pasuri e madhe që nuk mund të lihet të zhvillohet papasur plane të menaxhuara saktë të pa ndërtuara të cilat i afrohen standardit të menaxhimit të kohës. Ne nuk mund të pranojmë që vija bregdetare shqiptare të vazhdojë të shikohet si një aksesor i ekonomisë sociale, vija bregdetare shqiptare do të jetë një nga shtyllat e forta të zhvillimit të ekonomisë së vendit”, – tha Klosi.

Tashmë, vijoi Klosi, në diskutimin qeveritar e më pas në parlament do të kemi Ligjin e ri për kontrollin e vijës bregdetare, ligji i ri i cili nuk do të duhet të bie ndesh me interesat e zhvillimit, por duhet të ruaj në mënyrë sa më të plotë një ekulibër të qëndrueshëm ndërmjet kërkesës edhe mundësisë për zhvillim jo vetëm në Spille, jo vetëm në plazhin e Rrogozhinës, Kavajës por gjithë Shqipërisë.

“Pra të kemi zhvillim për të bërë turizëm por edhe të ruajmë pasurinë tonë të madhe kombëtare që kemi, të ruajmë natyrën”, tha Klosi.

Ligji i ri menaxhimit të vijës bregdetare është një ligj, i cili kërkon të ruajë në mënyrë shumë strikte edhe fanatike, vijën bregdetare, e cila është një pasuri e madhe në të cilën nuk do të lejohen ndërtime dhe zhvillime të pa kontrolluara të bizneseve.

“Na duhet ta shohim këtë breg, këtë hapësirë më varka, shumë më tepër jahte, mjete lundruese. Ligji i ri do të përcaktojë rregullat e turizmit detar, të ketë mundësi që të afrojë biznes shumë më tepër në det, por njëkohësisht të kujdesemi shumë më mirë për tokën. Pra ligi i ri dhe plani i ri zhvillimor që ne do të bëjmë për këtë zonë do tu japim mundësi atyre që duan të bëjnë biznes të vërtet përsa i përket zhvillimeve të zonës së Spilles dhe në gjithë zonën”, – tha Klosi.

Kjo është vetëm një dëgjesë e parë e Masterplanit të zonës së bregdetit, e cila do të vazhdojë dhe në zonat e tjera bregdetare./atsh

Vija bregdetare, jo më një aksesor i ekonomisë sociale, por një nga shtyllat e forta të zhvillimit të vendit Read More »

Ekspertja e ISHP-së: Përdorimi i maskës, mjet plotësues për të mos rrezikuar infektimin nga COVID-19

Aktualitet, Shendetesi / /

“Përdorimi i maskës në mënyrë të detyrueshme në ambientet e mbyllura duke respektuar rregullat bazë të distancimi, përbën një mjet plotësues për të mos rrezikuar infektimin nga COVID”.

Kështu deklaroi Gentiana Qirjako, eksperte pranë Institutit të Shëndetit Publik në një nga mediet e vendit.

Ajo tha se “Akti Normativ që ka dalë ditën e mërkurë lidhet me detyrimin për të mbajtur maskë në të gjitha mjediset e mbyllura, pavarësisht nëse respektohet ose jo distancimi fizik të paktën 1 deri në 1 metër e gjysëm nga njëri-tjetri. Por kjo nuk do të thotë që vetëm përdorimi i maskës është një mjet mbrojtës që të mbron 100% nga transmetimi i sëmundjes. Është një mjet plotësues, duhet ta theksoj këtë sepse njerëzit mendojnë që në momentin që vënë një maskë, i gjithë rreziku kaloi. Jo nuk ka evidenca të tilla. Është një mjet plotësues që shkon paralelisht me të gjithë respektimin e masave të tjera bazike që i kemi thënë tashmë dhe që njerëzit e dinë, që lidhet me distancimin fizik, me larjen e duarve, shmangien e kontakteve të afërta dhe me ruajtjen e higjienës respiratore”.

Sipas saj, gjatë gjithë kësaj pandemie në botë janë mbajtur qëndrime të ndryshme referuar përdorimit të maskave.

“Në nivel botëror, qëndrimet që u mbajtën karshi maskave kanë qenë të ndryshme. Them që është momenti i duhur sepse jemi tashmë në një fazë të transmetimit komunitar të sëmundjes, në disa bashki kjo është një situatë evidente. Kështu që, kur nuk bëhet më i mundur gjurmimi i çdo rasti apo çdo kontakti të rasteve, vendosja e maskave bëhet e detyrueshme”, tha Qirjako.

“Ideale do të ishte që të gjithë njerëzit të përdornin maskat mjekësore por në situatën kur e gjithë bota ka nevojë për maskën mjekësore sidomos personeli mjekësor, të gjithë kemi rënë dakord që këto maska të jenë prioritet për personelin shëndetësor. Për publikun e gjerë, ka alternative të tjera siç janë barrierat apo maska të bëra vetë. Sigurisht, nuk ka evidence të mbajtjes të së njëjtës ngarkesë, filtrimit të ngarkesës virale por padiskutim që ato përbëjnë pengesë sidomos nëse ndjekin disa parametra. OBSH rekomandon që maskat e bëra vetë janë një mjet shumë i mirë tek personat që nuk janë të sëmurë por ndoshta janë asiptomatikë dhe që mund të pengojnë transmetimin e virusit nga personi asiptomatikë tek personat e shëndetshëm. Sipas OBSH-së rekomandohen maska me 3 shtresa ku shtresa e brendshme duhet të jetë material pëlhurë ku qarkullon lehtësisht ajri”, u shpreh ajo. /atsh

Ekspertja e ISHP-së: Përdorimi i maskës, mjet plotësues për të mos rrezikuar infektimin nga COVID-19 Read More »

“Pak kohë më parë thoshte se listat e hapura janë një ide e vlefshme, sot është kundër”/ Balla: Jozefina ka të drejtë, Luli gënjen edhe kur e pyet sa është ora

Aktualitet, Opinione, Politike, Votime Sondazhe / /

Kryetari i grupit parlamentar të Partisë Socialiste, Taulant Balla theksoi solli në vëmendjen deklaratat e pak kohëve më parë të Lulzim Bashës, kur thoshte se listat e hapura janë një ide e vlefshme, ndërkohë që sot është kundër listave të hapura.
Balla ndau një video ku kryetari i Partisë Demokratike, Lulzim Basha, në një takim me të rinj, është shprehur në mbështetje të listave të hapura.
“Jozefina ka gjithmonë të drejtë: Luli gënjen edhe kur e pyet sa është ora. Pak kohë më parë thoshte se listat e hapura janë një ide e vlefshme. Sot është kundër listave të hapura, kundër votës së qytetarëve jo vetëm për partinë, por edhe për kandidatin që preferon”, tha Balla./atsh

“Pak kohë më parë thoshte se listat e hapura janë një ide e vlefshme, sot është kundër”/ Balla: Jozefina ka të drejtë, Luli gënjen edhe kur e pyet sa është ora Read More »