Andueli

C’ndodh me pacientët që kalojnë Covidin?

Shendetesi / /

COVID-19 ka sjellë një solidaritet të jashtëzakonshëm mes mjekëve nga cdo skaj i botës, të cilët ndajnë me njëri-tjetrin përmes internetit dhe platformave sociale zbulimet mbi simptomat e sëmundjes dhe reagimin e pacientit ndaj mjekimeve. Megjithë mobilizimin e gjithanshëm të shkencës dhe kapaciteteve shëndetësore, mjekët ende nuk e dinë përse virusi godet aq rëndë disa pacientë dhe të tjerë e kalojnë pa e ndjerë:

Stephen Donelson e ka kaluar COVID-19, por problemet nuk kanë mbaruar ende:

“Nuk arrij ende të përdor si më parë gjymtyrët. Nuk bëj dot asgjë me lehtësi,” thotë ai.

Stephen vazhdon terapinë fizike në një spital në Dallas.

Bota po përleshet prej muajsh me koronavirusin, një patogjen i panjohur më parë nga organizmi që ka prekur deri tani çdo cep të globit. Megjithë mobilizimin e të gjitha burimeve e kapaciteteve shkencore, ky mbetet një virus enigmatik për shëndetësinë. Mjekët nuk e kuptojnë përse disa pacientë goditen aq rëndë, e të tjerë e kalojnë pa e ndjerë:

“Kjo pandemi ka paraqitur një moment të paparë mësimi për ne. Ka qenë një periudhë shumë emocionuese, pasi si mjekë ne e kemi të vështirë të gjendemi përballë një situate kaq të panjohur e të ndjehemi kaq të pasigurtë në vendimet që marrim,” thotë Dr. Kristina Goff, një ndër mjekët që u kujdes për Stephen Donelson.

Në mes të pandemisë, mjekët që u ndeshën të parët me këtë virus, ndanë përvojën e tyre me kolegë në skaje të tjera të globit, në gjuhë të ndryshme. Ishte një përpjekje e pashembullt për të përgatitur dhe këshilluar kolegët mbi mënyrat më të mira për të shpëtuar jetë.

Në YouTube u shfaqën video të xhiruara gjatë autopsisë së pacientëve, shkëmbeheshin radiografi përmes Twitterit e WhatsApp-it.

Stephen Donelson ishte rast i komplikuar. Ai pat bërë transplant para dy vjetësh dhe ka një sistem të ulur imunitar, pasi merr ilaçe që trupi të mos luftojë mushkëritë e mëlçinë e transplantuara. Kjo e bënte më të vështirë betejën m COVID-in.

Mjekja e tij kishte përballë sfida të vështira: si të ulte sasinë e ilaçeve të dhëna pas transplantit në masën e duhur ku trupi fillon t’i rezistojë COVID-it, por nuk lufton organet e reja. Një tjetër problem: organizmi i tij po konkurronte me frymarrjen artificiale përmes aspiratorit. Për ta zgjidhur këtë problem, mjekja i dha qetësues duke i paralizuar muskujt, që frymarrja të kontrollohej vetëm nga aspiratori.

“Duke qenë se çdo ditë mësojmë diçka të re për COVID-in, ka plot terapi eksperimentale që po provohen dhe studiohen,” thotë Dr. Goff.

Mjekët kanë mësuar se duke e kthyer pacientin barkazi ai merr frymë më lehtë, pasi ulet presioni mbi mushkëritë, të cilat janë më afër kurrizit.

Stephen Donelson qëndroi barkazi për 16 orë dhe mjekët vërejtën përmirësime në nivelin e oksigjenit. Por nuk funksionon për të gjithë.

Megjithëse kanë kaluar muaj, mjekja e zotit Donelson shpreh habi se sa e vështirë është të parashikosh shanset e pacientit për të mbijetuar.

Mbetet po ashtu e paparashikueshme se çfarë efektesh anësore disa prej pacientëve do të kenë për muaj pas sëmundjes.

Pas 13 javësh nën mjekim, Stephen Donelson e nxorën nga spitali. As ai vetë nuk e beson se është gjallë pas gjithë asaj që hoqi./VOA

C’ndodh me pacientët që kalojnë Covidin? Read More »

Kim: Respektoni marrëveshjen e 5 qershorit, parlamenti kompetencë të miratojë legjislacionin

Aktualitet, Politike / /

Ambasadorja e Shteteve të Bashkuara të Amerikës në Tiranë, Yuri Kim ka nënvizuar gjatë takimeve me krerët e politikës shqiptare tri pika ku theksohet se, “marrëveshja e 5 qershorit, e cila u arrit nëpërmjet një procesi transparent dhe gjithëpërfshirës, duhet respektuar ashtu si u ra dakord për të. Së dyti, Parlamenti ka kompetencat dhe përgjegjësinë për të marrë në shqyrtim dhe miratuar legjislacionin. Së treti, në të njëjtën kohë, edhe pse ata të cilët “dogjën mandatet e tyre”, bazuar në përkufizimin e kësaj, kanë djegur pretendimet që mund të kishin për kompetenca dhe përgjegjësi në Parlament, nuk mund të injorohet fakti se ata, gjithsesi, përfaqësojnë një pjesë domethënëse të votuesve shqiptarë”.

“Gjatë javëve të fundit, Ambasadorja Kim ka pasur biseda të shumta mbi reformën zgjedhore me Presidentin Meta, Kryeministrin Rama, Kryetarin e Partisë Demokratike Basha, anëtarë të Këshillit Politik mbi Reformën Zgjedhore, si dhe me një sërë ekspertësh e të tjerë. Ajo ka nënvizuar tri pika: Së pari, marrëveshja e 5 qershorit, e cila u arrit nëpërmjet një procesi transparent dhe gjithëpërfshirës, duhet respektuar ashtu si u ra dakord për të. Së dyti, Parlamenti ka kompetencat dhe përgjegjësinë për të marrë në shqyrtim dhe miratuar legjislacionin. Së treti, në të njëjtën kohë, edhe pse ata të cilët “dogjën mandatet e tyre”, bazuar në përkufizimin e kësaj, kanë djegur pretendimet që mund të kishin për kompetenca dhe përgjegjësi në Parlament, nuk mund të injorohet fakti se ata, gjithsesi, përfaqësojnë një pjesë domethënëse të votuesve shqiptarë”, thuhet në një deklaratë të Ambasadës së SHBA.

“Për këto arsye, ne e kemi lavdëruar marrëveshjen e 5 qershorit, të arritur nëpërmjet bisedimeve ndërpartiake; përshëndetëm miratimin në Parlament në 23 korrik të kodifikimit të marrëveshjes së 5 qershorit; dhe nënvizuam gjithëpërfshirjen dhe transparencën me të cilat partitë arritën marrëveshjen e 5 qershorit duhet të jenë norma në marrjen e veprimeve të rëndësishme kombëtare”, thuhet në deklaratë.

“Partitë duhet të përfshihen në Këshillin Politik me mirëbesim. Drejtuesit përkatës kanë deklaruar se çdo veprim i Parlamentit nesër nuk i mbyll negociatat e nisura në Këshillin Politik rreth listave të hapura dhe koalicioneve. Ne do të shohim nëse drejtuesit do ta mbajnë fjalën e tyre. Të gjitha partitë duhet të vazhdojnë të përfshihen, në mënyrë që ligjet të cilat do të miratohen në fund, të jenë rezultat i një procesi transparent dhe përfshirës, në interes të të gjithë popullit shqiptar, dhe që e çojnë vendin përpara në rrugën demokratike – ky është një detyrim që udhëheqësit shqiptarë e kanë përpara popullit shqiptar”, përfundon deklarata./atsh

Kim: Respektoni marrëveshjen e 5 qershorit, parlamenti kompetencë të miratojë legjislacionin Read More »

Horoskopi/ E mërkurë pozitive për dashurinë

Aktualitet / /

Dashi

Kjo e mërkurë është mjaft pozitive për dashurinë, ku do të keni dëshirë për të rikuperuar kohën e humbur. Edhe në punë, do të jeni më aktiv gjatë kësaj dite, ndaj përfitoni për të bërë diçka më shumë.

Demi

Gjërat do të ecin më mirë në dashuri, krahasuar me ditët e fundit, për shkak se Hënën nuk do e keni më kundër. Mund të gjeni marrëveshje, me persona me të cilët keni pasur përplasje më parë.

Binjakët

Mundohuni që gjatë kësaj dite të bëni vetëm gjërat më të domosdoshme. Jeni shumë të përqendruar në çështjet e punës, për shkak se mund të ketë ndryshime të cilat do ju fusin në mendime. Mundohuni që të mos lini pas dore sferën sentimentale.

Gaforrja

Do të nisë një periudhë premtuese sa i takon ndjenjave dhe lidhjeve në çift. Ata që janë vetëm mund të shfaqin tërheqje, për një person të cilin nuk kanë kohë që e njohin. Në punë, mundohuni që të përqendroheni më shumë.

Luani

Mëngjesi do të nisë me ndikimin e kundërt të Hënës, por në mbrëmje situata do të përmirësohet dhe do të ketë mundësi për të bërë takime të kënaqshme. Në punë, mund të përballeni me konflikte me kolegët, të cilat kërkojnë zgjidhje.

Virgjëresha

Ju presin ditë në të cilat do të ndiheni më të mbyllur në vete. Duhet të mundoheni që ta lini veten të lirë dhe të zgjidhni çështje familjare ose personale, të mbetura pezull.

Peshorja

Venusi do të favorizojë takimet, ndaj përfitoni, edhe pse lodhja fizike mund të rëndojë gjatë kësaj dite. Ndonjë ngadalësim në punë, mund të vijë për shkak të ndikimit negativ të Mërkurit.

Akrepi

Duhet të mundoheni që të tregoheni të kujdesshëm në dashuri, sidomos çiftet të cilat kanë probleme për të zgjidhur. Kujdes duhet treguar me shpenzimet. Po ashtu gjatë kësaj dite do të keni energji pozitive, të cilën duhet ta përdorni sa më mirë.

Shigjetari

Hëna do të ketë ndikim pozitiv për ndjenjat, ndaj përfitoni. Lidhjet e reja shihen mjaft të favorshme nga yjet, shkruan noa.al. Në punë, do të ketë propozime t reja interesante.

Bricjapi

Kjo është një periudhë e mbushur me zgjedhje të rëndësishme sa i takon ndjenjave. Parashikohen mundësi të mira. Sa i takon punës, diçka po lëviz në drejtimin e duhur.

Ujori

E mërkura do të jetë nën ritmin e duhur sa i takon ndjenjave, por përmirësimi do të vijë në ditët në vijim. Bëni durim! Në punë ka projekte interesante, por duhet të tregoheni të kujdesshëm me financat.

Peshqit

Ju pret një ditë e mbushur me nervozizëm, ndaj mundohuni që të përmbyllni një debat, pa iu lënë hapësirë personave që i keni kundër. Sa i takon punës, keni nevojë për të rikuperuar energjitë. Një propozim i juaji mund të ketë sukses.

Horoskopi/ E mërkurë pozitive për dashurinë Read More »

Apeli i mjekut Andis Qendro: Vendosja e maskës, sakrificë minimale që mbron të dashurit tuaj

Opinione, Shendetesi / /

Ministrja e Shëndetësisë dhe Mbrojtjes Sociale, Ogerta Manastirliu, në kuadër të fushatës së Ministrisë së Shëndetësisë për vendosjen e maskës me detyrim ka publikuar apelin e mjekut të njohur Andis Qendro.

“Vendosja e maskës është një sakrificë minimale që kërkohet nga ju në këtë kohë të vështirë por, që do të mbrojë të afërmit dhe të dashurit tuaj nga virusi”, shprehet ai.

“Për arsye të profesionit, ne e mbajmë veshur shumë orë çdo ditë, gjatë gjithë jetës tonë profesionale; juve u kërkohet t’a mbani përkohësisht”, thekson mjeku Qendro.

“Ju lutem mbani maskën dhe shpëtoni jetë”, thuhet në mesazhin e mjekut drejtuar qytetarëve.

Apeli i mjekut Andis Qendro: Vendosja e maskës, sakrificë minimale që mbron të dashurit tuaj Read More »

Ruçi, apel qytetarëve: Vendimtare për mbrojtjen nga COVID-19, sjellja individuale e shoqërore

Aktualitet, Opinione, Politike / /

Kryetari i Kuvendit, Gramoz Ruçi u bëri sot apel qytetarëve të zbatojnë me rreptësi masat mbrojtëse nga koronavirusi, të vendosin maskat, të ruajnë distancën dhe të garantojnë higjienën personale e familjare.

Në apelin drejtuar qytetarëve Ruçi theksoi se “ju drejtohem sot me dhimbjen që na kanë shkaktuar të gjithëve humbjet e jetëve gjatë ditëve të fundit, sidomos në moshat e reja. Ju drejtohem jo thjesht si Kryetar i Kuvendit të Shqipërisë, por si qytetar, si prind, si vëlla dhe si miku juaj. Të gjithë gjendemi para të papriturave dhe rreziqeve të koronavirusit. Pandemia Covid-19 po shoqërohet me shumë të panjohura, të cilat janë të tilla jo vetëm për ne, qytetarët, por edhe për mjekët, epidemiologët, shkencëtarët dhe madje edhe OBSH-në”.

“Virusi agresiv po rrëzon ditë për ditë shpresat e njerëzve se pandemisë po vjen fundi, se virusi po bëhet më pak kërcënues për jetën dhe se moshat e reja janë më të mbrojtura prej tij. Marrja e jetës së mjaft njerëzve në moshë të re është një sinjal që duhet të kapet dhe një mesazh që duhet të lexohet nga të gjithë”, – nënvizoi Ruçi.

Sipas tij, akti normativ i ka bërë të qarta masat e rrepta që duhet të zbatojmë për të mbrojtur jetët tona, të fëmijëve, prindërve, motrave, vëllezërve dhe gjithë të dashurve që na rrethojnë.

Kreu i Kuvendit u shpreh se “jam thellësisht i prekur dhe nuk më shqiten nga mendja fëmijët e vegjël, prindërit, vëllezërit dhe motrat e qindra shqiptarëve që virusi u ka marrë jetën. Në emër të tyre, në emër të mbrojtjes së jetës, në emër të gëzimeve të përditshme prej të cilave pandemia na ka privuar, në emër të gjithë fëmijëve të Shqipërisë që presin vjeshtën për të filluar shkollat, në emër të gjithë familjarëve e prindërve që i kanë fëmijët në dritën e syrit, ju drejtohem të gjithëve me apelin: Zbatoni me rreptësi masat mbrojtëse nga koronavirusi, vendosni maskat, ruani distancën dhe garantoni higjenën personale e familjare”.

“Për zhdukjen e koronavirusit nuk mjaftojnë as aktet normative, as masat teknike, as kontrollet nga institucionet dhe policia. Vendimtare është sjellja jonë individuale, familjare, shoqërore e shëndetësore! Vetëm në këtë mënyrë, do të ruajmë jetën tonë dhe mbrojmë jetët e të tjerëve, të dashurve që na rrethojnë dhe të gjithë qytetarëve”, – përfundon Ruçi. //atsh

Ruçi, apel qytetarëve: Vendimtare për mbrojtjen nga COVID-19, sjellja individuale e shoqërore Read More »

Skënder Brataj tregon “çelsin” për fitimin e betejës ndaj Covid

Opinione, Shendetesi / /

Kreu i Urgjencës Kombëtare, Skënder Brataj, i ka bërë apel të gjithë qytetarëve që të zbatojnë masat anti-civid, teksa shprehet i sigurtë se nëse kjo ndodh, atëherë fitorja me këtë virus do të jetë me e shpejtë.

Me një shënim të gjatë në facebook, Brataj u bën thirrje personave të prekur nga koronavirusi, apo atyre që kanë shenja të sëmundjes, të mos dalin nga shtëpia, pasi janë burim infeksioni dhe të telefonojnë 127.

Sipas Brataj, është momenti që shqiptarët të ndërgjegjësohen dhe se së bashku me bluzat e bardha do e fitojmë këtë betejë.

Postimi i plotë:

Të jesh apo të mos jesh!! To be or not to be!!

Sot më shumë se kurrë duhet bashkëpunimi juaj!!

Të zgjedhësh me dëshirë të jetosh!

Të zgjedhësh me dëshirë të dënosh të tjerët me vdekje!

Të zgjedhësh të fitosh jetën!

Parandalimi është çelsi i fitimit të betejës me këtë virus!

Sa më shpejt të kuptojmë se duhet të respektojmë rregullat aq më shpejt do ta fitojmë këtë betejë.

Ti që je me tampon pozitiv dhe shikon që shenjat dhe simptomat janë duke u përkeqësuar telefono 127 për një vlerësim për shtrim në spital dhe MOS DIL se je burim i transmetimit të infeksionit.

Ti që ke shenja të lehta të cilat po i trajton në banesë dhe ke përmirësim të simptomatologjisë, vepro në bashkëpunim të përditshëm me mjekun e familjes dhe 127 dhe MOS DIL se je burim i transmetimit të infeksionit.

Ti që ke shenja të lehta dhe mendon se është virozë e stinës, kërko ndihmë te mjeku i familjes ose te 127 për të përjashtuar dyshimin e Covid-19 dhe MOS DIL deri në përjashtimin e saj, se je burim i transmetimit të infeksionit!

Ti që ke bërë tamponin dhe ke dal pozitiv, por nuk ke shenja dhe simptoma, MOS DIL se je burim i transmetimit të infeksionit!

Ti që kërkon ndihmë mjeksore sepse ke shenja dhe simptoma, ti që nuk kërkon tampon sepse nuk do të identifikohesh, MOS DIL se je burim i transmetimit të infeksionit!

Ti që nuk je në asnjë nga situacionet e mësipërme DIL, por mbrohu nga gjithë të sipërpërmendurit, sepse ka nga ata që nuk do ti respektojnë rregullat!

Në këtë moment personat me shenja dhe simptoma si temperatur, kollë, dhimbje fyti, dhimbje koke, dhimbje muskujsh, të vjella, diarre, humbje të shijes, vështirësi në frymëmarrje, të këshillohen me mjekun e familjes dhe mjekun e 127, sepse çdo shenjë e sipërpërmendur mund të jetë nga Covid-19!

Qytetarë shqipëtar ndërgjegjësohu, respekto rregullat:

Mbaj maskën në ambientet e mbyllura.

Ruaj distën 1.5 metra

Zbato rregullat e higjenës

Mos lejo të shkelen këto rregulla!

Pa ty nuk do ja dalim!

Së bashku do ja dalim!

Skënder Brataj tregon “çelsin” për fitimin e betejës ndaj Covid Read More »

Humb jetën shoferi i Ministres/ Spriopali: S’kam më as lot

Aktualitet, Lajmi i fundit / /

Ministrja e Shtetit për Marrëdhëniet me Parlamentin, Elisa Spiropali ka reaguar pas ndarjes nga jeta të shoferit të saj i cili ishte inf ektuar me Covid.

Spiropali tregon se e ka tro nditur shumë lajmi për ndarjen nga jeta të shoferit të saj që e shoqëronte prej 1 viti e gjysmë.

“Kur komandanti i Gardës më solli jetëshkrimin me fotografinë tënde, e kuptova menjëherë që ishe i duhuri. Rrezatoje përkorësi, fisnikëri, mirësi.

12 orë në ditë, për 1 vit e gjysëm, më shoqërove kudo, i duruar, i vëmendshëm, i kujdesshëm. Çdo ditë sillje maskat, ujin, i vendosje tek dera e makinës, më tërhiqje vërejtje se pija pak.

E thoje me krenari që s’kishe pirë kurrë një aspirinë. Kur më lajmëruan që ke humbur vetëdijen dhe të kanë int ubuar, tronditja ishte aq e madhe sa nuk nxorra dot asnjë fjalë.

Vetëm lot që rridhnin pa kontroll. Sot, që ky virus i pab esë të mori fr ymën dhe jetën, s’kam më as lot. Nalta të adhuronte, çdo njëri nga ne që të njohu të donte dhe të respektonte.

Na ke tron ditur dhe trishtuar thellësisht. Për familjen tënde nuk ka ngushëllim, por ne do iu gjendemi gjithmonë! Prehu i qetë, Gani! Dritë pastë shpirti yt i mirë!”, shkruan Spiropali.

Humb jetën shoferi i Ministres/ Spriopali: S’kam më as lot Read More »

Mjeku thirrje qytetarëve: ‘Na ndihmoni t’a mundim këtë virus’

Opinione, Shendetesi / /

Mjeku O.R.L, në QSUT, Klevis Thomai është drejtuar me një mesazh qytetarëve për të respektuar masat dhe për të ndihmuar shërbimin shëndetësor në Shqipëri për të mposhtur COVID-19.

Sipas Thomait, vetë mjekët, infermierët dhe spitalet nuk e mposhtin dot virusin por bashkë me qytetarët po.

Ai i bën thirrje qytetarëve të mbajnë maskat, të ruajnë distancën, të mbajnë barriera tekstile, të kenë kujdes në zyra pasi nuk mjafton vetëm kujdesi nga një person.

”Jam Kevis Thomai mjeku O.R.L, në QSUT, dhe ndjej mesazhin për t’iu dhënë me një mesazh sensibilizues.Sepse bota po përballet aktualisht me një virus mjaft të rrezikshëm dhe vdekjeprurës. Koha të tregohemi të përgjegjshëm. Na ndihmoni ta mundim këtë virus. Vetëm ne mjekët, infermierët, spitalet nuk ia dalim dot. është virus që mundet nga të gjithë bashkë ne. Koha të respektojmë distancimin social, maskën, barriera prej tekstili. Të kemi kujdes në zyra, mos neglizhojmë. Një person mund të ruaje veten, por është e kotë nëse nuk e bëjnë të tjerët. Lufto virusin me të gjithë ne. Të kthehemi sa më shpejt në normalitet dhe të takojmë njerëzit e dashur. ”- tha Thomai.

Mjeku thirrje qytetarëve: ‘Na ndihmoni t’a mundim këtë virus’ Read More »