Një fermer palestinez ka zbuluar një mozaik të zbukuruar bizantin në dysheme ndërsa përpiqej të mbillte një pemë ulliri në tokën e tij në Rripin e Gazë
Salman al-Nabahin tha se ai dhe djali i tij kishin gërmuar në tokë kur zbuluan reliktin. Më vonë ata zbuluan disa seksione të tjera që përshkruanin kafshë dhe zogj shumëngjyrëshe.
Ishte duke mbjellë pemë me djalin e tij, fermeri mbetet pa fjalë
Sipas BBC, ekspertët e kanë quajtur atë një nga thesaret më të mëdha arkeologjike të gjetura ndonjëherë në Gaza. Nabahin i tha agjencisë së lajmeve Reuters se kishte kuptuar se mozaiku i përkiste epokës bizantine pas kërkimit në internet.
“Unë e shoh atë si një thesar, më të shtrenjtë se një thesar. Është një trashëgimi palestineze,” tha zoti Nabahim.
Arkeologu René Elter, nga Shkolla Biblike dhe Arkeologjike Franceze e Jerusalemit, tha se mozaiku ishte “i jashtëzakonshëm”.
“Këto janë dyshemetë më të bukura të mozaikut të zbuluara në Gaza, si për nga cilësia e paraqitjes grafike ashtu edhe për nga kompleksiteti i gjeometrisë. Kurrë nuk janë zbuluar dyshemetë me mozaik të kësaj finese, kjo saktësi në grafikë dhe pasuri e ngjyrave në Rripin e Gazës”, tha ai.
Ministria Palestineze e Turizmit dhe Antikiteteve tha se ekspertë ndërkombëtarë po silleshin për të përfunduar gërmimin e vendit. Rripi i Gazës dikur ishte një rrugë tregtare plot gjallëri për qytetërimet. Është i pasur me antika.
Perandoria Bizantine ishte gjysma lindore e Perandorisë Romake, e cila mund të gjurmohet në vitin 330 pas Krishtit dhe mbijetoi për më shumë se një mijë vjet.
