Natën e kaluar u vodh Kisha Françeska dhe pas kësaj ngjarje policia arrestoi autorin Kristian Arra, 26 vjeç. Nderkohe mesohet se pak kohë më parë në Shkodër sipas burimeve është vjedhur edhe xhamia e Parrucës. Tashmë xhamitë dhe kishat po kthehen në të ‘preferuarat’ e hajdutëve.
Kështu nëse në Kishën Françeskane autori s’ka vjedhur më shumë se 7 mijë lekë të vjetër, në xhaminë e Parrucës raportohet se janë vjedhur afro 1 milion e gjysëm lekë të vjetër. Patjetër që edhe ky është një rast i rëndë sepse besimtarët i japin paratë e tyre në kisha dhe xhamia për të varfërit ose si kontribut për klerin.
Duke ditur se në arkat për hedhjen e lëmoshës hidhen para hajdutët tashmë po shtojnë aksionet e tyre keqbërëse në objektet e kultit. Kujtomë që pak kohë më parë pre e vjedhjes ka rënë edhe xhamia e Mjedës ndërsa po ashtu ka patur edhe raste të tjera në kisha dhe xhamia. Përshembull para 6 vitesh sërish Kisha Françeskane është vjedhur ndërsa që nga ajo kohë rastet e vjedhjeve në objektet e kultit janë shtuar ndjeshëm ndërsa policia në disa raste ka arritur të arrestojë autorët ndërsa në disa raste të tjera ia kanë dalë paq./ShkodraNews
