Lajmi i fundit

Vitet e fundit, për shkak të ndryshimeve të klimës, edhe Mesdheu është kthyer në një zonë rreziku sa i përket stuhive të forta që sjellin shkatërrim në tokë me erëra të forta dhe shira të rrëmbyeshëm.

Ato njihen si “Medicane”, pra shkurtimi i fjalës “Uraganë të Mesdheut” dhe shpesh quhen edhe ciklone, që vitet e fundit kanë nisur të shfaqen shpesh edhe në këtë rajon, ku përfshihet edhe Shqipëri, e cila ka një vijë të gjatë bregdetare në Adriatik dhe Jon.

Shkencëtarët kanë vërejtur ndryshimet nga viti në vit dhe shprehen se periudhat në vijim do të jetë të vështira në këte rajon sa i përket stuhive që do të sjellin probleme me përmbytjet. Rasti më i fundit ishte Greqia, ndërsa më herët kemi patur përmbytje masive edhe në Itali si edhe reshje shumë të dendura edhe në vendin tonë.

Çfarë janë “Medicane”

Medicane është emri i shkurtër për uraganet mesdhetare ose ciklonet tropikale mesdhetare. Ashtu si ciklonet tropikale, ata mund të zhvillojnë re spirale si edhe në mes, një sy ku nuk ka re, por një erë shumë të fortë.

Sidoqoftë, ato janë zakonisht më të vogla në diametër se ciklonet tropikale, kanë shpejtësi më të ulët të erës dhe jetëgjatësi më të shkurtër. Ato formohen gjithashtu mbi Detin Mesdhe perëndimor dhe qendror, mbi ujëra me temperatura sipërfaqësore shumë më të ulëta se oqeanet tropikale.

Sezoni i Medicane fillon zakonisht në vjeshtë dhe zgjat deri në pranverë. Formimi i tyre kërkon praninë e ajrit të ftohtë në atmosferën e sipërme të shoqëruar me një ulje të ulët.

Ky konfigurim rrit paqëndrueshmërinë atmosferike përgjegjëse për stuhitë që më pas mund të organizohen në Medicane.

Përveç erërave të forta, Medicane gjenerojnë stuhi dhe sasi të mëdha reshjesh që çojnë në përmbytje dhe rrëshqitje të dheut.

Policia gjermane ka bërë bilancin e një operacioni të nisur në tetor të një viti më parë kundër kultivimit të marijuanës.

Pas fillimit të hetimit, oficerët ishin në gjendje të gjenin një pronë komerciale në zonën industriale Hasselt të Dyseldorfit si një e ashtuquajtur “qendër logjistike” dhe vend fjetje për “punonjësit”.

Gjatë kontrollit në maj, policia sekuestroi 110 kilogramë marijuanë dhe para të gatshme në vlerë prej 16 mijë eurosh. Aty u gjet dhe një 27-vjeçar shqiptar i cili më pas u arrestua.

Falë bashkëpunimit të mirë me zyrën e prokurorit publik, u identifikua gjithashtu një pronë komerciale në Düsseldorf-Heerdt, në kufijtë e qytetit të Neuss. Aty, oficerët mundën të konfiskonin 1100 bimë kanabis. Aty janë gjetur dhe arrestuar edhe dy shtetas shqiptarë të moshës 33 dhe 35 vjeç.

Sipas raportit të LKA NRË, rendimenti mesatar i plantacioneve të kanabisit për korrje ishte rreth 100 kilogramë kanabis, që rezulton në një rendiment vjetor prej 300 kilogramësh me tre korrje të mundshme. Prandaj, vlera e shitjes së të ardhurave vjetore duhet të jetë rreth 1,350,000 euro.

Një plantacion i brendshëm kanabisi me 2200 bimë u zbulua në Dessau (Saksonia-Anhalt) në tetor 2022. Aty dolën indikacionet e para të një bande që vepronte në nivel kombëtar.

Hetimet u kryen më pas edhe në Saksoninë e Ulët, Rhineland-Pfalz dhe Baden-Ëürttemberg. Aty u sekuestruan gjithsej tetë plantacione kanabisi me rreth 11,200 bimë. Gjithashtu, u arrestuan edhe 20 shqiptarë të tjerë.

Dramat familjare me pronat mbeten një nga problemet më madhore të shqiptarëve, që të shtyrë nga varfëria dhe pamundësia ligjore për t’i dhënë zgjidhje detyrohen të bëjnë ‘vetëgjyqësi’.

I tillë është dhe rasti i denoncueses Fahrije Hysa. E moshuara jeton në kushte ekstreme në një bodrum në Tiranë. Ajo nuk lejohet të futet në shtëpinë ku ka jetuar më herët nga nipi.

‘Jetoj këtu në këtë bodrum. Po vuaj shumë, nuk kam mundësi për asgjë. Jam në kushte shumë të vështira sepse nipi nuk më lejon të futem në shtëpi.

‘Ai më ka goditur, më ka rrahur, më ka keqtrajtuar. Fut qiraxhinj brenda dhe mua nuk më lejon të futem brenda. Jetoj me djalin e sëmurë, më ndihmoni se po vuaj shumë’.

Për të vërtetuar fjalët e zonjës bëjmë ballafaqimin e saj me nipin dhe kuptojmë shpejt se ka të drejtë. Nipi agresiv menjëherë kalon në ofendime.

‘Nuk kam para të të jap. Duhet të merren me një bajgë si puna jote. Nuk kam se çfarë të të bëj. Po të them mos më acaro se të kap për fyti dhe të hedh nga dritarja. Mos më acaro mos më çaj k***n’.

Duke parë situatën e tensionuar vendosim të ndërhyjmë, por Majdieli tregohet agresiv dhe ndaj gazetarit të Piranjave, Eraldo Harlicaj dhe operatorit Nertil Mataj. Ky i fundit goditet nga nipi i Fahrie Hyses./Syri.net

Fatal ka rezultuar fati i një 64-vjeçari në Korçë, i cili ka gjetur vdekjen e menjëhershme si pasojë e rrëzimit nga pema.

Sipas informacioneve ngjarja sapo ka ndodhur në fshatin Krushovë të Korçës. Viktima, shtetasi me inicialet E.Z., ka qenë duke vjelë arrat, por aksidentalisht ka rënë nga pema duke gjetur vdekjen e menjëhershme.

Familjarët e kanë çuar në spital, por 64-vjeçari ka mbërritur pa shenja jete. Ndërkohë policia është duke punuar për rastin.

Deputeti Tritan Shehu, anestezist- reanimator dhe kryetar Nderi i Shoqatës së Anestezisë dhe Reanimacionit ka reagur sot lidhur me vdekjen e një tre vjeçari pak ditë më parë në një nga klinikat private në Tiranë ku kishte shkuar për të pastruar gurëzat e 14 dhëmbëve.

Në një status në faqen e tij në facebook, Shehu bën thirrje që gjykimi për rastin të bëhet pasi të dalin përgjigjet laboratorike si dhe konkluzionet e anatomo-patologjisë, teksa shton se mjeku Roland Xhaxho është një nga anestezistë-reanimatorët më të mirë në vend.

Reagimi i Shehut

Humbja e jetes se femijes tre vjecar, refleksion.

Si qytetar, si anestezist-reanimator dhe si Kryetar Nderi i Shoqates se Anestezi Reanimacionit desheroj tu shpreh familjes ngushellimet me te sinqerta e te gjithe keqardhjen time per ate humbje te pa mase!

Ndersa si specialist i kesaj fushe desheroj te theksoj se:

—Rezervohem per tu nxituar ne dhenien e gjykimeve te mia profesionale per shkaqet qe cuan ne ate tragjedi. Per te arritur ne konkluzione sa me te sakta duhet pritur pergjigja e kolegeve te anatomo patologjise, pergjigjet laboratorike, etj. Dhe pa dyshim me tej te gjitha te dhenat duhet te diskutohen me specialiste, se bashku me ato klinike e dokumentacionin perkates.

—Sidoqofte nga ato me te cilat jam njohur deri me sot, mund te them se jane zbatuar normalisht linjat e procesit te anestezise ne kete rast. Fatkeqesisht edhe komplikacionet jane pjese e ketij aktiviteti mjekesor shume kompleks, te ralla e te shume llojeshme keto, per aresye nga me te ndryshmet. Megjithate eshte heret per te bere konkluzione mbi shkaqet e humbjes se jetes.

—Si koleg i Prof Xhaxhos, qe kam punuar ngushtesisht me ate qe prej fillimit te viteve 80-te, e ndjej per detyre te ve ne evidence tiparet e tij.

Prof Xhaxho pa asnje lekundje eshte nje nga anesteziste-reanimatoret me te mire te Shqiperise, me nje eksperience e kontribute gjigande, me njohuri e aftesi shume te gjera, te niveleve me te mira europiane. Eshte nje mjek me nje ndjenje te larte pergjegjeshmerie e impenjimi ne punen e tij profesionale. Fale ketyre cilesive jane shpetuar shume e shume paciente.

Mendoj se keto jane dhe mendimet e kolegeve te tjere anesteziste, me te cilet do te diskutojme se bashku per te arritur ne perfundime sa me te qarta.

Sidoqofte dua te perfundoj duke shprehur nje te vertete te madhe, ate qe mjeku eshte njeriu qe shpeton jete, qofte dhe duke sakrifikuar nga vetja e familja e tij, per kete mision qe ka, vecanerisht reanimatoret.

Mjeku nuk eshte as “vrases” e as keqberes, sic fatkeqesisht disa here induktohen me dashje a pa dashje ne opinion te tilla tipare te deformuara. Edhe ai vuan thelle per ”humbjet”, qe mund te kete gjate ushtrimit te profesionit te tij fisnik.

Edhe nje here ngushellimet me te sinqerta.

Babai i 3-vjeçarit që humbi jetën pas ndërhyrjes te dentisti. Ai foli për emisionin “Me zemër të hapur” në News24, të moderatores Evis Ahmeti, ndërsa theksoi se djalit i kishte bërë 14 dhëmbë.

“Gjendja e gruas është e rënduar. Është lehonë, se djali i vogël është 2 muajsh. Brian i kishte vënë dhe emrin. Kërkoj të drejtën që ai doktor mos të ekzistojë më. Nuk mund ta quaj më mjek, as atë as stafin që ka atje. Shqetësimi ishte mbidoza e narkozës.

Pse vendosët ta dërgonit te kjo klinikë?
Duke marrë miratimin e edhe shumë të tjerëve, se mbahej si dentisti anestezist. Djali kishte për mbushje dhe pastrime. Nuk kam qenë kurrë për konsultë. Kam shkuar personalisht me gjithë të dhënat dhe i kam treguar për problemin. Djali im për herë të parë në klinikë shkeli në 28 tetor, ditë të tjerë nuk ka qenë.

A ka pasur djali probleme me zemrën?
Djali ka bërë një operacion para dy vitesh në zemër. Kam diskutuar dhe me doktorin. Kam marrë dhe një konsultë, një vërtetim nga kardio-pediatri, nga Albert Kroja, që ndiqte Brianin, që thoshte; Briani nuk vuan nga zemra, të bëhet ndërhyrja. Ia thashë doktorit për ndërhyrjen. Më tha nuk ka asnjë problem. Ia kisha dërguar dokumentin më parë.

Çfarë vendosët të bënit në datën 28 për djalin?
E çova për pastrim dhëmballe dhe disa mbushje. Nëq kohën që ky vazhdonte me ndërhyrjen, duke e pyetur disa herë, ai thoshte; po i pastrojmë gurëzat. I kam thënë nëse është mënyra që t’i bëjmë me seanca.

Me kë shkuat?
me nusen, gjyshin dhe kunatin. Djali ishte i qetë. Nuk kishte bërë asnjë kurim në gojë, për infeksion. Analizat i bënim çdo 6 muaj. Analizat i bëri atje në datë 28 shtator. Ia ka bërë analizat në çast. Tha; analizat janë në rregull, do vazhdojmë procedurën. E kam pasur komunikimin me mjekun, Roland Xhaxhon, dhe Ina Xhaxhon, dentisten. Ai më tha se do të zgjaste 2 orë e gjysmë ndërhyrja dhe deri në 1 orë dalja e anestezisë, anestezi të gjeneruar dhe jo totale. U fut në 10 të mëngjesit, 10 pa 5 diçka e tillë, qëndruam gati 2 orë pa folur. Pyeta represionin, te dera disa herë. Procesi tha ishte në rregull. Rreth orës 3 ose 3 e gjysmë doli doktoresha tha se procesi vazhdon në rregull. Kërkuam doktorin personalisht. Në orën 7 ka dalë djali nga klinika. Ne në dhomë kemi hyrë rreth orës 6, ka hyrë nusja. Kur kemi dalë, djali nuk ishte i përmendur. Mjeku ka thënë që djali ka dalë duke qarë, djali ka dalë i përgjumur. E dyta, pjesa e pagesës se është shumë e rëndësishme, në fund më ka thënë për 14 dhëmbë. Pagesa u bë në fund, madje u pagua 300 euro në fillim për anestezinë. Anestezia pagesën e ka, 300 euro në fillim dhe për çdo orë 70 euro. Rreth 370 euro shtesë bëri. Mjekun e telefonova kur filloi t’i hipte temperatura, e kishte fillimisht 38.2, u bë limon i verdhë. Më pas i shkoi 39 e gjysmë. I dhashë vetëm algofrenin që i ka dhënë ai. Nuk ia uli dhe pastaj shkuam në spital që e futën në reanimacion. Është e pavërtetë që djali ka folur. Të shihen kamerat, sa ka qarë dhe të gjitha. Pas operacionit djali nuk ka thënë asnjë fjalë. Më shikonte në sy, nuk është se reagonte. Pas operacionit asgjë, ishte përgjumësh. Briani ishte i qetë. Mjeku 100% e ka ditur çfarë ka bërë, prandaj nuk e hapte telefonin. Mjeku ditën e nesërme ka ardhur në pediatri, rreth drekës. Në spital mjekët na thanë është në gjendje të rënduar nga mëlçia, nga narkoza. Na thanë që po i hiqnin narkozën.

Administratori i një portali, gazetari Gjergj Zefi, është dhunuar sot në Tiranë me sende të forta nga persona të paidentifikuar.
Blutë e Tiranës bëjnë me dije se gazetari aktualisht po merr ndihmën mjekësore në spital, ndërsa është ngritur grupi Hetimor dhe nën drejtimin e Prokurorisë vijon puna për sqarimin e rrethanave të ngjarjes, identifikimin dhe kapjen e autorëve.

Njoftimi i policisë:
Tiranë/Informacion paraprak

Më datë 03.10.2023, nga një telefonatë në Sallën Operative është marrë njoftim se në rrugën “Bardhok Biba”, persona të paidentifikuar kanë goditur me sende të forta një shtetas.

Pas verifikimeve të kryera ka rezultuar se personi i dëmtuar është shtetasi Gj. Z., 52 vjeç (administrator i një portali), i cili aktualisht po merr ndihmën mjekësore.

Me marrjen e njoftimit, është ngritur grupi Hetimor dhe nën drejtimin e Prokurorisë vijon puna për sqarimin e rrethanave të ngjarjes, identifikimin dhe kapjen e autorëve.