Kronike e zeze

Një 32-vjeçar me origjinë shqiptare ka humbur jetën pas një aksidenti të rëndë rrugor të ndodhur në orët e vona të pasdites në zonën Selva Piana të Mosciano Sant’Angelo, Itali.

Sipas mediave italiane, rreth orës 18:00, makina Fiat Punto me të cilën po udhëtonte 32-vjeçari, në një kryqëzim, për arsye ende nën hetim, u përplas me një Audi A3 që drejtohej nga një djalë 25-vjeçar.

Me sinjalizimin e alarmit, Forcat e Zjarrfikësve nga Komanda Teramo kanë ndërhyrë dhe kanë bashkëpunuar me personelin mjekësor për t’i dhënë ndihmë drejtuesit të mjetit Fiat Punto: i riu, pavarësisht masave reanimuese të marra, ka ndërruar jetë.

Nga ana tjetër, 25-vjeçari ka mbetur i plagosur dhe është transportuar në spital.

Dy të rinjtë shqiptarë që sulmuan me thikë gjatë grabitjes një të moshuar grek janë zbuluar nga mbetjet e ushqimit dhe një kanaçe me pije energjike, të cilat ishin në skenën e krimit.

Sipas mediave greke, policia ka arritur të gjejë të riun shqiptar, i cili goditi me thikë 73-vjeçarin dhe bashkëpunëtorin e tij 18-vjeçar, nga mbetjet e ushqimit dhe pija energjike e lënë pas.

Dy autorët kishin marrë ushqim dhe pije nga një market pranë banesës së të moshuarit, punonjësi i të cilit arriti t’u shihte fytyrat.

Ndërkohë, 73-vjeçari i cili ishte viktima e grabitjes brutale me thikë në shtëpinë e tij në Kefaloni, po lufton për të qëndruar gjallë në Spitalin e Janinës. 25-vjeçari shqiptar e ka goditur me thikë në bark, kofshë dhe brinjë gjatë grabitjes.Masakruan të moshuarin grek me thikë gjatë grabitjes, ja si u zbuluan dy shqiptarët

Një shqiptar është arrestuar nga policia italiane pasi u kap me mbi dy kilogramë kokainë në makinë. Ai akuzohet për trafik dhe posedim droge.

Gjithçka filloi si pjesë e kontrolleve nga Guardia diFinanza përgjatë arterieve kryesore rrugore midis qyteteve San Benedetto del Tronto dhe Ascoli Piceno.

Një patrullë, e përbërë gjithashtu nga qeni ushtarakë si dhe një qen nuhatës droge, ndaloi një makinë Jeep Renegade me një burrë dhe një grua në të.

Gjatë verifikimit të dokumenteve të qarkullimit, qeni tërhoqi vëmendjen, duke treguar për praninë e mundshme të një lënde narkotike në makinë.

Policia kreu kontrol të imtësishëm në makinë, ku gjeti mbi 2 kilogramë kokainë të fshehura, së bashku me një shumë prej 12 mijë eurosh.

Mediat italiane shkruajne se ky mund të jetë një justifikim i avokatëve për të fituar më shumë kohë

Është hutuar, s’flet dot! Kështu deklaroi avokati i Bujar Fandajt pas lënies në burg të klientit të tij. 41-vjeçari nga Kosova, ekzekutoi mëngjesin e të martës 27-vjeçaren duke goditur 7 herë me thikë Vanessa Ballan, 27-vjeçaren me të cilën kishte pasur një hitori të shkurtër dashurie.

Mediat italiane shkruajne se ky mund të jetë një justifikim i avokatëve për të fituar më shumë kohë dhe për t’iu mos iu përgjigjur pyetjeve të magjistratëve.

Vanessa punonte si asistente shitjesh në një supermarket dhe kishte 11 vite e lidhur me bashkëshortin e saj Nicolo Scapinello.

Por më pas në jetën e Vanessës u shfaq Bujar Fandaj, 41 vjeç.

Ai jetonte në Altivole dhe dërgonte porositë që bëheshin në supermarketin ku punonte Vanessa. Dyshja nisën një lidhje, por një vit më parë, Vanessa vendosi të ndahej prej tij.

Bujar Fandaj nuk e pranonte këtë gjë dhe këtu fillon sprova e Vanessës .41-vjeçari filloi t’a përndiqte të renë, më pas e kërcënoi se do t’i tregonte bashkëshortit të saj videot intime të saj. E tmerruar nga fakti se mund të humbiste lidhjen e saj të dashurisë me të riun që e kishte njohur që në adoleshencë, Vanessa vendosi t’a denonconte Bujarin në 26 teto dhe t’i rrëfente tradhtinë bashkëshortit.

Gjatë kësaj kohe nuk ishte caktuar asnjë masë sigurie ndaj kosovarit, i cili përgatiti një plan hakmarrje ndaj saj. Mëngjesin e së martës ai hyri në shtëpinë e saj dhe e goditi 7 herë me thikë në gjoks e bark, duke e lënë të vdekur 26 vjeçaren, e cila priste të bëhej nënë për herë të dytë.

Vrasja e Vanesa Ballan, 27-vjeçares shtatzënë që u ekzekutua me thikë nga 41-vjeçari Bujar Fandaj. ka tronditur opinion publik në Trevizo të Italisë, si dhe ka “pushtuar” mediat në mbarë vendin në shtetin fqinj.

Autori është një 41-vjeçar shqiptar me origjinë nga Kosova, i cili dyshohet të ketë patur një lidhje të shkurtër dashurie me 27-vjeçaren e martuar dhe në pritje të fëmijës së dytë.

Mediat italiane shkruajnë se 25 tetorin e kaluar së bashku me partnerin, Nicola Scapinello, Vanessa u paraqit në komisariatin e policisë, dhe në prokurori për të denoncuar përndjekjen e shqiptarit.

Megjithatë as ky denoncim nuk e parandaloi vrasjen makabër të 27-vjeçares shtatzënë nga 41-vjeçari shqiptar.

Ancient Rome: Stunningly Preserved Bronze Statues Found In Toledo
More…
620
155
207
“Në oborrin e vogël të shtëpisë gjysmë të izoluar, përballë hyrjes ndodhet një xhip lodër me motor elektrik, një skuter, një biçikletë dhe një kamion plastik. Lodrat e fëmijëve mund të tregojnë historinë e një familjeje që nuk ekziston më. Dhe në fakt, në xhamat e portës, ka orkide dhe harqe të kuqe sikuar duan të thonë: këtu, në këtë shtëpi gjysmë të shkëputur, ka vdekur një tjetër grua.

Por në këtë histori dhune dhe obsesioni, bie në sy figura e një njeriu për krejt të kundërtën. Nicola Scapinello, 28 vjeç, partneri i Vanessës, i aftë për të falur, babai i amputuar, prindi i ri që tani mban gjithçka që i mbetet mbi supe”, shkruan La Repubblica në një artikull dedikuar çiftit.

Historia e çiftit

Djali që jetoi me Vanessa Ballan për 11 vjet është mbyllur në shtëpi me prindërit e tij. Ata ishin takuar në shkollë, pa e lënë kurrë njëri-tjetrin. Në profilet e tyre në Instagram janë dy data të kornizuara me zemra: 16 nëntori 2012, fillimi i bashkëjetesës dhe 21 prilli 2019, lindja efëmijës së parë të tyre. Fotot në rrjetet sociale portretizojnë fazat e jetës së tyre së bashku: udhëtime, pushime buzë detit, momente të lumtura.

“Nuk do të mund ta harroj kurrë atë që pashë në shtëpinë time”, përsërit ai tani i dëshpëruar,i rrethuar nga të afërmit, që kujdesen për të, por edhe për fëmijën e tij 4-vjeçar.

Nicola Scapinello, i cili punon për kompaninë e ndërtimit familjar, nuk dinte asgjë për lidhjen jashtëmartesore të bashkëshortes, sipas La Repubblica, deri në momentin kur e ndjera vendosi t’i tregonte mbi tradhëtinë dhe përndjekjen e shqiptarit.

Ajo i rrëfeu mbi njeriun kërcënues që takoi në supermarket, duke e bindur se situata është e rëndë.

Pasi Vanessa u kërcënua me vdekje, Nicola, me kurajo dhe dinjitet, i jep menjëherë mbështetjen dhe ndihmën e tij partneres. Ai e fal atë dhe çifti vijon jetës së bashku sipas La Repubblica.

Dhe kështu më 25 tetor së bashku kanë shkuar në komisariat për të bërë denoncimin. Të nesërmen shkuan edhe në prokurori dhe situata dukej e zgjidhur, ndërkohë kishte ardhur edhe lajmi për shtatzëninë e dytë.

Por shqetësimi ishte gjithmonë aty, siç shihet edhe nga historia e mesazheve të mëngjesit të së martës. Nicola dhe Vanessa i shkruajnë njëri-tjetrit në Ëhatsapp gjithë mëngjesin dhe kur ajo nuk përgjigjet më që nga ora 11.47, ai braktis kantierin dhe vrapon në shtëpi. Aty gjen trupin e Vanesës poshtë shkallëve të mbuluar nga gjaku.

Detaje të reja janë publikuar nga mediat italiane në lidhje me vrasjen e 27-vjeçares Vanessa Ballan mëngjesin e së martës 19 dhjetor, në Treviso.

Autori dyshohet të jetë Bujar Fandaj, një 41-vjeçar shqiptar me origjinë nga Kosova.

Ballan dyshohet se ka pasur një lidhje jashtëmartesore me Bujar Fandaj, të cilës dyshohet se i ka dhënë fund pak kohë më parë.

Pas ndarjes kanë lindur dhe përplasjet mes 27-vjeçares dhe 41-vjeçarit shqiptar, ku ky i fundit e shantazhonte se do t’i publikonte video intime.

27-vjeçarja, e cila ishte shtatzënë në momentin e ekzekutimit, e ka denoncuar në polici 41-vjeçarin për përndjekje.

Ajo banonte në Riese Pio X me partnerin e saj, si dhe me djalin e tyre 4-vjeçar.

Shqiptari hartoi planin e hakmarrjes dhe e vuri në zbatimin mëngjesin e së martës. Me furgonin e punës si korrier, ai shkoi në banesën e Vanesës, parkoi mjetin dhe doli në pjesën e pasme të shtëpisë.

41-vjeçari theu xhamin e pasëm, dhë mundi të futej në godinën ku banonte ish-e dashura.

Me një thikë në dorë ai e ekzekutoi 27-vjeçaren, duke e qëlluar 7 herë në bark.

Hetuesit, të udhëhequr nga prokurori Michele Permunian, e cilësuan skenën përballë të cilës ata u gjendën si një masakër të vërtetë.

27-vjeçarja u gjet në shkallët jashtë banesës nga partneri i saj rreth orës 12:00, kohë kur ai ishte kthyer nga puna për pushimin e drekës.

Karabinierët identifikuan vrasësin nëpërmjet furgonit dhe bënë të mundur arrestimin e tij pak para mesnatës, pranë banesës së tij në Altivole.

2023 fatkeqësisht nuk ka kaluar pa viktima. Shumë gra janë vrarë në mënyrë makabre nga bashkëshorti, ish-bashkëshorti, kunati, djali, babai apo motra.

19 gra të pafajshme kanë humbur jetën gjatë këtij viti që po lëmë pas.

Etleva Kurti u vra nga Dan Hutra barbarisht në oborrin e shtëpisë së saj për arsye se ai kishte konflikt me vëllain e të ndjerës.

Mevlute Hysa motra e ish-bashkëjetueses së Dan Hutrës dhe Hasime Dafku u vranë nga ai. Në mesin e kësaj tragjedie, ish-bashkëjetuesja 35-vjeçare dhe nëna e saj Kujtime Hysa 60 vjeç, mbetën të plagosura pasi ndaj tyre Dan Hutra nuk përdori plumbat e kallashnikovit, por i goditi me thikë.

Liridona Ademaj, vrasësin e saj e porositi bashkëshorti. Krimi ndodhi në sy të fëmijëve.

Amanda Pushanin e vrau e motra tek Rruga e Kavajës.

Mimoza Paja 60 vjeç, u vra aksidentalisht në një lokal në Don Bosko.

Alma Qevani u vra nga kunati i saj Tefik Tashi.

Luiza Mullalli u vra nga bashkëshorti Gjergji Mullalli.

Arjana Gllafce u vra nga bashkëshorti i cili më pas vrau dhe veten, Arben Gllafce.

Migena Sinani u vra nga kunati i saj Roland Sinani.

Vefa u vra nga ish-bashkëshorti i saj me armë zjarri, duke mbetur e vdekur në vend.

Jetmira Beka u dhunua barbarisht nga ish-bashkëshorti Besmir Ademi, u qëllua me thikë dhe si pasojë humbi jetën.

Etleva Bodi u mbyt nga bashkëshorti Selami Bodi, për arsye xhelozie.

Marjola Myrtollari u plagos nga bashkëshorti, Aleko Myrtollari, pas 1 muaj në koma humbi jetën.

Luljeta Preza u qëllua me thikë nga Aldo Brahimi dhe Ylli Grabovari.

80-vjeçari Xhevit Sinani vrau me sëpatë bashkëshorten Zeqine Sinani dhe vëllanë e tij Shaqir Sinani 72-vjeç.

Urim Hyseni vrau nënën e tij dhe më pas i piu gjakun.

Xhesika Malaj (16 vjeç), u vra nga babai i saj Taulant Malaj.

Zenepe Uruçi u vra me thikë nga bashkëshorti Xhafer Uruçi.