Andueli

Mjeku Tritan Kalo u ‘lutet’ shqiptarëve : ‘Po ju drejtohem si mjek, si vëlla, si shqiptar…”

Shendetesi / /

Mjeku i njohur infeksionist Tritan Kalo vijon që të jetë mjaft aktiv në rrjetet e tij sociale, ku iu kërkon qytetarëve që të jenë të kujdesshëm dhe të respektojnë të gjithë rregullat e higjenës dhe distancimit social, të cilat janë të kushtëzuara nga pandemia e Covid 19.

Përmes një shënimi në facebook mbrëmjen e djeshme, Kalo i bën thirrje të gjithë shqiptarëve, që të mos dëgjojnë politikanët, por vetëm profesionistët dhe të respektojnë të gjitha masat e duhura për parandalimin e koronavirusit.

Shënimi i Tritan Kalos:
KOHË KOVIDIANE….24.07.2020… Kanë kaluar 44 vite nga fotoja e fillimit të studimeve në mjekwsi më 1.09.1976 dhe ajo e sotmja më 24.07.2020 në zyrën time, në mesin e të sëmurëve të Pavionit të parë të Shërbimit të Sëmundjeve Infektive në QSUT, ose sikundër edhe ai njihet si Spitali Covid-1…
Përgatitem për të hyrë dhe parë të sëmurët aty e jo vetëm aty, e të parat që ndesh pa hyrë në pavjon janë dy infermieret e palodhura Xhorxhina dhe Anxhela….Miq, dashamirës e bashkëkombasit e mi…KURRË mos HARRONI se jemi aty për ju dhe fatmirësisht pajisjet mjekësore, që na ndihmojnë të vigjëlojmë dhe përkujdesemi për ju NUKU na mungojnë…MEGJITHATË pavarësisht Përkushtimit, Punës dhe Profesionalizmit tonë, ende po humbasin jetë të paçmimta njerëzore….

Andaj po ju ridrejtohem si mjek, si vëlla si Shqiptar të VIJONI që çdo çast të PËRKUJDESENI për veten tuaj, të afërmit tuaj dhe të gjithë ata që gjallojnë rreth jush….JEMI PËR ÇDO çast të rrezikuar të infektohemi nga Sars-Cov2/Covid-19….FRIKË e KUJDES, po dhe vetëm po….PANIK e NËNVLERËSIM, jo dhe vetëm jo…. JU LUTEM, t’u kushtoni pak ose aspak vëmëndje POLITIKANËVE apo GJITHOLLOGËVE të politizuar, për anal-izat e tyre në lidhje me keq apo mirë-menaxhimin e kësaj “flame mbarë-botërore”….
Shumë syresh ndoshta presin tu bëjnë përsëri vend në listat partiake apo të jenë rishtarë në to për zgjedhjet e ardhëshme të vitit 2021, ndaj edhe kanë marë hov e shumë pak e respektojne deontologjinë e etikën njërzore si dhe atë profesionale…DËGJONI vetëm e vetëm PROFESIONISTËT e sidomos ata, që gjinden në vijën e parë të përplasjes me sfidën Sars-Cov2/Covid-19, të cilët për çdo çast rrezikojnë edhe jetën e tyre për të shpëtuar jetët tuaja….

Po ju sjell në vëmëndje një Histori suksesi në këtë sfidë, atë të një shteti me popullsi të afërt me tonën, Zelandën e Re….BBC sot theksonte se: “Zelanda e Re ka 80 ditë pa një rast të ri infeksioni me Sars-Cov2. Vendi regjistroj më parë 5000 të infektuar si dhe humbjen e jetës së 22 individëve. U aplikuan që në fillim masa të rrepta izolimi/karantinimi dhe një hapje më pas e kujdesëshme e vendit. Ky SUKSES sipas mjekëve dhe epidemiologëve drejtues të menaxhimit të kësaj Pandemije, BAZOHET në dy elementë thelbësore: 1- Zbatimi i shumë-ndërgjegjësuar i rregullave të higjenës dhe të distancimit fizik, si dhe 2- Mirëbesimi dhe bashkëpunimi me ato çka Autoritetet e vendit ndërmernin dhe ndërmarin për të bërë të mundur kontrollimin e kësaj Pandemije.”…..

PO ua le juve të gjykoni nëse Neo-zelandezët kanë vepruar dhe po veprojnë drejt, apo jo…FAKTET janë kokëforta dhe flasin vetë….JU DUAM…JU RESPEKTOJMË….PO vijojmë të KUJDESEMI për ju në çdo minutë të ditës….Na ndihmoni edhe ju duke u përkujdesur më shumë për veten, për t’ja dalë mbanë përplasjes me virusin sëmundje-shkaktues dhe jetë marës Sars-Cov2….JETA e gjithëscilit prej jush është dhe do të jetë kurdoherë e çmuar dhe e paçmimtë për ju vetë, për të afërmit tuaj, për vendin dhe për të gjithë SHQIPTARINË….TOGETHER FOREVER!!!

Mjeku Tritan Kalo u ‘lutet’ shqiptarëve : ‘Po ju drejtohem si mjek, si vëlla, si shqiptar…” Read More »

Situatë e pazakontë nga Koronavirusi: Manastirliu zbulon skenaret që do të zbatohen

Aktualitet, Shendetesi / /

Ministrja e Shëndetësisë, Ogerta Manastirliu ka zbuluar skenaret që do të ndiqen për të përballuar pandeminë e Koronavirusit.

Me anë të një njoftimi në rrjete sociale, ajo ka njoftuar se vijon puna për të përgatitur sistemin shëndetësor për këtë situatë të pazakontë.

Manastirliu ka bërë me dije se po bëhen investime në terapitë intensive jo vetëm të spitaleve Covid, por edhe në maternitete dhe spitalet rajonale, të cilat mund të shërbejnë si spitale Covid.

“Vijojmë të përgatisim sistemin shëndetësor për këtë situatë të pazakontë, me investimet në terapitë intensive jo vetëm të spitaleve COVID, por edhe në maternitete dhe spitalet rajonale.

Të gjithë bashkë të mbrojmë stafet mjekësore që çdo ditë kujdesen që nënat dhe të porsalindurit të jenë të shëndetshëm dhe të sigurt”, ka njoftuar ministrja.

Situatë e pazakontë nga Koronavirusi: Manastirliu zbulon skenaret që do të zbatohen Read More »

Rama i uron ditëlindjen Igli Tares: Shqiptari më i suksesshëm në skenën e futbollit europian

Aktualitet / /

Kryeministri Edi Rama uroi sot në ditën e lindjes Igli Taren, duke e cilësuar si shqiptarin më të suksesshëm në skenën e futbollit europian.

“Më kujtohet shumë vite më parë silueta e tij, kur ne të Dinamos dilnim për vrap në ish-fushën e Aviacionit, ku bashkë me të vëllain Auronin, dy kalamajtë kolosë e “kokëlakër”, i nështroheshin stërvitjeve të pamëshirshme të të atit, mjeshtrit të sportit e dikur kolosit kampion të hedhjes së diskut, Isa Tare, i cili u kishte imponuar djemve një regjim stërvitjesh që do ta kishin zili edhe marinsat amerikanë”, – shprehet Rama.

Kreyministri tregon se “Auroni arriti në skuadrën e parë të të kuqve të pathyeshëm që nën udhëheqjen e Gaz Çaçit, vendosën diktaturën në parketin e basketbollit shqiptar për vite me radhë, ndërsa Igli pasi veshi fanellën e shpresave kuqezi, mori arratinë drejt Bundesligës, ku arriti të bënte emrin e tij, për t’u zhvendosur më pas në Serie A tek skuadra e Lazios. Presidentit Lotito i ra bixha me kolosin shqiptar, që jashtë fushës së blertë spikaste me stofën e liderit dhe i besoi as më shumë e as më pak, po çelësin e zyrës së drejtorit teknik të armiqve të Romës”.

“Nën drejtimin e Igli Tares, Lazio u kthye në një armatë mbresëlënëse, e cila ka një bilanc të pabesueshëm mes shpenzimeve shumë më të ulëta se sa klubet elitare të Serisë A dhe vendit që ka zënë në klubin e të mëdhenjve të futbollit italian. Sot Igli është aseti më i kushtueshëm i Lazios dhe në ditën e tij të lindjes, i uroj të ketë edhe 100 vjet shëndet e sukses, duke uruar njëkohësisht që një ditë ta shoh në krye të Juventusit (jo të Milanit siç kam frikë se do ndodhë:-)”, – përfundon Rama./atsh

Rama i uron ditëlindjen Igli Tares: Shqiptari më i suksesshëm në skenën e futbollit europian Read More »

Opozita e Bashkuar: Hapja e listave, lojë vetëm për të dëmtuar koalicionin opozitar

Aktualitet, Politike / /

Sekretari i Përgjithshëm i PD, Gazment Bardhi dhe dy përfaqësuesit e Opozitës së Bashkuar në Këshillin Politik, Oerd Bylykbashi dhe Petrit Vasili, në një konferencë të përbashkët deklaruan se hapja e listave për Ramën ishte lojë vetëm që të ndryshojë kushtetutën dhe të dëmtoje koalicionin opozitar.

Në deklaratë, thuhet se Opozita e Bashkuar ka bërë një hap të madh përpara për të arritur konsensus mes të gjitha forcave politike për disa çështje të rëndësishme që kanë të bëjnë me zgjedhjet.

“Opozita ka propozuar dje që palët të bien dakord për të hapur listat 100%, pa kufizime, duke mbajtur në fuqi koalicionet parazgjedhore dhe shpërndarjen e mandateve, siç është aktualisht në fuqi. Ky është një qëndrimi i përhershëm i opozitës. Ne kemi qenë gjithmonë të hapur për të bërë një diskutim transparent dhe gjithëpërfshirës për gjithçka në lidhje me zgjedhjet. E kemi bërë të qartë që nga fillimi që prioriteti i Shqipërisë dhe shqiptarëve, dhe i Opozitës së Bashkuar, është garantimi i votës së lirë të qytetarëve, garantimi i zgjedhjeve të lira dhe të ndershme”, thuhet në deklaratë.

Po ashtu, në deklaratë thuhet se “Ishte Edi Rama që si publikisht, ashtu edhe në Këshillin Politik, refuzonte të diskutonte këtë temë. Ishte Edi Rama që refuzonte listat e hapura dhe ishte kundër tyre. Sepse çdo lëvizje e Edi Ramës është e motivuar nga frika e zgjedhjeve dhe humbjes së pushtetit të tij. Objektivi i tij, njëlloj si këto 4 vite pa reshtur, ishte të ndalojë Opozitën e Bashkuar të konkurrojë në zgjedhje e bashkuar si koalicion. Për këtë qëllim, Edi Rama paraqiti në Kuvend, në mënyrë të njëanshme, një amendament kushtetutës që heq koalicionet parazgjedhore si subjekt zgjedhor. Fillimisht, ai përdori alibinë e mungesës së 84 votave për të miratuar Marrëveshjen e 5 Qershorit. Edi Rama doli publikisht në mbështetje të heqjes së koalicioneve dhe gjoja hapjes gjysmake të listave vetëm një ditë pasi 6 deputetë deklaruan votën pro Marrëveshjes së 5 Qershorit dhe realizuan kuorumin e duhur për marrëveshjen. Pas kësaj, Edi Rama u fsheh pas mashtrimit se listat e hapura dhe koalicionet parazgjedhore nuk shkojnë bashkë me njëra-tjetrën”.

Në deklaratë theksohet se “Opozita e Bashkuar ka propozuar dje hapjen 100 % të listave. Por vota e qytetarëve nuk ka rëndësi për Edi Ramën. Të gjithë shqiptarët e kanë kuptuar nuk është hapja e listave, por ndalimi i koalicioneve parazgjedhore”./atsh

Opozita e Bashkuar: Hapja e listave, lojë vetëm për të dëmtuar koalicionin opozitar Read More »

Kryemadhi: PO listave të hapura 100%

Opinione, Politike / /

Kryetarja e LSI-së Monika Kryemadhi i thotë “PO” listave të hapura 100%.

Përmes një mesazh në “Facebook”, pas dakordësisë si Opozitë e Bashkuar, Kryemadhi shkruan se askush, përfshirë dhe kryetarët nuk duhet t’i fshihen gjykimit të popullit.

“PO listave të hapura 100%.
Askush, përfshirë dhe kryetarët të mos i fshihen gjykimit të popullit!
Koha për ndryshim cilësor që fuqizon zërin e qytetarëve dhe jep shpresë për ndërtimin e të ardhmes në Shqipëri, si një shtëpi e të gjithë shqiptarëve. 🇦🇱”, shkruan Kryemadhi.

Kryemadhi: PO listave të hapura 100% Read More »

Gazmend Bardhi: ‘Edi Ramës i ra maska’

Opinione, Politike / /

Pas deklaratës së kryeministrit Edi Rama, i cili komentoi qëndrimin e Lulzim Bashës për kushtin për të vijuar dialogun me lista të hapura 100%, vjen një reagim nga Sekretari i Përgjithshëm të PD, Gazment Bardhi.

Me anë të një mesazhi në Twitter, Bardhi thekson se Ramës i ra maska. Ai i bën thirrje kryeministrit që të hap 100 % listat dhe të tërheq amendamentin e njëanshëm për koalicionet.

REAGIMI I GAZMENT BARDHIT:

Edi Ramës i ra maska! Prano hapjen 100 % të listave dhe tërhiq amendamentin e njëanshëm të tmerrit tënd nga koalicioni opozitar. Frika e ER nga zgjedhjet nuk mund të mbajë peng Shqipërinë! #Ditemetemira ✌️

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Gazmend Bardhi: ‘Edi Ramës i ra maska’ Read More »

Mjeku i njohur : Ja çfarë ndodh me moshat e reja

Shendetesi / /

I ftuari i sotëm në rubrikën Abc e Shëndetit ka qenë doktori i spitalit Infektiv Edmond Puca, i cili ka folur lidhur me situatën aktuale të pandemisë në Shqipëri.

Ai është shprehur se rritja e rasteve të infektuara erdhi, pasi qytetarët nuk u ndërrgjegjësuan nga karantina.

Sipas Pucës, virusin nuk kemi pse ta kemi frikë, por duhet të kujdesemi për të dhe për veten tonë.

“Aktualisht është një situatë serioze e sistemit shëndetësor. Që nga ardhja e koronavirusit në Shqipëri në muajin mars, Shqipëria bëri një nga karantinat më të mira, e cila është shembull për tu infektuar në aspektin e sëmundjeve infektive. Ne menduam që virusi do të mbyllte ciklin e tij dhe do të largohej. Mirëpo ndodhi e kundërta, ky virus u tregua shumë më shumë inteligjent sesa mjekësia jonë.

Aktualisht numri i rasteve në Shqipëri është një trend, që ka pasur rritje kohët e fundit. Ashtu siç e thash mëpërpara, ne bëmë një karantinë që ishte për tu marr shembull, flas në aspektin mjekësor, se në aspektin ekonomik janë për tu vlerësuar nga persona të tjerë. Por ama ne nuk arritëm dot të ndërgjegjësohemi për këtë semundje. Njërëzit nuk janë akoma të ndërgjegjësuar, madje ka nga ata që janë edhe menefregistë. Kanë një moskokëçarje, mua nuk më gjen gjë, unë jam i fortë, nuk kam gjë. Ky është një virus që ne nuk kemi pse të kemi frikë, por ne duhet të kujdesemi për të dhe për veten tonë”, tha doktori.

Ndërkohë më tej, ai shtoi se personat në spital vijnë kryesisht në varësi të moshave.

“Përgjithësisht moshat e reja nga 40 deri 60 vijnë në ditën e pestë ose në të shtatë. Por edhe nga ata që vijnë akoma edhe më mbrapa. Një pjesë e mirë e përballojnë ose nuk kanë shenja të shumta klinike”, theksoi Puca.

Mjeku i njohur : Ja çfarë ndodh me moshat e reja Read More »

Rëndohet situata, 3 humbje jete dhe rritje e ndjeshme e rasteve të reja me Covid-19 në Shqipëri

Lajmi i fundit, Shendetesi / /

Vd esin 3 pacientë nga koronavirusi dhe regjistrohen 108 raste të reja në 24 orët e fundit.

Ministria e Shëndetësisë dhe Mbrojtjes Sociale i drejtohet qytetarëve të vendosin detyrimisht maskën në ambiente të mbyllura, sepse është një masë tejet efikase për të frenuar përhapjen e infeksionit dhe rrjedhimisht, uljen e të shtruarve në spital dhe fatalitetet nga COVID19.

u informojmë për situatën epidemiologjike në vend në 24 orët e fundit.

Tre qytetarë nuk e kanë fituar dot betejën me sëmundjen, një 77 vjeçare dhe një 83 vjeçar nga Tirana me sëmundje bashkëshoqëruese dhe një 68 vjeçar nga Hasi pa sëmundje të tjera.

Ministria e Shëndetësisë dhe Mbrojtjes Sociale i shpreh ngushëllimet familjarëve.

Vijon të ketë rritje të të shtruarve në spital, megjithë të shëruarit që kanë lënë dy spitalet COVID në 24 orët e fundit.

Aktualisht në spitalin Infektiv dhe spitalin “Shefqet Ndroqi” po trajtohen 126 pacientë, 22 janë në terapi intensive dhe 12 pacientë janë të intubuar.

Gjatë 24 orëve të fundit janë kryer 477 testime për të dyshuar të prekur me COVID19, nga të cilat janë konfirmuar 108 raste pozitive.

Shpërndarja gjeografike e rasteve është si vijon: 49 raste në Tiranë, nga 11 raste në Durrës, Kavajë, 9 në Fier, 7 në Shkodër, nga 3 raste në Krujë, Kurbin, Tropojë, Berat, Mallakastër, 2 në Peqin, nga 1 rast në Korçë, Vlorë, Tepelenë, Shijak.

Gjatë 24 orëve të fundit janë shëruar 60 qytetarë duke e çuar numrin e të shëruarve në 2523 që nga fillimi i epidemisë.

Rëndohet situata, 3 humbje jete dhe rritje e ndjeshme e rasteve të reja me Covid-19 në Shqipëri Read More »