Dukati

“Hapja graduale rrit imunitetin”/ Pipero: Rastet e fundit nuk dëshmojnë sëmundshmëri, por rënien në kontakt

Aktualitet, Opinione, Shendetesi / /

Mjeku i njohur Pëllumb Pipero e konsideron të qetë dhe të butë epideminë në vendin tonë pavarësisht një rritjeje të ndjeshme të numrit të të infektuarve në 24 orët e fundit.

Gjatë një interviste televizive, Pipero tha se “sot kemi 18 raste pozitive, por dje dhe sot nuk kemi asnjë rast të ri të shtruar. Janë raste që nuk dëshmojnë sëmundshmëri, por rënien në kontakt”.

Por Pipero apelon që qytetarët nuk duhet të humbasin kujdesin dhe vëmendjen përballë koronavirusit.

“Është një virus me shumë të panjohura dhe vendet që nuk kanë respektuar gradualitetin janë kthyer pas në masa. Hapja duhet të jetë graduale dhe rajonale, pasi ato mikrovatra që janë ende t’i mbajmë të survejuara, të mos na ndodhi t’i kthejmë mbrapsht”, tha Pipero, duke theksuar se është shumë e rëndësishme mbajtja e distancës fizike dhe larja e duarve nga qytetarët.

Ai theksoi se rastet edhe pse sporadike janë pa komplikacione, duke nënvizuar se epidemia është nën kontroll.

“Ka një teori që me kalimin nga një person në një tjetër bie virulenca dhe ky është fakt. Dhe ekspozimi, vazhdimi i hapjes do na japi dy gjëra: së pari në aspektin psikologjik do jemi më të qetë, në aspektin ekonomik po e po , por edhe rritja e imunitetit”, deklaroi mjeku Pipero.

Ai theksoi se “virusi tek ne ka jo vetëm rënie të qarkullimit të transmetueshmërisë, por edhe rënie të virulencës, nuk është më agresiv sa ka qenë. Pra nuk sjell sëmundje, sjell rritje të mbrojtjes”./atsh

“Hapja graduale rrit imunitetin”/ Pipero: Rastet e fundit nuk dëshmojnë sëmundshmëri, por rënien në kontakt Read More »

“Heqja e TVSH-së për jahtet”/ Klosi: Ngremë një industri të munguar në Shqipëri, krijojmë më shumë punësim

Aktualitet, Lajmi i fundit / /

Ministri i Turizmit dhe Mjedisit, Blendi Klosi deklaroi sot në Kuvend se ligji për heqjen e TVSH-së për jahtet është një mekanizëm ekonomik që kërkon të ngrejë një industri të munguar në Shqipëri dhe të krijojë më shumë punësim.

Gjatë diskutimit në Kuvend lidhur me heqjen e TVSH-së për jahtet, Klosi tha se nga ky ligj nuk ka asnjë humbje në buxhetin e shtetit sepse kjo industri nuk ekziston në Shqipëri.

“Të flasësh për turizmin nuk mund të jetë vetëm turizmi i detit, i natyrës, i trashëgimisë natyrore, por duhet të ngremë një politikë të madhe që shfrytëzon çdo mundësi që ka ky vend dhe që sjell në vëmendje mundësi reale, më shumë punësim dhe mirëqenie”, tha Klosi.

Ai theksoi se turizmi është një industri që prodhon punësim dhe para dhe ka shumë degë të saj që duhet të marrin zhvillim.

Në këtë kuadër, Klosi tha se “vjen edhe kjo paketë ligjore që shoqërohet me dy ligje, me atë për turizmin detar dhe ky për heqjen e TVSH-së së jahteve”.

“Ky ligj ka nevojë të debatohet dhe të shikohet por që debati të kthehet se kush përfiton, është debati më i gabuar që i bëhet një politike të re ekonomike. Një debat si atëherë kur ulëm TVSH-në e hoteleve nga 20% e çuam në 6%, për ato hotele që sot janë mekanizëm i vërtetë në gjithë hapësirën turistike të vendit. Kështu debatuat dhe kur ndërtuam strategjinë e hoteleve me 4-5 yje, dhe sot kemi një sërë markash në hotelerinë shqiptare. Edhe për agroturizmin këtë debat bëtë”, kujtoi Klosi.

Klosi tha se “ne synojmë të bëhemi një vend atraksioni për një industri të re që duhet të ndërtohet në Shqipëri”.

“Kjo industri ekziston në të gjitha vendet e Mesdheut. Ne na duhet të ngremë një paketë lehtësirash fiskale që në Shqipëri të gjejmë vend për të ngritur një industri të re të detit për të hapur më shumë vende pune. Ka mbi 6 milionë mjete lundruese në Mesdhe, ndërsa në Shqipëri thuajse zero. Është një industri e munguar që do tentojmë fort ta krijojmë në vendin tonë për të sjellë ndryshimin e imazhit të Shqipërisë. Me jahte që nuk i përkasin shumë biznesmenëve shqiptare, por janë jahte europiane që kërkojnë të zhdoganohen në Shqipëri. /atsh

“Heqja e TVSH-së për jahtet”/ Klosi: Ngremë një industri të munguar në Shqipëri, krijojmë më shumë punësim Read More »

“Rishfaqje e COVID-19 në shtator, por jo kaq agresiv”/ Mjeku Kalo: Vetëndërgjegjësim nga qytetarët, respektim i distancës në plazhe

Opinione, Shendetesi / /

Mjeku i njohur infeksionist Tritan Kalo deklaroi sot se “nuk do të ketë një rikthim, por një rishfaqje të virusit COVID-19. Mendoj që shfaqja e këtij virusi nuk do të jetë më agresiv, hapësira kohore nga 13 maji, deri në shtator, ka disa muaj dhe kontaktet sporadike do të na ndihmojnë që të kemi më shumë imunitet”.

Në një intervistë televizive, Kalo theksoi se “virusi COVID-19 nuk është në grahmat e fundit, por si një sëmundje respiratore, shkon në një vetëshuarje, por jo të plotë. Gradualisht COVID-19 do të klasifikohet si infeksion i vijave respiratore”.

Sipas tij, në verë kemi disa infeksione që kalohen shpesh në plazh dhe kanë si simptoma gripi.

“Me ardhjen e vjeshtës do të riaktivizohen dhe pa dyshim midis tyre nga tamponet që do të merren, detyrimisht do të jetë i pranishëm edhe COVID-19”, – shtoi Kalo.

Mjeku Kalo u shpreh se “virusi në karakteristika nuk ka ngjashmëri me viruset e parafabrikuara si një pjesë e arsenalit të armëve biologjike, nuk ka asnjë gjë të saktë, duhen studime më të thelluara. Më shumë duket një betejë tërheqje vëmendjeje, se një saktësim i krijimit të këtij virusi”.

I pyetur nëse do të shkonte në një dasmë, Kalo tha se “nuk do refuzoja asnjë ftesë për dasmë, por duhet me qenë të kujdesshëm. Teprime në përqafime dhe puthje duhet të besojmë që janë të tepërta. Koka të na hyjë më shumë në veprim dhe më pak duart”.

“Edhe plazhi me kujdes. Duke respektuar distancën dhe në ato plazhe ku nuk ka derdhje të ujërave të zeza ka rrezik minimal”, shtoi ai.

I pyetur për zërat nga opozita se është fshehur numri i të vdekurve nga COVID-19, mjeku Kalo tha se “Tajlanda është vendi i parë ku janë parë të sëmurët e parë, pas Kinës. Qeveria tajlandeze mori masa të menjëhershme, nuk priti që të shpallej pandemia nga OBSH. Mori masa drastike. Është ngritur dikush nga opozita tajlandeze të thotë pse na i fshihni të vdekurit?”

“E palogjikshme të kërkosh të vdekur kur nuk ka. Nuk ka asnjë arsye për të fshehur të vdekurit pasi individët janë të regjistruar në regjistrat e spitale dhe është kollaj për të identifikuar. Është një lojë që nuk ia vlen të merresh me të, nuk bëhet politikë me të vdekur, por të bashkojmë krahët për ta luftuar”, tha Kalo./atsh

“Rishfaqje e COVID-19 në shtator, por jo kaq agresiv”/ Mjeku Kalo: Vetëndërgjegjësim nga qytetarët, respektim i distancës në plazhe Read More »

Të dhënat mbi tokën bujqësore në një platformë online

Aktualitet / /

Të dhënat mbi tokën bujqësore do të publikohen në një platformë online.

Sipas udhëzimit të Ministrisë së Bujqësisë, dhe Zhvillimit Rural të publikuar sot në Fletoren Zyrtare, “Për krijimin e informacionit mbi tokën bujqësore nga zbatimi i programit “Menaxhimi i qëndrueshëm tokës bujqësore”, do të krijohet programi “WEB GIS” për të dhënat e tokës.

Udhëzimi citon se, të dhënat që do të integrohen në programin e “WEB GIS” janë: a) harta e tipeve të tokës bujqësore; b) harta e përshtatshmërisë së tokës bujqësore; c) të dhënat e tokës në nivel parcele; d) harta e përdorimit/mbulesës së tokës; e) hartat e rrezikut potencial dhe aktual të erozionit; f) rrjeti rrugor; g) ndërtimet; h) rrjeti ujitës dhe kullues.

Për zbatimin e këtij udhëzimi ngarkohen Drejtoria e Përgjithshme e Politikave të Bujqësisë, Sigurisë Ushqimore dhe Zhvillimit Rural në Ministrinë e Bujqësisë dhe Zhvillimit Rural, QTTB Fushë Krujë, DAMT-të pranë këshillave të qarqeve dhe ZMMT-të pranë bashkive.
Ky udhëzim është në kuadër të krijimit të informacionit mbi tokën bujqësore, me qëllim manaxhimin e qëndrueshëm të saj, që i hap rrugë zgjidhjes së problematikës me titujt e pronësisë dhe më pronën në tërësi./atsh

Të dhënat mbi tokën bujqësore në një platformë online Read More »

“Brenda majit të gjithë punonjësit marrin pagën e luftës”/ Klosi: Hapja e sezonit turistik e kujdesshme dhe në kohën e duhur

Aktualitet, Turizem / /

“Investimet që kemi bërë në turizëm si dhe menaxhimi i mbarë që i bëmë pandemisë, na bën që sot të jemi të gatshëm të bëjmë konkurrencë me vendet më të fuqishme në sektorin e turizmit. Pra të konkurrosh Greqinë, Kroacinë, Malin e Zi, konkurrosh Turqinë, Italinë në sektorin e turizmit është një arritje e madhe”, tha sot ministri i Turizmit dhe Mjedisit, Blendi Klosi gjatë një interviste televizive.

Duke folur për sezonin turistik në situatën e pandemisë, Klosi tha se do presim çfarë thonë mjekët dhe ekspertë në lidhje me pandeminë, pasi turizmi nuk është lejuar në asnjë vend.

“Por nëse do të çedojmë nga kjo situatë e kontrolluar dhe të themi se nuk na prek COVID-19, se jemi nga Vlora mund të dëmtohemi shumë dhe të bëjmë gabime që mund të na shkatërrojnë këtë gjë të mirë që kemi arritur. Prandaj le të jemi zbatues të atyre çfarë thonë mjekët, të shikojmë se çfarë ndodh në vendet e rajonit dhe plazhi akoma nuk është lejuar në asnjë vend. Po përpiqemi fortë që të kemi një situatë të kontrolluar dhe jo të dalë nga kontrolli e cila pastaj do na çonte në një situatë të vështirë. Le të themi se të gjithë këto masa i marrim për jetën e njerëzve, nëse harrojmë se nuk është pandemia harrojmë shumë gjëra të tjera. Mos të harrojmë se jemi në një situatë të jashtëzakonshme dhe të ruajmë, rregullin për të ruajtur jetën e njerëzve”, tha ai.

Klosi shton se “ne e dimë situatë edhe problemet, nevojën që kanë hotelierët për një kohë përgatitore, prandaj kemi nxjerrë dhe protokollin dhe jemi në një proces diskutimi se çfarë masash do marrim. Në momentin e duhur do hapemi të kujdesshëm. Dhe të shkojmë në një situatë të qetë në qershor-korrik-gusht që të jemi të sigurt që të bëjmë plazhet në rregull. Jemi në kushte ku pandemia është aktive dhe duhet të shpëtojmë jetën e njerëzve, pastaj do shikojmë dhe rregullat si do ecim dhe do procedojmë”.

Duke folur për pagë e luftës në mbështetje të sektorit të turizmit Klosi tha se 130 mijë persona kanë marrë pagën e luftës dhe brenda muajt do ta kenë marrë të gjithë punonjësit në sektorin e turizmit.

“Përsa i përket pagave të luftës paketa e dytë e mbështetjes i dha mbështetje 100% të gjithë strukturave hoteliere për marrjen e pagës së luftës. Pjesa më e madhe e kanë marrë pagën e luftës, ka raste që nuk e kanë marrë kanë pas probleme. Brenda muajt maj të gjitha atë që u takon paga e luftës do ta marrin. Edhe sot janë shpërndarë paga në llogari bankare të secilit punonjës dhe kjo ka qenë filozofia e dy paketave të para që të mbështesim ata më në nevojë dhe paga e luftës do të shkojë të të gjithë ata që e meritojnë. Paga e luftës është 400 mijë lekë dhe e kanë marrë deri para pak ditësh 130 mijë vetë”, tha Klosi. /atsh

“Brenda majit të gjithë punonjësit marrin pagën e luftës”/ Klosi: Hapja e sezonit turistik e kujdesshme dhe në kohën e duhur Read More »

“Kurrë nuk ka qenë kaq ndërkombëtare Dita e Infermierëve”/ Na mësuan se hero të bën sakrifica

Shendetesi / /

Në Ditën Ndërkombëtare të Infermierëve, Kryeministri Edi Rama shprehu mirënjohjen ndaj çdo infermieri në Shqipëri.

‘Mirëmëngjes. Kurrë nuk ka qenë kaq ndërkombëtare dita e tyre! Infermierët që kemi parë me sy të trishtuar, me vragat në fytyrë prej turneve të gjata si luftëtarët e pamposhtur me COVID-19, na mësuan se hero të bën sakrifica”, tha Rama.

Dita Ndërkombëtare e Infermierëve i gjen infermierët shqiptarë, si kudo në botë, në vijën e parë të frontit, në përballjen me pandeminë e COVID-19./atsh

“Kurrë nuk ka qenë kaq ndërkombëtare Dita e Infermierëve”/ Na mësuan se hero të bën sakrifica Read More »

Ministria e Shëndetësisë: 4 raste të reja, numri më i ulët në 8 javët e fundit

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka bërë të ditur se në 24 orët e fundit janë testuar 121 qytetarë të dyshuar si të prekur me COVID-19 dhe kanë rezultuar pozitivë 4 qytetarë, përkatësisht 2 qytetarë në Tiranë, 1 në Kamëz dhe 1 në Shkodër.

Ekspertja e Institutit të Shëndetit Publik, dr. Eugena Tomini, tha sot në komunikimin e drejtpërdrejtë me mediet se “sot është numri më i ulët i rasteve ditore pozitive, e përllogaritur në 8 javët e fundit. Situata epidemiologjike në vend paraqitet e qëndrueshme mbështetur në identifikimin e rasteve të deritanishme dhe gjurmimin epidemiologjik në mënyrë aktive. Bazuar në të dhënat e deritanishme vlerësohet se numri efektiv i riprodhimit nga data 24 prill e në vazhdim ka zbritur nën kufirin kritik (për R < 1)”.

“Në 24 orët të fundit janë testuar 121 qytetarë të dyshuar si të prekur me Covid-19 dhe kanë rezultuar pozitivë 4 qytetarë, përkatësisht 2 qytetarë në Tiranë, 1 në Kamëz dhe 1 në Shkodër. Të shëruar janë 4 qytetarë. Deri më sot janë konfirmuar pozitivë me COVID-19 në të gjithë vendin 872 qytetarë”, – nënvizoi Tomini.

Sipas saj, në të gjithë vendin aktualisht janë 187 persona aktivë me COVID-19, kryesisht në Tiranë, Krujë, Shkodër, Kamëz.

“Pavarësisht lehtësimit të masave, Ministria e Shëndetësisë dhe Mbrojtjes Sociale i fton qytetarët të respektojnë rregullat, të ruajnë distancimin fizik dhe higjienën personale; bizneset të zbatojnë protokollet e sigurisë për të ruajtur shëndetin e qytetarëve”, – tha Tomini.

Qytetarët duhet të jenë të kujdesshëm të mos neglizhojnë shenjat e sëmundjes COVID-19, ndaj ju lutemi telefoni në numrin unik të Urgjencës Kombëtare, 127.

Për informacion në lidhje me COVID-19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40

COVID-19 – Statistika (11 maj 2020)
Testime totale 11089
Testime molekulare 10559
Testime serologjike 530
Raste pozitive 872
Raste të shëruara 654
Raste Aktive 187
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 87
Krujë 56
Shkodër 17
Kamëz 12
Fier 5
Kurbin 3
Elbasan 3
Mirditë 1
Berat 1
Durrës 1
Korçë 1/atsh

Ministria e Shëndetësisë: 4 raste të reja, numri më i ulët në 8 javët e fundit Read More »

Ministria e Shëndetësisë: 4 raste të reja, numri më i ulët në 8 javët e fundit

Aktualitet, Lajmi i fundit, Shendetesi / /

Ministria e Shëndetësisë dhe Mbrojtjes Sociale ka bërë të ditur se në 24 orët e fundit janë testuar 121 qytetarë të dyshuar si të prekur me Covid-19 dhe kanë rezultuar pozitivë 4 qytetarë, përkatësisht 2 qytetarë në Tiranë, 1 në Kamëz dhe 1 në Shkodër.

Ekspertja e Institutit të Shëndetit Publik, dr. Eugena Tomini, tha sot në komunikimin e drejtpërdrejtë me mediet se “sot është numri më i ulët i rasteve ditore pozitive, e përllogaritur në 8 javët e fundit. Situata epidemiologjike në vend paraqitet e qëndrueshme mbeshtetur në identifikimin e rasteve të deritanishme dhe gjurmimin epidemiologjik në mënyrë aktive. Bazuar në të dhënat e deritanishme vlerësohet se numri efektiv i riprodhimit nga data 24 prill e në vazhdim ka zbritur nën kufirin kritik (për R < 1)”.

“Në 24 orët të fundit janë testuar 121 qytetarë të dyshuar si të prekur me Covid-19 dhe kanë rezultuar pozitivë 4 qytetarë, përkatësisht 2 qytetarë në Tiranë, 1 në Kamëz dhe 1 në Shkodër. Të shëruar janë 4 qytetarë. Deri më sot janë konfirmuar pozitivë me COVID-19 në të gjithë vendin 872 qytetarë”, – nënvizoi Tomini.

Sipas saj, në të gjithë vendin aktualisht janë 187 persona aktivë me COVID19, kryesisht në Tiranë, Krujë, Shkodër, Kamëz.

“Pavarësisht lehtësimit të masave, Ministria e Shëndetësisë dhe Mbrojtjes Sociale i fton qytetarët të respektojnë rregullat, të ruajnë distancimin fizik dhe higjienën personale; bizneset të zbatojnë protokollet e sigurisë për të ruajtur shëndetin e qytetarëve”, – tha Tomini.

Qytetarët duhet të jenë të kujdesshëm të mos neglizhojnë shenjat e sëmundjes Covid-19, ndaj ju lutemi telefoni në numrin unik të Urgjencës Kombëtare, 127.

Për informacion në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40

COVID-19 – Statistika (11 Maj 2020)
Testime totale 11089
Testime molekulare 10559
Testime serologjike 530
Raste pozitive 872
Raste të shëruara 654
Raste Aktive 187
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 87
Krujë 56
Shkodër 17
Kamëz 12
Fier 5
Kurbin 3
Elbasan 3
Mirditë 1
Berat 1
Durrës 1
Korçë 1/atsh

Ministria e Shëndetësisë: 4 raste të reja, numri më i ulët në 8 javët e fundit Read More »

WP2Social Auto Publish Powered By : XYZScripts.com