Kronike e zeze

Gazetarja nga Kosova Leonora Kukaj tregoi në një intervistë për Euronews Albania detaje nga lidhja që Naim Museli kishte me ish-presidentin e Kosovës, Behgjet Pacolli.

Ajo u shpreh se vetë Pacolli në një intervistë për gazetën Nacionale ka hedhur poshtë cdo aludim për një lidhje përtej asaj si këshilltar i tij me Naim Murselin.“Është folur nëpër media për lidhjen mes Naim Murselit dhe Pacollit. Kemi pasur edhe një intervistë me Pacollin, por ai ka mohuar që mund të ketë diçka mes tij dhe Murselit veçse faktin që Naim Murseli ka qenë këshilltar i tij. Është përfolur në mënyrë jozyrtare për një lidhje pak më shumë mes Naim Murselit dhe Behgjet Pacollit”, tha gazetarja.

Eksperti i kriminalistikës Ervin Karamuço ishte i ftuar pasditen e sotme në “Top Talk”, ku foli për ngjarjen e rëndë të ndodhur në Kosovë.

Duke analizuar vrasjen e Liridona Ademajt, Karamuço bëri një profil të Naim Murselit, për të cilin tha se vuan nga çregullimi i personalitetit narcistik.

“Për mendimin tim, ka një çrregullim të personalitetit narcistik. Ka një tendencë të madhe për t’u bërë protagonist, e për të marrë lavdi, e për t’u adhuruar. E vuajnë shumë abandonimin, braktisjen, e nga kjo ata bëhen shumë agresivë.

Familjen e lënë mënjanë. Por të flasësh për motive të tjera, siç janë siguracioni i jetës, a një person i tretë siç përflitet, a një veprimtari e paligjshme që e kishte marrë vesh e ndjera, etj etj, duhet të hetohen nga Prokuroria këto, siç po e bën.

Por, si personalitet, duhet të ketë një shkak shumë të fortë, që unë të shpreh të gjitha ato çrregullime që kam, që nuk marr parasysh nënën e fmëijëve, traumat e fmëijëve që do t’i kenë gjatë gjithë jetës. E po ashtu, kanunin që ne e kemi. Këta njerëz mund të tentojnë të vrasin edhe veten, mund të sulmojë dhe të burgosurit e tjerë.

Shikoni, janë disa fenomene të cilat vinë edhe si aspekte të kulturës së një komuniteti. Në përgjithësi, burrat e veriut janë më të vetëpërmbajtur në kuptimi ne atyre rityeve që duhet të kryejnë, nuk qajnë, e mbajnë veten shumë dhe janë të ftohtë. Por ky ishte më i ftohtë seç duhet. Kishte një fytyrë dylli që nuk lëvizte asnjë mimikë. Dhe pastaj dinamika që ndodhi më pas, ky shkon në hotel me 5 yje, porosit mëngjesin, nuk vuan asnjë nga pikpamja fiziologjike. Nuk vuan asnjë stres. Është e gjitha pjesë e këtij çrregullimi kaq të madh. Edhe ky duhet analizuar deri në çfarë mase e ka këtë çrregullim. Jo për ta përjashtuar nga ana penale, por për ta gjetur një shkak më të madh. Është një elemnt, si është lindur. Këto ose lindin, ose fitohen, që më pas krijohen këto monstra, Ngjarjnë dhe si skenarë filmash.”- tha Karamuço.

Më 22 Tetor të vitit 2006 u gjet trupi i një vajze në liqenin e Zall-Herrit e copëtuar në 19 copë dhe anatomia e prerjes së trupit të kësaj viktime ishte preçize dhe sipas ekspertëve amerikanë, dyshimet e forta ishin se kishim të bënim me një serial-killer. Ishte kjo ngjarja që solli në kujtesë gazetari Spartak Koka.

I ftuar në një program televiziv gazetari Spartak Koka thotë se kjo ngjarje akoma nuk është zbardhur teksa shton se dyshohej se autori ishte një shtetas shqiptaro-malazez i cili fshihej pas 6 vrasjeve të tjera të femrave.

Koka thotë se tipologjia e vrasjes së kësaj gruaje dhe copëtimi i trupit ngjasonte me krimet e tjera, të cilat ishin kryer nga vrasësi serial.

Moderatori: A konsiderohet Dan Hutra një vrasës serial?

Alban Koçi: Në gjykimin tim, po. Viktimat ishin femra, persona që njëfarë mënyre, sipas tij, kishin influencuar në uljen e dinjitetit. Në intervistën që dëgjova që Spartaku kishte zhvilluar…

Moderatori: Që ishte shokuese.

Alban Koçi: Ai ishte vërtetë ai rasti tipik që ne studiojmë për personin që reagon sikur është i bindur në të drejtën e tij. Jeta e tjetrit nuk kishte asnjë vlerë, qoftë edhe pas kaq kohësh për të kuptuar se veprimet e tij konsiderohen të tmerrshme për shoqërinë tonë.

Spartak Koka: Tipologjia është e njëjtë sepse ka edhe vrasjen e 2007-ës, bashkëjetuesen e tij dhe këto janë vrasje për të njëjtat motive.

Alban Koçi: Në rastin e Hutrës, gjithë sistemi, në radhë të parë psikologët, por edhe ekspertët gjyqësorë që i kanë mundësuar lirimin e tij me kusht kanë dështuar plotësisht. Subjekti duhej të ishte nën mbikqyrjen e organeve.

Moderatori: Koka, veç Dan Hutrës a kemi identifikuar të tjerë?

Spartak Koka: Këtu tek ne është problem i madh sepse asnjëherë nuk janë hetuar seriozisht nën kompleksin të institucioneve ligjzbatuese se këto ngjarje po të hetoheshin do të nxirrnin keq organet ligjzbatuese. A e mbani mend rastin e 22 Tetorit 2006, kur u gjet trupi i një vajze në liqenin e Zallherrit e copëtuar në 19 copë dhe anatomia e prerjes së trupit të kësaj viktime, ishte preçize dhe sipas ekspertëve amerikanë në atë kohë, erdhën amerikanët dhe u interesuan në Shqipëri, dyshimet e forta ishin se kishim të bënim me një serial-killer dhe një nga dyshimet që ata kishin bëhej fjalë për një shtetas shqiptaro-malazez, i cili u arrestua më vonë, i akuzuar për 6 vrasje grash, ngjarje e cila ende sot është e pazbuluar. Ka pasur veprime edhe në SHBA dhe dyshohej për vrasje të 4 shtetasve shqiptare. Dhe në atë kohë ishte një nga pistat e forta të hetimit. Kufomës nuk iu gjetën as duart. Tipologjia e vrasjes së kësaj gruaje dhe copëtimi i trupit ngjasonte me krimet e tjera të cilat ishin kryer. Dhe ky rast konsiderohet dhe dyshohet të jetë kryer nga një vrasës serial.

Gazetari Spartak Koka u ndal edhe tek rasti i Viktor Tushit, për të cilin theksoi që ishte një person që i përsëriste vrasjet e tij gjatë grabitjeve, por shtoi se hetimi për të nuk u thellua.

Spartak Koka: Kemi rastin e Viktor Tushit që vrau 2 në Shqipëri, vrau pronarin e argjendarisë tek “Stacioni i Trenit”, vrau bankieren tek banka dhe rrëfeu për policinë se në rininë e tij të hershme kishte kryer krime dhe vrarë persona dhe në Greqi, ngjarje për të cilën nuk thellua hetimi nga institucionet shqiptare, çka tregonte se kishim të binim me një person, i cili i përsëriste vrasjet në grabitje.

Babai i Granit Plavës, personit që dyshohet se ka kryer vrasjen e Liridona Ademaj, në një intervistë për media ka thënë se nëse djali i tij e ka bërë një vepër të tillë atëherë “është i vdekur për të”.

Mursel Plava po ashtu ka treguar se Graniti jetonte vetëm me gruan dhe fëmijët e tij, ndërsa ai vetë në Kroaci dhe se kishte dy ditë që kishte ardhur në Kosovë.

“Është shumë e vështirë për tri shtëpitë. Nuk po mundem as me paramendu.

Nuk mund ta besoj që djali im e ka bërë këtë. I them hetuesisë ta çojnë deri në fund, si ka ardhur deri te kjo, kush ka qenë iniciator. Me marrë dënimin e merituar. Kurrë se kisha menduar që e bënë atë punë. Nëse Graniti e ka bo këtë rast le ta merr dënimin e merituar.

Gruaja e tij është e tronditur, nuk po mundet me besu. Nuk e kam takuar. Nuk du me shku me taku, du mu qetësu, nuk jam në gjendje me taku. Nëse Graniti e ka bërë këtë vepër, është i vdekur për mua, është i vdekur për jetë”, tha Plava.

Ai gjithashtu i ka shprehur ngushëllime familjes së të ndjerës.