Problematika

[sgmb id=”1″]

Policia ka finalizuar operacionin “Ndërtimi 3″, në zbatim të detyrave të dhëna nga Drejtori i Përgjithshëm i Policisë së Shtetit për marrjen e menjëhershme te masave ndaj ndërtimeve pa leje dhe krimeve mjedisore.

Më datë 23.08.2017, në orën 23:30, nga Sektori për Krimin Ekonomiko Financiar në D.V.P.Tiranë në bashkëpunim me Shërbimin e Çështjeve të Brendshme dhe Ankesave (SH.Ç.B.A), dhe Drejtorinë e Standarteve Profesionale në Policinë e Shtetit, si dhe me Prokurorin e Rrethit Gjyqësor Tiranë, në kuadër të operacionit “NDËRTIMI-3”, u bë arrestimi në flagrancë i shtetasve:

1. Roland Skënderi, 40 vjeç, banues në Tiranë , me detyrë oficer policie për Krimet, në Komisariati i Policisë nr.2-Tiranë.

2. Shyqyri Gega, 50 vjeç, banues në Tiranë, me profesion Inxhinier Gjeolog, i punësuar si Inspektor i lartë tek IMT Bashkia Tiranë.

Proçedimi i këtyre shtetasve u bë për veprën penale “Ndërtim pa leje”, dhe “shpërdorim detyre”, pasi më datë 23.08.2017, në vëndin e quajtur rr. Muhamet Gjollesha, pallati ML, shtetasi Roland Skënderi ka kryer ndërtim pa lejen e organeve kopetente konkretisht një lokal bar kafe.

Sa më sipër nga ana e Inspektorit të Inspektoriatit Mbrojtjes së Territorit, edhe pse morrën dijeni për këtë ndërtim pa leje nuk kanë nxjerr vendim për prishjen e tij por e kanë lejuar duke u mjaftuar me pezullim të punimeve dhe pa njoftuar policinë e shtetit për ndërtimin pa leje ku kanë sjellë pasoja ndaj interesave të ligjshme të shtetasve (banorëve të pallatit), në kundërshtim me ligjet në fuqi.

Materialet proçeduriale iu kaluan Prokurorisë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprën penale “Ndërtim pa leje dhe shpërdorim detyre, prashikuar nga nenet 199/a dhe 248 e 25 Kodit Penal.

Gjithashtu nga Drejtoria Vendore e Policisë Tiranë dhe nga Drejtoria e Standarteve Profesionale në Drejtorinë e Përgjithshme të Policisë së Shtetit janë marrë masa administrative për oficerët e policisë si më poshtë;

➢ Shkarkim nga detyra për shefin e Komisariatit të Policisë nr.2 Tiranë.

➢ U shkarkua nga detyra dhe ka filluar hetimi disiplinor për Shefin e policimit në komunitet, pranë komisariatit nr.2-Tiranë.

➢ U shkarkua nga detyra dhe ka filluar hetimi disiplinor për Specialistin e policisë kriminale (që mbulon zonën), pranë komisariatit nr.2-Tiranë.

➢ U shkarkua nga detyra dhe filloi hetimi disiplinor për Specialistin e policisë së rendit (që mbulon zonën), pranë komisariatit nr.2-Tiranë

Po në lidhje me këtë ndërtim pa leje nga (SH.Ç.B.A) janë kryer veprime proçeduriale penale mbi dyshimet për implikim të punonjsëve të policisë pranë Komisariatit nr.2, Tiranë, të cilët kanë marre dieni apo nuk kanë kryer detyrat funksionale sipas proçedurave standarte për ndrtimet pa leje. Materialet do ti referohen Prokurorisë së Rrthit Gjyqësor Tiranë për vlerësim të mëtejshëm.

[sgmb id=”1″]

[sgmb id=”1″]

Ministria e Jashtme dhe Ministria e Brendshme shqiptare konfirmojnë nisjen e operacionit nga Greqia për shuarjen e zjarreve që kanë pushtuar jugun e vendit.

Një avion grek është nisur për t’i ardhur në ndihmë Shqipërisë, e cila vijon të jetë në alarm nga situata e shumtë e vatrave të zjarrit në zonat pyjore.

Mësohet se ka qenë ministri i Jashtëm Ditmir Bushati ai që i ka kërkuar ndihmë homologut të tij grek për avion në ndihmë të operacioneve që po ndërrmer vet vendi ynë.

Ministria e Jashtme konfirmon gadishmërinë e autoriteteve greke:

“Duke siguruar mbështetjen e tyre do të nisen 2 avion zjarrfikës nga Korfuzi për të ndihmuar përpjekjet e zjarrfikësve shqiptarë”.

Ndërsa, në Dukat të Vlorës ku situata paraqitet tepër e rënduar, është në terren vetë kreu i Emergjencave Civile Shemsi Prençi.

[sgmb id=”1″]

Gjatë 24 orëve të fundit, në të gjithë vendin janë shënuar 8 vatra zjarri në pyje e kullota në qarqet Berat, Elbasan, Durrës, Vlorë e Gjirokastër.

Në qarqet e tjera të vendit, Emergjencat Civile njoftojnë se nuk raportohet për raste zjarresh dhe vatra të vogla që kanë qenë aktive janë shuar.

Drejtoria e Përgjithshme e Emergjencave Civile, në Ministrinë e Punëve të Brendshme përsërit thirrjen ndaj të gjithë qytetarëve që në rast se konstatojnë zjarre, të njoftojnë menjëherë në numrat e emergjencave 112, 129 dhe 128.

Qarku Berat.

Në fshatin Kutalli, bashkia Ura Vajgurore, ka rënë zjarr në një sipërfaqe me shkurre, ferra dhe ullinj në pronësi. Shërbimi vendor i MZSH i bashkisë Berat ka dërguar në vendngjarje 1 automjet zjarrfikës me personelin shoqërues, të cilët kanë shuar zjarrin. Si pasojë e zjarrit u dogj një sipërfaqe prej 2 ha shkurre dhe ferra dhe 500 rrënjë ullinj. Nga zjarri nuk pati njerëz të lënduar.

Qarku Durrës.

Ka rënë zjarr në shkurre dhe ferra pranë disa banesave në lagjen “Meçe” të qytetit Krujë. Shërbimi vendor i MZSH të bashkisë Krujë ka dërguar në vendngjarje 1 automjet zjarrfikës, 3 autobote me ujë së bashku me personelin shoqërues dhe disa vullnetarë kanë punuar me intensitet për disa orë dhe kanë shuar zjarrin. Si pasojë e zjarrit u dogj 10 ha me shkurre dhe ferra dhe u përshkuan nga flakët 60 rrënjë ullinj. Nga zjarri nuk pati njerëz të lënduar.

Ka rënë zjarr në sipërfaqe me shkurre e ferra në Fushë Draç, Njësia Administrative Ishëm, bashkia Durrës. Shërbimi vendor i MZSH të bashkisë Durrës ka dërguar në vendngjarje 3 automjete zjarrfikëse me personelin shoqërues kanë punuar dhe kanë shuar zjarrin. Si pasojë e zjarrit u dogj një sipërfaqe prej rreth 5 ha me shkurre e ferra.

Qarku Elbasan.

Ka rënë zjarr në sipërfaqe me shkurre e ferra pranë ish-rrobaqepësisë në lagjen “Xhami” të qytetit Peqin. Shërbimi vendor i MZSH të bashkisë Peqin ka dërguar në vendngjarje 1 automjet zjarrfikës me personelin shoqërues që ka shuar zjarrin. Si pasojë e zjarrit u dogj një sipërfaqe prej rreth 0.2 ha me shkurre dhe ferra.

Ka rënë zjarr në sipërfaqe me shkurre e ferra dhe pyll Ahu në Malin Babje, Njësia Administrative Qendër, bashkia Librazhd. Shërbimi vendor i MZSH të bashkisë Librazhd ka dërguar në vendngjarje 1 automjet zjarrfikës me personelin shoqërues dhe disa vullnetarë të cilët me mjete rrethanore për shkak të terrenit kanë punuar dhe kanë shuar zjarrin. Si pasojë e zjarrit u dogj një sipërfaqe prej rreth 1 ha me shkurre e ferra dhe disa drurë ahu.

Qarku Vlorë.

Ka rënë zjarr në sipërfaqe me shkurre, ferra dhe ullishtë në fshatin Treblovë, bashkia Selenicë. Shërbimi vendor i MZSH të bashkisë Vlorë ka dërguar në vendngjarje 1 automjet me forca zjarrfikëse, si dhe disa banorë të fshatit, të cilët kanë arritur të shuajnë zjarrin. Si pasojë e zjarrit u dogj rreth 2.5 ha sipërfaqe me shkurre, ferra dhe 200 rrënjë ullinj shekullor.

Ka rënë zjarr në sipërfaqe me shkurre, ferra dhe pyll pishe në fshatin Rusan, bashkia Delvinë. Shërbimi vendor i MZSH të bashkisë Delvinë ka dërguar në vendngjarje 1 automjet zjarrfikës me personelin shoqërues, të cilët kanë arritur të shuar zjarrin. Si pasojë e zjarrit u dogj një sipërfaqe prej 0.2 ha shkurre dhe ferra.

Qarku Gjirokastër.

Ka rënë zjarr në shkurre dhe ferra në fshatin Mashkullorë, Njësia Administrative Cepo, bashkia Gjirokastër. Shërbimi vendor i MZSH të bashkisë Gjirokastër ka dërguar personelin shoqërues për shkak të terrenit malor, kanë punuar me mjete rrethanore dhe kanë shuar zjarrin të ndihmuar nga forca të pyjores, punonjës të policisë së rendit dhe banorë të fshatit. Si pasojë e zjarrit u dogj rreth 6.5 ha shkurre dhe ferra.

Janë shpëtuar banesat e fshatrave Mashkullorë dhe Çepo dhe disa ullinj e vreshtari.