Andueli

Kryetari i Partisë Demokratike, Lulzim Basha, në turin jug-veri është ndalur edhe në qytetin e Tepelenës, i cili është pritur me entuziazëm nga të rinjtë që kishin dalë me makina në hyrje të qytetit.

Pasi i falënderoi për mikpritjen, kreu i opozitës tha se vota për numrin 9, është për të ndalur dështimin për herë të tretë, për të mbrojtur lumin Vjosa nga shkatërrimi, ndalimin e zbrazjes së fshatrave të Kurveleshit nga emigracioni dhe për statusin e minatorëve te Memaliajt.

“Mirë se ju gjej në zemër të Kurveleshit, në Tepelenën e historisë. Në Tepelenën e Ali Pashës, në Tepelenën e Krenarisë dhe këtu bashkë me vëllezërit dhe motrat tona, afër nga Memaliaj dhe afër Përmetit dhe Këlcyrës së Frashërlinjve, këtu ku për shekuj me radhë ka rrahur zemra e shqiptarisë. Mirë se ju gjej, faleminderit për mikpritjen tuaj!”

“Rrugëtimi ynë sot ka nisur nga jugu e do të përfundojë në veri. Ka nisur nga Saranda e do të përfundojë në Tropojë. Por jo, nuk do të ndalet aty. Ditë pas dite, deri më 25 prill, deri sa ne këtë energji ta kthejmë në votë për ndryshim, votë për numrin 9, votë për Shqipërinë, votë për Tepelenën, votë për Labërinë, votë për Shqipërinë, votë për shqiptarët.

“Jam i mbushur me entuziazëm, sepse entuziazëm, shpresë, besim tek ndryshimi, shoh në sytë e çdokujt që takoj. Të nënave për fëmijët e tyre, të baballarëve që kërkojnë siguri për të ardhmen e familjeve të tyre. Ndaj ju ftoj që këtë energji ta konsiderojmë të pakufi, t’i hapim e t’i zgjerojmë radhët e bashkimit për ndryshim, të aleancës së fitores së gjithë Shqipërisë dhe gjithë shqiptarëve e të mirëpresim aty të gjithë vëllezërit dhe motrat tona të cilët presin me padurim ndryshimin, ndryshimin e vërtetë për çdo shqiptar. Kudo në këto ditë e në këto javë të jashtëzakonshme takoj nëna të shqetësuara për fatin e fëmijëve të tyre, që janë apo qe duan të largohen apo të tjera të mbushura me sytë me lot nga fëmijët e larguar në emigracion për shkak të tetë viteve dështim”.

“Tetë viteve premtime të pambajtura, tetë viteve të mbushura me gënjeshtra. Tepelena nuk i duron gënjeshtrat, Përmeti dhe Këlcyra, Memaliaj nuk i durojnë gënjeshtrat. Këto treva krenare që kanë prodhuar figurat më historike si Ali Pasha e vëllezërit Frashëri. Nuk mund të pranojnë tetë vjet gënjeshtra dhe pastaj të njëjtin dështim , të trokasë për herë të tretë në duart e punonjësve dhe bujqve e banorëve të Memaliajt, Kelcyrës dhe Përmetit. Por ai që ju la tetë vite dhe numëro po vjen prapë, po troket prapë, mos ja hapni derën të keqes për herë të tretë. Ai që nuk bëri asgjë për tetë vite nuk bën dot më asgjë. Nënat që takoj duan shkollim dhe punësim për fëmijët e tyre, baballarët duan vende pune të sigurta, paga më të larta, fermerëve duan subvencione mbështetje, siç marrin vëllezërit tanë në Kosovë apo në Maqedoninë e Veriut.

“Ju doni dhe meritoni që pasuria më e madhe në botë, uji të jetë pasuri dhe bekim për familjet tuaja. Ja tek shtrihet Vjosa. Vjosa e bukur, një nga bukuritë përrlat e bukurisë Shqiptare, një nga përrlat e mitologjisë dhe ky burim i pashtershëm uji, duhet të kthehet në një burim pasurie duke bërë të mundur që Tepelena, Memaliaj, Këlcyra, Përmeti, e gjithë kjo zonë të përfitoj nga turizmi, nga zhvillimi, nga mikpritja që është tradita juaj. Por nuk e harroj as Kurveleshin ku 8 vite dështime pothuajse i kanë zbrazur fshatrat. Fshatrat e Kurveleshit ku janë pothuajse 90% e banorëve të larguar për shkak të mungesës totalë të mbështetjes. E di fare mirë. Ju e dini e njoh fare mirë Nga Bënça, në Nivicë e Rexhinë. E dini që bashkë e filluam rrugën sot po ju them bashkë do ta vazhdojmë deri në Borsh rrugën e bregut që do ta lidhë Tepelenën e Kurveleshin me trevën e bregut e do të bëj të mundur që zemra e shqiptarisë, zemra e Labërisë të jetë zemra e zhvillimit ekonomikë dhe e turizmit për çdo shqiptarë.

“Sepse qeveria jonë do të jetë qeveri e gjithë shqiptarëve. Vëllezër e motra, zonja dhe zotërinj 8 vite i kanë lënë në baltë të gjithë shqiptarët. I kanë lënë në baltë të djathtë e të majtë ndaj dhe braktisin Tepelenën, Kurveleshin, shtëpitë e tyre. Të djathtë e të majtë, sot ju them, bashkohemi të gjithë bashkë për ndryshim, duke votuar Aleancën për Ndryshim. Sepse nuk ka ndryshim, pa e larguar atë që 8 vite e la Shqipërinë në vendnumëro, atë që për 8 vite nuk bëri asgjë dhe nuk u kujtua për asgjë tjetër përveçse thumba, batuta, arrogancë dhe tallje në kurriz të prindërve, në kurriz të fëmijëve, në kurriz të familjeve shqiptare”.

Kryedemokrati kërkoi besimin e qytetarëve të Tepelenës.

“Besimin tuaj të palëkundur tek vetvetja, tek familjet dhe besimin e atyre që është lëkundur nga 8 vite 8 vite keqqeverisje, 8 vite vendnumëro, e keqa troket për herë të 3-të në derë. A do t’ia hapë Tepelena derën të keqes? 4 vite të tjera si këto që shkuan do të jenë shkatërrimtare për Shqipërinë, do të jenë fatale për Tepelenën, për Kurveleshin. Nuk është zgjidhja që të sjellim punëtorë nga Bangladeshi në Kurveleshin dhe Shqipërinë e zbrazur nga shqiptarët zgjidhja është të sjellim investimet në Tepelenë, në Kurvelesh, në Përmet, në Këlcyrë, në Memaliaj anë e mbanë Shqipërisë. Pra, ta mbajmë këtu rininë tonë të mrekullueshme”.

Basha bëri edhe një premtim për minatorët e zonës.

“Ju drejtohem në veçanti ju ish-minatorë dhe minatorë në pension të zonës së Memaliaj, me të njëjtin mesazh që dhashë nga Bulqiza, me të njëjtin mesazh që dhashë nga Prrenjasi, brenda 6 muajve të parë statusi i minatorit, statusi i atyre që kanë kaluar jetën e tyre nën tokë, përfshirë afro 14 mijë pensionistë minatorë do të negociohet dhe do të miratohet nga qeveria e ndryshimit që do të votoni me 25 prill”.

“Vëllezër dhe motra bashkë për ndryshim. Ky besim, ky entuziazëm, kjo shpresë nuk do ndalet deri në 25 prill. Ju ftoj minutë pas minute ta vazhdojmë këtë maratonë të shpresës. Ta vazhdojmë krah për krah këtë marsh drejt ndryshimit. Për shpresën që ndizet e rindizet në zemrat e çdo familje shqiptare më 25 prill votoni numrin 9. Për fëmijët e shqiptarëve, për të ardhmen e tyre, për dritën e syrit të prindërve shqiptarë votoni numrin 9. Për ti dhënë fund poshtërimit, halleve, varfërisë fermerëve shqiptarë. Për ti sjellë ata në një hap me vëllezërit tanë nga Kosova, me fermerët e Maqedonisë, për ti bërë krenar për djersën e ballit. Për ti bërë që të shijojnë pasurinë, për të cilën punojnë nga mëngjesi deri në dark, votoni numrin 9. Për Shqipërinë drejt Europës, për hapjen e negociatave, për Shqipërinë anëtare të Bashkimit Europian votoni numrin 9! Bashkë për ndryshim, votoni numrin 9! Shqipëria fiton! Fitore!, mbylli Basha fjalën e tij.

Ska ndali me publikimin e të dhënave të 910 mijë qytetarëve në Tiranë nuk përfundoi me nxjerrjen e të gjitha informacioneve të tyre, nga karta e ID-së, numrat e telefonit, banimi, punësimie, etj.

Tv Abc ka siguruar edhe komentet e një pjese të patronazhistëve mbi qytetarët që kishin nën monitorim në pallat, lagje dhe zonat e tyre të caktuara nga shtabet e PS-së në qarkun e Tiranës.

Por cfarë shkruanin patronazhistët për qytetarët që kanë nën vëzhgim dhe si komunikojnë me njëri tjetrin?

Një rrjet i gjerë i sofistikuar që kontrollon dhe përçon gjithçka me “procesverbal”. Për të lëkundurit urdhri është që “të mbahet në monitorim”.

Shqetësim vërehet te të ardhurit që sapo kanë bërë zhvendosjen me dokumente në Tiranë. “Nuk e njeh njeri ka bere pasaportizimin ke pallati i beqareve por nuk e di askush kush eshte” shkruan një tjetër patronazhist.
Një tjetër informon qendrën e partisë se objektivi që monitoronte “E kishte me dy mendje nqs do te votonte ose jo”.

Për të pavendosurit nuk hiqet dorë lehtë. “Nuk voton per shkaqe feje, por do mbahet ne vemendje qe ti mbushet mendja” shkruan një tjetër.

Por ka edhe shumë të pakënaqur, kontingjent që edhe vetë PS-ja i trembet. “Familja ne zgjedhet e 2019 votuar PS, por hatermbetje pasi nje nga famijaret eshte larguar nga puna” është një tjetër koment i patronazhistit.

“Z. Gega eshte me bindje socialiste, por momentalisht i zh genjyer per mosdhenien e nje leje nga njesia administrat” është një tjetër koment.

Në shënjestër kanë qenë edhe sipërmarrjet. “Bisnes privat lokal ka qene lsi kthyer ne PS”.

Por ka edhe vota me kusht. “Nese i legalizohet shtepia do te votoje per PS”. “Jane LSI, Hajriu eshte p olic kri mesh ne kukes, kerkon transferim ne tirrane te kthej” është një tjetër koment i patronazhistit, që njofton qendrën e partisë që të lëvizë./lajm i fundit

Kryeministri Edi Rama ka përmendur sot gjatë një takimi me gratë dhe vajzat në Tiranë, një nga aksionet në mandatin e parë qeverisës, mbylljen e kombanive dhe lokalve të basteve, ku tregoi edhe bisedën me një grua, e cila e kishte falënderuar për mbylljen e basteve.

Kreu i qeverisë sulmoi edhe kreu e Opozitës Lulzim Basha se do që vendi të rikthehet si në kohën e rrapushit që ju thoshte më jepni një lek tju jap dy duke thënë se askush nuk beson se premtimet e tij mund të realizohen.

“Një grua më thoshte se si mund ta votoj unë PD, kur ti, më thoshte, ke shpëtuar nga halli më i madh që kam pasur, nga bastet ku burri humbte lekët dhe që ishte mallkimi jonë. Ky është dallimi mes nesh dhe PD. Ne nuk jemi të përsosur, nuk i kemi bërë gjithë gjërat mirë, por ne baste me jetën e shqiptarëve nuk vëmë.

Çdo të thotë bast nuk vëmë?

Do të thotë nuk luajmë bixhoz me të ardhmen. Bixhozet që u mbyllën, e duke ju thënë ‘më jepni votën, që t’iu jap lekë’. Ka blerje votash me lekë, po ka një blerje shumë më të madhe votash me bixhozin elektoral të PD, një blerje që është simetrike me blerjen që njësoj si në bixhoz iu bëri Rrapush Xhaferri mendjeve të shqiptarëve. Ti më jep një, unë t’i dyfishoj brenda dy javësh, brenda muajit t’i katërfishoj, e kështu me radhë, derisa shqiptarët arritën sa të shesin dhe shtëpitë.

Madje Rrapushit ia shtronin rrugën me sheqer, edhe Lulit ja kishin shtruar në Lezhë. Rrapushi thoshte ‘më jep një, të jap dy’ dhe aty dy në fakt u bënë dy gishta, që shqiptarëve iu futën në sy. Rrapushi ka trajtën e Lulzim Bashës. Është natyrisht më i qetë se Rrapushi, është më i vështirë për t’u marrë vesh, por është rikthyer për t’u bërë shqiptarëve të njëjtin test, testin e atij mallkimi, që shqiptarët i ka ndjekur dhe kapur në disa momente, kur të lodhur e të zhgënjyer, kanë vajtur nga pas.

Si mundet sot të ketë njerëz, që t’i dorëzohen stresit, lodhjes, mërzisë, pakënaqësisë, dhe të shkojnë pas një Rrapushi e të besojnë se ato që ai thotë, mund të bëhen. Dhe kush i thotë? Ai që kur shkoi për të marrë Bashkinë e Tiranës, shkonte te furrat e bukës e ju thoshte më shihni në sy, dhe kapte bukën e thoshte se do të ulë çmimin e bukës.

Pas kësaj vjen boshllëku, në të cilin shoqëria zhytet përsëri. Vjen ajo forca thithëse që e tërheq Shqipërinë poshtë në forma të ndryshme. Unë nuk them se nëse votohet ky Xhaferri i vogël, do shkojë Shqipëria në flakë, por do shkojë poshtë. Në këtë moment është shumë e rëndësishme, që gratë, ato që e dinë çfarë do të thotë të mbash shtëpinë, fëmijët, të kujdesesh për burrin, për prindërit e burrit e të tutë, dhe aq më tepër në një kohë kaq të vështirë si kjo, duhet të marrin fatin e votës në dorë më 25 prill.

Askush më shumë e mirë se gratë nuk e kupton çfarë do të thotë të dorëzohesh, kur lodhesh, kur mërzitesh, kur zhgënjehesh. Askush më mirë se gratë nuk e kupton se ka vetëm një rrugë për t’u përballur me mërzinë, lodhjen. Kush del e thotë ‘lekë, lekë, lekë’, thjesht kërkon ta manipulojë shpirtin e lodhur, të trazuar, ndërsa kush thotë ‘punë, punë, punë’, kërkon ta motivojë, ta çojë në betejë, sepse Shqipëria duhet të vazhdojë betejën, duhet të jetë sot më e vetëdijshme se asnjëherë që asgjë nuk është e pamundur”, tha Rama./NOA.al

Presidenti Ilir Meta i ka bë rë thirrje qytetarëve të Vlorës të refuzojnë e de noncojnë çdo te ntativë dhe ofertë për blerje v otash.

Meta ka kërkuar nga ata të qëndrojnë fort ndaj çdo presioni, dhe të zgjedhin veçanërisht më 25 prill kandidatët që e lu ftojnë më shumë korrupsionin.

Për Presidentin ka vetëm një interes që është Vlora, teksa ka deklaruar se nuk ka dyshime për blerje votash por një inkurajim publik nga vetë kryeministri Rama, referuar rastit të bisedës me Gjiknurin.

ILIR META: Unë i ftoj të gjithë qytetarët e Vlorës, sidomos të rinjtë e të rejat, të nxitojnë drejt kutive të votimit më 25 prill. Të votojnë që vendi të rihyjë në shinat e demokracisë, të votojnë t’i japim shpresë të rinjve që të jetojnë dhe të punojnë këtu në Vlorë të mrekulleushme dhe Shqipëri.

I ftoj qytetarët e Vlorës, të rinjtë e të rejat të refuzojnë dhe de noncojnë çdo ofertë për blerje votash, të qëndrojnë fort ndaj çdo presioni, përpjekje për të shantazhuar e zhvlerësuar votën e lirë.

I ftoj qytetarët t votojnë për kandidatet dhe kandidatët që lu ftojnë më shumë korr upsionin, dhe jo që bëjnë gjasme. Korrupsioni, kapja e shtetit, kapja e institucioneve qendrore e vendore, me banditi e importuar nga Astiri, që ka ardhur për presion e blerje votash, ky është problemi kryesor pse largohen të rinjtë.

Të mbështesin kandidatët që de noncojnë ko rrupsionin, dhe do kemi një Vlorë më të drejtë, një Shqipëri më të mirë. Dhe një Vlorë më të begatë.

PYETJA: Skraparin e keni lënë jashtë vëmendjes?

META: Unë kam qenë në Vlorë, gjatë aktiviteteve, së pari, së dyti Vlora është e të gjithëve, edhe e çdo Presidenti, aq më tepër i një Presidenti nga Skrapari, dhe nga Çepani që ka sjellë një çetë më vete.

Do të vij më shpesh, edhe pse pushimet sivjet mund t’i kalojmë së bashku.

S’ka dyshime, ka lidhje publike e inkurajim nga kryeministri. Përveç fakteve që i keni të gjithë./NOA.al