Surpriza e spektaklit të 1 Janarit në “Shiko Kush LUAN” në Top Channel, ishte përballja moderatores Luana Vjollca me showgirl-in Luana Vjollca.
Në një intervistë të improvizuar, Luana Vjollca është intervistuar nga vetë vetja e saj.
Madje autorja e programit e vendosi edhe në siklet veten e saj duke e pyetur troç fare: “A je e dashuruar?”
“PO”, – ishte përgjigjia e Luana Vjollcës teksa vazhdoi:
“Po besoj ju e dini të gjithë me ke jam, pse duhet ta them prap, sa herë duhet ta them? E dini apo se dini? Jam e dashuruar me punën, me ty! Je e mirë thellë thellë, po të të njohin mirë je e lezetshme, gocë e mirë, ke disa parime të lezetshme, rri në shtëpi, shko dil ndonjëherë, bëj ndonjë gjë në jetë…”, përfundoi Luana.
Të gjithë kemi qëllime e dëshira që i vendosim vetes çdo vit, ndërsa ato, vajzat e Love Story, kanë pasur (dhe kanë) një qëllim të përbashkët, të gjejnë dashurinë në një reality show.
Jeta e tyre ka ndryshuar tërësisht tani që janë bërë të famshme dhe kanë krijuar grupet e tyre të fansave.
Viti 2021 pritet të jetë i veçantë sidomos për njërën prej tyre, për atë që do të dalë nga programi përkrah Saimirit.
Por deri atëherë na ndajnë edhe shumë javë dhe vajzat kanë ende rrugë për të bërë.
Edhe pse vetëm njëra do të jetë ajo që do të fitojë zemrën e Saimirit, të gjitha kanë krijuar një pëlqim për të.
Disa prej vajzave, pak orë para ndërrimit të viteve kanë përcjellë nga një urim për Saimirin përmes programit “Daily Love Story”.
“Saimirit i uroj që në fund të këtij rrugëtimi të gjejë dashurinë e vërtetë, qofsha unë, qoftë një nga vajzat e tjera. Të gjejë atë që i përshtatet më shumë zemrës së tij”, -është shprehur Xhesi.
Një urim i ngjashëm erdhi edhe nga Generda, e cila tha se uron që ai të bëjë zgjedhjen e duhur.
Ndërsa Valentina, duke pasur parasysh debatet dhe tensionet që kanë shoqëruar puntatat e fundit të programit, është shprehur:
“Meqë këto puntatat e fundit kanë qenë pak me debate shpresoj që të ketë më shumë qetësi, të reflektojë më shumë këto ditë dhe të jetë mirë e i lumtur.”
Gazetari Marin Mema ka qenë i ftuar në puntatën e 1 janarit të “Shiko kush luan”, ku gjatë intervistës ai u pyet nëse është i martuar apo jo.
Përgjigjia e Marinit ishte negative, megjithatë ai ka thënë se prej 13 vitesh është në një lidhje dhe se të dy ata e ndjejnë gati veten për t’u bërë prindër për herë të parë.
“Marini ka shumë kohë që është i lidhur, shumë kohë… është e gjithë ditur tashmë.
Kemi 13 vite lidhje dhe jemi gati të bëhemi prindër në një të ardhme sa më të aftërt”, tha Mema.
Mjekët specialistë tregojnë kur një pacient duhet të paraqitet pranë tyre, cilat janë ushqimet që duhet të konsumojë dhe si të kryejë matjen e tensionit sipas protokolleve të përcaktuara para dhe pas mjekimit. Flet mjekja Sonela Xinxo
Sonila Isaku
Hipertensioni është rritja e vlerave të presionit arterial të gjakut cistolik mbi 140 dhe diastolikut mbi 90 (ose siç njihet ndryshe në vlerat 14 me 9). Pra, çdo vlerë që haset tek individët mbi këto shifra, identifikohet me hipertension. Por kemi raste kur kemi vetëm një prej vlerave më të lartë, pra nëse tensioni i lartë është mbi 14 dhe tensioni ulët është normal, edhe në këtë rast pacienti do të diagnostikohet me hipertension.
Sakaq kemi raste edhe të personave të cilët kanë tension të ulët. Edhe këta pacientë janë të riskuar, pasi të dyja llojet e hipertensionit, si ai i ulëti dhe i larti, kanë rreziqet e tyre dhe konsiderohen si gjendje shëndetësore që kanë nevojë të kurohen.
Presioni i lartë i gjakut është faktori më i madh i rrezikut për vdekshmërinë globale dhe barrën e sëmundshmërisë në mbarë botën, ndaj mjekja e Institutit të Shëndetit Publik, Sonela Xinxo tregon se një prej qëllimeve të ndërmarra për matjen e tensionit në popullatë është hedhja e themeleve të forta për rritjen e ndërgjegjësimit të popullatës për matjen e presionit arterial.
Shkaku
Hipertensionin ne tashmë e quajmë si një gjendje shëndetësore dhe është një gjendje shëndetësore që i atribuohet më shumë stilit të jetës. Çka do të thotë se një stil jete jo i shëndetshëm do të çojë dalëngadalë në prezencën e hipertensionit. Sa i përket stilit të jetesës mund të përmendim mënyrën e të ushqyerit, aktivitetin fizik, jetën sedentare, kontrollet që ne bëjmë tek mjeku etj, dhe të gjitha këto bëjnë një ansambël që në rastet kur nuk rezulton i rregullt, na çon drejt pranisë së hipertensionit.
Stresi
Një tjetër faktor që ndikon në shfaqjen e hipertensionit është edhe stresi. Kështu, në disa raste kemi hipertension vetëm në momente stresi, por në rastet kur kemi edhe një stil jete jo të mirë, atëherë stresi bëhet shkak për shtrimin e rrugës dhe ardhjen më të shpejtë të hipertensionit.
Kontrolli
Por kur duhet të alarmohet një qytetar? Në rast se shifrat e sipërpërmendura ndryshojnë, atëherë qytetarët duhet të drejtohen tek mjeku.
Çdo vit muaji maj është Muaji i Matjes së Presionit Arterial dhe është një iniciativë mbarëbotërore, e cila synon të theksojë nevojën për rritjen e ndërgjegjësimit të popullatës për rëndësinë e matjes së presionit të gjakut. Kjo është një iniciativë e rëndësishme, pasi shumë individë nuk e dinë se kanë presion të lartë të gjakut.
Presioni i lartë i gjakut nuk ka simptoma dhe disa njerëz e zbulojnë që e kanë atë vetëm pas një ataku në zemër, ndonjë goditje në tru, ose kur diagnostikohen me ndonjë sëmundje tjetër, siç mund të jetë sëmundja e zemrës ose e veshkave.
Qëllimi i aktiviteteve përgjatë këtij muaji është matja e Presionit Arterial në sa më shumë njerëz që të jetë e mundur, si edhe zbulimi i shtrirjes së këtij problemi, në mënyrë që të demonstrohet nevoja e rritjes së ndërgjegjësimit të popullatë, si dhe e zbulimit të hershëm dhe trajtimit sa më të mirë të hipertensionit arterial.
Në të gjitha qendrat shëndetësore, të gjithë pacientët mbi 18 vjeç mund të shkojnë në çdo kohë që të kryejnë matje të tensionit, ndërkohë që njëkohësisht mund të plotësojnë edhe një formular, i cili është krejtësisht anonim, ku të japin detaje mbi sëmundjet dhe gjendjen e tyre shëndetësore, në mënyrë që të mund të bëhet një vlerësim mbi prevalencën e sëmundjeve të hipertensionit në popullatën adulte në vendin tonë.
Studimet
Në vendin tonë janë realizuar një sërë studimesh në lidhje me hipertensionin. I pari studim ka qenë në vitet 2008-2009 në popullatën 15 deri në 49 vjeç dhe vumë re që kishte prezencë të hipertensionit në këto mosha. Popullata që i përkiste moshës 40-49 vjeç kishte një prevalencë më të lartë, por ajo që vlen për t’u theksuar është se një pjesë e mirë e këtyre personave që rezultuan me hipertension, nuk ishin në dijeni të sëmundjes së tyre.
Komplikacionet
Nëse një person nuk mjekon hipertensionin shkon drejt komplikacioneve, të cilat mund të jenë goditjet në tru, infarkti akut i miokardit, probleme të veshkave, ku në disa raste hasim edhe insufiçencë renale. Prandaj themi që hipertensioni arterial ka një peshë shumë të madhe në barrën e sëmundshmërisë.
Chek up
Gjatë viteve të fundit, në vendin tonë është duke u aplikuar programi i chek up, i cili ka zbuluar një sërë rastesh të reja të pacientëve me sëmundje të ndryshme si diabeti, hipertensioni, infeksione etj, tek pacientë të cilët nuk e dinin se ishin të sëmurë. Të dhënat më të fundit flasin për një prezencë në 30% të popullatës që kapin vlera të larta të hipertensionit. Nga këta, 13-15% rezultuan me hipertension të lartë, duke mos e ditur që vuanin nga kjo sëmundje.
Matja e tensionit
Matja e tensionit, sa duket një procedurë e thjeshtë, aq edhe kërkon një protokoll. Individi i cili shkon pranë qendrës shëndetësore, duhet të jetë i qetë, të paktën duhet të ketë 30 minuta që ai të jetë i ulur, niveli i krahut të majtë ku bëhet matja duhet të jetë në nivel me zemrën, e rëndësishme është edhe pozicioni i këmbëve, të cilat nuk duhet të jenë të gjunjëzuara. Po kështu, rekomandohet të jenë 3 matje me një interval midis tyre. Ndërkohë, për një pacient i cili ka marrë mjekim për tension të lartë bëhen matjet të vlerave të tij në mëngjes, drekë dhe darkë dhe më pas, merret një e mesme për të parë ndryshimin e vlerave dhe reagimin e mjekimit.
Trashëgimia
Sa ka të bëjë trashëgimia, aq ka të bëjë edhe stili i jetesës, ndaj që të gjithë shqiptarët duhet të jenë në gjendje alarmi, pavarësisht kemi apo nuk kemi prindër të cilët kanë vuajtur nga kjo sëmundje. Personat e diagnostikuar me këtë sëmundje nuk kanë një shërim të plotë, por mbajtje nën kontroll të tij.
Ushqimi
Një ushqyerje e shëndetshme, ku pjata jonë të ketë gjithë ngjyrat e frutave dhe perimeve. Ndërkohë, që një element shumë i rëndësishëm është edhe eliminimi i kripës në gatim dhe përdorimi përditshëm.
Një ndër gazetarët më të dashur në Shqipëri, Marin Mema ishte i ftuari i autores dhe moderatores Luana Vjollca mbrëmjen e 1 Janarit në “Shiko Kush LUAN”.
Të ulur në një sofër shqiptare, Marini u vendos para “Luana Llasticës” dhe dy mini-kapitenët Rezart Veleshnja dhe Irgen Çela. Intervista u zhvillua shumë ndryshe nga ç’e kemi parë gazetarin Mema më parë.
Një ndër pyetjet që iu drejtua Marinit ishte mbi prapaskenat e punës së tij në kërkim të vendeve shqiptare.
“Profesioni ka dhe kë rcënime. Eksperienca të bën t’i kalosh, duhet të përpiqesh aty për aty t’i përpunosh, të reagosh në mënyrë civile.“,-u përgjigj Marini teksa vazhdoi: “Jo gjithmonë, kë rcënimet janë përmes telefonit, janë dhe kë rcënime fizike dhe mua më ka ndodhur shumë herë gjatë karrierës.”
Mema zbuloi se këto kë rcënime nuk e kanë stepur: “Nëqoftëse do të shkelja diçka apo të bëja diçka të gabuar do më stepnin, por nëse jam dhe po luftoj njëfarë mënyre për të drejtën dhe të vërtetën, s’kam pse ndalem! Nuk kam Pse të kem frikë!”,- përfundoi Marini.
Gjatë ditëve tëfestave të gjithë e kemi tepruar me ushqimin, kush më shumë e kush më pak. Kjo ka bërë që organizmi jonë të rëndohet dhe trupit të ngarkohet me toksina.
Por si t’ia bëjmë që të pastrojmë mëlçinë nga toksinat dhe të rifitojmë ndjesinë e lehtësisë?
Për këtë ju vjen në ndihmë lëngu i mollës. Molla është e pasur me fibra dhe përmban një lloj acidi që lufton mbetjet e ngurta.
Pirja e lëngut të mollës është ideale për të pastruar mëlçinë në mënyrë natyrale dhe për të parandaluar çfarëdolloj infeksioni që mund të prekë këtë organ.
Për përgatitjen e këtij lëngu, siç shkruan noa.al ju duhet gjysmë kile mollë, gjysmë kokrre limoni, një lugë sheqer dhe pak ujë.
Lajini mirë mollët, pa i hequr lëkurën, prijini në copa dhe hidhini në frulator. Sipër shtoni lëngun e gjysmë kokrre limoni dhe dy gota ujë.
Përzjejini mirë deri sa të jetë krijuar një masë homogjene. Preferohet që këtë lëng ta pini esëll në mëngjes. /noa.al
Ditët festive po kalojnë dhe pikërisht tani është koha të mendojmë si të heqim kilet e tepërta.
Megjithëse një shprehje e njohur thotë që mëngjesin haje si perandor, drekën si mbret dhe darkën si lypsar, gjatë ditëve të festave pakkush e mban parasysh këtë gjë.
Kemi ngrënë si mbretër e perandorë, po tani?
“Duhet të jemi shumë të kujdesshëm që sot dhe t’i nënshtrohemi regjimit të përditshëm me vakte të vogla dhe të shpeshta, të shmangim produktet shtazore në formën e mishit, sallameve dhe proshutave.
Baza e menusë duhet të jenë zarzavatet në sasi të konsiderueshme dhe në të gjitha format, qoftë të gjalla, apo të gatuara”, thotë nutricionistja, Enkeleida Ferrollari.
Por, dieta ushqimore është mirë që të kombinohet me një element po kaq të rëndësishëm.
“Aktiviteti fizik është një element shumë i rëndësishëm që duhet të na shoqërojë gjatë gjithë vitit, jo vetëm këto ditë. Në këtë periudhë bëhet pak më i domosdoshëm për të ndihmuar organizmin pas ushqimeve të festave”, shton nutricionistja Ferrollari.
