Gruaja 41-vjeçare që u vra nga vjehrri i saj në Zhejë të Kurbinit mëngjesin e kësaj të mërkure, dhunohej vazhdimisht edhe nga vjehrra.
Deshmia vjen nga familjarë të gruas, nënë e dy fëmijëve 15 dhe 10 vjeç. Të afërmit pohojnë se fëmijët kanë qenë në gjumë në momentin që viktima është goditur me levë në pjesën e kokës në oborrin e shtëpisë. Vera Tota ka pasur fillimisht një sherr verbal, pasi dy prindërit e bashkëshortit e akuzonin se nuk u shërbente, pohojnë të afërmit, dhe më pas grindja ka degjeneruar me dhunë, ku vjehrri 75 vjeç Ndoc Tota, pasi e ka ndjekur për disa metra në oborr, ka marrë një levë dhe e ka goditur disa herë.
Gruaja ka humbur jetën në vendngjarje, ndërsa autori i dyshuar ka tentuar të largohet, por është kapur menjëherë nga policia, që u njoftua nga fqinjët e viktimës. Sipas banorëve të fshatit Zhejë në Kurbin, 41 vjeçarja prej disa kohësh punonte si sanitare në një shkollë 9-vjeçare të zonës, ndërsa bashkëshorti si roje nate në një objekt privat.
Para një viti prindërit e bashkëshortit kishin tentuar ta vrisnin dhe për këtë arsye çifti së bashku me dy fëmijët ishin shpërngulur në qytetin e Laçit. Pasi u duk se marrëdhëniet me nusen ishin stabilizuar, familja e re ishte kthyer sërish tek prindërit.
Familjarët e Elidon Mehmetit, i cili u vra gjatë një atentati në qytetin e Vlorës, më 9 prill, mohojnë që djali i tyre të ketë qenë me precedentë të mëparshëm apo të ketë pasur konflikte me persona të tjerë, shkruan .
Babai i tij, Maliq Mehmeti, shprehet se i biri nuk kishte asnjë konflikt dhe se nuk janë të vërteta aludimet e deritanishme se i biri ishte përfshirë në fushën e narkotikëve.
Ai tregon pasaportën e Elidonit, në të cilën ka vula të shumta hyrje-daljeje në pika të ndryshme kufitare të Europës, që nga Vjena, Bolonja, Ankona etj., madje edhe pak kohë para se ai të qëllohej për vdekje me armë zjarri.
“Nuk është e vërtetë që djali im ka qenë arrestuar apo dënuar jashtë vendit dhe që ka pasur precedentë. Im bir lëvizte lirshëm dhe nuk kishte asnjë problem me policinë as në Itali dhe as në ndonjë shtet tjetër”, shprehet babai i Elidon Mehmetit, teksa tregon pasaportën e të birit, shkruan “Panorama”.Ai mohon çdo implikim të tij në vepra kriminale, duke përgënjeshtruar kështu të dhënat paraprake të policisë në lidhje me ngjarjen e ndodhur në zonën e Skelës.
Maliq Mehmeti nuk është në gjendje të japë një dyshim të tij për atë çfarë i ndodhi djalit, pasi, siç shprehet, Elidoni nuk kishte probleme, nuk ka pasur kërcënime dhe se ai punonte normalisht në qytetin e Vlorës.
Ndërkaq, policia nuk jep informacion nëse ka dyshime apo mund të jenë identifikuar autorët e ngjarjes së rëndë që i mori jetën të riut. Sipas të dhënave, ngjarja u ka kaluar në kompetencë hetimi Krimeve të Rënda, ndërsa janë duke u studiuar veç pamjeve të siguruara nga kamerat e sigurisë përreth vendit, edhe të dhëna që janë marrë nga persona që mund të kenë dijeni për ngjarjen.
Pas krimit, policia shoqëroi disa persona, por dëshmitë e tyre nuk rezultojnë t’i kenë shërbyer hetimit për identifikimin e autorit. Dyshohet që në krim të kenë marrë pjesë të paktën dy persona, njëri prej të cilëve drejtues i mjetit nga ku është qëlluar me armë zjarri, ndërsa tjetri autori i drejtpërdrejtë i këtij krimi.
Janë zbuluar detaje të reja në lidhje me krimin e rëndë brenda familjes në fshatin Zheje të Kurbinit ku vjehrri vrau nusen e djalit me levë.
Mësohet se shkak për këtë mund të jetë kujdesi i nuses ndaj vjehrrit pasi ai ankohej vazhdimisht se nusja nuk i sherbente mire dhe për këtë janë zënë vazhdimisht.
Nga hetimet e para sherri i radhës ka ndodhur mëngjesin e sotëm, kur vjehrri u ankua se ajo nuk i shërbeu kafenë. Në sherr e sipër, vjehrri rrëmbeu një levë dhe e qëlloi në kokë.
Gjithçka ndodhi në banesë, ndërkohë që dy fëmijët e çiftit ishin në gjumë, kurse burri i saj në punë. Ai eshte roje, polic privat dhe punonte gjatë natës, shkruan Panorama.
Nusja që mbeti e vdekur pasi e qëlloi vjehrri me levë është Vera Tota. Mësohet se ajo u gjet e pajetë nga fqinjët e saj, pasi vjehrri ishte larguar fill pasi e qëlloi për vdekje.
Sipas burimeve, thuhet se vjehrri kishte tentuar ta vriste nusen edhe para një viti, pas sherreve po për çështjen e shërbimit.
Njoftimi i policisë
Me datë 03.05.2017, në orët e para të mëngjesit është marrë njoftim se është gjetur e vdekur në banesë shtetasja V.T. 41 vjeçe, banuese në Zhejë – Kurbin.
Menjëherë në vendngjarje kanë mbërritur shërbimet policore ku kanë konstatuar se shtetasja V.T është goditur fizikisht me mjete të forta (levë) ku si pasojë e dëmtimeve të marra ka humbur jetën.
Nga veprimet hetimore ka rezultuar se autor i dyshuar është vjehrri i saj shtetasi Noc Tota, 75 vjeç, banues në Zhejë – Kurbin, i cili është larguar nga banesa pas ngjarjes por falë veprimeve të shpejta policore u bë e mundur kapja dhe shoqërimi i tij.
Krimi dyshohet të ketë ndodhur pas një konflikti mes autorit të dyshuar dhe viktimës pas një konflikti për motive të dobëta. Grupi hetimor në vendngjarje po vazhdon veprimet për zbardhjen e plotë të rrethanave të ngjarjes.
Një shqiptar është gjetur i pajetë mbrëmjen e djeshme në rrugën “Giamboudaki” në Heraklion të Kretës.
Siç raportojnë sot mediat helene, viktima është një 53-vjeçar shqiptar Paterjot Revaj
Shpiptari ka humbur ekulibrin ne banese ku jetonte ai ka rene nga shkallet e shtepis si pasoj ka humbur jeten personi ne fjale Paterjot Revaj banues ne Kote te Vlores Dhe prej vitesh jetonte ne Iraklio te Greqis i ndjeri ishe i martuar me 2 djem
Ekspertiza mjeko-ligjore pritet të zbardhë edhe shkaqet e vdekjes së shqiptarit.Ngushellime familjes VloraNews
Një plagosje me armë zjarri ka ndodhur të martën, në fshatin Krenzë të Kukësit, për motive pronësie.
Policia ka arrestuar 39-vjeçarin Luan Tershalla si dhe ka shpallur në kërkim vëllanë e tij 44-vjeçar, me iniciale S.T.
Këta vëllezër, në bashkëpunim me njëri-tjetrin, për motive pronësie, kanë tentuar të vrasin me armë zjarri shtetasin A.T., 26 vjeç, i cili ka mbetur i plagosur.
I plagosuri ndodhet në spital e Kukësit, jashtë rrezikut për jetën.
Pas ngjarjes tronditëse me të cilën u zgjua sot fshati Zheje të Kurbinit, të tjera detaje janë zbuluar në lidhje me krimin brenda familjes
Burime për “BalkanWeb” bëjnë me dije se nusja e cila u qëllua për vdekje me thikë nga vjehrri i saj është Vera Tota. Ishin fqinjët ata që e gjetën të pajetë Verën në oborrin e shtëpisë.
Ata shprehen se pas ngjarjes së rëndë në banesë nuk kishte asnjeri tjetër. Autori i krimit Ndoc Tota, 75 vjeç, është larguar nga banesa pas ngjarjes por falë veprimeve të shpejta policore u bë e mundur kapja dhe shoqërimi i tij.
DEKLARATA E PLOTE E POLICISE
Më datë 03.05.2017, në orët e para të mëngjesit është marrë njoftim se është gjetur e vdekur në banesë shtetasja V.T. 41 vjeçe, banuese në Zhejë – Kurbin.
Menjëherë në vendngjarje kanë mbërritur shërbimet policore ku kanë konstatuar se shtetasja V.T është goditur fizikisht me mjete të forta ( levë) ku si pasojë e dëmtimeve të marra ka humbur jetën.
Nga veprimet hetimore ka rezultuar se autor i dyshuar është vjehrri i saj shtetasi Noc Tota, 75 vjeç, banues në Zhejë – Kurbin, i cili është larguar nga banesa pas ngjarjes por falë veprimeve të shpejta policore u bë e mundur kapja dhe shoqërimi i tij.
Krimi dyshohet të ketë ndodhur pas një konflikti për motive të dobëta mes autorit të dyshuar dhe viktimës. Grupi hetimor në vendngjarje po vazhdon veprimet për zbardhjen e plotë të rrethanave të ngjarjes.
Një automjet tip “Audi” dhe një “BMW X5” po verifikohen nga grupi i hetimit në lidhje me vrasjen e ish-shefit të Antikrimit Ekonomik në Policinë e Tiranës, Ervin Dalipaj, që u ekzekutua në Sukth më 25 prill, bashkë me Xhino Dautin.
Burimet nga grupi i hetimit kanë thënë se dy automjetet kanë rezultuar në pamjet e kamerave të sigurisë të marra nga policia në një “perimetër më të gjerë” pranë vendit ku ndodhi atentati i dyfishtë në autostradë.
Nga ana tjetër, Prokuroria e Durrësit po i vazhdon hetimet ende pa autor në lidhje me vrasjen e dyfishtë, të ndodhur më 25 prill, rreth orës 13:55, në afërsi të “Mbikalimit të Sukthit”.
Në hetim janë të dyja pistat, ajo e një atentati për të vrarë Ervin Dalipajn, që ishte në kërkim për rrëmbim personi e vrasje, por po hetohet edhe mundësia e një sulmi me objektiv viktimën tjetër, Xhino Dauti, person me precedentë të fortë penalë në të shkuarën.
Pikërisht në lidhje me këtë pistë, mësohet se Policia e Prokuroria kanë kryer ditët e fundit disa veprime në Fier dhe në Vlorë. Xhino Dauti, i cili u vra nga breshëria e plumbave mbi makinën që drejtonte Ervin Dalipaj, ishte dënuar nga Gjykata e Vlorës për vrasjen e kampionit të bilardos, Fatjon Bani.
Krimi ka ndodhur në orën 19:20 të datës 17 mars 2012, por pas dënimit të dhënë në Gjykatën e Shkallës së Parë në Vlorë, ka qenë Gjykata e Apelit në këtë qytet që i ka dhënë pafajësinë. Sipas hetimeve, Xhino Dauti u kthye në Shqipëri rreth tri javë më parë nga Italia, pasi edhe Gjykata e Lartë la në fuqi pafajësinë e tij.
Pikërisht në një dokument zyrtar të Prokurorisë së Vlorës, ku është bërë rekurs në lidhje me pafajësinë e dhënë nga Apeli për Xhino Dautin, përshkruhet edhe një dëshmi që, sipas akuzës, flet për raportet që ka pasur Xhino Dauti në Itali me viktimën Fatjon Bani.
PROKURORIA
Në rekursin e Prokurorisë thuhet se gjatë qëndrimit në Itali, viktima Fatjon Bani dhe Xhino Dauti kanë pasur një llogari borxhi mes tyre në lidhje me shitblerjen e kokainës, fakt ky që dëshmohet sipas akuzës nga shtetasi D.I.
Prokuroria bën me dije se ky shtetas, ndërmjet të tjerave, ka shpjeguar se “…Arrita të siguroj nga një italian një sasi prej 200 gramësh kokainë dhe të dy së bashku ia çuam shokut të Fatjonit, për të cilin e di se është nga Vlora, por emrin nuk ia di. Në lidhje me lekët, sqaroj se mallin e bleva unë nga italiani, ndërsa Fatjoni më doli garant se do të m’i jepte pas një muaji. Kur u ktheva e takova dhe i thashë çfarë po bëhet me lekët dhe ai më tha se shoku nuk i kishte mbaruar punë e më kërkoi të mos e vras mendjen. Në vitin 2011, mesa më kujtohet, jam takuar me Fatjonin dhe kemi biseduar rreth këtij problemi. Fajtoni më ka thënë se shoku i tij nga Vlora, sasinë prej 200 gramësh ia kishte dhënë një personi nga Fieri”, citohet në dëshminë e përmendur në rekurs nga Prokuroria.
Organi i akuzës thekson se nga dëshmi të tjera ishte mësuar se konflikti ishte për një shumë 5-6 mijë euro. Rekursi i organit të akuzës nuk është pranuar në Gjykatën e Lartë, duke u rrëzuar që në Dhomën e Këshillimit pak kohë më parë.
Pas këtij vendimi, Xhino Dauti, i njohur edhe me emrin Juxhin, ka ardhur disa javë më parë në Shqipëri, por një javë më parë është qëlluar për vdekje, teksa ndodhej në makinë me Ervin Dalipajn.
.jpg)
