Shqiptarët mund të udhëtojnë lirisht dhe pa asnjë detyrim kufizues, në Kosovë, Maqedoni dhe Malin e Zi.
Gjithashtu shqiptarët mund të shkojnë edhe në Turqi, me pushime apo për çështje të tjera, por duhet të kenë një test PCR Covid-19 me afat 72 orësh.
Ndërsa vendet fqinjë si Italia dhe Greqia po vazhdojnë të mbajnë të mbyllur kufijtë për pjesën më të madhe të shqiptarëve edhe pse ata kanë mijëra raste ditore të infektuarish kurse ne, tek-tuk.
Ajo që bie në sy është se Shqipëria nuk po e zbaton parimin e reciprocitetit ashtu siç ka bërë dhe vazhdon të ketë në fuqi Kosova. Kjo do të thotë që qytetarët e vendeve që nuk lejojnë shtetasit e vet të hyjnë pa kufizime, trajtohen në të njëjtën mënyrë dhe nga shteti tjetër.
Italia deri në 30 korrik sipas shtyrjes më të fundit, pranon vetëm raste shumë të rralla që shqiptarët të futen në atë vend.
Ndërsa Greqia po shfrytëzon pandeminë për të mos mbetur pa punëtorë sezonalë dhe ka hapur kufijtë edhe për ta. Shtyrja e radhës është bërë deri 14 qershor. Gjithsesi nesër më 9 qershor qeveria greke pritet të mblidhet për të njoftuar heqjen e të tjerave kufizime dhe në diskutim janë edhe kufijtë me Shqipërinë. /noa.al
