Sport

[sgmb id=”1″]

Shqipëria ka kaluar në epërsi në ndeshjen kundër Maqedonisë.

Golin për kombëtaren kuq e zi e shënoi Odise Roshi në minutën e 53-të

[sgmb id=”1″]

Shqipëria po luan me Maqedoninë në ndeshjen kualifikuese të Kupës së Botës.

Në formacionin Igor Angelovski janë edhe dy futbollistët shqiptar, Enis Bardhi dhe Ezgjan Alioski.

Të dy kanë refuzuar ta këndojnë himnin maqedonas para fillimit të ndeshjes.

[sgmb id=”1″]

[sgmb id=”1″]

Sapo mbaroi ndeshja Shqipëri- Lihtenshtejn, trajneri i kombëtares shqiptare Christian Panucci doli në një konferencë për shtyp për të folur rreth ndeshjes ku Shqipëria shënoi dy gola.

Por ndërsa ka folur për gjërat teknike, Panucci është ngacmuar nga gazetarët për praninë e të fejuarës në stadiumin Elbasan Arena.

“Ju sjell fat e fejuara?”, është pyetur Panucci. “E lëmë mënjanë jetën private ju lutem”, është përgjigjur ai.

[sgmb id=”1″]

Frika nga incidentet e natyrës nacionaliste gjatë udhëtimit neper Maqedonisë me autobus, ka detyruar FSHF-në të marrë masa pa precedent për kuqezinjtë. Skuadra është nisur në drekë drejt Shkupit dhe si asnjëherë më parë, bashkë me të kanë udhëtuar drejt Maqedonisë edhe forca të një kompanie sigurie private të kontraktuar nga FSHF, të cilët do të shoqërojnë kudo lojtarët në shtetin fqinj.

“Është një autokolonë me forca policie që na shoqëron, por edhe një furgon me forca të sigurisë private, që do ta shoqërojnë skuadrën si në rezidencën në Shkup, ashtu edhe në Strumicë”, tregoi për “SuperSport” Shefi i Sektorit të Marrëdhënieve me Publikun në FSHF, Gerti Çarçani.

Ai konfirmoi njëkohësisht se ekipi do të kalonte natën në një rezidencë në Shkup, ndërsa gjatë ditës së nesërme do të vazhdonte udhëtimin po me autobus drejt Strumicës.

“Skuadra do të akomodohet në Shkup. Do të pushojë sot dhe mëngjesin e së hënës do të udhëtojë drejt Strumicës. Parashikohet një udhëtim i gjatë, ku ekipi do të shoqërohet gjatë gjithë kohës nga forcat e policisë, fillimisht deri në pikën kufitare dhe më pas nga forcat maqedonase deri në Shkup. Gjithçka është e qetë, gjithçka është normale”, tha Çarçani.

[sgmb id=”1″]

Shqipëria do të luajë përballë Maqedonisë në Strumicë, në një ndeshje ku nuk do të mungojnë tifozët kuqezi. Rreth 450 mbështetës shqiptarë do të jenë të pranishëm në qytetin më të largët lindor maqedonas , që ndodhet pranë kufirit me Bullgarinë.

Kjo është shifra zyrtare e tifozëve të Kombëtares që nuk do të mungojnë në stadiumin me kapacitet prej 6500 vendesh dhe që është rinovuar vetëm gjatë muajve të fundit. Me argumentin e rrezikshmërisë së konflikteve etnike që paraqiste fakti nëse ndeshja me Shqipërinë do të luhej në Shkup, por edhe me pretendimin se po promovojnë ekipin përfaqësues në të gjitha zonat e vendit, vendimi i maqedonasve në fakt synonte kufizimin e tifozëve shqiptarë.

Për herë të parë në 23 vjet Maqedonia do të luajë një ndeshje kualifikuese larg Shkupit, ndërsa stadiumi “Mlladost” i Strumicës është rinovuar në mënyrë artificiale, duke u klasifikuar në kategorinë e tretë të UEFA-s për ndeshje ndërkombëtare. Vetëm pak kohë më parë ky ishte një impiant i denjë për ligat më të ulëta të futbollit. Përveç punimeve në tribunën VIP dhe atë të gazetarëve, tribunat janë zgjeruar. Për të realizuar këtë janë përdorur struktura prej çeliku, ndërsa në të gjitha tribunat janë vendosur ulëse të reja.