Le Pen ka shtuar se për kompani të mëdha të cilat punojnë në nivel ndërkombëtar do të lejohej edhe më tutje të përdorin euron, derisa qytetarët e thjeshtë do të përdornin frangun.
Kandidatja për president në zgjedhjet në Francë Marine Le Pen ka deklaruar sot se, nëse zgjidhet ajo, do t’i kalojë gjashtë deri në tetë muaj në negociata me Bashkimin Evropian për braktisjen e euros dhe kthimin e frangut francez, transmeton gazetametro.net.
Le Pen ka deklaruar në TV “France 2” se do të pres që të kryhen zgjedhjet në Gjermani këtë vjeshtë në mënyrë që të filloj bisedimet për euron me BE dhe këtë çështje të vendos në referendum në Francë.
“Euro është bërë një lloj arme në duart e Bankës Qendrore Evropiane, Bashkimit Evropian… Unë dëshiroj t’i lirojë njerëzit”, ka theksuar Le Pen, transmeton AP.
Le Pen ka shtuar se kompanive të mëdha të cilat punojnë në nivelin ndërkombëtarë do t’ju lejohet afarizmi me euro, derisa qytetarët do të shfrytëzojnë frangun francez.
Vlorë një ngjarje e shëmtuar ka ndodhur gjatë natës së mbrëmshme . Vidhet shkolla 9 -vjecare 4 Heronjtë gjatë natës dhe në mes të Vlorës.
Menjerë drejtoria e shkollës ka lajmëruar policinë dhe po bën verifikim e dokumentave të vjedhura apo pajisjeve te shkollës , në keto momente ka shkuar dhe një grup ekspertësh duke kryer veprimet e ngjarjes
Policia po heton per ngjarjen . Paraprakisht mendohet te jene vjedhur pajisje elektronike.Policia eshte ne vendngjarje. Kane nisur hetimet. Ekspertiza po heton per shenja te grabitesve vijon ….
Rreth orës 19:20, në fshatin Kotë të Vlorës pranë vendit të quajtur “Pularia”, pas një konflikti fizik, ka mbetur i plagosur me mjet prerës shtetasi D.M., rreth 50 vjeç.
Ai ndodhet në Spitalin Rajonal Vlorë duke marrë ndihmë mjekësore. Policia ka bërë të mundur shoqërimin e dy shtetasve si autorë të dyshuar.
Presidenti i sapo zgjedhur Ilir Meta gjatë një interviste në “Opinion” ka treguar prapaskenat e kandidimit dhe zgjedhjes së tij si President.
Meta tha se ka instistuar që Presidenti të ishte pjesë e paketës së bisedimeve me opozitën, por që nuk është pranuar nga PS.
“Kam instistuar që presidentin ta ofrojmë si mundësi për të qenë pjesë e një pakete për opozitën sa i përket zgjedhjeve. Ky ka qenë insistimi im. Me idenë që presidentin ta marrë opozita.
Të sjellë 2-3 emra dhe më i pranueshmi për PS të jetë President i vendit. PS nuk ishte dakord. Por thoshte ta zgjedhim bashkë, na takon ne. Unë thashë ky pozicion do jetë pjesë e paketës me opozitën për disa arsye. Unë nuk kisha dëshirë të zgjidhesha në një parlament ku nuk është opozita.
U pranua që të shtyhen zgjedhjet 1 muaj dhe 4 ministri, si dhe të jepej kryetari i KQZ. Ose PS do detyrohej të vendoste një President që e donte ajo ose do të konsumoheshin dhe ato dy raunde dhe do shkohej në zgjedhje të parakohshme.
Ajo që unë bëra ishte një investim për stabilitetin dhe për demokracinë në 5 vitet që vijnë”-tha Meta.
Është shpallur kësisoj juria shqiptare e cila do të vlerësojë këngët pjesëmarrëse këtë edicion të festivalit të këngës – Eurovision Song Contest 2017.
Si çdo vit, secili shtet dërgon një juri profesionistësh të muzikës që do të vlerësojnë këngët, ndërsa vendimi i tyre gjithmonë përzihet edhe me votën e publikut, shkruan KultPlus.
Shqipëria duket se ka përzgjedhur emra të fuqishëm për këtë juri. Olta Boka – përfaqësuese e Shqipërisë në Eurovizion para disa vitesh, e kryeson këtë listë krahas emrave të tjerë si Marsela Çibukaj, Endri Sina, Orgesa Zaimi dhe Haig Zacharian.
Juria do të përcjellë performancën gjenerale dhe dy gjysmëfinalet, ndërsa do të votojë më pas bazuar në vokal, performancë, paraqitje, skenografi dhe elemente tjera muzikore. Kjo votë do të barazohet edhe me votën e publikut, dhe kësisoj çdo shtet, edhe Shqipëria në këtë rast, duke përzirë votat mbërrin deri në 12 pikët e saj maksimale.
Eurovizioni këtë vit mbahet në Ukrainë, me 9,11 e 13 maj.
Makina ka shperthyer pasditen e sotme pranë Prokurorisë së Përgjithshme në Tiranë, është në pronësi të një vajze, e cila quhet Bruna A..“Jemi njoftuar se në zonën e njohur si ‘nëntë katëshet’, ka ndodhur një shpërthim, ku si pasojë ka pësuar dëmtime një automjet tip “Smart” në pronësitë shtetases B.A.”, bëhet me dije nga policia.Automjeti ka qenë i parkuar, dhe dyshohet të jetë dëmtuar nga vendosja e një sasi e vogël lënde eksploziv Nga shpërthimi nuk ka të dëmtuar vetëm dëme materiale, ndërsa policia ndodhet në vendngjarje.
Forcat e Armatosura po lakmohen gjithnjë e me shumë nga të rinjtë shqiptarë, të cilët mes krenarisë për të përfaqësuar dhe mbrojtur atdheun dhe mundësisë për një punësim të sigurtë, po ndërmarrin të gjitha veprimet për t’u bërë pjesë e tyre.
Reparti i Trupës në Bunavi është vendi ku përgatiten rekrutët e rinj, përpara se të nisin aventurën dhe karrierën e tyre si ushtarakë.
Midis qindra të rinjve që po kryejnë aktualisht krosin e përgatitjes individuale, është edhe Erioni, ish-kampion i Mundjes që ka përfaqësuar vendin edhe në aktivitete ndërkombëtare e që Forcat e Armatosura i shikon si mundësinë më të sigurtë për të patur një profesion dhe për të çarë në jetë.
“Kam provuar emigracionin, por duke qenë se FA janë pjesë e NATO-s, më duket mundësi më e mirë. Kam qenë kampion në mundje duke marrë pjesë edhe në aktivitete ndërkombëtare, por nuk na trajtuan mirë, ndërsa tek FA të hapet një derë në jetë. Këtu jemi të gjithë njëlloj. Nuk ka përkatësi fetare, apo ndërhyrje politike. Gjithçka varet nga ty, mundësitë i ke për një karrierë dhe punësim të sigurtë”, thotë ish-kampioni i Mundjes, Erion Zhyti.
Ndërsa për 23-vjeçaren Zhuliana Stavri, Forcat e Armatosura janë pasion, por duke patur edhe arsimin e lartë, i shikon si një mundësi për të bërë karrierë edhe jashtë vendit.
“Duke patur arsimin e lartë për anglisht, mendoj që është një shtysë e mirë për të bërë karrierë, pse jo edhe jashtë vendit. Unë kam bërë gjithçka vetë për të kaluar konkurset derisa u pranova të filloj kursin e përgatitjes individuale dhe vetëm në fund u kam thënë prindërve. Paralelisht me stërvitjen vazhdoj edhe masterin në anglisht, që mendoj se do të më ndihmojë, pasi nga ky kurs dal ushtare e dytë”, thotë rekrutja 23 vjeçare.
Shtimin e fluksit të të rinjve për t’u rekrutuar në FA e pohon edhe shefi i Qendrës së Stërvitjes. Ai thotë se mundësitë që të ofrohen në ushtri nuk të jepen në institucione të tjera.
“Është rritur numri i kandidatëve dhe për këtë na është dashur të vendosim kritere seleksionimi. Sistemi i bërjës së karrierës në FA nëpërmjet gradave dhe mundësitë e tjera që të jepen, nuk të ofrohen nga institucione të tjera”, thotë N/kolonel Bujar Fejzo.
Rekrutët që përfundojnë kursin e përgatitjes individuale emërohen automatikisht në repartet ushtarake ku fillojnë trajtimin e menjëhershëm me rrogë.
