Hëna është një mik dhe shok besnik i një personi. Ajo është gjithmonë atje në qiell, duke na parë në momentet tona të mira dhe të këqija. E bukur në çdo mënyrë të saj.
Hëna, magjike në mënyrën e saj, gjithashtu mund të zbulojë shumë për zgjedhjet dhe perspektivat tuaja të jetës për momentin. Zgjidhni Hënën tuaj dhe merrni mesazhin tuaj personal.
Hëna rozë
Ju jeni një njeri që ndiqni intuitën dhe kjo është superfuqia juaj. Kurdo që të jeni në mes të një udhëkryqi, gjithmonë kini kujdes përpara se të merrni një vendim. Kjo siguron se do të keni një sukses final. Puna dhe vëmendja në marrjen e vendimeve do t’ju sjellë shpërblime të çmuara për sa i përket parave.
Hëna blu
Mos u tregoni të pamatur me financat ose marrëdhëniet. Nëse dëshironi të ndiheni më të sigurt me atë që doni, ose të përmirësoni gjendjen tuaj financiare, mos lejoni që të tjerët të zgjedhin për ju. Kjo është periudha ku ju duhet të keni kujdes me jetën tuaj dhe të keni çdo gjë nën kontroll.
Hëna vjollcë
Do të ketë një rritje të konsiderueshme të financave tuaja. I gjithë përkushtimi në punën tuaj do të shpërblehet dhe do të përparoni në karrierë. Gjithashtu, ju nuk duhet të shqetësoheni për marrëdhëniet tuaja. E ardhmja do t’ju sjellë shokë interesantë, entuziastë dhe shumë të dobishëm për marrëdhëniet tuaja. Përdorini këto për të zbuluar dëshirat tuaja të fshehta.
Cili nga ju është i apasionuar pas numerologjisë? Nëpërmjet numrave është e mundur të zbuloni shumë për personalitetin tuaj, por edhe për shembull në lidhje me “misionin” tonë në botë. Për ta bërë këtë ne propozojmë një lojë që është një provë shumë interesante.
Shtoni të gjitha shifrat e datës tuaj të lindjes deri sa të merrni një numër një shifror. Për shembull, për një person të lindur në 1/1/1900 numri llogaritet si më poshtë: 1 + 1 + 1 + 9 + 0 + 0 = 12, atëherë 1 + 2 = 3. Llogaritni numrin tuaj dhe zbuloni rolin tuaj në botë!
1.Ju jeni një person krijues, misioni juaj në jetë është gjithmonë të krijoni diçka të re dhe ta përdorni atë për ta bërë botën një vend më të mirë!
2.Misioni juaj është të udhëhiqni. Ju jeni një udhëheqës natyror dhe qëllimi juaj është t’i udhëzoni njerëzit të japin më të mirën. Psikolog, diplomat, kapiten i industrisë, nuk ka rëndësi: gjëja e rëndësishme është që ju të mund të shfrytëzoni sa më shumë aftësitë tuaja!
3.Ju jeni një person i ndjeshëm, i destinuar të jeni mik dhe shoqërues për t’ju besuar verbërisht. Ju keni aftësi të shkëlqyera komunikimi dhe do të ishte perfekte për gazetarinë.
4.Ju keni inteligjencë të madhe dhe një frymë të madhe të të mësuarit, si dhe aftësi të jashtëzakonshme logjike dhe kritike të të menduarit. Në fakt, gjithçka që mëson e përdor atë për ta vënë atë në dispozicion të të tjerëve: je i destinuar të bësh mirë.
5.Ju keni një frymë të madhe adaptimi. Ju pëlqen të udhëtoni dhe gjithmonë njihni njerëz të rinj. Misioni juaj është lëvizja: gjithmonë do të keni përvoja të reja dhe do t’i merrni ato nëpër botë!
6.Ju jeni shumë zemërgjerë, empatia është karakteristika juaj kryesore. Vuajtja e të tjerëve bën që edhe ju të vuani, dhe ky është misioni juaj: të ndihmoni ata që vuajnë dhe të jenë gjithmonë aty kur ju duhen.
7.Ju keni lindur për t’u dëgjuar. Fjalët dhe veprimet tuaja mund të ndryshojnë gjërat. Ajo që duket e padrejtë ose jopraktike për ju mund të përmirësohet falë jush dhe aftësive tuaja. Përdoreni këtë dhuratë me mençuri!
8.Ju jeni një lloj Mbreti që kthen gjithçka që shkëlqen në ar. Misioni juaj është të realizoni projekte të shkëlqyera dhe kompani të mëdha.
9.Ju jeni të ndjeshëm dhe empatikë, gjithmonë duhet të rrethoheni me njerëz imagjinues dhe të frymëzuar për ta përmirësuar atë. Jepni dashuri pa kufij, dhe është një dhuratë që nuk duhet të harxhohet: misioni juaj është t’i tregoni botës që mund të jeni të lumtur edhe nëse silleni mirë, gjithmonë duke dhënë një shembull të mirë për të tjerët./b.l/noa.al/
Pse socialistët e vërtetë nuk përfaqësohen më nga Partia Socialiste dhe si “klani rilindas” e ka keqpërdorur pushtetin për interesa të ngushtë.
Ish-drejtoresha dhe zv.ministrja e PS-së në një intervistë për MAPO sqaron arsyet e largimit nga kjo parti drejt LSI-së.
Ardhja në pushtet e PS-së në 2013-ën me moton e rilindjes së vendit solli dhe një grup të rinjsh e të rejash që u emëruan në detyra të rëndësishme të administratës. Një prej tyre ishte Briseida Shehaj e cila kishte milituar në këtë parti që prej vitit 2000 dhe vinte nga një eksperiencë pune në sektorin bankar. Ajo u emërua drejtoreshë e Tatimeve në një kohë kur Elisa Spiropali u emërua drejtoreshë e Doganave.
Po ndërsa Spiropali vijoi karrierën politike dhe sot shihet si një ndër njerëzit më të afërt të kryeministrit Edi Rama si pjesë e kabinetit të tij qeveritar, Shehaj u tërhoq nga angazhimi i saj politik 3 vite më vonë. Ajo dha dorëheqjen nga detyra e dytë që i caktoi Rama si zv.ministre e Ekonomisë vetëm 2 muaj pas emërimit, duke vijuar karrierën e saj në sektorin privat dhe larg prozhektorëve të politikës.
Shehaj ka tërhequr sërish vëmendjen e medias me rikthimin në politikë, tani jo më në PS, por në LSI, parti që u krijua nga Ilir Meta në vitin 2004 pas përplasjeve brenda PS-së.
Shehaj, ka pohuar arsyet e këtij kapërcimi me zhgënjimin e saj me partinë në pushtet, për keqqeverisjen dhe largimin e saj nga principet e majta që ka në bazën e ideologjisë së saj PS-ja.
Në një intervistë për gazetën MAPO, Shehaj thotë se PS-ja erdhi në pushtet nga socialistët, por pushteti u keqpërdor nga “klani rilindas”, siç etiketohen prej vitesh tashmë bashkëpunëtorët e Ramës. Më tej ajo akuzon qeverinë aktuale se e ka rrënuar ekonominë me kontratat e PPP-ve dhe thotë se vendi nga pikëpamja ekonomike është një “pacient në fazën terminale në urgjencë” , të cilit nuk i duhen “kasapë”, por “mjekë të përgjegjshëm”.
Znj. Shehaj, pas një shkëputjeje nga administrata shtetërore, ku keni provuar pozicione me rëndësi si drejtoreshë e Tatimeve dhe më pas zv.ministre, jeni rikthyer në politikë, po këtë herë jo më pranë partisë ku keni milituar, PS-së, por LSI-së. Si erdhi ky vendim dhe pse zgjodhe LSI?
E nisim me një saktësim, ky nuk është rikthim në politikë, por vendimi im i parë për t’u marrë me politikë aktive. Si një shqiptare, që kam vendosur të jetoj e punoj në këtë vend, si qytetare e angazhuar, për mua 25 prilli nuk është thjesht një datë zgjedhjesh, por shpresa e fundit për Shqipërinë. Unë kam qenë e majtë, mbetem e majtë, kam bindjen e plotë se Shqipëria e varfër ka nevojë për një të majtë të vërtetë e në vend atë e përfaqëson tashmë vetëm LSI.
Nëse janë bindjet ideologjike që ju kanë udhëhequr në këto zgjedhje, çfarë ka LSI më socialiste se Partia Socialiste?
Për të qenë e saktë sërish, pyetja do duhej të ish çfarë e bën LSI-në më socialiste se Rilindja. Dhe Rilindja nuk ka asgjë socialiste. Partia Socialiste ishte thjesht mjeti i saj për të arritur qëllimin. Se cili qe ky qëllim mjafton të shihni me sy të lirë qendrën e Tiranës, shndërrimin e qytetit në një lavatriçe gjigante, që po ndot me vrull shqiptarët.
Ju jeni aktivizuar pranë strukturave socialiste që në rini, çfarë ndodhi që u zhgënjyet pikërisht kur kjo parti ishte në pushtet?
Unë jam rritur nga dy prindër të majtë, me kontribut të ndjerë e modest në Partinë Socialiste. Në vitet 2001-2002, Monika Kryemadhi, asokohe kryetare e Forumit Rinor ndikoi të ktheja bindjet e mia të majta në angazhim konkret. Dhe e mora seriozisht këtë përfshirje në strukturat e partisë, duke bërë rrugëtimin e plotë brenda saj në shumë funksione, si komisionere, numëruese, e deleguar në njësitë 1 dhe 3 në Tiranë, e deleguar në Kongresin e PS-së, anëtare e Asamblesë Kombëtare, pjesë e grupit të punës për ngritjen e Forumit të Gruas, koordinatore elektorale e njësisë nr.3, funksione, që i kam ushtruar deri në vitin 2017.
Arsyet e votës së jashtëzakonshme të vitit 2013 nisën të zhbëhen 3 vjet pas marrjes së pushtetit, premtimet me të cilat iu kërkua besimi shqiptarëve nuk po mbaheshin, karriera nisi të bëhej një mundësi, që varej nga afërsia me Rilindjen, ku puna e grupit, që kish karakterizuar këtë forcë në ditë me dhe pa pushtet, po zëvendësohej nga klanet brenda partisë. Klane që në vend t’u shërbenin shqiptarëve, sulmonin njëri-tjetrin deri në pikën “o me ne, o je armiku”. Kjo nuk qe më partia në emër të së cilës kërkuam votën, ndaj me bindje të plotë dhashë dorëheqjen kur Rilindja qe në kulmin e pushtetit. Kjo ngjan e paimagjinueshme për ata, që varkën e lënë zakonisht vetëm kur është duke u mbytur.
Flitet shpesh për një dualizëm brenda PS-së për Rilindjen, që nënkupton një grupim të ardhur rishtas në këtë parti pas ardhjes së Edi Ramës kryetar dhe socialistëve të vjetër, apo ai grupim që ruan akoma ato vlera me të cilat e gjejnë veten. A ekziston ky dualizëm? Dhe pas kaq vitesh a mund të themi se ka akoma socialistë brenda ‘Rilindjes’?
Socialistët e vërtetë, asetet e patjetërsueshme të kësaj force, janë ata, që sollën Partinë Socialiste në pushtet, pushtet që sot po e ushtron dhe keqpërdor Rilindja.
Vetëm para pak ditësh pamë një spektakël të çuditshëm në Asamblenë e PS-së, ku pas një fjalimi të gjatë të kryetarit, nuk u bë votimi i kryesisë së re, qëllimi pse ishte mbledhur ky forum. Po ta krahasosh këtë me KPD-në e dikurshme, ku debatohej dhe kishte garë, çfarë do të thotë për një socialiste si ju?
Socialistët e vërtetë janë mësuar me garën dhe konkurrencën. Rilindasit i frigohen garës dhe përballjes me socialistët. Nuk kam nguruar të flas si në struktura edhe publikisht për zhdukjen e institucionit të zgjedhjeve në këtë forcë politike. Kjo është humbja më e madhe për këtë forcë: shndërrimi i zgjedhjeve dhe garës në tabu.
Gjatë karrierës suaj në administratë pa dyshim detyra e Drejtoreshës së Tatimeve ka qenë domethënëse, si një njohëse e problemeve ekonomike, çfarë po ndodh sot me ekonominë e vendit, sa e rëndë është kriza për të cilën po flasin raportet e institucioneve ndërkombëtare dhe çfarë duhet të bëjë qeveria për të menaxhuar këtë situatë?
Sot Shqipëria është pacienti që ka mbërritur në fazën terminale në urgjencë. Duhen rikthyer parametrat jetikë në normalitet, zhbërja e investimeve abuzive, analizë në detaje e zbatimit të kontratave PPP, ato miliardëshe të AKSH-it, fokusimi në mbledhjen e të ardhurave, ku vetëm në 8 muajt e parë të vitit janë mbledhur 340 milionë dollarë më pak se një vit më parë. Mirëkuptoj ndikimin e pandemisë në këtë situatë, por tatëpjeta kish nisur para saj.
Mjafton të shihen të ardhurat e mbledhura në vitin 2019 në raport me ato të arkëtuara në vitin 2018. Mjafton të shohësh zërin e TVSH-së për të kuptuar që investimet dhe miliardat e hedhura në PPP janë kthyer në skema të evazionit fiskal. Deri në atë pikë sa kompanitë blejnë pula dhe të brendshme e shesin beton. Qeveria duhet të kuptojë se miradministrimi nuk mund të jetë zhytja në borxhe në nivel rekord. Ne jemi një vend ku rritja ekonomike varet nga tekat e motit, bie a s’bie shi. Në fund të ditës këtij pacienti i duhen mjekë të përgjegjshëm dhe jo kasapë.
Sot është Dita Ndërkombëtare për Çrrënjosjen e Varfërisë, por kjo ditë e gjen Shqipërinë në një gjendje tepër të rëndë ekonomike.
Presidenti Ilir Meta ka reaguar pikërisht në këtë ditë, duke fajësuar qeverinë mbi gjendjen ekonomike të shqiptarëve.
Meta shkruan se sipas raporteve të organizatave të huaja prestigjoze niveli i varfërisë në Shqipëri, rezulton 2 herë më i lartë se në të gjitha vendet e rajonit.
Kreu i Shtetit shprehet se me përshkallëzimin e krizës së rëndë politike e institucionale, veçanërisht pas shkeljes brutale të Marrëveshjes konsensuale të 5 Qershorit, dhe në kushtet e pandemisë, situata pritet të përkeqësohet drejt një katastrofe ekonomike kombëtare, që duhet parandaluar në kohë.
Meta foli sërish për shpërndarjen e parlamentit, duke thënë se shqiptarët do ta marrin në dorë sovranitetin.
Postimi i plotë:
Dita Ndërkombëtare për Çrrënjosjen e Varfërisë, e gjen Shqipërinë në një gjendje tepër të rëndë ekonomike, sipas raporteve të organizatave të huaja prestigjoze.
Banka Botërore në konkluzionet e fundit vjetore e rendit vendin tonë me recesionin më të lartë në rajon, me një rënie të madhe ekonomike që parashikohet nga – 8% në -9% për vitin 2020.
Edhe për shkak të pandemisë COVID-19, me mijëra biznese janë mbyllur, ndërkohë që niveli i papunësisë krahasuar me një vit më parë ka arritur në 11.9% në gjashtë mujorin e parë të vitit.
Dërgesat nga diaspora janë ulur ndjeshëm duke ndikuar në një rënie drastike të të ardhurave të familjeve më në nevojë, që reflektohen në uljen e konsumit.
Tronditës është fakti se niveli i popullsisë që jeton me më pak se 5.5 USD/ditë është rritur në 41.5%, nga 35.6% krahasuar me vitin e kaluar.
Niveli i varfërisë në Shqipëri, rezulton 2 herë më i lartë se në të gjitha vendet e rajonit, ku konkretisht kjo përqindje rezulton:
në Maqedoninë e Veriut 23.3 %,
në Kosovë 22,9%,
në Malin e Zi 20,4%
në Serbi 18,9%.
Me përshkallëzimin e krizës së rëndë politike e institucionale, veçanërisht pas shkeljes brutale të Marrëveshjes konsensuale të 5 Qershorit, dhe në kushtet e pandemisë, situata pritet të përkeqësohet drejt një katastrofe ekonomike kombëtare, që duhet parandaluar në kohë.
Varfëria është dhunim flagrant i të drejtave të njeriut, ndaj lufta për çrrënjosjen e këtij fenomeni në radhë të parë është luftë për të garantuar dinjitetin e çdo qytetari dhe drejtësinë sociale, aq të domosdoshme, që meriton një shoqëri si e jona, për t’u zhvilluar sipas standardeve europiane.
Varfëria nuk zgjidhet as me propagandë, as me statistika nga televizori, as me një thes miell, as me nxitjen e fenomeneve kriminale si kanabisi, që dihet se çfarë dëmesh dhe pasojash tepër të rënda sociale kanë shkaktuar.
Është e papranueshme që një grusht oligarkësh dhe banditësh, siç është edhe mafia e inceneratorëve, të pasurohen çdo ditë me miliona euro të taksapaguesve shqiptarë, ndërsa një qytetar në nevojë apo një pensionist me fëmijët në emigracion të mbijetojë me 5.5 USD/dita, në kushtet e rritjes së shfrenuar të çmimeve.
Çdo i varfër në Shqipëri dhe çdo qytetar i ndershëm, më shumë se për solidaritet ka nevojë sot t’i dëgjohet zëri i tij.
Ndaj është koha të veprojmë të gjithë së bashku për të arritur drejtësinë sociale të munguar.
Shqiptarët do ta marrin në dorë sovranitetin dhe jam i bindur se zëri i tyre, jo vetëm do dëgjohet, por të kumbojë aq fort sa të shkallmojë shurdhërinë edhe në zyrën më të humbur të shtetit.
Kryeministri Rama e nis ditën me fotot e disa “guest-house-ve” në Malësinë e Madhe, dhe i mrekulluar nga to shkruan se mezi po pret të takojë katër djemtë që i kanë ndërtruar.
“MIRËMËNGJES , dhe me këto pamje që s’janë as në Zvicër as në Austri, po në Vermoshin ku nisma jonë zhvillimore e projekti tanimë i përfunduar i Qendrës Turistike të Fondit Shqiptar të Zhvillimit, ka nxitur investime e plane private që do ta kthejnë këtë mrekulli të natyrës së Malësisë së Madhe në një destinacion europian gjatë kësaj dekade, ju uroj një fundjavë të bukur”, shkruan Rama.
Më tej, ai thotë se mezi pret të takojë djemtë dhe t’ju përulet me respekt. “Mësova se këtë perlë e kanë bërë duart e katër djemve punëtorë të zonës, dy sipërmarrës të talentuar e dy emigrantë të kthyer nga jashtë, të cilët mezi po pres t’i takoj e t’u përulem me admirim e respekt për shijen, cilësinë dhe shembullin fantastik të kësaj pune të mrekullueshme që është edhe një pasqyrë kuptimplotë për dembelat, qaramanët e kukuvajkat e Shqipërisë së klubeve politike, mediatike e internetike”, përmbyll kryeministri dhe ndan foto e mëposhtem.
Kryetarja e Lëvizjes Socialiste për Integrim, Monika Kryemadhi, ka folur sonte për vendimin e mbajtjes së maskës me detyrim duke thënë se Rama e bëri këtë sepse çon të njëjtët njerëz në takime dhe e bën që të mos i njohin.
Kryemadhi nuk lë pa përmendur ndryshimet në Kushtetutë dhe në Kodin Zgjedhor duke i thënë publikisht kryeministrit se këto taktika a nuk e ndryshojnë dot votën e qytetarëve.
“Jam e qetë sepse çdo ditë minimumi takoj 100-150 vetë.
Takoj policë që ulërasin për mënyrën se si i trajton shteti i tyre. Takoj mjekë që kanë pagë 480 mijë lekë dhe u thuhet të blejnë maska dhe dezinfektantë.
A e dini ju pse ka vendosur maska ai? Sepse të njëjtët njerëz i çon në takime edhe në Tiranë, edhe në Durrës dhe u vë maska që të mos i njohin. Të ndryshosh Kushtetutën nuk e ndryshon votën. Taktikat elektorale nuk të shpëtojnë.
Nuk do të guxojë njeri të trokasë në derën e një qytetari për ta kërcënuar për vendin e punës. Unë e njoh Edi Ramën shumë mirë. Është bërë tre herë kryetar bashkie me LSI-në. Në 2013 fitoi për shkak të LSI-së dhe në 2017 për shkak të PD-së. Një herë që kishte LSI-në kundër humbi. Edi Rama është frikacak edhe përpara shoferit të tij”, tha ajo në emisionin “Java” në RTSH.
Sa i përket dekoratave që bën Presidenti Ilir Meta, kryetarja e LSI thotë se dashuria e tij për Margaritën është e vërtetë ndërsa sqaron se i pëlqen që të përmenden heronjtë e kombit.
“Dashuria e Ilir Metës për Margarita Tutulanin është e vërtetë, për më tepër që Afërdita Tutulani ka qenë një nga themelueset e LSI-së. Nuk është keq që t’i përmendim heronjtë. Është e turpshme që të hyni në Wikipedia për Vojo Kushin thonë se është jugosllav. Sa hynë për të kontrolluar kush i bën like opozitës, të shpenzoj ca para për këtë”, shtoi Kryemadhi në RTSH.
Simpatizantë dhe ithtarë të ish-diktatorit, Enver Hoxha, kanë kujtuar si çdo vit figurën e udhëheqësit më jetëgjatë në historinë e Shqipërisë, që për ta është edhe më i suksesshmi.
Ata kanë shpërndarë në rrjete sociale, materiale që lartësojnë figurën e diktatorit komunist dhe bëjnë thirrje “çohu Enver nga varri se na mori malli”.
Sot në përkujtim të ditëlindjes së 112 të Enver Hoxhësz duhet theksuar se ka edhe në Kosovë dhe krahinat e tjera shqipfolëse nga ata që vlerësojnë figurën e Hoxhës, i cili qeverisi Shqipërinë me “dorë të hekurt” nga viti 1944, kur përfundoi Lufta e II Botërore, deri më 11 prill 1985, kur u nda nga jeta.
Ndonëse nën drejtimin e Enver Hoxhës, nga lufta e ashpër e klasave, humbën jetën, u zhdukën dhe u internuan me mijëra njerëz, megjithatë ithtarët e diktatorit flasin për anë të tjera të mira, si zhvillimi i arsimit, shëndetësia, ndërtimi i infrastrukturës si hekurudhat, hidocentralet, uzina e fabrika, i qyteteve, rendi dhe goditja pa kompromis e krimit dhe e korrupsionit, etj.
Një ndër ta është edhe një artikull i Mehmet Musa, i cili ka lartësuar figurën e Hoxhës, si më poshtë:
Mehmet Musa: Enver Hoxha diell epoke! (16.10.1908— nuk vdes kurrë!
Sot, më 16 tetor, në këtë ditë të bukur vjeshte, u mbushën plot 112 vjet që kur në trevën e Ilirisë, në Gjirokastrën heroike, lindi burri më i madh që ka nxjerrë trualli shqiptar deri më sot, lindi ora e katër vilajeteve shqiptare, lindi Enver Hoxha, i cili gjatë gjithë jetës, mundin, mendjen e forcën e tij e shkriu në shërbim të popullit e Atdheut.
Ai, ju bëri ballë me trimëri e krenari gjithë provokimeve e ndërhyrjeve nga toka, deti e ajri për 45 vjet me radhë dy superfuqive më të mëdha botërore, (Paktit të NATO-s e Traktatit të Varshavës) si dhe akteve armiqësore të UDB-ës jugosllave dhe shërbimeve agjenturore greke e Italiane. Për 45 vjet me radhë ai doli fitimtar e me ballin lartë, shqiptarisht, ndaj këtyre superfuqive që e trazuan rruzullin tokësor, duke ndezur kudo luftëra të armatosura sa herë që u a donte interesi i tyre. Në këtë këndvështrim, nuk do të lindë më, një tjetër burrë shteti, një prijës ushtarak e burrë shqiptarie si Enver Hoxha, për ti detyruar armiqtë e egër e më të egër, të poshtër e më të poshtër, njërin pas tjetrit, që t’a fusin bishtin nën shalë dhe të ikin me turp andej nga kishin ardhur.
Nuk do të flas për trimërinë, luftën heroike e të armatosur dhe fitoren legjendare të popullit shqiptar dhe të UNÇ të tij të udhëhequr me një trimëri, mençuri e largpamësi të rrallë nga Komandanti legjendar, Enver Hoxha, më 29 nëntor 1944 çliruan Shqipërinë dhe i sollën lirinë, duke përzënë nga Shqipëria okupatorin nazifashist dhe tradhtarët e vendit, pa ndihmën e askujt. Kjo fitore e lavdishme tani dihet botërisht nga populli shqiptar, por edhe nga armiqtë e Shqipërisë dhe veglat e tyre qorre. Çlirimi i Atdheut nga nazifashizmi dhe tradhtarët e vendit, rindërtimi dhe ndërtimi i tij, forcimi, mbrojtja, respektimi i tij, emancipimi i shoqërisë duke ngritur në nivel sa më të lartë nivelin arsimor, kulturor e shkencor ishin flamuri nën të cilin u rreshtuan pjesa dërrmuese e shqiptarëve nën udhëheqjen e të ndriturit Enver Hoxha.
Ky program madhështor filloi dhe u realizua me zhdukjen e analfabetizmit, me krijimin e një armate të tërë intelektualësh me arsim të lartë ,që arritën deri në 100.000 vetë, me investimet e papara ndonjë here, me krijimin, forcimin dhe modernizimin e ushtrisë dhe forcave të armatosura shqiptare, deri në atë nivel sa, të jenë të afta të përballen me kërkesat e kohës dhe sfidat nga armiqtë e çfarëdo ngjyre qofshin, të lindjes apo perëndimit. Nuk mund të mos kujtojmë nderimin dhe lartësimin që iu bë bijve të popullit që derdhen në altarin e lirisë së Atdheut, gjakun e tyre.
Ndihma dhe përkrahja e vëllezërve të një gjaku që fuqitë e mëdha, padrejtësisht i copëtuan nga trungu i Shqipërisë dhe ia aneksuan ish Jugosllavisë, ndihma e pakursyer për vëllezërit e mbetur nën Jugosllavi, si në arsim shkencë e kulturë e deri të përkrahja pa rezerve e grupeve ilegale revolucionare që vepronin për të jetësuar vendimet historike të Konferencës së Bujanit, në këtë kontekst, ndihma për të gjitha grupet pa përjashtim, pavarësisht nga orientimi i tyre ideologjik por që luftonin për një Shqipëri natyrale, te të gjithë shqiptareve, janë një faqe tjetër e ndritur në jetën dhe veprën e Enver Hoxhës që e kemi për detyrë t’a kujtojmë e përkujtojmë.
Po kështu është edhe kthimi nga dheu i huaj i eshtrave të patriotëve dhe varrosja në Atdhe e atyre që u dogjën dhe vdiqën me mall e me sytë kthyer nga Atdheu.
Armiqtë tanë shekullorë, përkatësinë e ndryshme fetare të shqiptarëve, vëllavrasjen dhe gjakmarrjen, të trashëguara nga errësira e shekujve, dallimet jugë -veri etj u përpoqën t’i shfrytëzojnë për të mbajtur shqiptarët të përçarë me qëllim që të përjetësonin sundimin e tyre. Lufta kundër këtyre të këqijave të trashëguara dhe eliminimi pothuajse total i tyre ka qenë një gur diamanti në kurorën e arritjeve të mëdha nën udhëheqjen e Enver Hoxhës.
Në Shqipëri nuk ishte me problem peshkataria fetare. Të gjithë, të çdo besimi të ishin, e ndienin vetën shqiptare, në radhë të parë. Këto arritje madhështore por edhe shumë e shumë të tjera janë të njohura botërisht, si nga miqtë ashtu dhe nga armiqtë tanë.
Pakti i NATOS dhe Traktati i VARSHAVËS, herë në rivalitet e herë në ujdi me njeri-tjetrin, kurrë nuk pushuan duke ndërhyrë, duke sulmuar dhe duke bërë përpjekje nga toka, ajri e deti për ta përmbysur pushtetin popullor të Enver Hoxhës si, dhe për ti eliminuar fizikisht udhëheqësit kryesor të Shtetit tonë.
Në librin e Veli Llakaj „Tetë vjet në krye të Shtabit të Përgjithshëm të Ushtrisë” në faqen 325 lexojmë: “Agjenti i Shërbimit Inteligjent Amerikan, Majkëll Burk, dëshmoi se në vitin 1951, nga eprorët e tij u hartua komploti i koduar „SORBONE“ CIA, një plan për eliminimin e Mehmet Shehut.
Amerikanëve, vrasja e Mehmet Shehut do t’u lehtësonte operacionet për përmbysjen e regjimit të Enver Hoxhës dhe eliminimin fizik të tij.
Maikëll Burk ishte agjent i CIA-s që publikon këtë fakt në ditarin e tij. Burk ishte futur në CIA në vitin 1951 dhe është i pari nga ish-agjentët sekret që dha fakte rreth këtij plani.Në fletët e ditarit ai shkruan ,se këtë plan Burk e kishte diskutuar me një emigrant shqiptar përfaqësues të zogistëve me pseudonimin Xhorxh.
Po ashtu CIA konsideronte dhe vlerësonte se Sigurimi Shqiptar ishte pengesë serioze për veprimtarinë e agjentëve anglo-amerikanë në Shqipëri.
Gjatë Luftës së Ftohtë Burk kryesoi pjesën amerikane të një projekti të përbashkët amerikano-britanik,që kishte për qëllim përmbysjen e sistemit të Enver Hoxhës dhe likuidimin e tij. Projekti u quajt me emrin kodik “FIEND“.
Ne ditarin e tij, Burk, ka bërë përshkrime të sakta për mënyrën e stërvitjes dhe armatosjën e agjentëve, të cilët u hodhën me parashutë në Shqipëri duke filluar nga nëntori i vitit 1950.
Sipas Burk i gjithë projekti “FIEND“ do të ndihmohej edhe nga shërbimet sekrete të Greqisë UDB-a e Jugosllavisë dhe nga Marina italiane.
Këto provokime dhe ndërhyrjet në punët e brendëshme të një shteti të lirë e sovran siq ishte Shqipëria, ishin në kundërshtim me të gjitha kartat (nderkombetare), por a pyesnin amerikanet,anglezet e sovjetikët për shkeljen nga ana e tyre të normave nderkombëtare?
Planet e tyre ata i konsideronin të perkryer,por ata harronin se në ballë të frontit e në krye të vendit ishte Dielli i shqiptarisë ,Enver Hoxha ,në unitet me tëre popullun si mishi me thoin dhe,këto banda, ende pa e parë diellin e Shqipërisë me sy u eliminuan dhe morën denimin e merituar.
Raste të tille ka sa të duash për 45 vite me radhë,por do permend edhe një.
Ushtaraku slloven Janez Jansha, ne vitin 1989 dekonspiroi planin sekret të nderhyrjës ushtarake të Jugosllavisë në Shqipëri për te realizuar ëndërren e moçme që Shqipëria të bëhej republikë e shtatë e Jugosllavisë dhe per këte u denua me 15 vjet burg .
Plan i nderhyrjes ushtarake duhej të zhvillohej në katër faza.Faza e parë parashikonte që të armatoseshin,2000 njerz serb me plisa të bardhë, në kufirin Kosovë-Shqipëri.Ky moment do të regjistrohej dhe do të dërgohej në OKB-ku do të deklarohej se Shqipëria kishte ndërhrë ushtarakisht në Jugosllavi.Nen këte pretekst do të invadohej Shqiperia dhe do të merrej Radiotelevizioni i Tiranës nga i cili do i drejtohej popullit shqiptar thirrja:“Popull shqiptar!Endërra e juaj për të qenë republikë e shtatë e Jugosllavisë u realizua“ dhe regjimi i diktatorit Enver Hoxha u rrëxua për toke.
Për këto fakte, mendoj se rapsodi popullor që këndoi vargjet: “plot pesë shekuj nëna priti, Skenderbeut një vëlla ia rriti“ ka domëthënje të vërtetë të madhe.
Të përballosh, dhe çdo here të dalësh fitimtar mbi të gjitha këto operacione luftarake kundër dy superfuqive botërore, UDB-së, shërbimit grek, me të vërtetë vetëm vëllai i Skenderbeut, Enver Hoxha dhe askush tjetër nuk kishte patur guxim, kurajo e forcë çeliku që ti përballojë.
Për t’i perballuar me nder e, për të dalë çdo here fitimtar në këto përleshje u desh punë, punë natë e ditë, për t’a ndërtuar e mbrojtur Atdheun në unitetin e pathyeshem popull – Parti.
Me gjithë këto vështirësi e provokime ditën e natën nga armiqtë e kombit shqiptar, me mund djersë e sakrifica u arrit që me 24 prill 1951 të formohej Aviacioni Luftarak Shqiptar.
Në një vend të vogël siç ishte Shqipëria, i rrethuar me armiq të egër e më të egër nga të katër anët, duheshin investime të pakufishme, marramendëse për forcat e armatosura të cilat ndikonin drejt për së drejti në mireqenien e popullit.
Mardheniet me Bashkimin Sovjetik e pastaj me Kinën më tepër ishin marrëdhënie djallëzore nga ana e sovjetikëve dhe kinezëve. Duhej një guxim e trimeri e rrallë dhe e pashoqe e Enver Hoxhes për të dalë nga Traktati i Varshaves në vitin 1960. Ky akt i rrufeshëm dhe tepër i guximshem, pa pyetur fare për procedurat e daljës, mendoj se ishte vendimi i denimit me vdekje Traktatit të Varshavës që ndodhi pak më vonë.
Krahas investimeve në ushtri e për sigurimin e shtetit Enveri ynë, rëndesi i kushtoi zhvillimit të vendit,tharjës së kënetave, ndertimi i fabrikave dhe uzinave, zhvillimit të industrisë e kështu me radhë.
Në vitin 1957, në Tiranë u formua për herën e parë në historinë e shqiptarisë Universiteti shtetëror i Tiranës.
Të diplomuarit në këte universitet konkuronin dhe posedonin aftësi shkencore edhe më të larta se studentët që diplomoheshin në universitetet europiane. Ssëot çdo diplomë universiteti madje edhe ajo e mjekësisë blihet me lekë.
Ne çdo fshat të Shqipërisë u hapën shkollat fillore, u hapen kurset kunder analfabetizmit, e për rrjedhojë u zhduk analfabetizmi fare.
Librat dhe fletoret për nxënësit ishin falas.Spitalet, edhe pse ishin të pakët në fillim, trajtonin pacientët në mënyrë të barabartë. Shërbimet në shëndetsi ishin falas. Me punë dhe vetëm me punë u arrit në çdo cep të Shqipërisë edhe në zonat më të thella, elektrifikimi i tërë vendit.
E gjithë kjo punë kolosale, ky mund e kjo djersë e popullit, për shkak te sabotimeve në mardhenjet ekonomike e tregtare me shtetet fqinjë dhe më larg, që të vetmin synim kishin ta gjunjëzonin Shqipërinë, ndonjëhere ndodhte që edhe të mos arrinte objektivat e caktura. Nga sulmët e pandërprera dashtë e padashtë, për sigurimin e pavarësisë së vendit u desh të shpenzohen shuma marramendëse në ndertimin e bunkerëve si dhe si mburojë e pavarësisë të zgjedhët formën e vetizolimit.
Enver Hoxha për Kosovën, Kosova për Enver Hoxhën!
Nëse do të kishte ndodhur ndonjëhere që njeriu të ngelej me sy hapur kur të vdiste, sepse nuk kishte mundur të realizonte një plan,synim apo dëshirë në jetën e tij,e nëse në kombin tonë prej shtatë milion tash e 3000 vjet të shkuara do të ishte një njeri i tillë ai, padyshim, eshtë Enver Hoxha,i cili në momentët e fundit të jetës së tij i tha shoqës së tij Nexhmie Hoxha se,po iki nga kjo jetë pa mundur të realizoj një dëshirë që ishte domosdoshmëri historike, për ta parë Shqipërinë të bashkuar me të gjitha trojet shqiptare në një shtet të vetëm.
Me 2 shtator1949, Enver Hoxha i dërgoi letër përsonalisht Josif Stalinit, ku thuhej:“Ne mendojmë,se çlirimi i popujve të Jugosllavisë mundë të arrihet vetëm me luftë e me gjak.Tjetër rrugë s‘ka.Është e domosdoshme të pëmbyset e të asgjesohet klika e Titos.Lufta e Jugosllavisë duhet të zhvillohet e ashpër,deri në kryengritje të armatosur kundër fashistëve dhe shërbëtorëve të tyre të brendshëm me agjentin Tito në krye…Populli shqiptar në Kosovë duhet të luftojë nën flamurin shqiptar, kurse parimi i vetvendosjes duhet përcaktuar saktë dhe të jetë rrjedhojë e luftës së ashpër të shqiptarëve“.
Detyra e vënë nga shteti shqiptar, personalisht nga Enver Hoxha, për një ndërhyrje tjetër të mundshme në Kosovë në vitet 1980-1981 ku autor i këti plani kam qenë unë Veli Llakaj,dhe bashkëpunëtori tjetër, Maliq Sadushi, nën drejtimin direkt të Kryeministrit Shqiptar, Mehmet Shehu, është poashtu një fakt tjetër i preokupimit të Enver Hoxhës për ribashkimin e trojeve shqiptare.
Ky preokupim vazhdoi pa ndërprerje deri sa kushtet dhe rrethanat në terren ishin më të favorshme për një luftë të armatosur. Kështu, në konsultim me Ramiz Alinë në fund të viteve 1990 dhe fillim te viteve 1991 ,shkuan për tu stervitur në Shqipëri të rinjte nga Kosova ,nën drejtimin ,tani të heronjëve të pavdekshëm të Atdheut,Adem Jasharit e Sali Çekut. Më pas shkuan edhe grupe te tjere, ndërsa kur filloi lufta frontale në Kosovë, prapë se prapë në llogore shkrepnin mbi armikun serb ato armë që i kishte vënë në dispozicion me kohë, Enver Hoxha për një ditë të tillë.
Nuk ka ndonjë dëshmi që Fatos Nano, Sali Berisha, Bujar Bukoshi e Ibrahim Rugova të kenë blerë qoftë edhe vetëm një fishek për luftën çlirimtare. Tani kur po flasim për këte rast jemi në vitin 1998 kurë shpërtheu lufta, ku dy partitë kryesore në pushtet, në Shqipëri, Partia Demokratike dhe Partia Socialiste, as që u merakosën për luftën e UÇK-së që zhvillohej në Kosovë, por besa edhe i penguan djemtë trima të UÇK-së duke thurur lloj lloj intrigash deri në eliminim fizik ,siç eliminuan Ali Ukajn,Remzi Hoxhën, Ilir Konjushevcin e Ahmet Krasniqin. Në këte luftë për jetë a vdekje, nuk munguan oficerët e karrieres nga Shqipëria që ishin edukuar dhe specializuar e stervitur në kohën dhe nga mësimet e Enver Hoxhës se,si duhej Atdheu dhe Shqipëria.Ishin nga jugu e nga veriu,por më kryesore ishin shqiptar e bij shqiptari që Atdheun e donin më shume se jetën e tyre. Këta vullnetarisht ,ndoshta edhe ilegalisht nga institucionet e shtetit Shqiptar, u gjendën në front ballë për ballë me armikun serb për ta çliruar gjysmën e Shqipërisë që ishte e okupuar nga Serbia.Për këta oficerë,dhe ushtarë që u gjendën në mesin e luftëtarëve të UÇK-së çdo pëllëmbë e trojeve shqiptare thirrej Shqipëri.Ata jane dhe do të ngelin heronjë e gjallë në historinë më te re të Shqipërisë.
Këta djem janë nga ata që nenat u kishin kënduar duke i perkundur në djep :“ Rritu biro e lufto për Atdheun e coptuar e po që se eshtë nevoja fale edhe jetën sikur me lindë.Këta djem , gjithsejt 19-të me luftën e tyre heroike nderuan veten e tyre, nderuan varrin e Skënderbeut e të Enver Hoxhës, nderuan familjet e tyre,nderuan Atdheun tonë Shqipërinë natyrale dhe nderuan flamurin tonë me shqiponjën dykrenare!
Pra 19 oficer karriere dhe 154 vullnetare ushtarë të UÇK-së e ndër ta 32 kan fituar pavdeksinë ndër shekuj ,duke u treguar armiqëve serb dhe tërë botës se nuk do lejojmë më qe të ketë kufi që ndan zemrat e shqiptarëve.
Eshtë për të ardhur keq ku eshtë katandisur shqiptaria, pasi një numër goxha i madh nga këta ushtarake të shqiponjës as që figuron në listat e veteranëve të UÇK-së.
Mbasi gjysma e Shqipërisë , me ndihmën e fuqive të mëdha u pushtua ushtarakisht nga serbosllavia, çdo here dhe në çdo kohë Enver Hoxha i kishte caktuar vetës detyrë mbi detyrat mos të pushoje së vepruari me të gjitha mjetët dhe forcën që lejon etika revolucionare .
Kam qenë personalisht në shërbim, në armatën jugosllave.
Me 13 tetor në vitin 1976,në Koprivnicë të Kroacisë,në një orë mesimi të politikës për ushtarët,që mbahej nga oficeri i sigurimit serbi Vllastimir Matoviç, ai filloi të na spjegojë për mardhënjet që kishte Jugosllavia me shtetet fqinjë. Ai tha se deri në vitin 1968, kemi patur probleme serioze me Italinë ,në lidhje me Triesten.Me Austrinë,Hungarinë e Rumaninë kemi raporte të mira fqinjësore. Me Bullgarinë,kemi mosmarveshje të vogla,ndërsa me Greqinë kemi raporte vëllazërore , dhe me Shqipërinë, nga paslufta e deri me sot kemi raporte armiqsore.Na vritën ushtarët jo vetëm në kufi, por edhe në brendësinë e thellë të Jugosllavisë.Këto ditë na janë vrare nga sigurimi i Enver Hoxhës katër ushtare në fshatin Hulaj të Deçanit. Në krye të shtetit shqiptar eshtë një njeri i egër mali ( divli čovek).
Më vonë kuptova se Enver Hoxha nga vitet 1950 kishte formuar Sektorin e Rëndësisë së Veçante për të ndihmuar dhe përkrahur vëllezërit e gjysmës së Shqipërisë së okupuar nga Jugosllavia, dhe në krye të këtij sektori ishin venë e vepronin burra e djem nga krahinat e okupuara si Sali Shatri, Halit Kaçanolli, Shaban Braha e shumë të tjerë që sa here e kërkonte nevoja ishin pranë popullit të shtypur ditën e natën.
Udheheqësit kryesore të organizatave si Rexhep Mala,Jusuf Gërvalla,Kadri Zeka,Isa Zhel-Hasani,tani heronj të kombit,e,shumë e shumë të tjerë kishin kontakte direkt me Enverin ose, me shokë të caktuar nga Enveri,pra kishin kontakte pune të pandërprera me sektorin e veçant.
Përmes valëve të Radio Tiranës e radio Kukësit jepeshin programe kombëtare nga lufterat që zhvilloi populli ynë ndër shekuj për jetë a vdekje,Televizioni Shqiptar dhe shfaqja e filmave dhe dramave si; Epoka para gjygjit,I teti në bronz,Ballë për ballë,Flaka e maleve ,Rruga e shkronjave,Toka e ndezur,Liri a vdekje,Nëntori i dytë e shumë e shumë tjerë,pastaj këngët rapsodike të kënduara nga Fatime Sokoli e Dervish Shaqa për Partinë dhe Enver Hoxhën, dhanë rezultate të konsiderushme në emancipimin dhe edukimin revolucionar e kombëtar sidomos të rinisë së gjysmës së Shqipërisë të okupuar nga Jugosllavia.
E them me pergjegjesi të plotë se kanceri kryesor i hyri Jugosllavisë me 10 qershor 1978, kur në Prizrenin historik u kremtua 100 vjetori i Lidhjës Shqiptare të Prizerenit. Aty, studiues nga mbarë hapsirat shqiptare dhe diaspora , elaboruan qëllimet kryesore dhe të fundit që kishte patur Lidhja shqiptare e Prizerenit. Ku një gjendje e tillë ishte shume aktuale për kombin tonë të ndarë në dysh edhe në vitin 1978. Çdo celulë që organizohej kryente betimin para flamurit të kombit dhe fotografisë së Enver Hoxhës. Këtu më poshtë eshtë një fotografi e vitit 1979, në konviktin 3 të studentëve, dhoma 329 në Prishtinë, ku duket mbi flamur fotografia e Enver Hoxhës,pasi që kryen betimin dhe u formua një cekulë nga student të kohës.
Ishte vjeshtë e vitit 1979 , në Kosovë vinte për vizitë gjakpirësi dhe krimineli me i madh i kombit tonë ,i të gjitha kohrave ,satrapi Tito,ndërsa rinia e Kosovës konsolidonte radhët duke bërë betimin para flamurit dhe fotografisë së Enver Hoxhës,për të luftuar e bashkuar trojet shqiptare.
Tani në Shqipëri, direkt të Enver Hoxha ,i kishin dyertë të hapura kundershtarët e regjimit titist pavarësisht se as njeri nga këta nuk ishte komunist,si Demë Ali Pozhari, Hysen Trepeza,Nexhmedin Shurolli e patriote te tjerë që jetonin në mërgim. Dalë ngadalë erdhi 11 marsi i vitit 1981, Prishtina dhe Kosova u lanë me gjak, por para tankeve e bajonetave serbe këndohej për Enver Hoxhën e thirrej Enver Hoxha.
Shtypi i ilegalës që redaktohej nga Kadri Zeka e Jusuf Gervalla, Lajmetari i Lirisë.Liria dhe Zëri i Kosovës në faqën e fundit porositnin;dëgjoni Radio Tiranën,zërin e së vërtetës, e në rrugën e Dibrës në Prishtinë në vitin 1982,çdo here nga ora 17:00 e deri në ora 17:30 lexohej në valet e radio Kukësit vepra Titistët.Për këte qëllim,një shok i organizatës ishte i caktuar të incizonte materialin në mënyre që kur të mblidheshin shokët nga ligjeratat ta ndëgjonin bashkarisht.
Në shtypin ilegal të kohës lexonim:
Rini e Kosovës
Rini e maliherit
Rini syshqiponjë
Rini e Enverit.
Fjalimet e Enver Hoxhes qoftë në Kongrese qoftë në manifestime,direkt ,degjoheshin me simpati te veçantë dhe perhapeshin menjëhere ,dua ta kujtoj fjalën para zonër 210 të zgjedhësve të kryeqytetit; “Shqipëria nuk eshtë shtet nga tre milion por,eshtë komb prej gjashtë milion,“ Fjalët e Tij; zoti Miniç,Vidiç,Stamboliç mos e zemroni shqiptarin se,po u zemrua shqiptari në flakë do të kallët e tërë Jugosllavia.Ndërsa dikush nga shokët e organizatës ,pas ngjarjeve historike te vitit 1981,lidhte në kokë një çarçaf të bardhë të krevatit dhe dukej taman si hoxhë duke hipur mbi tavanin e konviktit nr.3 të studentëve thërriste ezanin muhamet,
Gazetat që botoheshin në Tiranë si,Shqipëria e Re,e të gjitha të tjerat lexoheshin dore pas dore. Librat “sidomos Mërgata e qyqeve në dy pjesë lexohej dhe spjegohej mes shokëve të organizatës.Vepra e Enver Hoxhës“Titistët“ e bërë si një libër i vogël xhepi,eshtë lexuar anë e kend gjysmës së Shqipërisë se okupuar nga Jugosllavia.
Jehona e qëndreses heroike te djemëve dhe vajzave nga gjysma e Shqipërisë së okupuar nga Jugosllavia, nuk pushoi deri diten e themelimit të Ushtrisë Çlirimtare të Kosovës Ushtri që e formoi Shaban Jashari me bijtë e tij Hamëz dhe Adem Jasharin në Prekazin liridashës të Drenicës së Shqipërisë.
Në vijat e frontit ushtarët liridashës e trima përshendetnin më grushtin lartë si një shembelltyre e grushtit të Enver Hoxhës,që simbolizon bashkimin dhe unitetin e popullit tonë në një front të përbashkët,e jo siç trumbetojnë „legenët e shqiptarisë“,se eshtë simbol i gjoja marksizëm leninizmit.
I drejtëpërdrejtë si gjithmonë, Arjan Çani iu përgjigj pyetjeve rreth personazheve kryesore politikë në vend, në një intervistë televizive mbrëmjen e djeshme.
Ai parashikon që Basha do të jetë kryeministër një ditë, por jo në një ardhme të shpejtë pasi sipas tij Rama merr edhe mandatin e tretë vitin e ardhshëm.
Çani thotë se “zgjedhjet inxhinierike” e pengojnë Bashën të jetë kryeministër pas 25 prillit 2021 dhe për këtë, parashikon sërish PS-në në pushtet.
Arjan Çani thotë se Berisha është personazhi më interesant që ka pasur ndonjëherë në emisionet e tij.
Çani gjatë intervistës analizoi Bashën dhe Metën, përballë Ramës, në betejën aktuale politike në vend:
Çfarë ke kundër Erion Velisë?
Unë nuk kam asgjë kundër.
Pse e quan Vilajet Qyrku?
Po më pyet për histori të para 10 viteve. Unë kam memorie shumë të dobët dhe nuk mbaj mend asgjë rreth këtij personazhi. As nga e kaluara as nga kjo e sotmja. Nuk më thotë gjë ai. Aq shumë s’më thotë sa nuk jam fare i vëmendshëm ndaj gjërave që ai bën.
Kush ka qenë personazhi më interesant në emision?
Në 18 vite emision personazhi më interesant është Sali Berisha. Është i ditur, di të dëgjojë, të të respektojë. Berisha është një nga klientët më interesantë dhe më të bukur të emisionit. Nuk e them politikisht, por realisht më intrigon. Ka një staturë që nuk e gjen në asnjë personazh tjetër.
Ku ndryshon nga zoti Basha?
Është tjetër gjë. Si nata me ditën.
Çfarë është Basha?
Basha është kryeministër i ardhshën. Nuk e di se kur, por ai do të jetë sepse i ka cilësitë për të qenë i tillë. Është një njeri që nuk i beson dot kollaj dhe për këtë do të bëhet kryeministër. Kur ai të thotë diçka ti nuk e beson dhe këtë e ka favor.
Edi Rama?
Është njeriu që njoh më shumë se të gjithë. Vonë e kam kuptuar që është një bullist i niveleve të larta.
Bullist është dikush që të nxin jetën, të përndjek, të thotë më të zezat, të cënon në pikat më të dobëta e bën fizikisht dhe shpirtërisht. Këtë doni të thoni për Edi Ramën?
Jo me mua çuditërisht, por me të gjithë dynjanë, me vartësit, gazetarët që nuk i njeh dhe do ti poshtërojë. Por duke qenë i tillë është dhe i talentuar.
Po pse është kaq i sukseshëm duke qenë bullist profesionist?
Sepse është mjeshtër i kukullave. Është trim dhe frikacak, është dhe naiv dhe i djallëzuar. Është i gjatë, por dhe di të bëhet dhe i shkurtër. Është dhe orator, por di të bëhet dhe batutaxhi. I ka të gjitha. Ka vetëm diçka që i mungon por që ndoshta nuk i hynë në punë. Është që qeveris gabim. Ky është gabimi më i madh por njerëzit mesaduket nuk e kanë këtë kriter kur votojnë.
Çfarë kriteri kanë njerëzit kur votojnë?
Shumica e njerëzve këtu pëlqejnë show-n dhe batutat dhe kjo është fatkeqësi e madhe
A do ia sigurojnë këto një mandat të tretë Ramës?
Jo vetëm ato (zgjedhjet 25 prillit). Ato (Batutat) e ndihmojnë. Unë them që ai po luan për një mandat të katërt.
Prandaj e thatë që Basha do bëhet kryeministër por pas shumë kohësh?
Jam i bindur që Basha do të bëhet, por jo tani dhe jo për faj të tij, por për shkak të inxhinierisë së votave që Rama ka ditur të prodhojë.
A do ta presë PD Bashën dhe dy mandate të tjera?
Nuk ka zgjidhje tjetër, vetëm nëse del ndonjë gjeni që unë deri tani nuk e shoh. Sikur të bëheshin zgjedhjet e ndershme në Shqipëri e sigurtë që Basha do të fitonte, por këtu nuk bëhen zgjedhje të lira. Këtu bëhen zgjedhje inxhinierike. Ka një deformim, cënim, shumë bukur të rafinuar, që herë pas here lë dhe gjurmë si në zgjedhjet e kaluara.
Pse sherri është zhvendosur në trajektoren Rama-Meta. A është Meta i treti i pashmangshëm?
Meta është i pashmangshëm. Nuk arrij ta kuptoj pse ka nisur kaq herët ky konflikt. Me siguri do të ketë arsye më të thella se ato që dëgjojmë por që do të bëhen publike në javët apo muajt e ardhshëm.
A i ngjan vitit 2017?
Po, por atëherë Basha i binte Metës, tani nuk e di a do të shkojmë prapë në atë histori. Janë të hapura letrat. Mendoj se nl të gjitha rastet, Rama është më i fortë.
A do ta moderoje ti një debat Rama- Basha?
Jo! Ia kam lënë Fevziut këto gjëra. E para përtoj.
Nëse do t’ju zgjedhin ju?
Nëse do më zgjidhni patjetër, por që ti futem vetë që të punoj për këtë punë jo jo.
Basha e Meta kanë hedhur dorashkën e sfidës për debat, por Rama i shmanget Pse?
Me aq sa e njoh Ramën si karakter politik e profil, mendoj se Rama thellë-thellë jo vetëm që nuk do debat ), por nuk do të donte as opozitë. Fare. Rama i ka tmerr. Përton shumë të merret me kundërshtarin. Edhe kur e bën, e bën i detyruar se mendon se do të fitojë pikë. Në këtë rast ai është në pushtet dhe veçse humb në debat, ndërsa Meta e Basha nuk kanë çfarë të humbasin. Është strategji interesante kjo e zgjedhur nga Meta dhe Basha. Këto Rama i ka në disfavor. Në disfavor jo në zgjedhje se ato janë inxhinierike por në debatet që bëjnë në studio.
Çfarë ndodh më 26 prill?
Vazhdon jeta normalisht.
Le përshtypjen që Rama do të jetë fituesi?
Fatkeqësisht po. Unë do të votoj kundër tij, e kam thënë publikisht. Në historinë moderne të këtij vendi nuk ka rëndësi fare kush është i ndershëm dhe i mirë, e rëndësishme është kush është i fortë.
Përderisa amerikanët thanë se “5 qershori” nuk është prishur, ishte sinjal për ti thënë të gjatit “Jepi, ne ta dhamë viston”. Vetëm budallenjtë nuk e shikojnë, vetëm qorrat.
Amerikanët janë duke ndihmuar Ramën thua ti?
Indirekt po. Edhe Kim dhe Soreka e thanë që “5 qershori” nuk është prishur nga ky kod i ri zgjedhor. Pse e thanë? Mund të rrinin indiferentë, por i shkelën syrin dhe i thanë vazhdo. Duhet t’ia themi njerëzve disa të vërteta të thjeshtë: Këtu pritet shumë nga të huajt por harrojnë që të huajt në fakt bëjnë gjithmonë me më të fortin dhe jo demokratin. Kur shohin kush është më i fortë ata e respektojnë.
A do të mundet që populli të kuptojë?
Po ndodhi është diskutim tjetër. Por deri tani nuk shoh gjë.
A janë qëndrimet e të huajve, si ‘gishti i mesit të Boschardit”?
Unë uroj të gaboj, por sigurisht. Ata e dinë më mirë se të gjithë se këtu jemi në xhungël dhe në xhungël do të fitojë më i forti. Këtu shumica e njerëzve mendojnë se do na ndihmojnë të tjerët. Por kush të tjerë?!
