[sgmb id=”1″]
Një i ri është arrestuar pasi ka vjedhur një automjet tip Smart” të parkuar në afërsi të një lokali në Devoll.
Arbër Voci, 32 vjeç, banues në fshatin Vishocicë-Devoll është vënë në pranga.
Arrestimi i tij u bë pas kallëzimit të bërë nga S.V, 27 vjeç, banues në Korçë, i cili ka deklaruar se më datë 23.05.2017, në Bilisht, në afërsi të një lokali i kanë vjedhur automjetin tip “SMART” me targa AA 138 PG, në pronësi të tij.
Pas marrjes të këtij njoftimi, shërbimet e Policisë koordinuan veprimet e tyre, me qëllim që të bëhej i mundur identifikimi dhe kapja e autorit.
Konkretisht, në Zëmblak, në pikën e kontrollit të ngritur nga ana e strukturave të DVP-Korçë, u bë i mundur ndalimi i mjetit të lartpërmendur, kapja dhe arrestimi në flagrancë i autorit të dyshuar të ngjarjes, bëjnë me dije sot burime zyrtare nga policia lokale.
Materialet i kaluan Prokurorisë të Rrethit Gjyqësor Korçë për veprën penale “Vjedhja”.
