Andueli

Një ditë pas ndarjes nga jeta të drejtorit të shkollës në Paskuqan, ministrja e Arsimit Evis Kushi, teksa ka shprehur ngushëllime, ka përcuar edhe mesazhe për këtë situatë.

Kërkon të mos ulet vigjilenca në këtë kohë, dhe secili të kujdeset për shëndetin.

“Me keqardhje të thellë prita lajmin e ndarjes nga jeta të arsimtarit dhe drejtuesit të nderuar, Dede Malaj, pas një përpjekjeje të madhe për ta mposhtur virusin e pabesë Covid-19.

Ndaj me familjen e mësues Dedës e të afërmve të tjerë, me kolegët e nxënësit e tij, ndjenjën më të thellë të hidhërimit për këtë njeri të palodhur në punën e tij, që ndër vite ka dhënë vetëm kontribut të mirë në arsim.

Me këtë rast, apeloj sërish shumë fort që për asnjë moment mos ta ulim vigjilencën për të mbrojtur shëndetin tonë dhe të tjerëve, por akoma më shumë të rrisim ndërgjegjësimin qytetar që të frenojmë përhapjen e mëtejshme të virusit”, shkruan ministrja.

Ministri në detyrë për Evropën dhe Punet e Jashtme, Gent Cakaj, po zhvillon një vizitë dy ditore në Sofje, ku pritet të zhvillojë një sërë takimesh të rëndësishme.

Cakaj e nisi këtë vizitë me një takim me Zëvendëskryeministren e Parë për Reformën në Drejtësi dhe Ministren e Punëve të Jashtme të Republikës së Bullgarisë, Ekaterina Zaharieva.

Takimi u fokusua në diskutime mbi avancimin e disa projekteve me rëndësi strategjike, nga nxitja e shkëmbimeve ekonomike deri te zhvillimi i interkoneksionit energjetik.

Po ashtu, dy homologët, theksuan se Shqipëria tashmë ka bërë përparim të qëndrueshëm për të vazhduar më tej në procesin e anëtarësimit në Bashkimin Evropian.

Sa i përket bashkëpunimit shumëpalësh, u shpreh mbështetja e plotë e Bullgarisë në kandidaturën e Shqipërisë për të marrë një ulëse në Këshillin e Sigurimit si anëtare jo e përhershme për 2022-2023.

Në fund të takimit, Ministrat nënshkruan edhe marrëveshjen për bashkëpunim në fushën e mbrojtjes së mjedisit dhe ujërave.

Kryeministri Rama ka folur edhe njëherë për mbajtjen e maskave edhe në rrugë. Në takim me gazetarët, ku prezantoi platformën online “deputeti që duam”, kërkoi nga policia që të ketë vëmendje edhe ndaj përfaqësuesve të Parlamentit, pasi disa prej deputetëve sot u panë pa maska.

Madje u kujdes të saktësonte se nuk do ketë falje të gjobave për askënd që kapet në rrugë pa maskë.

“Ka një problem të vogël se duhet pasur parasysh se s’duhet të niset njeri me idenë se do falim gjobat. Këto do t’i mbajmë pak si gjatë kam përshtypjen, pasi kemi dhe sezonin e dimrit. Gjobat do të vijnë tek fatura e dritave. S’duhet ta vëmë këtë maskën me idenë se do marrim gjobë. I kam kërkuar Policisë së Shtetit që të jetë e vëmendshme dhe vëmendjen ta ketë fillojë Parlamenti i Shqipërisë, nga institucionet qendrore.

Teorikisht duhet të jetë e vështirë. Nuk është e mundur që policia të më ndalojë makinën mua e të më shoh nëse e kam mbajtur apo jo maskën. Unë sot e kam mbajtur maskën. Gjermania sot mesa pashë e vuri në mjediset publike. Para disa ditësh s’pashë maskë asgjëkundi jashtë. Ndërkohë që brenda po. Në Austri as brenda as jashtë.

Të gjithë po e mbajnë tani. Se pashë nëpër media, qytetarët që thoshin që; “kemi frikë nga gjoba se maska kot është”. Po të ishte kot nuk do e vinte gjithë bota, se mirë diktatura gjakatare në Shqipëri po imponon maskën që t’iu mbyllë gojën shpirtrave të lirë që të mos flasin.”, tha Rama.

Pas dy ditëve me reshje shiu të vazhdueshme (dita e Hënë dhe ajo e Martë), reshjet e shiut intensive dhe relativisht problematike rikthehen sot dhe një pjesë të ditës së premte.

Sipas Shërbimit Meterologjik Ushtarak, moti sot nis me vranësira mesatare deri të dendura, shoqëruar me reshje shiu të herëpashershme me intensitet të ulët. Deri në orët e mesditës reshjet do të vazhdojnë me këtë intensitet ndërsa në veriperëndim dhe jugperëndim intensiteti bëhet mesatar dhe lokalisht deri i lartë. Nga orët e mesditës deri ato të pasdites përgjatë vijës bregdetare dhe zonat veriperëndim-jugperëndim reshjet shtojnë intensitet mesatar deri të lartë në formën e shtrëngatave dhe rrebesheve shoqëruar me shkarkesa elektrike.
Nga orët e pasdites deri ato të mesnatës reshjet do jenë me intensitet mesatar në të gjithë vendin ndërsa përgjatë vijës bregdetare, ultësirës perëndimore, verilindje por sidomos zonën e jugperëndimt reshjet do të jenë me intensitet të lartë. Reshjet me intensitet të lartë vijojnë deri në orët e mëngjesit (06-07) të ditës së Premte në zonën e qendrës dhe atë të jugut. Sipas parashikimeve, zona e jugperëndimit mbetet përsëri zonë problematike me sasinë më të lartë të reshjeve.

Më pas vjen përmirësimi i situatës meteorologjike. Moti parashikohet me alternime kthjellimesh dhe vranësirash kalimtare. Vranësirat do të shoqërohen me reshje shiu të herëpashershme por të dobta dhe lokale.