Kronike e zeze

Gazetarja dhe kryeredaktorja e një portali në Maqedoninë e Veriut, Elida Zylbehari ka treguar detaje shtesë rreth ngjarjes së rëndë të ndodhur në RMV, ku një 14 vjeçare dhe një 70 vjeçar u rrëmbyen dhe u vranë.

Përmes një lidhjeje për “Euronews Albania”, Zylbehari tha se 14-vjeçarja, Vanja Gjorçevska, u rrëmbye afër shtëpisë së saj, iu lidhën këmbët e duart, u fut në një qese e më pas në makinë dhe pas 2 orësh e gjysmë u vra.

Po ashtu ajo foli edhe për Ljupço Paleski-Palço, i cili njihet si drejtues i Lëvizjes “E treta”, që dyshohet se është organizatori kryesor i rrëmbimit dhe vrasjes së 14-vjeçares.

Ajo tha se ai është një aktivist pro-rus që ka përfituar gjithmonë në RMV përmes zhvatjes dhe lidhjeve që ka në institucione.

“Grupi kanë lidhje me njëri-tjetrin, sepse janë anëtarë të një partie të ekstremit të djathtë. Ende nuk ka të dhëna nëse ky grup ka kryer të tjera vrasje. Do të hetohet nëse ata kanë vepruar si grup apo kanë bashkëpunuar vetëm për këto ngjarje. Pritet që i ati i 14 vjeçares të sillet para gjykatës penale dhe të merret masë edhe ndaj tij.

Sipas të arrestuarve, babai ka dhënë informacion për rrëmbimin e 14 vjeçares. Thuhet se nëna e vajzës së vrarë ka shitur një banesë dhe për të zhvatur atë kanë kryer këtë vrasje, mirëpo nuk është e qartë çfarë ka ndodhur para vrasjes. Ndërkohë nuk ka ndonjë kërkesë për para dhe policia tha se vrasja ndodhi pasi rrëmbyesit i kapi paniku.
Autori është propagandues pro-rus, brenda disa viteve ka kryer disa vepra penale. Në çdo qeveri ka pasur dikë atje, përmes të cilit ka përfituar, ka zhvatur hapësirat publike, etj. Në kanalin e tij ka të pavërteta, një shpifës i keq. Elementi kyç ka qenë gjetja e makinës së djegur të 74 vjecarit. Kanë ndërlidhur rastin dhe kur panë veturën e njëjtë, kanë nisur diskutimet dhe marrjet e të dhënave nga familjarët.

Në 27 nëntor është zhdukur dhe dje është gjetur, pra ka rreth një javë nga ngjarja. E mitura është rrëmbyer pranë shtëpisë, i kanë lidhur duar e këmbë, është future në një qese dhe është future në veturë”, është shprehur Zylbehari.

Shabani, babai i Naim Murselit, ka treguar me detaje për ngjarjen e rëndë, ku djali i tij pagoi 30 mijë euro për të vrarë gruan dhe më pas inskenoi grabitjen.

Ai thotë se nuk ka pasur asnjë informacion për planin të birit, madje thotë se nëse do ta dinte që djali i tij ka kryer këtë akt, do të hakmerrej që atë ditë dhe siç shprehet ai “sot nuk do ishte gjallë”.

Për Liridonin e ndjerë, ai thotë se e ka dashur më shumë se fëmijet e tij, ndërsa një mesash kishte edhe për familjen e saj, duke thënë se “është me ata dhe jo me djalin”.

“Me pa dit unë që e ka bo djali jem unë isha hakmarrë vetë me djalë tem atë ditë. Ai nuk do ishte gjallë sot. Liridonën e kemi dash më shumë se fëmijët. Unë jam me ata, jo me Naimin. Nuk kam pasur fytyrë me ju dalë përballë. Me ma dhanë krejt botën nuk më kishte shkuar në mendje që djali jem ta kishte bërë atë gjest”, tha babai i Naim Murselit për Nacionale.

“Unë diku rreth orës 8:20 sa kam hyrë në shtëpi në Suedi, me ka thirr djali i dytë edhe veç me kanë thënë ‘Babë, e kanë vra Liridonën’. Aty plasi vaji. Liridonën e kemi dashtë më shumë se fëmijët e mi. Kemi udhëtuar 35 orë. Gjatë rrugës, unë e kam parë intervistën e dhënë nga Naimi. ‘Na dolën hajnat në rrugë, na i plaçkitën gjërat. Unë ika me fëmijë, gruan ma vranë’. Të vetmin detaj atë e kam pasur”, u shpreh ai.

I pyetur rreth momentit kur e kuptoi se djali i tij u akuzuar për porositje, ai tha se nuk kishte shumë informacione.

“Besoni, ju betohem… kurrë asnjë indikacion se kam ditë. U kry varrimi, kam ardhur në shtëpi plotë me njerëz para pas t’u folë, atëherë e kam taku djalin tim edhe mu ka vërsul tha ‘mos jep deklarata se i prish hetimet’. I thashë që unë s’kam informacion, unë fola vetëm çka dëgjova”, ka thënë babai i Naimit.

Liridona Ademi Murseli, e cila u vra me porosi të bashkëshortit të saj, Naim Murseli në profilin e saj në Instagram, nuk tregon që mes tyre të ketë pasur probleme, madje përkundrazi ka bërë dedikim për të.

“Burri im është gjithçka e imja”, e ka të shkruar ajo në Instagram duke e shoqëruar me dy zemra dhe me shkronjën N, për bashkëshortin e saj Naimin.

Policia e Kosovës ka arrestuar bashkëshortin, Naim Murseli i cili akuzohet se ka porositur vrasjen për 30 mijë euro, dorasin Granit Plavën si dhe Kushtrim Kallakun, nipin e Naimit pasi akuzohet se ka bashkëpunuar në këtë krim.

Media “Indeksonline” po raporton se një prej motiveve që dyshohet ta ketë shtyrë Naim Murselin në organizimin e gjithë skemës për vrasjen e gruas së tij Liridonës, është një sigurim që i kishte paguar kësaj të fundit në Suedi. Sigurimi jetësor që Murseli i kishte paguar Liridonës në një kompani të fuqishme suedeze, mundësonte që në rast të ndonjë fatkeqësie apo tragjedie jetësore të mbulonte shpenzime deri në 20 milionë eurove. Naim Murseli dyshohet se ka qenë në dijeni për këtë shumë shpaguese nga sigurimi.

Ngjarja e rëndë u shënua më 29 nëntor në rrugën “Dalip Alshiqi” në Prishtinë të Kosovës. Atë natë Murseli kishte rrëfyer në polici se kishin rënë pre e një grabitjeje teksa kishte qenë në makinë me Liridonën dhe fëmijët, por hetimet dhe provat çuan në një pistë tjetër. Dhe më 1 dhjetor, pak orë pas ceremonisë mortore të Liridona Murselit, u njoftua arrestimi i Naimit. Në mediat kosovare, shkruhet se ish-këshilltari i Behgjet Pacollit ka pranuar para hetuesve se e ka porositur vrasjen e gruas te i dyshuari Granit Plava. Edhe ky i fundit ka pranuar se për të kryer vrasjen Murseli i ka premtuar 30 mijë euro në këmbim të vrasjes së gruas së tij.

I dyshuari Murseli ia kishte dhënë të dyshuarit Plava, 15 mijë euro para vrasjes, e 15 mijë të tjera do t’ia jepte pas kryerjes së veprës. Vrasja ka shokuar tre familjet, Murselin, Kallakun por dhe Ademin marrëdhëniet e të cilave nuk do të jenë më kurrë si më parë. Policia ka sekuestruar një pistoletë me të cilën dyshohet se u krye krimi si dhe 19 fishekë dhe një makinë që dyshohet se u përdor nga autorët./albeu.com