Pas një dite shumë intensive me takime, siç ishte ky i sotmi me ministrin e Jashtëm gjerman, Sigmark Gabriel, kryeministri Edi Rama ka gjetur dhe pak kohë për replika me komentuesit në ‘Facebook’.
Teksa ai njoftonte për intervistë televizive sot në media, ku në foks do jenë zgjedhjet e 18 qershorit, kreu i qeverisë nuk ka nguruar t’u kthejë përgjigje qytetarëve. Mes komenteve spikat ai i një qytetari, i cili i kërkon Ramës një nder: “Edi Ramaaaaaa bëji nji nder Shqiperise, vetëvritu!!!”.
E menjëhershme ka qenë dhe përgjigjja e kryeministrit, ku i shpjegon se këtë veprim ekstrem e bëjnë ultrasit dhe se ai nuk ishte i tillë. Ndërkohë, një tjetër komentues i kërkon Ramës që ta bëjë Shqipërinë si Gjermania, ndërsa kryeministri i kthen përgjigje tërë humor.
